親親甜品屋

營業中

休息中

雖然晚餐食到好飽，但甜品係放第二個胃，加上好少經過鳳凰新邨同仲有咁傳統既中式糖水，所以點都要試下D度的糖水。就算撐破肚子都叫左一人一碗糖水，糖水好大碗下，事後先諗返其實可以Share。即磨芝麻糊，芝麻糊味道一般，而且唔夠滑，建議試其他甜品。補腦合桃糊，好少糖水舖仲有合桃糊，但D個味道比較淡，合桃味不是太出，幸好都夠滑。另外仲加左$10 兩粒湯圓，雖然有D貴，但見到湯丸係員工自己搓，夠晒新鮮，味道都唔錯。整體而言，糖水好大碗下，相當抵食，糖水唔會太甜，感覺健康D，味道不過不失。最後見到隔離檯叫左芒果類甜品，賣相幾好，下次可以一試。

落街跑完步熱熱地，突然間好想食甜品，就衝入黎食。一向鍾意食芒果甜品，就諗住無伏地叫個金玉滿堂。黎到個賣相都幾靚，芒果肉製成一粒粒圓丸狀，配料有哈蜜瓜，椰果等，淋上芒果汁，味道很是清甜濃郁。芒果都係好軟腍好甜，正常唔錯嘅甜品，令我過左一個清涼嘅夜晚.

Discovered this place after dining at Fuller Restaurant KitchenThe mango is also superfood with over 20 vitamins & mineralsso that i love it. It taste so good as a juicy dessert.

一開始同女朋友一齊 我地好中意去跑步 但次次都以跑步為名 食糖水為實我地次次都會叫芒果小丸子同燒賣我同我女友都好中意食芒果 而小丸子又有d野咬 通常食個d小丸子都係好硬好難嚼 今次有驚喜 D果肉甜得黎唔假 而小丸子煙煙韌韌一個都係30蚊左右 岩曬我地呢d年青人 而佢d燒賣係我女友既飛佛 佢蒸得岩岩好 再加佢d秘製辣油同豉油 無得頂個到d姨姨好好人 我地同d姨姨傾下計 佢地請我地食隻蛋 好難得仲有d咁多既鋪頭

下午去配眼鏡，又到未晚飯時間有點肚餓，便去配眼鏡旁間甜品店找吃，不過味道就一般。******************************要了一碗豆腐花和一份燒賣2份吃。燒賣味道不錯，不過就細粒d。豆腐花入口一般，沒什麼豆味。

每天經過親親甜品, 早上賣水果, 晚間賣甜品, 老闆好忙好忙, 但每次看到他都笑面迎人, 令我對甜品屋有好好的印象.今晚突然想到他, 店子雖然迫滿客人, 有外賣的有等位的, 但我們還是叫了外賣, 這次是腐竹糖水. 腐竹糖水老闆先揚聲沒有雞蛋, 我沒所謂, 心想平日有一顆雞蛋放入面我都不吃~怎料沒有雞蛋是連蛋花都省了......腐竹很綿, 已看不到一片片了. 感覺似吃粥, 每一口都是腐竹!內有白果, 一顆顆都有十多粒, 聽說白果對身體好, 我都吃了.另外有我喜歡的薏米, 已煲到好綿. 很少地方在糖水內加薏米, 除非糖水名內有薏米兩字.今晚好滿足

再次幫襯，今次試左新野賣相超吸引，成個甜品堆到滿溢出黎。上枱既時候，我男人都忍唔住講左句：「真係無從入手！」生果包括芒果、奇異果、西瓜、哈蜜瓜、同蜜瓜。所以生果都貫徹一向既新鮮甜美！其他材料有椰果、小丸子、雲呢拿軟雪糕同灑係面既彩虹糖粉。雲呢拿雪糕香甜濃郁，對於嗜甜既我係甜而不膩既！椰果同小丸子既煙韌度做得恰度好處，彈牙唔黐口。滿口新鮮生果，加上滑一滑既雲呢拿軟雪糕，猶如置身於「兒童樂園」之中，完全感受到個種愉快、歡樂、滿足！最後連不嬲不嗜甜食既我男人食完都大讚：「咁細間舖頭都做到咁既水準，真係物超所值！」同場加映上次影左張俾我男人食左幾啖既「多芒明珠小丸子」，今次補番張完整既。不過明顯的已經比我地第一次去食個時分量少左，但質量依然保持到，不過已給「兒童樂園」比下去。對呢碗糖水既食評，上次已經寫左啦！所以唔係呢度浪費篇幅去提。當晚叫既糖水：多芒明珠小丸子 $28兒童樂園 $32雖然加左價，但食到咁高水準既糖水的確好抵！而且我上次提到員工落單懶散呢個問題好似已經改善左少少。因此我一定會再去幫襯！

因為本身自己好鐘意食糖水一向淨係知九龍城有一間四字成語既糖水舖好好食但離屋企太遠就少去所以就上黎Open Rice搵下黃大仙附近會唔會有好味既糖水舖啦！！幫襯呢間糖水舖既原因都係被上載上黎既相吸引賣相好好 好似非常大件夾抵食決定搵日去食下呢間糖水舖雖然唔多就腳座位又坐得唔多舒服老闆娘落單又好似懶懶閒有次落左單都等左成20分鐘先有糖水食不過真係超大碗又好好味我亦都因為嘈幫襯過好多次因此上黎寫番個食評介紹俾多d人等多d人支持下呢類自家經營細規模既舖頭呢碗糖水已經俾我男人食左五、六啖度所以好似縮左水又撈混左咁原身係滿到溢出黎咁賣相好吸引亦非常好味芒果新鮮又甜小丸子煙韌唔黐牙用料充足，完全滿足口腹之慾！！第一次試呢碗材料有涼粉、莒苣、龍眼、花奶、兩種小丸子(白&透明)味道清新對唔鍾意食涼粉既人黎講係超易入口我男人話想食蛋又見d蛋香噴噴menu寫10蚊3隻所以就叫左3隻試下都幾好食因為茶葉味幾入味但唔重靈芝味可以一試已經幫襯過超過5次試過有雪糕個隻芒果小丸子不過佢用雲呢拿雪糕就比較遜色芒果味唔夠濃亦試過外賣番屋企俾媽咪食不過雪左一晚之後小丸子有d苦同粉左好多糖水亦杰哂，無堂食咁好味所以建議各位都

今日同朋友燒完野食,突然好想食糖水搭車去左鑽石山,有朋友推介呢間親親甜品屋都幾好食既,咁就諗住試下啦本身冇太大期望..(平時我幫襯開松記)呢晚我地一行8個人,入到呢間小小既糖水舖,就緊係冇位啦不過老細叫我地等幾分鐘就有位,而我地想轉場既時候,俾我見到店入面客人食緊果碗芒果糖水既樣子極度吸引所以就冇走,好彩幾分鐘已經有位喇...一坐低,我睇下menu26蚊,唔算特別平,不過見到佢好似幾有內涵芒果西米小丸子,仲有雪糕唔錯啦...而其他朋友就叫左咩''遊船河'',''黑白亭''等等絕得意我個糖水黎左,賣相幾好而口感更好!西米煙煙韌韌,唔會太淋又唔會太硬d小丸子唔會細粒到見唔到,好似d大型糖水舖咁口感又係好好芒果又甜,不過我d朋友就縑唔夠凍..但係其實又唔係食冰,我覺得唔係好凍都已經好好味總之26蚊已經係大滿足好過有d大型舖頭賣30幾蚊但係d小丸子小到唔見左...同埋我食松記都有d厭lu黎黎去去都係果款..同埋個叔叔好好人,主動問我地有冇野未到...

曾經有段日子, 每日同炸雞串からあげ做好朋友.之後係同煎釀三寶, 而呢一期係燒賣大佬.....*返工經過, 放工又經過, 食完先食晚飯, 真係~~肥~是日下午茶:- 親親燒賣十幾粒, 一個人食真係太over~多豉油少辣油就0岩晒我!自從食過OK燒賣, 真係不及OK好味.唔彈牙, 仲要蒸到乾晒水, 所以從蒸爐拎出來, 再拎番屋企吃, 已經硬到唔想食.第時我再經過, 就唔會太有衝動要食咯

今晚食飯吾多飽,所以行番屋企果陣就去買番幾碗糖水番屋企食,今次3個人買左1碗杏仁糊同2碗芝麻糊,番到屋企打開仲好熱,杏仁糊同芝麻糊都真係好糊,食落又吾會過甜,味道岩岩好,吾似得之前有1次係黃大仙中心某間食既芝麻''糖水''

糖水真係好搵, 一年四季都咁多人食!今晚口淡淡, 食番碗糖水先~是晚宵夜:- 什果楊枝甘露一個人食晒成碗呀!!!!太好味喇, 超芒果.之前都幫襯過芒果系列既糖水, 好似多芒小丸子.但呢個楊枝金露, 唔係好甜岩晒我.水果方面, 蜜瓜硬左d, 可能係貼皮果層.西瓜, 芒果, 哈蜜瓜, 椰果都落重料!再灑了層芒果汁.只係柚子較少, 都收貨既~ 蒸燒賣男朋友買多10蚊燒賣, 可能佢唔記得我已經食左dinner...原來我有講過燒賣好食架!但今次個皮勁快硬, 食左兩粒收工.整體上都好味, 楊枝金露同腐竹糖水係必食添呀!!

夜晚打完波, 成十一點, 熱辣辣, 諗住去食返個糖水振奮下睇咗個餐牌一陣, 諗住叫個18蚊既"兒童樂園", 細細地, 見佢又有芒果, 又有雪糕, 又有七彩糖條, 諗住睇到都會開心下.. 點知個女侍應話"兒童樂園"好細架咋, 蚊滋咁細, 邊夠食架?! 轉"大童樂園"喇, 我都好堅持咁話"兒童樂園"夠架喇, 細咪細囉, 同埋睇均成個牌都無個叫"大童樂園", 點知你整乜俾我呀? 點知個女侍應都堅持叫廚房整個"大童樂園"俾我, ... ... ... ... ... ...啞咗!!! 咁算喇, 諗住都係"兒童樂園"變大少少啫...誰知無七彩糖條喎 不過賣相都幾靚, 算啦, 想望到個甜品開心下者, 好食咪算囉, 點知下面全部都係d唔凍既西瓜粒, 蜜瓜粒, 係近乎暖既室溫生果粒, 咪向女侍應反映下囉,,, 個女侍應仲理直氣壯答"係咁架, 即整嘛!"食完個雪糕, 都唔想再食落去喇, 埋單時仲收我$24 阿姐, 俾d咁既野我, 仲要屈多我6蚊, 呢6蚊俾你買冰囉

琴晚去開黃大仙搵女朋友,夜晚我地就去左食呢間甜品.係出面食左好過各式各樣既"港式甜品", 老實講, 真係好厭倦.不過琴晚食呢間, 價錢又ok, 味道竟然比出面好多出名既糖水鋪好n 倍,由個menu 開始就覺得佢地好有心機做.佢地既腐竹雞蛋糖水 係我食過最好味的, 好似牛奶咁奶白色希望佢地愈做愈好~

上次試過多芒小丸子,今次整個金玉滿堂啦!是晚宵夜:- 金玉滿堂>> 成碗都金黃色的,有芒果, 哈蜜瓜, 椰果, 蜜瓜, 灑上芒果汁.芒果一個個球,我仲以為係湯丸添呀!晚晚都咁多人買外賣,附近又冇乜甜品屋.今次你贏晒~