之前呢間襟江酒家開業時，我就睇左arho TV Sunny Creamy佢地既片認識呢間酒樓，佢地好深入了解，呢度個個都係好勁既香港老師傅負責整野食，睇完覺得好正，今次終於到我黎食啦🤩呢度樣樣野都好懷舊，無論門面，裡面環境，去到連個茶盅都係有舊式茶樓既風味係度，呢度仲有人參烏龍飲，都係Sunny Creamy介紹，飲落真係入到喉嚨會甜，係度充分感受到果種香港既味道🇭🇰忘不了2人餐（$588）點心車自選燒賣呢個2人餐有一份自選點心，可以去點心車度揀，我地就揀左燒賣，熱辣辣係點心車攞出黎，用料靚，好食👍🏻金錢雞伴燒味三品金錢雞其實佢唔係一件雞黎，佢係用豬肉，大油豬肉，同埋雞肝組合而成既食物，我就未食過，原來咁好食又特別，大大啖肥咁樣食落唔會好肥膩，Creamy直頭食到開心到喊🥺燒味三品就係燒腩仔，叉燒，同埋燻蹄，燒腩仔脆皮好食，叉燒就係厚切既濃邊叉燒，個蜜汁好好食，燻蹄就普通冇特別😋精選小菜蓮藕餅蓮藕餅我覺得裡面唔會乾，外面又夠乾身，小小脆口咁，做得唔錯👏🏻忘不了魚魚有忘不了，老虎班，藍瓜子揀，佢叫忘不了餐梗係揀忘不了，佢d肉係勁嫩滑，然後又有豐富魚油味，但入口又唔覺佢好油咁，唯一係佢好多骨，唔識食骨既話會比較食得辛苦🐟悅和豉油皇炒麵（+$48）原本餐係跟兩碗白飯，可以加錢升級轉炒麵，個炒麵幾有鑊氣🔥甜品民豐糯米糍+懷舊芝麻卷民豐糯米糍居然唔洗去到荃灣排都食到，真係幾驚喜，呢個係花生餡，都好好食，芝麻卷個芝麻味好香濃，平時甜品係選一款，可能糯米糍賣曬所以可以夾埋芝麻卷一齊上😁今餐我真係食得好開心，可以感受到果種舊香港風味，又食到老師傅既出品，食物質素真係高，真心連壺茶都好飲，唔怪得之咁旺場😍…查看更多
