親親甜品屋

營業中

休息中

雖然晚餐食到好飽，但甜品係放第二個胃，加上好少經過鳳凰新邨同仲有咁傳統既中式糖水，所以點都要試下D度的糖水。就算撐破肚子都叫左一人一碗糖水，糖水好大碗下，事後先諗返其實可以Share。即磨芝麻糊，芝麻糊味道一般，而且唔夠滑，建議試其他甜品。補腦合桃糊，好少糖水舖仲有合桃糊，但D個味道比較淡，合桃味不是太出，幸好都夠滑。另外仲加左$10 兩粒湯圓，雖然有D貴，但見到湯丸係員工自己搓，夠晒新鮮，味道都唔錯。整體而言，糖水好大碗下，相當抵食，糖水唔會太甜，感覺健康D，味道不過不失。最後見到隔離檯叫左芒果類甜品，賣相幾好，下次可以一試。