覓廚 (已搬遷)

今次去咗間筲箕灣串燒店，店內的氣氛放鬆得嚟又好過癮，尤其啱啲想要嚟個輕鬆食飯嘅朋友聚會。首先，玉子燒真係出乎意料之外，蛋香酥脆而又滑身，每一啖都充滿驚喜。再講下嗰串燒煙肉荔枝卷，煙肉嘅鹹味加埋荔枝嘅甜味，互補得好有層次，美味得好過癮。燒鮮冬菇係另一個勁爆嘅選擇，添咗孜然粉整出一種好惹味嘅異國情調，食幾粒都唔覺得悶。至於芝士蠔嘅組合就更加係滋味啦，加咗薯蓉令口感層次更豐富，啲蠔肉鮮嫩當然啦，真係物有所值！最後嗰條燒茄子令我驚艷，茄子嘅腍順同燒得啱啱好，簡直係想一個人包咗全條。完全可以感受到店家對傳統串燒嘅熱忱同創新。大推特推啦，下次我一定會再嚟試其他串串嘅。落去行街之前，嚟燒一燒，絕對值得一試！👍🔥🍴…查看更多

今日啱啱試咗一間話咁上下嘅串燒店，坐落喺香港仔，夠晒地道。依間唔係你平時行街會見到嘅，係個咁嘅發現真係興奮過揾到寶！🍢🔥入到去，一股炭火嘅香味迎面撲鼻，令人飢腸轆轆🤤。好彩本人家陣揀咗個套餐，有夠曬實惠嘅串串，一啲都唔馬虎。先嚟啲燒嘅娃娃菜，蒜香味噴噴、菜心又脆又夠晒爽口；燒牛舌就腍滑得嚟又有嚼勁，簡直係人間美味。我仲試咗個荔枝煙肉，哎呀，果肉同煙肉嘅完美結合，喺口中散發出甜同鹹嘅交響曲，簡直係好得嚟又特別。唔少得話埋串燒五花腩，飽滿肉汁，一啲都唔肥膩。最正係唔使太斟酌，串串本身已經夠味，每一口都係咸香誘人。飲品方面，柚子蜜同西洋菜蜜都解渴得嚟，唔會太甜膩。總括，呢度食物嘅味道、份量同埋整體享受都勁抵食，真係值得推介！下次食飯唔駛諗咁多，直頭一於帶足班人過嚟大快朵頤啦！🎉🍴🎊…查看更多

估唔到係Openrice第一篇係寫差評… 見呢間價錢相宜又評價唔錯 點知大伏🤡以下係我地吖左既野食同價錢參考 雞🐣-燒雞肉串 $29/2串-燒雞軟骨串 $29/2串-燒雞翼串 $34/2串-燒明太子雞翼 $34/2串 豬🐖-燒豬頸肉 $33/2串-燒五花腩 $34/2串-燒豬肉串 $32/2串-鹽燒豬仔髀 $28 牛🐂-燒一口和牛串 $48/2串-鹽燒牛脷 $30-串燒金菇肥牛卷 $38/2串-黑椒牛脷 $34/2串 羊🐑-燒羊肉串 $38/2串 其他-司華力腸串 $18-鹽燒鯖魚 $40-雞軟骨脆粒 $36-炸花枝條 $28-日式拉麵 $22 ------我係食評分隔線-------- 雞已經係最正常因為好難整到好難食點知雞翼都麻麻地😓 跟住豬肉3個部位口感同味道一模一樣唔講唔知以為食緊同一樣野燒豬仔脾overcooked 肉質搞唔掂 大伏係牛肉😣鹽燒牛脷還好 不過呢個價錢少貴和牛串食落唔似和牛 兩個人都覺得食緊豬肉雖然肉質正常 不過和牛係咪應該有牛味？金菇牛肉卷係完全冇誠意金菇卷包得太鬆 吸收唔到任何肉味 失望!!!黑椒牛脷係大伏中之大伏食個時係燶左既味唔係黑椒味😹仲有唔係牛脷同黑椒既野希望佢有定期清潔燒烤架/爐 另一伏係羊肉 擺唔到落口如果需要鍛鍊牙力可以考慮下佢 其他野食方面司華力腸正正常常鯖魚既話薩利亞仲好食過佢 燒到好柴雞軟骨脆粒上到枱已經唔脆 同埋油溢好重炸花枝條其實係花枝丸1開4 唔get點解叫花枝條日式拉麵個湯係中藥味加芝麻 浸味好怪 串燒店主打串燒同埋海鮮但係建議做番好串燒先價錢同質素真係唔成正比唔算貴但係啲野食真係搞唔掂廚師既廚藝有好大進步空間如果大家想食串燒 就唔建議呢間至少等廚師進步左唔好再overcook同淨係用蜜糖調味休息下先 胃痛中…查看更多

今晚突然想食串燒下午0係香港仔行完山抖左陣就0係附近搵食呀OPENRICE到呢間串燒上樓店見評不錯就黎試下呀點左好多野茄子啦娃娃菜啦墨魚丸啦雞軟骨雞翼北寄貝(本身ORDER 清酒花甲,但果日無呀,STAFF定老闆介紹呢個呀)聖子呀其實全部都OK架仲要價錢唔貴呀CP值幾高呀雞軟骨好香加左D簡單調味已經覺得好好海鮮見又係唔貴即管試下呀店子介紹既北寄貝好特別燒得剛好唔會太UN聖子質感幾好又大大隻咁有鮮味呀…查看更多

本人從未試過有間串燒、燒海鮮店，可以如此鮮甜和美味。原因係老闆每天早上就到香港仔魚類海鮮批發市場尋找新鮮海鮮，返到舖頭第一時間處理好。加上老闆私人秘制醬汁，用心即叫即燒令到海鮮原汁原味提鮮，多謝朋友極力推介!…查看更多

✨煙肉荔枝卷 (💰39)💫評分:7/10📝甜甜地幾juicy, 搞笑🥸嘅味道🤣🤣🤣我真係好鍾意試新嘢🤣✨燒羊架(💰38)💫評分:7.6/10📝鍾意佢嘅羊蘇味, 配埋芥辣性價比高😍✨燒娃娃菜(💰20),燒原條茄子(💰32)💫評分:7.5/10📝份量都幾多😋, 蒜蓉味重好香口✨燒豬頸肉(💰33), 燒雞軟骨(💰29)，鹽燒牛舌(💰28)💫評分:6.9/10📝正常發揮, 整體偏鹹咗少少🤏, 串燒有得點豉油同辣椒🌶️好有趣🥸𝕄𝕚𝕩 𝕟 𝕄𝕒𝕥𝕔𝕙 覓廚📍香港仔香港仔大道120號百匯行11樓…查看更多

難得功夫深最怕無人懂。樓上小舖，以賣燒烤為主，人人讚許，最近很火！挑了個悠然晚上，我和朋友來踢館。店子小，沒甚麼設計，大概有廿多個座位，坐得較擠；亦談不上舒適，但可接受。我們是第一輪客，店沒滿座，但近窗邊位置已全部留座。這裡可以看到避風塘風景，日落時分餘暉帆影，很美！我點了一人串燒套餐A（＄66） ,選了燒五花腩 、司華力腸串、串燒墨魚丸、稻庭冷烏冬、烏龍茶（+＄2）。朋友選了五花腩、花枝丸、雞肶菇。另加娃娃菜（＄20）和黃立鯧（＄62）。以食論食：黃立鯧-燒得很香，很乾身，蘸辣汁吃層次更豐富。娃娃菜-很甜，很多汁，叫人垂涎三尺，是小店的名物。五花腩-味道好，可惜有點乾，難咬開。烏冬-味道一流，好味到難以形容。墨魚丸-很彈牙，但有點死實。雞肶菇-很滋味，拔尖貨。司華力腸-很大條，啖啖肉，但有點普通。花枝丸-有花枝味，夠嚼頭。性價比-極高。套餐份量十足；津津有味，極抵食。服務-言談親切，動作麻利。衛生-枱面清潔。埋單-不加收10%服務費。等位-0分鐘，未到營業時間已可進內。環境-有點市井，日式小店格局。室溫-有點熱，除冷氣外要另開風扇。其他-所在大廈只有一部，大家要掌握好時間空檔。香港仔這幾年有不少新開的小店，如川菜、優質漢堡…態度進取；行事積極，為已往以賣魚蛋粉出名的小區，注入了不少新鮮的元素；也提升了我們舌尖上的享受。…查看更多

幫襯左這食店好多年，老闆好好人，好有禮，好有家嘅感覺，食物好食抵食！沒有加一服務費。串燒肉類同消海鮮都好好味。值得推介。遇上假日必須訂座，無論是一位、兩位或者朋友共聚都係好適合。…查看更多

今晚係同朋友5年後先相聚既好日子，朋友話帶去香港仔我食串燒，呢間店舖係喺百滙行大廈上面，因為位置唔顯眼，平時行過附近都唔知道，但呢間店舖開咗幾年，到朋友帶我黎，我先知咁近屋企既地方有間串燒店。呢到真係平、靚、正又勁抵食。今晚同朋友食咗2個幾鐘，我地一人揀一份串燒套餐。一碗稻庭烏冬及一碗日式拉麵，一杯熱柚子蜜及一杯熱西洋菜蜜，多款不同既串燒小食。有大大條既司華力腸，朋友極力推介燒娃娃菜，啲蒜溶汁滲哂入去，仲要勁香又好食。下次要帶埋屋企人黎先得。…查看更多

週日下午在香港仔有活動，活動結束就想在promenade走一下然後順便吃晚餐。在地下通道看到廣告就直接上去了，當時比較早所以整個餐廳只有角落裡的兩個人，比较冷清，服务员特别热情友好介绍当日海鲜，就想隨便吃一點意思一下換一間再吃飽。結果沒想到上来的炭燒牛舌超好吃！！！然后剩下的菜上来也都味道很好，越坐进来的人越来越多，等吃完整个餐厅都坐满了且全都看上去是老客人，上来就点海鲜。于是开始写第二单下，点了55円6只的王蛏子（附近海鮮館的蟶子皇要50一隻，也沒有多多少肉），超值超新鲜，本来还想点多点海鲜可惜身上没带足现金吃完串烧就饱了。下次去香港仔一定要再去！！…查看更多

响跑馬地食串燒就食得多，不過越食越貴响屋企附近見到有燒海鮮串燒歺店宣傳單張，就去試下叫左最愛貝類，貴妃蚌，迷你象拔蚌都非常新鮮 ,白鱔魚可以但原來相對其他海鮮偏貴、燒原條魚也不錯，不過以貴妃蚌最為出色。蔬菜類也非常出色，燒娃娃菜，燒菠蘿，茄子，粟米更加冇得輸，真係名副其實粟一燒，甜蜜帶點燒焦味，超好食肉類丸類算可以，試了墨魚丸好味總括來說，家庭式，新鮮，經濟，靠窗坐可以看到香港仔漁港日落景，好得，應該多多支持…查看更多

呢間野開左都幾年，好似好隱世咁。但其實唔係架，上到去都幾乎滿座，最好book左先去呢度有個2人餐有海鮮類Ge ,圖中ge燒蠔就補左10零蚊差價套餐$209有小食有海鮮一款串燒另有6串有汽水甜品最緊要係佢有烏冬/ 飯包食飽！平時食個串燒貴夾唔飽，呢個餐真係包食飽，良心之選！$209響出面d鋪頭應該食左陣風味道方面，都唔係渣流灘架，即叫即燒，熱住上，燒蠔個準好好味，好香蒜味，不過都係係要com住d雪藏蠔味另外叫叫左個燒茄子$30！味道唔錯，但偏油其他食物整齊都唔錯，性價比之選，值得再去！…查看更多

今日同三五知己聚會,朋友推薦呢間串燒店,係百匯行大廈上面唔係太顯眼.咁我地一人叫左一個餐,包3串串燒,烏冬或拉麵同飲品,另外加海鮮同其他想食嘅野.啲串燒都燒得唔錯,好香口,加埋調味料更加惹味,推薦牛舌,金菇牛肉卷,雞翼同雞軟骨!而海鮮我地叫左蠔,帶子同魚,蠔同帶子都係細細隻,蠔就有薯蓉做餡,帶子好香牛油味,魚都不過不失啦!我地6個人,落單嗰陣店員好疑惑咁問我地幾多個人,原來佢驚我地叫得太多,最後我地都清得曬!…查看更多

呢間串燒店聽過好耐，係social media 評論一半一半所以今晚試一試7點到上去，有一半位 full or served 一入到去勁香啊飲品，冇特別第一次order 2隻燒蠔正！唔會over cook 燒翠肉瓜普普通通不過表面有點兒燶如果有其他味道添加就好燒娃娃菜呢個堅正表面啲蒜蓉汁慢慢滲入去啲香味仲係口腔飄燒茄子好冧好嫩但7味粉太多太搶味變咗唔好食熱鳥冬滑，個湯底有啲咸明太子雞翼肉質好嫩, 唔鞋入味 最後encore多次4隻生蠔…查看更多

呢間店一d都唔顯眼，係一幢商業大廈裏面，不過如果坐到窗邊位置，會睇到香港仔避風塘既全景，店鋪主打串燒，海鮮燒烤，同朋友叫左個兩個海鮮set,再加左個燒三文魚頭，海鮮set可簡一款海鮮，我地簡左聖子皇，象拔蚌仔，個餐仲包左牛肉串，墨魚丸，明太子雞翼，一碗麵食，可選烏冬或者拉麵，甜品燒菠蘿同埋飲品,可能因為近漁市場既關係，海鮮好鮮甜，象拔蚌仔好好食，亦無燒得過熟變韌既情況，牛肉串，明太子雞翼亦唔錯，三文魚頭都唔差，每人都係食左百幾蚊，食物質素大部份都幾好，算係香港仔食飯既另一選擇~~…查看更多