襟江酒家

歷史悠久既【襟江酒家】最近係家樂坊重開，就同fd去試下佢地既點心。點心時間由早上8:30到下午16:30都有得食。平日仲有早市長者優惠同下午茶優惠。因爲沿用舊式酒家既形式、所以係要搭臺同有點心車，非常懷舊復古。上湯鮮蝦粉果：外皮先炸過，非常新鮮脆口，每一粒都有超多蝦、漲卜卜，加上上湯非常清甜。鮮竹卷：腐皮吸飽蠔油湯汁，餡料有蝦肉、豬肉同蔬菜，軟嫩多汁。叉燒腸：比較遜色少少，皮比較厚。但叉燒餡好食。煎蘿蔔糕/芋頭糕：蘿蔔糕煎到外脆內軟，芋頭糕粉糯帶芋香，兩款都唔油膩～雪山叉燒包：雪山皮鬆化同內裡叉燒餡鹹甜交織，熱辣辣食超滿足！燒賣：豬肉同鮮蝦燒賣紮實彈牙，蟹籽點綴增加鹹香，經典之選～鵪鶉蛋燒賣：燒賣加上原粒鵪鶉蛋，蛋香濃郁，口感更豐富～必推懷舊手工點心。灌湯餃：傳統做法！餃皮薄透，包住熱湯同鮮肉餡，一啖咬下爆曬汁～唔係浸湯版本先考功夫！叉燒酥：酥皮層次分明，叉燒餡蜜汁入味。芝麻卷+民豐糯米糍：黑芝麻香濃，口感軟糯，一D都唔甜。糯米糍皮薄餡多，花生芝麻糖香口，老字號風味！必試佢地既叉燒類食品，因爲係由米芝蓮叉燒店師傅一手包辦。另外仲有5款燒賣（傳統燒賣、鵪鶉蛋燒賣、乾蒸牛肉燒賣、豬膶燒賣同豬肚燒賣）已經好少地方有得食。…查看更多

今日中午第一次到襟江酒家飲茶，之前聽聞佢同蓮香樓都係主打懷舊香港路線，為了尋找兒時回憶，食番好耐都食唔到嘅菜式，決定一試。一入門口，就被兩邊牆身的裝飾吸引住，左邊有幾個飾櫃，內𥚃放滿70-80年代生活用品，例如錄音機、膠拖鞋等等，喚起集體回憶。右邊整幅牆用類似「九龍皇帝」的字體寫下襟江酒家的歷史和飲食文化的傳承。講番食物，整體來講係美味的。我終於食番好多年見唔到嘅鴛鴦飯，仲有芝麻卷，正常好味。另外叫左一碟三併燒味：叉燒、燒腩仔同埋燒鵝，叉燒好得，肥瘦適中，燒腩同埋燒鵝都好美味，最驚喜係送埋久違的蠔油豆。點心方面，食左煎釀三寶、鳳爪、叉燒包、山竹牛肉、炸雲吞，整體高質。我揀左菊花併普洱茶，兒時味道，正。服務來講都好周到，態度十分之好。整體飲茶目的達到，懷舊兒時回憶充滿茶樓和腦海，值得再去。…查看更多

收工接咗檸檬寶寶放學，今次唔係普通放學，而係同佢展開一場「味覺時光旅行」—— 直奔旺角 #襟江酒家。一推開門，舊式吊扇、懷舊卡位、花紋地磚，仲有最重要嘅 「會行會走嘅點心車」🚂！「媽媽細個就係咁飲茶㗎，想食咩要自己行出去、踮高腳、大聲啲同阿姨講㗎！」檸檬寶寶雖然仲未識講嘢，但一見到點心車就手舞足蹈，雙眼發光，指手劃腳要我帶佢去「尋寶」。我幫佢遞點心卡俾阿姨蓋印嘅時候，佢興奮到全程笑到咯咯聲。呢度唔止食點心，係食一種人情味，一種要「眼明手快」嘅慢活節奏，一種而家好難體驗到嘅 community feeling。當然，我哋個肚仔同味蕾都收穫滿滿！即刻分享我哋嘅 「懷舊點心清單」：🌟 芝麻卷（菲林卷）｜超驚喜！必食！近乎絕跡嘅經典！口感超級彈牙煙韌，芝麻味濃到化唔開。我同檸檬寶寶一人咬一邊，佢食到「un un下」手舞足蹈，睇嚟好鍾意呢種古早嘅口感！🥚 經典蛋撻｜檸檬寶寶最愛！估唔到呢度連蛋撻都咁出色！酥皮鬆化，蛋漿又香又滑。**檸檬寶寶食到唔肯放手**，一手揸住蛋撻，食到滿嘴碎屑，仲想伸隻手去攞第二個！果然，美味係唔需要言語嘅，佢個食相已經話哂俾我知有幾好味。🥜 花生糯米糍｜足料到喊！一咬開，花生餡多到瀉出嚟！炒香嘅粗粒花生碎，加糖膠同椰絲，外皮軟糯。係舊式茶樓先有嘅實在份量，絕對係隱藏寶藏。🦐 蝦餃 & 燒賣｜點心界孖寶蝦餃皮薄蝦爽，燒賣肉香實淨。我夾細件俾檸檬寶寶試，佢食完一粒燒賣之後，即刻用手指指住籠仔，仲想要多粒！🦑 酥炸魷魚｜香口之選即炸熱辣，外脆內軟，點喼汁食。我拎住一條，檸檬寶寶好似小雀仔咁，細細口喺我手上啄嚟食，食到滋滋味味。坐喺度，檸檬寶寶望住我拎住舊式茶壺斟茶，望住隔籬枱伯伯吹水，佢個小腦袋好似不停咁吸收緊呢個懷舊場景。佢雖然講唔出，但我睇到佢眼神裏面嘅好奇同快樂。食到最後，佢一手揸住蛋撻，一手拎住條芝麻卷，滿足到不得了。我就知道，呢堂「飲茶歷史課」成功咗。我哋食嘅，唔止係一籠籠點心，仲係手推車嘅鑊氣、人聲嘅溫度，同埋一沓沓會消失嘅「菲林」記憶。而最好嘅傳承，就係睇住下一代，用最純粹嘅笑容同食相，愛上我哋嘅老味道。希望你哋都有機會，帶住身邊嘅人，嚟感受一下呢種仲有溫度、仲有熱氣、仲會「叮叮噹噹」推過你身邊嘅老香港味道。-📍 襟江酒家 (旺角)🏡 旺角登打士街56號家樂坊8樓801號舖💡 懷舊點心出沒注意：芝麻卷、蛋撻等出爐時間不定，見到點心車有就要果斷出手！帶小朋友嚟，記得試吓蛋撻，可能成為佢哋嘅最愛❤️-----#襟江酒家 #舊式茶樓 #點心車 #瀕危點心 #芝麻卷 #蛋撻控 #花生糯米糍 #親子時光 #香港傳統 #飲茶文化 #一代人的回憶 #食的是回憶 #旺角美食 #寶寶飲食記錄 #成長 #嬰兒日常 #嬰兒成長 #香港媽媽 #新手媽媽 #新手爸媽日記 #bb日常 #育兒日記 #親子kol…查看更多

【📍旺角｜襟江酒家】地址: 香港旺角登打士街56號家樂坊8樓801號舖(港鐵油麻地站 A2 出口, 步行約5分鐘)⭐旺角百年老店，懷舊手工點心🫖襟江酒家真係營造到舊時代氣氛連Staff制服都係著白色裇衫攞住盤大嗌：叉燒餐包、煎堆呢度仲有兩部舊式點心車同埋煎糕車冇點心紙填 係要攞住張點心紙出去拎點心穿越體驗老一輩以前既生活 真係好有懷舊感豬膶燒賣真係第一次食，豬膶好厚，口感軟稔，完全沒有腥味！內餡仲有蝦肉，咬落去超爽彈😋其他點心都好好食🤤仲要有細細個飲茶必食嘅啫喱杯空心煎堆仔〰️小點（$25）順德鯪魚球〰️小點（$25）豉汁蒸鳳爪〰️中點（$28）養生紅棗糕〰️中點（$28）鮮豬膶燒賣〰️大點（$32）叉燒焗餐包〰️大點（$32）襟江蝦餃皇〰️頂點（$42）（以點心車實際供應為主）💛下午茶☕️14:30-16:00有88折優惠💛🩵金齡銀髮優惠🧑‍🦳👩‍🦳茶位及全單免收加一🩵早上8時半-11時(須11點前結帳離座)出示樂悠咭或長者咭🪪同行者亦可享有此優惠👍🏻👍🏻…查看更多

旺角鬧市竟然隱藏住時光隧道！創立於清末民初嘅「襟江酒家」強勢回歸，踏進家樂坊7000呎空間那刻，瞬間穿越到老香港黃金年代✨ 梅蘭竹菊掛畫、花碼價錢牌、仲有即將絕跡嘅點心推車仔——阿姐推住熱氣蒸騰嘅竹籠穿梭枱間，呢份人情味簡直係會流動嘅歷史！即叫即製嘅堅持令人感動🌟 每日清早師傅開始搓揉拍打，絕對唔係預製菜！必試靈魂之作【金黃蛋撻】撻皮鬆化到咬落簌簌聲，中間燉蛋香滑如綢，熱辣辣入口瞬間榮登我今年蛋撻榜冠軍🏆 驚喜位係【蜜汁餐包】外層烤得微脆，蜜糖漬透包身卻甜而不膩，同鹹香內餡形成絕妙二重奏！現場所見無論後生仔還是老街坊都食到眉開眼笑，拎住點心卡追車仔嘅場面太有儀式感！快啲約埋朋友嚟懷舊，順手打個卡記錄瀕臨消失嘅飲茶文化📸…查看更多