西樹泡芙 (MOSTown新港城中心(4期))

營業中

休息中

西樹泡芙是我每日返工必經的一間店，今次終於得閒買黎食，原來好睇又好食。呢間西樹泡芙地點喺馬鞍山地鐵站附近，十分之方便。淨係睇人頭湧湧，就知道非一般 的美味。櫥窗裏面都係五顏六色的。最大問題就是選擇困難症，邊一款先好呢!?今次試下佢重點推介朱古力脆卜卜系列， oreo脆脆同埋恐龍脆脆， 如果你本身係朱古力fans的話，咁你一定唔可以錯過!軟綿綿嘅泡芙包住脆卜卜嘅朱古力。香濃又複雜嘅美味絕對唔係一般嘅刺激! 一啖咬落去外脆內軟，入面勁creamy! 好有幸福感! 我覺得最好食是佢啲朱古力同曲奇味，味道香濃!另外仲買多一支北海道牛奶布丁， 嗰種滑捋捋 白雪雪嘅香甜美味。最適合飯前飯後甜品!仲有各種鮮果泡芙， 睇見都流曬口水!可能我要連續食一個星期，先至可以將所有味道 全部試完!