西貢海灣會燒烤大王

{無限時任飲任食BBQ - $238}麻甩佬除左鐘意打邊爐，BBQ 都係我最愛之一，唔知由幾時開始，連BBQ 都可以二人成行！捉緊新年假期嘅尾巴，又去BBQ! 呢間海灣會係我成日去嘅，貪佢搭車入去方便，無限時任飲任食，兩個人傾足一日偈，由下午食到夜晚，仲有無敵海景！平日黎仲差唔多可以包場！燒嘢食嘅食物唔使多講，不過我想同大家威威嘅我燒嘅豬頸肉真係好靚😂呢度嘅泰式醃法，配合即燒嘅炭香，真係令我一連食幾大塊唔停得口！美味程度：😋😋😋😋環境指數：🎇🎇🎇🎇🎇番食機會：🦍🦍🦍🦍

{無限時任飲任食BBQ - $238}麻甩佬除左鐘意打邊爐，BBQ 都係我最愛之一，唔知由幾時開始，連BBQ 都可以二人成行！捉緊新年假期嘅尾巴，又去BBQ! 呢間海灣會係我成日去嘅，貪佢搭車入去方便，無限時任飲任食，兩個人傾足一日偈，由下午食到夜晚，仲有無敵海景！平日黎仲差唔多可以包場！燒嘢食嘅食物唔使多講，不過我想同大家威威嘅我燒嘅豬頸肉真係好靚😂呢度嘅泰式醃法，配合即燒嘅炭香，真係令我一連食幾大塊唔停得口！美味程度：😋😋😋😋環境指數：🎇🎇🎇🎇🎇番食機會：🦍🦍🦍🦍📍 #西貢海灣會燒烤大王 (西貢)西貢大網仔路沙下村9號地舖

第一，寵物不友善，明明是露天餐廳，竟然說寵物不能入。第二，沒有免費泊車，兼時租超貴，一小時要30蚊，仲要響佢地度消費200蚊先有呢個「優惠價」！隔離WM酒店都係28蚊，仲有充電添。第三，付款不友善，今時今日竟然仲只限現金，不接受任何電子支付，更不接受轉數快。我被迫要俾30蚊揸車出去西貢墟攞現金！第四，食物選擇少，蔬菜類只有茄子，青椒同翠玉瓜，肉類只有基本牛，豬，雞，丸類只有基本牛丸，魚蛋，蝦丸，墨魚丸。飽肚唔難，但呢個價錢嚟講，選擇太少第五，調味料太少，只有一次性包裝辣椒油，芥辣同豉油。你要我俾20蚊買卷錫紙，我放茄子入去都想加調味料掛，連蒜蓉都冇。總之一句，香港歡迎寵物嘅燒烤場大把選擇，呢間我唔會再去了。

只收現金💸用具加費：錫紙加、燒烤網加、燒烤叉加。沒有：蒜蓉扒：化學醃製，肉冇肉味。裝食物的碟限制一人一只，發保膠唔環保。膠杯唔環保，野飲冇氣。空氣唔流通，戶外另加$100，煙燻人肉。唔抵食，唔好食。沒有蝦、海鮮自已帶·優點：就腳。

係泰道首次嘗到無打針被拒於門外唔比食飯，算鬼數行過隔離食燒烤！何解比以前乾淨整齊多倍呢？原來被海灣會佔據了！翻新靚靚，食物環境服務均滿意。靠邊望海遠離人群附加費 $200 大元，就試您一試。享受 Fine dining 時刻，當然要有刀叉碟及枱布先夠情調。場內提供的食物乜都咸，除了魷魚翼、雞中翼、雞扒、腸仔、丸類、魚類、蔬菜類。起爐非常兇狠，就算燒乳豬中豬都綽綽有餘。十級火用作燒原味扒還可以，無糖無醬油不易燒焦。雜丸、蔬菜及加工食品都會轉眼變成焦碳。火勢過份猛烈，第一灶全部都燶掉。蔥花蒜蓉醬油燒原條茄子，耐心燒到整條變軟，壓扁後中間劏開加上料味料。茄子肉綿綿一梳梳吸盡醬料，味道極佳。燒尖椒，熟透的尖椒爽甜非常，間中食到辛辣種籽更過癮。紐西蘭頂級羊架，原味不用任何調味，鹽都不需要，純天然羊肉甜，肥美彈牙爆汁，微弱羶香不過份。美國頂級牛西冷，鬆軟有嚼勁，牛味天然甜美，不需要助料，焦香可口。咖哩雞中翼、香茅雞全翼，兩者勻醃味濃烈可以接受，雞翼大大隻有肉食，只是味道略有點濁，而且沒怎樣的雞甜味。黑椒有骨豬扒，味道少少咸都有微弱豬甜，嚥嚥韌韌有咬口的質地，損埋骨都不錯。多春魚，細細條瘦猛猛仲雪到

環境乾淨，比起大部份收費燒烤場環境更舒服，所提供嘅食物質素全部都高，肉類醃得好入味，又唔會太鹹！最估唔到嘅係，佢哋會提供飲品杯俾大家任飲各款飲品，亦都冇爐費，性價比好高！❤️❤️

其實食物唔差，不過整體感受就麻麻。今次係中秋節成班朋友一齊去BBQ 。其中一位朋友仔提議嚟西貢呢間。節日額外加錢！冇問題的！朋友話因為見到有無敵海景，所以想過嚟試試！本身預約Booking嘅時候話已經要加錢，去到就話因為冇位，如果要坐外面位置就要再額外加一個開爐費$200。我覺得都冇問題，但後來發現原來雖然是放題BBQ。但基本上你要的物品都是需要加錢。然後留的位置跟取食物的位置非常遠，服務員態度麻麻。飲料多拿一個場內的杯子去浸，餐廳職員都會黑面出口阻止，就是要你來來回回走來走去的。

今日大夥兒約埋去任飲任食BBQ，原本打算支持留港消費，自製一晚西貢BBQ「夜繽紛」。點知燒到一肚火，提早執嘢走人。1.入場欠缺電子支付平台: 畀入場費衹收現金，不接受任何電子支付，一行十幾廿人入場，唔係個個帶夠現金，連八達通/VISA都唔收，大家係入場處湊現金湊來湊去，又要顧住d小朋友，場面狼狽，仲要畀人串......失望。2.軟件服務: 入場處職員比較有霸氣，唔知道嘅以為自己無端端得罪咗某個社團幫會，有殺冇賠， 喂，各位大佬大姐，「過門都係客，我有畀足入場費㗎喎，可唔可以有少少招呼呢？」3.食物: 有雞翼牛扒豬扒雞扒雞腎金沙骨叉燒香腸芝士腸魷魚及丸類，迷你茄菠蘿粟米蕃薯青椒翠玉瓜等，各種質素算可以，但款式不算多，冇金菇及菇類。4.飲品: 有汽水及果汁自助機任斟任飲，另有啤酒汽水烏龍茶等等飲品畀錢另外購買。5. 最不滿的地方: 不人性化服務。以為任飲任食到10pm， 原來一到9pm，場內食物及飲品部會立即「落閘放狗」，任何客人不得再內進取任何食物及飲料，(心想: 又話任飲任食嘅？原來係有時間限制， 咁入場收錢時，又唔見你d職員講清講楚？) 9pm 後，就算我想另外畀錢購買飲品，一律不容

Not only was the meat frozen, the grill also costed an EXTRA 70 HKD! What do they expect us to do with no grill, cook the food on the coal?! The grill was also right next to us without any help of moving, hopefully the CO2 from the coal didn’t completely damage my lungs. What a joke! Never come here! On top of ALL THAT the food is the worst I’ve ever eaten.

西貢唯一大型海邊燒烤場——西貢海灣會燒烤大王今次同屋企人同朋友一行8個人熱熱鬧鬧咁去海邊燒烤場BBQ。環境算係咁，但佢唔同區域分唔同價錢，加上佢無限時，變相啲位係先到先得。我哋唔想太早入去無聊坐，就揀唔再啲有風扇又有瓦遮頭嘅位🥹🥲日頭BBQ有啲覺得太熱……燒烤場任食食物方面，我哋一致覺得款式種類算普通，又唔會差但冇咩surprise。一段腸子，牛雞豬肉類，蔬菜等都有。最欣賞係佢啲多士，我哋自製牛油多士🧈好好味！茄子都唔錯🤤天氣凍啲再encore🙌🏻推薦指數：💛💛💛

乜嘢都要加錢， 絕對係 唔值得幫襯坐海景位要加200蚊， 坐咗落去其實都睇唔到個海 ！咩海景咁巴閉！ 真係痴線！ 燒烤網同夾係要七十五蚊買 ，蕃薯又唔包錫紙 ，又要自己買，除咗幫你點 燒烤爐， 同埋 帶位之外就根本係冇其他服務可言！就連泊電單車都要十蚊收個鐘！一般任何 食肆 都有 免費 泊車優惠 我成三百三十八蚊一位 ，两隻入埸 盛惠六百七十幾， 仲要只係收現金，得兩隻燒烤叉，四隻碟， 兩隻膠刀膠叉同埋一盒細紙巾， 蜜糖杯一個， 蜜糖掃一隻飲品紙杯，免費嘅飲品只係得汽水機， 其他啤酒汽水罐裝飲品一律要畀錢買，女朋友話真係唔好再嚟 ，我都話係不如食韓國燒烤自助餐 又平又抵，舒服好多！冇咁嬲都未試過去燒烤係唔使 加炭就已經走！可想然之幾不滿如果唔介意畀人哋斬嘅洗得起錢嘅放膽去 幫襯啦十幾年前去過感覺都冇咁差我自問幫襯完周身唔舒服山長水遠車又泊好啦人又去咗喇先谂算數太蠢了

第一次去到西貢bbq 之前聽人介紹話呢個場幾出名 今日帶埋三五之己黎食返餐！坐位吾算好闊落 不過都幾舒服乾淨！嘢食仲好多選擇！望住個海有啲海風吹埋嚟燒住野食！真係幾chill

之前睇食評，好多都話態度差，點知真係聞名不如見面，門口接待女職員態度無得彈啦😏，攞左飛既派2個代表留係到比錢，其他出去等，e..心諗咁搞鬼，黎燒烤要派代表，真係好野喎🤷‍♀️。另邊廂諗住加1舊水坐個好dd，空氣流通dd既位置，點知比個位同唔加錢既有咩分別呢？一樣煙到老母唔認得，仲要話有隻加2舊水既位，真係唔知會比咩位你🙄，同埋呢度其中有樣食物，就係蕃薯，佢地提供蕃薯比你，但唔提供錫紙，咩野玩法，原來如果想食蕃薯唔該用錢買一卷錫紙😏，仲有每枱客之間根本冇距離可言，後面枱客成日搵張櫈撞落黎我張櫈度，連行過都冇位，眼見今日又唔係爆場，都可以夾硬咁樣塞客，我真心佩服呢度既老闆搵錢賺到盡既態度，呢度set 得咁既場，請得D咁好既員工，應該都唔諗賺口碑，唔想有回頭客架啦，呢個場對我黎講可一不可再。

冬日梗係要BBQ🍖🍗西貢自助燒烤❗️衛生OK❗️仲有海景🌊天氣凍就想BBQ🤪之前食過呢間幾好，所以今次encore🤪唔使自己準備嘢食，淨係帶個人入去就得，真係超方便，仲有停車場可以泊車添🚘🅿️一入到去，比完錢，佢會比碟、杯、蜜糖掃、一盒紙巾、燒烤叉，全部都係按人頭，冇得再拎㗎🙈之後佢會帶你去你個位度，已經開好晒爐，真係超正！唔使驚勁耐都未開到個爐😆而且衛生OK，最驚啲枱櫈癡粒粒😚嘢食種類同質素都OK，有蜜汁叉燒、金沙骨、豬頸肉等，雞牛豬都一定有！其他丸腸就係鐵膽😌我哋最鍾意嘅係佢塊麵包🍞夠鬆軟！而且有無限嘅牛油同蜜糖供應🧈🍯嘢飲都係任飲㗎😍不過佢係汽水機，雖然選擇都OK，有七喜、百事可樂、橙汁、蘋果汁、水，但係啲汽有時打得唔係好夠，有時好似飲糖水，有時又唔夠味，所以要去小賣部買嘢飲或者自備會好啲🙊因為唔同時段唔同價錢，價錢都浮動，所以有興趣大家可以自行了解🙆🏻‍♀️#bbq #barbeque #燒烤 #燒烤場 #燒烤食品 #燒烤套餐 #自助燒烤

好多年無去過呢間BBQ，上一次去已經係七八年未裝修之前，估唔到今次去質素仲差過以前。其實而家好多BBQ場都免費泊車，呢間BBQ泊車仲要$20個鐘，最攞命嘅係呢間嘅食物非常之低檔次，衰過街市買嘅凍肉舖醃製食物。魚蛋、腸仔、芝士腸，牛丸、墨魚丸、金沙骨等平價食物雪咗好耐，食落去好似橡筋咁硬，牛扒咬落去啲根多到黐牙扯唔開，番薯出水。星期六仲要收成三舊水，望到海景，又要加多$100開爐費。唯獨是一樣好，就係個廁所乾淨以及啲燒烤炭比較乾身。相比起其他香港嘅BBQ場地，仲要係西貢比較高級嘅地方，佢啲食物質素真係好差，講到服務質素，職員木口木面，好似機械人咁，所以我已經擺咗No next time menu lu 😂😂😂