西樹泡芙 (MOSTown新港城中心(4期))

營業中

休息中

西樹泡芙是我每日返工必經的一間店，今次終於得閒買黎食，原來好睇又好食。呢間西樹泡芙地點喺馬鞍山地鐵站附近，十分之方便。淨係睇人頭湧湧，就知道非一般 的美味。櫥窗裏面都係五顏六色的。最大問題就是選擇困難症，邊一款先好呢!?今次試下佢重點推介朱古力脆卜卜系列， oreo脆脆同埋恐龍脆脆， 如果你本身係朱古力fans的話，咁你一定唔可以錯過!軟綿綿嘅泡芙包住脆卜卜嘅朱古力。香濃又複雜嘅美味絕對唔係一般嘅刺激! 一啖咬落去外脆內軟，入面勁creamy! 好有幸福感! 我覺得最好食是佢啲朱古力同曲奇味，味道香濃!另外仲買多一支北海道牛奶布丁， 嗰種滑捋捋 白雪雪嘅香甜美味。最適合飯前飯後甜品!仲有各種鮮果泡芙， 睇見都流曬口水!可能我要連續食一個星期，先至可以將所有味道 全部試完!

早前趁疫情回落時跟男朋友到了馬鞍山走走,這麽大個人也只是第二次踏足這個地方,原來現時已多了很多商場和餐廳,也不算是美食沙漠吧哈哈。臨走前經過這家西樹泡芙,哇,現在已有很多新口味,忍不住買了幾個回家試試。蘋果金寶泡芙,蘋果金寶是我十分喜愛的甜品,每逢看到它口味的食品都一定會試!面層鋪滿肉桂味的蘋果粒和金寶,金寶雪過後亦保持脆脆的口感,做得很不錯,吃一口已經很滿足。不過略嫌蘋果金寶的糖漿多了小小,有點甜。但我認為以這個價錢能吃到蘋果金寶和泡芙,很划算啊哈哈。北海道牛奶布甸泡芙,這個泡芙夾著一大個牛奶布甸,用上北海道牛奶,奶味香濃,口感幼滑,配上脆身的泡芙,吃下有多重口感。法式焦糖燉蛋泡芙,法式焦糖燉蛋也是我杯茶哈哈。焦糖燉蛋有濃濃蛋香,面層加上焦糖脆脆,我覺得比甜品店吃的焦糖燉蛋更出色!這一新系列的泡芙都很出色!!!希望它們會繼費推出更多不同口味的泡芙滿足我這個甜品控。

成日早餐都食麵包、三文治，有時都會覺得厭㗎！😢😢今日行過屋企附近呢間西樹泡芙，都係買幾舊同家姐一齊食返個fatfat嘅早餐先！今次仲揀咗兩款新口味 — Oreo脆脆 $27 同 恐龍脆脆 $27，我就鍾意Oreo脆脆多啲！唔好太甜又有啲餅咬下，不過呢款最好即日食呀，塊餅過夜會變軟🥺另外仲揀咗濃朱古力曲奇 $20同 法式焦糖燉蛋 $27，兩款都經典啲嘅味道，法式焦糖燉蛋口感夠晒豐富，豬太郎好鍾意😆佢哋每個月2號仲係泡芙感謝日，會有特別優惠𠻹！如果諗唔到下午茶同早餐食咩，泡芙都係一個幾好嘅選擇🤓🤓

之前成日係出面買泡芙食，今次西樹泡芙終於開到黎馬鞍山呢個美食沙漠。今次買左4件，連個盒都包裝得好靚。原味忌廉：每次都必食，簡單既口味先食到泡芙既真滋味。泡芙既皮夠脆係重點。特濃吉士泡芙：雙重吉士既享受，一咬落去，滿口都係吉士，鐘意食吉士既朋友就會好鐘意。北海道牛奶：一層牛奶啫喱，加厚厚既忌廉，唔會太甜，配上脆脆既外皮，好味，都係本人既至愛。抹茶紅豆：小小既泡芙配上厚厚既紅豆蓉，配埋抹茶忌廉，口感一流。而家近近地都可以買到，方便泡芙愛好者。

行經商場見間「西樹泡芙」，雪櫃有多款泡芙整齊排列出，見到都好開心，又有幾款夏季推薦，ㄧ於買幾件回家食。烏龍荔枝泡芙鬆軟的泡芙爽有烏龍茶味的吉士，加上爽口清甜荔枝，還併入有淡淡烏龍茶的啫喱粒，口感多元化，味道又清新，係夏季的不二之選。奇異果乳酪泡芙這款味道酸酸甜甜，乳酪食下比較輕型，加上新鮮的奇異果，感覺零負擔。蘋果金寶泡芙用焦糖和玉桂粉煮過的蘋果粒，香香甜甜，舖在脆皮朱古力泡芙上，真係十分夾。濃朱古力曲奇泡芙泡芙外層鋪滿了濃濃朱古力曲奇，十分鬆脆可口，內層釀入了奶香甜蜜的吉士忌廉，濃淡適中，就係好食到停唔到口。

放工之後嚟到新港城，好想食甜嘢，決定星期五好好獎勵自己HA 鋪頭有好多唔同嘅泡芙口味，仲有布丁同窩夫。今次就買咗呢四款泡芙，分別係朱古力三重奏、士多啤梨乳酪、抹茶紅豆同特濃吉士。泡芙嘅外皮蓬鬆酥脆，有濃郁牛油香味，加上漲卜卜咁，見到都覺得好得意~我最鍾意係朱古力三重奏，除咗有濃濃嘅朱古力味，仲有果仁喺入面，口感豐富。而士多啤梨乳酪，有幼滑嘅忌廉，同埋甜甜嘅士多啤梨呢，餡料仲非常充足，呢個配搭都唔錯呀。媽媽就鍾意抹茶味，加埋紅豆，味道都唔會太甜~而且每件都係$20左右，價錢合理，下次可以試埋其他味先HA

每次經過沙田的西樹泡芙, 都總是未有機會一試, 今日終於因為在新港城工作完可以直接回家, 就當然要一試每次都是眼花撩亂, 心大心細, 每一隻泡芙都吸引, 不知翻那一款的牌子好另外一邊還有類似糯米糍的小甜品店員推介新出的幾款口味, 橫豎自己下不了主意, 就試試最新的味道包裝盒精緻, 店員亦友善的給我幾塊乾冰, 好讓回家途中保持冷凍, 好細心差不多一個小時的車程,  泡芙沒有變淋,  cream 也沒有走樣, 不錯先試較淡味的烏龍荔枝, 淡淡茶香QQ,  跟原粒果味香甜的荔枝味一起吃很清新, 這款多吃一個也無妨恐龍脆脆類似咖啡味配搭朱古力味的泡芙,  脆脆帶點咬口更好吃, 兩款味道誰也沒搶誰的風頭一款就要了經典的朱古力三重奏, 重重的朱古力味很對胃口, 尤其喜歡不是一味死甜, 吃完滿口都是香濃朱古力, 呵氣如朱 

今日經過新港城商場，見到店面非常夢幻吸引嘅西樹泡芙，忍唔住駐足望吓，估唔到泡芙會有咁多種口味，而且價錢唔貴，買咗幾個返屋企食！口味包羅萬有，有：北海道牛奶、Oreo、奇異乳酪、朱古力、烏龍荔枝、蘋果金寶、士多啤梨乳酪、抹茶紅豆…… 數之不盡！最終我揀咗以下三款：榴槤泡芙 $26白桃吉士泡芙 $27法式焦糖燉蛋泡芙 $27法式焦糖燉蛋泡芙入面有成舊布丁， custard又軟又滑，仲好香蛋味，係驚點鐘嘅經典！白桃吉士泡芙賣相最靚，果肉新鮮香甜，感覺清新。榴槤泡芙係當中最驚喜嘅一款，採用D24榴槤，散發着濃郁嘅榴槤香，超好食！泡芙唔單止賣相靚，仲非常好食，真係一試愛上。$89優惠價可以任揀五件經典口味的泡芙，下次一定會再買！

西樹泡芙進駐馬鞍山新港城，實在是小朋友和愛甜大朋友的驚喜！它的位置就在大戲院旁邊，相當顯眼，我們每次入商場都必定經過，好難不被吸引啊！每次見到優惠卷的日期還剩下一日，所以不能錯過吧！一口氣買了4個黑白配系列：分別是兩個黑迷人可可即是濃朱古力曲奇味和兩個誘惑忌廉即是原味忌廉囗味＝＄29＋＄29 很優惠喔！濃朱古力曲奇味：泡芙表層有脆脆的朱古力🍫碎，增加口感。泡芙脆囗鬆軟，配合甜甜的吉士忌廉，簡直一流！既不覺得乾，而泡芙的朱古力淡味更剛好中和忌廉的甜度。原味忌廉囗味：相對朱古力曲奇味來說，這款會適合愛吃忌廉香味的人，因為忌廉味濃，保留泡芙的牛油香，令忌廉味更為特出。