西貢松記車仔麵

營業中

休息中

同朋友行完山，回程前醫個肚。5時許不是繁忙時間，但仍客似雲來。地方企理，店員友善而有效率（主動提供椅子放背包）。點了煎釀三寶生菜粗麵，三寶非常足料，很大塊且充滿魚肉，又不會煎到太油。菜新鮮。跟麵的蘿蔔也有驚喜，非常鬆化冇渣。粗麵麵底很大，一碗麵作為晚餐也夠飽。朋友吃盆滿砵滿（八寶）麵，更加大碗和多餸。性價比超高的黃店車仔麵。

一家大細行完山過來試下， 講明四位一齊探熱，只安排兩個入去？？！另外兩個呢？ 兩個坐係到，又過多一陣又趕人去第二邊坐四個。咪又一齊過去第二邊。 大熱天時又無冷氣，又焗明明做足防疫規矩， 仲要捉住原本未入的兩個罵我們：「你們未探熱啊！出番來，如果唔係咪食啊你班友！」 你們唔記得可以禮貌點，洗唔洗趕客？算我哋照再做多次。隨便一個車仔麵套餐，60-80蚊一個餐。來到的餐溫不熱，淡無味⋯⋯態度差味道差環境差不再光顧，多謝

行完山到咗西貢，想食車仔麵自然就諗起松記因為佢個朶夠響，未嚟過不如就搏吓，一直對車仔面有要求，亦都有心理準備因為見好多負評，但身邊有個老友食過話ok 所以就增強信心。（而家就知真係要帶眼識人枉我仲啱啱請佢食甜品）。排緊隊見到個餐牌覺得幾貴，車仔餸豬大腸$22，雞翼$14兩隻，冬菇$12，面底$13， 真係想問有冇跟一杯house wine.點咗碗三餸面豬红冬菇雞翼$47。熱騰騰一碗面端上，湯好濃但淨係顏色夠濃而係冇味，好似將啲滷水溝淡其實只比鹽水稍好，一碗湯麵嘅湯唔得其實已經係死罪！豬紅一夾就散亦都冇底未，冬菇好普通，雞翼係正常嘅滷水雞翼但唔值$14蚊。成件事唯一可取嘅就係碗麵夠熱同埋地方夠乾淨。小弟近30年都未食過咁差嘅車仔面！牛頭角文記，銅鑼灣永年，新蒲崗回味，地道；黃大仙濃記，味源，友記；柴灣財記…都好，唉點解我會入咗去呢間呢。雖然講嚟講去都係幾十蚊，但性價比太低，人生苦短何必浪費一餐嘅時間喺呢度。費事影相，再睇吓其他負評深有同感，望吓啲好評更覺世事無奇不有。

19-3-2021下午3點到，係西貢松記車仔麵叫了幾個餸來到漏了一款，叫員工來講比漏咗想加番（我本人冇不禮貌，有唔該），個員工話你冇得咁落單，宜家再落單要收$22一份，員工態度不有善，成件事就係我錯囉，去咗間咁嘢食麵，不知所謂。

🍽️用餐日期：2021年2月26日🕐用餐時間：下午時段🙉等候入座時間：0分鐘之前已經嚟西貢呢邊食過一次松記，嗰次因為疫情禁堂食，外賣又有折，叫咗次外賣，今次嚟多次試下外賣同堂食嘅分別🤓印像中之前外賣嘅分量較少，同埋味道就無感濃郁，而今次堂食就好味好多！😋豬肚+豬大腸+牛筋腩（河粉）$52湯底方面夠濃鬱，唔會太咸，食完唔會覺得有口感嘅感覺，豬大腸同牛筋腩都好滑，無任何內臟嘅味道殘留😆但係度要一提嘅係，豬肚有小小韌，都需要啲牙力先咬到，河粉同呢個湯底都夾👍🏻😋😋魚皮餃+豬紅+魷魚（粗麵）$41魷魚夠曬爽口👍🏻魚皮餃就較平時超市買開嗰種大啲，如果唔中意魚皮餃太大舊嘅朋友可以同朋友share，或者叫其他餸喔😆另外好推薦大家食呢間嘅豬紅，好入味！🐱服務餐廳嗰日就嚟滿座，服務員都有催落單，但整體嚟講服務都唔錯，一舉手就有人行埋嚟睇下有咩需要🐱環境衛生方面就普普通通，未去到好乾淨，但都企企理理！以車仔麵餐廳嚟講都算係咁！✨備註：每碗車仔麵可享一杯飲品半價嘅優惠喔🍹

今日揸車入西貢， 又係假日， 真係超級多人， 仲要加上所有食肆要喺晚上六點前閂門， 基本上所有食肆都要排隊， 當然呢間都唔例外。 啲人話依間車仔麵好出名， 今日順路嚟試下。 排隊排咗十五分鐘終於入到餐廳， 今次叫咗個招牌四寶幼麵和豬皮豬腩肉米粉， 飲品叫咗珍珠奶茶和熱奶茶， 牛腩還可以， 麵質唔彈牙，牛筋唔夠淋而且唔夠入味， 豬腩肉有啲硬， 豬皮整得幾好，飲品味道正常， 順路入嚟食係可以嘅， 專程來就不建議了。

🇭🇰西貢松記車仔麵·炸黃金墨魚卷$12 雞中翼$14 米粉$13呢一個本身我好高期望架 因為等位嘅時候聞到佢超級香 但係可惜我覺得佢個米粉唔係好索湯 呢樣嘢就真係失色少少🤭佢個墨魚卷幾好食嘅 有少少咬口 不過就剩係得一條 個雞中翼都唔錯既 炆到淋曬😌之後我哋另外仲嗌咗個$40嘅冬菇豆卜 呢個個冬菇都入味既 但係好似有啲唔夠淋 尤其係個心個味🥺🥺·📍西貢福民路高勝樓19-21號地下·#rbyeat #rby好去處#rby港式#rby西貢

行完山入到西貢 見果日天氣凍就入左嚟呢間松記車仔麵檔食嘢暖下個胃💛招牌豬手牛筋腩麵 ($44)Noodle in soup with pork knuckle and beef brisket 招牌豬手 牛筋腩都非常之入味湯汁就比平時稠身少少 飲多幾啖就覺得鹹 要飲水解渴 果日叫左生粗麵 麵煮得太淋 食左1-2啖已經發現 成碗麵就已經淋曬 不過好在佢掛到湯汁熱辣辣暖到個貴已經好唔錯

入到黎西貢，下午有啲肚餓就決定去食好耐無食既車仔麵~ 今日仲要難得地無人等位~望左一望餐單，選擇困難症又發作~🤣連麵底都有成10幾個選擇~ 餸就更加唔使講啦，如果唔係點叫車仔麵😗今日我就揀左<牛肚、豬大腸、木耳 瀨粉>~ 一上枱，就見到好大碗，勁足料~🤤牛肚同豬大腸都滷得好入味。木耳就爽口彈牙。本身以為會係木耳絲，原來都切得幾大塊~不過呢，個瀨粉就同我食開既有啲唔同🤔 呢個既口感比較似係透明既米線~🤣

呢間車仔麵都久仰大名，一直都想試試～疫情下，幫襯一下本地唔同餐廳，小店但係～～極度失望！！！！簡單叫咗滷肉、豬紅、腸仔，腸仔只得一條稍稍浸熱上枱。驟眼一望，份量比較細份，不過諗住過得嚟，重質不重量啦～一食把鬼火⋯⋯滷肉啲肉質夠曬「老」而且無味，豬紅亦都無味， 最慘連個湯底顏色咁濃都係無味！可以話係食過“最難食”嘅一間車仔麵～好失望，而且價錢亦都相當貴。係咪出名貴同難食？？？真係老實說，一粒星都唔想比

今日入西貢行山, 真系勁多人行山前食個早餐全場坐滿叫左個牛腩面+秘製咖哩尤魚(小食)+凍奶茶+腿蛋冶牛腩份量吾少, 偏瘦, 淡淡肉. 有有D牛筋. 好入味湯底好濃咖哩尤魚吾入味, 但爽口腿蛋冶吾會薄77,比好多茶餐廳的厚身, 合格啦凍奶茶OK

今日行完山，同朋友諗住黎食車仔麵，睇食評啲人講到好好味，點知完全好失望，個湯底無味嘅，我朋友要係咁加辣醬先叫有啲味，啲餸就一般般啦，3餸1麵50蚊，真係無下次，服務態度差差地，得1,2個比較有禮貌，下次行入少少食海南雞仲開心

💛去完塔門番到西貢7點半好肚餓冇揀好耐就入左呢間車仔面可能係平日夜晚 我地坐入去無耐姐姐已經話叫我地叫埋 廚房收可能係平日 全間鋪得兩枱 冇遇到服務差嘅問題 仲叫我慢慢揀我地揀左🐮牛筋腩+牛肚+牛栢葉+牛丸+菜 $62 （7/10）雖然$62碗 但牛腩同牛肚份量好多而且好淋好入味 最鍾意個湯底 好濃味🐮牛肚+豬大腸 $44 （8/10）一樣湯底好濃 餸份量多 豬大腸都冇好多肥膏正體黎講 牛嘅野質素唔錯 同外面好食牛腩麵嘅質素差唔多 ————————————————————-環境：服務：味道：性價比：

🇭🇰💛西貢松記車仔麵🍜見到foodies朋友介紹西貢黃店💛就bookmark左🏷weekend去到都唔算好多人排😆可能係我地好彩👩🏻👦🏻等左一陣就入到啦✌🏻✌🏻店面都幾full 📋menu勁多選擇花多眼亂呀🤯最後點左👇🏻👇🏻-G 🍜滷水🐖豬大腸🐖牛筋腩麵+🥕蘿蔔+金錢肚 配幼麵(💰$44+7+22)B 🍜秘製🐃牛筋腩麵+🐖潮式滷肉+ 🥚滷水蛋 配幼麵(💰$35+12+7)未食過咁大碗車仔麵 真大食🙆🏻‍♀️湯底係濃甜口味 深啡色的基本上所以配料都好好食入味又腍 🥕蘿蔔🐃牛腩冇渣牛筋唔會太腍太韌 有咬口彈性豪食💰60蚊一碗車仔麵 但為左牛筋腩係絕對值😆👍🏻-🍹奶茶涼粉冰(💰~$12)唔會太甜 味道OK 不過略嫌叫左少冰都仲係好多冰🧊🧊🧊

今天約了兩位舊友去釣魚於是便隨便去了巷子最新的店子吃午飯明明是點了鹵水蛋+鹵肉+冬菇+伊麵我隨便吃了一啖，怎麼有墨魚呢？原來鹵肉錯被落單成墨魚卷請店員來換。。。她完全沒有表示歉意很冷漠地取一個小碗 命令我：“把它夾回來”吓....難度夾回來比你們倒回去嗎？？？我跟她坦白我已吃了一小口她一言不發把小碗掉到收集髒餐具的桶內 表示不滿？ 難道是我騙一口墨魚卷嗎？？？最後她把一件鹵肉用小碗裝上，掉到我桌上上了這是什麼態度？至於嗎？😑