影片
更多
2018-07-07
953 瀏覽
以前讀香港大學嘅時候，地鐵未開落堅尼地城就只有搭小巴。其實都好似有聽過吓士美菲路市政大樓3樓有間大排檔幾好食，但係又唔會無啦啦朝早去到食架我無住Hall。而家搬咗去堅尼地城住就好多時候可以去周圍食下野，呢間誠記我就聽過有人食完個面便沙嗲湯底都要飲晒。我心諗誇張咁就一定要試吓啦。咁環境上邊市政大樓來講佢真係算乾淨，座位上都算闊落，冷氣都夠。Open seating 自己隨便坐。冇茶餐乜都冇所有野都係單點。介紹翻沙嗲牛肉，肉片唔算切得太厚亦都唔會太削。食落都幾入沙嗲味，應該有預先醃過，唔算會好似出邊嗰啲茶餐廳沙嗲還沙嗲肉片還肉片。公仔麵就唔係出前一丁亦都冇得俾你加錢揀出前一丁不過都唔係一個好大嘅問題。至與佢嘅湯底，沙嗲味濃，唔會太杰都唔會太咸。唔算超heavy。值得一讚嘅就係佢出碗麵嘅時候，成碗面係好熱辣辣真係好耐冇試過可以所有嘅配料都係辣嘴。如果之前嗰晚飲咗酒，呢碗麵真係戒酒一絕。當然重口味野嘅就一定要搵啲balance 返，我就帶咗一份奶醬多同埋一杯大嘅凍鴛鴦。驚喜嘅係佢嘅鴛鴦茶味好香，同咖啡味好夾。奶醬多嘅多士係厚身麵包，都唔係度度有得食。整體而言，誠記出品比界外一般嘅茶餐廳或者連鎖
而家搬咗去堅尼地城住就好多時候可以去周圍食下野，呢間誠記我就聽過有人食完個面便沙嗲湯底都要飲晒。我心諗誇張咁就一定要試吓啦。
咁環境上邊市政大樓來講佢真係算乾淨，座位上都算闊落，冷氣都夠。Open seating 自己隨便坐。冇茶餐乜都冇所有野都係單點。
介紹翻沙嗲牛肉，肉片唔算切得太厚亦都唔會太削。食落都幾入沙嗲味，應該有預先醃過，唔算會好似出邊嗰啲茶餐廳沙嗲還沙嗲肉片還肉片。公仔麵就唔係出前一丁亦都冇得俾你加錢揀出前一丁不過都唔係一個好大嘅問題。至與佢嘅湯底，沙嗲味濃，唔會太杰都唔會太咸。唔算超heavy。值得一讚嘅就係佢出碗麵嘅時候，成碗面係好熱辣辣真係好耐冇試過可以所有嘅配料都係辣嘴。如果之前嗰晚飲咗酒，呢碗麵真係戒酒一絕。
當然重口味野嘅就一定要搵啲balance 返，我就帶咗一份奶醬多同埋一杯大嘅凍鴛鴦。驚喜嘅係佢嘅鴛鴦茶味好香，同咖啡味好夾。奶醬多嘅多士係厚身麵包，都唔係度度有得食。
整體而言，誠記出品比界外一般嘅茶餐廳或者連鎖快餐有誠意有保證。可以搵返以前做細路嘅時候同屋企人星期日出去玩之前食早餐嘅感覺。
沙嗲牛肉煎蛋公仔面
38 瀏覽
1 讚好
0 留言
張貼
