🍽️用餐日期：21/05/2021 🕚用餐時段：晚上八點🕣 🤤等候入座時間：0分鐘 由於搵餐廳嗰陣已經接近八點，十點又禁堂食，所以就近搵咗間韓國嘢試下。 🌛石頭窩飯（牛） 石頭窩飯上到嚟仲起曬煙，好熱，配菜有紫菜，紅蘿蔔，芽菜等等，佢個飯軟硬度適中，但係本身個飯就算撈曬所有配菜感覺都系冇咩特別嘅味道，但落咗餐廳提供嘅韓國醬汁就唔同曬！好惹味好香！建議大家可以食石頭窩飯嗰陣可以落醬汁試下😋碗飯好大碗，都幾抵食！ 🌛炸雞（芝士+$5） 我哋一開頭就叫埋炸雞，但食緊飯嗰陣完全唔記得食，去到食飽飯嗰陣啲芝士已經韌曬，炸雞都凍曬😫但係炸雞嘅皮炸得好靚好香脆，配埋餐廳比嘅甜辣醬幾好食，唯一美中不足嘅係炸雞嘅肉有啲乾身同鞋，但整體嚟講接受到嘅～ 值得一提嘅係，呢間餐廳嘅waiter都頗有親切感，服務態度幾好！

🍽️用餐日期：5月8日 🕚用餐時段：下午兩點🕑 🤤等候入座時間：30分鐘 觀塘一向都有好多樓上cafe同餐廳，但係就未試過。今次上網搵咗間大家都好推薦嘅cafe，去到真係大排長龍，加上呢一日係星期六，特別多人，等咗有30分鐘嘅位先到我哋。 🌞蒜香雜菌炒意粉（辣）🍝 個人頗鍾意呢個意粉，菇類夠爽口，意粉夠味，伴隨住辣味真係好吸引！不過係度要提醒下，我哋嗌咗普通辣（平時都算食得辣），都辣到要係咁飲嘢😫🤣，建議接受唔到太辣嘅朋友可以揀翻小辣！而呢個意粉都有得揀唔辣嘅～🤞🏻 🌞焗肉醬意粉🍝 如果想要份大份小小嘅意粉，可以選擇焗肉醬意粉，成個平底鍋咁上，嚟到熱辣辣，食到最尾都仲係暖嘅！最吸引嘅係鋪面拉到絲嘅芝士，同埋個味同係茶餐廳、快餐食到嘅焗肉醬意粉真係唔同！ 🌞鹹蛋黃雞翼🍗 本身唔太鍾意食鹹蛋，但呢個鹹蛋黃雞翼我又覺得接受到，鹹蛋黃味唔太濃，對我嚟講係恰到好處，唯獨食曬意粉佢先上，冇得用嚟餸意粉食～😪 🌞毛峰綠茶🍵（指定時段飲品價錢跟餐減半） 毛峰綠茶就係純綠茶嘅味道，冇咩特別～但記得睇清楚嘢飲係凍定熱，我朋友就搞咗個烏龍啦👋🏻 🌞薄荷朱古力咖啡碎冰 （指定時段飲品價錢跟餐減半） 我幾推介呢杯嘢飲，可以打卡又有甜品成份，又可以當嘢飲，重點係佢味道真係唔錯！😋推介！ 溫馨提示： 記得要入*餐廳內*攞籌同預時間排籌呀！

🍽️用餐日期：17/05/2021 🕚用餐時段：午餐時段🕐 🤤等候入座時間：10分鐘 朋友推介粉嶺呢間餐廳，上網又睇到群記好出名，於是決定去試下！ 🌞豬手粗面（大） 講下佢個湯底，食落唔覺多味精，比起其他餐廳嚟講算清甜，成日食米粉河粉，今次一試呢種粗麵覺得好特別！推介！豬手食落唔會太韌太淋，食完一舊會忍唔住繼續食第二舊！🤣順帶一提，豬手配埋佢哋嘅辣醬好好味！！！ 🌞牛腩河粉（大） 牛腩唔會太老，唔會出現咬唔開嘅情況！河粉同出面嘅餐廳差唔多，冇咩特別😋，但係呢碗牛腩河粉係好味抵食嘅！ 🌞牛丸（細） 推介大家一定要嗌嚟試下！唔知係咪食得多其他餐廳嘅大大粒牛丸，嚟到呢度食呢啲牛丸細細嚟好得意，食落有驚喜，好彈牙！😍一定要試下！ 溫馨提示： *除非你超級細食，唔係嘅掛都係建議要大碗嘅麵，因為就算係大碗都唔係你想像中咁多！🍜 *餐廳環境比較簡陋冇冷氣，但係設有風扇，建議怕熱嘅話夏天可以帶部風扇仔，食得舒服啲！餐廳冇冷氣都有咁多人排隊幫襯，可想而知呢間餐廳真係值得一去！

🍽️用餐日期：2021年2月26日 🕐用餐時間：下午時段 🙉等候入座時間：0分鐘 之前已經嚟西貢呢邊食過一次松記，嗰次因為疫情禁堂食，外賣又有折，叫咗次外賣，今次嚟多次試下外賣同堂食嘅分別🤓 印像中之前外賣嘅分量較少，同埋味道就無感濃郁，而今次堂食就好味好多！ 😋豬肚+豬大腸+牛筋腩（河粉）$52 湯底方面夠濃鬱，唔會太咸，食完唔會覺得有口感嘅感覺，豬大腸同牛筋腩都好滑，無任何內臟嘅味道殘留😆但係度要一提嘅係，豬肚有小小韌，都需要啲牙力先咬到，河粉同呢個湯底都夾👍🏻😋 😋魚皮餃+豬紅+魷魚（粗麵）$41 魷魚夠曬爽口👍🏻魚皮餃就較平時超市買開嗰種大啲，如果唔中意魚皮餃太大舊嘅朋友可以同朋友share，或者叫其他餸喔😆另外好推薦大家食呢間嘅豬紅，好入味！ 🐱服務 餐廳嗰日就嚟滿座，服務員都有催落單，但整體嚟講服務都唔錯，一舉手就有人行埋嚟睇下有咩需要 🐱環境 衛生方面就普普通通，未去到好乾淨，但都企企理理！以車仔麵餐廳嚟講都算係咁！ ✨備註：每碗車仔麵可享一杯飲品半價嘅優惠喔🍹

🤤飲用日期：2021年2月26日 🕐飲用時段：下午 🙉等候取飲品時間：約5分鐘 西貢嘅茶飲和台式奶茶鋪頭好少，只有兩三間，而呢間就位於美食街嘅巷仔中間，好容易搵到！👍🏻呢間舖頭雖然規模唔大，但都見到有唔少人幫襯。 🍹Menu 方面，同一般奶茶舖頭一樣有奶茶、沙冰、水果茶等各類飲品，絕對有一款係你中意嘅！ 🍹韓國蜂蜜柚子茶 $25 我甚少係奶茶舖買水果茶，但呢杯水果茶普通得嚟又幾好飲，幾解渴！🍯飲開少甜或者想解渴嘅建議叫七分甜！溫馨提示，飲之前記得稍微攪拌一下會更加好飲！✨ 🍹服務 本身想叫半糖，但店員話半糖會無咩味，建議我哋叫少糖就夠！最尾少糖嘅甜度真係啱啱好！另外，呢間舖頭嘅特別之處係有隱藏茶飲🤐我哋過去問佢詳情嗰陣都好有耐性咁介紹👍🏻如果有興趣都可以買杯試下喔！

🍽️用餐日期：2020年2月15日 🕛用餐時間：午餐時段 🙉等候入座時間：15分鐘 適逢新年 去黃大仙探親戚朋友後 係附近搵一個餐廳食lunch 🍽️ 未行到門口 已經見到餐廳大排長龍😂攞咗張飛之後 唔夠15分鐘就入得 😋九州叉燒讃岐湯拉麵+熱奶茶 拉麵嚟講 呢間餐廳嘅拉麵算係平價抵食 餐廳嘅拉麵係手打拉麵 食落拉麵好彈牙 夠曬煙韌🙉味道方面 湯底夠味 咸度適中 唔會有太咸嘅感覺👍🏻跟餐再叫咗一杯奶茶 奶茶普普通通 唔會有特別嘅驚喜 😽服務 當日係新年假期 算係幾多人 但服務依然好周到 唔會有催你點餐或者催你埋單嘅情況出現👍🏻 😽環境 環境乾淨程度就不過不失

🍽️用餐日期：2020年1月 🕑用餐時間：下午 🙉等候入座時間：0分鐘 由於晚市禁止堂食 但心血來潮又想打個邊爐 行行下街發現將軍澳呢間老媽拌麵有個限定邊爐食～於是決定入去試下💗 ✨老成都擔擔麵✨ 麵質嚟講都幾咬口 夠特別 至於味道方面 夠香夠辣 成碗麵搭配起嚟好夾 個人就覺得咸咗小小🙊中意重口味嘅朋友可以試下喔 如果食開清淡嘅你可以試下其他餐 呢間餐廳嘅麵都值得一試😽 ✨邊爐✨ 呢個邊爐係我食過最健康嘅餐廳邊爐😂唔係無味嗰種 佢清淡得嚟好清甜 食完唔覺有熱氣或者口乾嘅感覺🙊但平時食開嘅邊爐口味都較為重小小 所以覺得呢個邊爐都不過不失咁啦🙊但價錢方面就貴啲🙉 😽 服務 嗰日係平日嘅下午時段 唔洗等位 上菜速度同服務都好周到👍🏻 😽環境 餐廳好乾淨 完全無唔舒適嘅感覺

🍽️用餐日期：2020年2月19日 🕛用餐時間：午餐時段 🙉等候入座時間：0分鐘 呢日生日 朋友帶我嚟咗呢間牛陣打邊爐 雖然平時聽過呢間餐廳嘅名 但係未了解同食過 所以都抱住試下嘅心態去食🙉朋友一早訂咗座 加上啱啱開門 所以都唔洗等位😚食咗大概半個鐘 顧客慢慢開始多 所以想嚟食 但唔想等位嘅提早訂座會好啲！ 🤤套餐選擇 套餐有分唔同時限同肉類選擇 我哋就揀咗90分鐘嘅澳洲產長期穀飼牛套餐😋有牛舌 豚肉同埋牛肉💗肉類方面都幾鮮甜 🤤配菜、麵類、飲品 至於配菜就唔算多 有少量丸類 可惜無我最中意食嘅芝士丸🙈而菜方面有生菜同椰菜 麵類方面選擇算多 有即食麵 烏冬 拉麵等等選擇 至於飲品就有烏龍茶 梳打等 🤤醬料 個人認為醬料嘅選擇唔算多 好在佢嘅湯底夠濃夠味 🤤湯底 我哋揀咗豚骨湯底 可惜醒唔起問服務員有無鴛鴦湯底 如果唔係仲可以試下佢嘅麻辣湯底🙉豚骨湯底好夠味 同其他配菜 肉類都好夾 推薦推薦！ 🤤推薦 個人最中意食佢哋嘅日式拉麵 拉麵吸收曬湯底嘅精華之後 食落好滿足😽加上個拉麵夠煙韌同滑 好好食 所以我都攞咗三次 另外推介士多啤梨味嘅雪糕 真係唔錯！ 🍽️服務 個湯底都係店員推薦 每隔一段時間都會問我哋洗唔洗加湯 禮貌 服務態度各方面都係我之前食嘅放題餐廳無嘅👍🏻 🍽️環境 睇圖就知呢間餐廳真係好企理 乾淨 食得好舒服 🍽️整體 味道 環境 服務各方面都好滿意 但個人認為係配菜同埋配料選擇方面多啲就更加好啦 但呢間絕對係值得再次回頭嘅餐廳！🐱

🍽️用餐日期：06/02/2021 🕢用餐時間：7:30 PM 🙉等候取餐時間：5分鐘左右 之前都食過一兩次十勝牛 都係堂食🙉但遇上疫情同下午六時後禁堂食 於是久違地買一次外賣 依家十勝牛晚市外賣有8折 好吸引😚 ⛄鰻魚炒飯 $47 味道不過不失 炒飯嚟講都係堂食夠熱會好食啲😫堂食大份同好味好多 值得一試！ ⛄十勝牛炒米 屋企人最中意食呢個 炒米最驚就係炒到碎曬 但呢盒米粉絕對無呢個問題😚 ⛄韓風豬頸肉炒拉麵 我個人最中意食呢個 拉麵夠滑夠味 不過驚油膩嘅朋友可能會覺得呢個有啲油🙉 ⛄炸雞軟骨粒 屋企人中意食呢個 到我夾嗰陣得翻兩粒🤣🤣有附埋一細盒沾醬 味道好夾🤤 ⛄蟹籽沙律 另外仲叫咗個沙律 味道幾新鮮 （抱歉 張相所顯示嘅只係一部分🙈) ☄️服務評價 服務好周到 我驚等太耐所以打電話去餐廳叫餐 本身以為未比錢應該都唔得 但餐廳好體諒顧客嘅需求🙉 ☄️食物分量（共$169） 我明白8折優惠下分量會比平日堂食少 但係分量方面真係少咗啲啲🙈 ☄️防疫措施 門口有溫度偵測器 店員規定必須經過測量溫度方可進入餐廳內 做得好足👍🏻 ☄️環境及衛生 雖然今次無堂食 但餐廳整體環境乾淨衛生🙉

🍽️用餐日期：11月29日 🕐用餐時間：1：00-2：00 🙊等候入座時間：0分鐘 印像中 除咗食屋企整泡菜年糕 從來無食過韓國餐廳嘅正宗嘢食 朋友都好食得辣（我就麻麻😹）不過試下都好！一開始我同朋友迷咗路搵咗去第二間 後尾先發現睇錯地址～ 想去嘅朋友可以係佐敦站落車 B出口 穿過一個細商場之後出到路面 行大概15分鐘就到 去到應該係開門無耐 所以有九成空座位 後尾就慢慢多小小人～ ☃️四個人一齊食咗半隻甜辣炸雞、部隊鍋泡菜拉麵、泡菜辣豬肉烏冬、壽司卷同埋一個泡菜飯（唔記得影嗚嗚～）不過兩位朋友碗烏冬同飯好大碗 食物曬～ 整體嚟講都算唔錯 所以點單 中意環境靜小小同食韓國嘢嘅你可以試下（甜辣炸雞真係好味！） 備註：服務員講英文 所以點單係用紙筆寫低喔～