上湯鮮蝦粉果：外皮先炸過，非常新鮮脆口，每一粒都有超多蝦、漲卜卜，加上上湯非常清甜。
鮮竹卷：腐皮吸飽蠔油湯汁，餡料有蝦肉、豬肉同蔬菜，軟嫩多汁。
叉燒腸：比較遜色少少，皮比較厚。但叉燒餡好食。
煎蘿蔔糕/芋頭糕：蘿蔔糕煎到外脆內軟，芋頭糕粉糯帶芋香，兩款都唔油膩～
雪山叉燒包：雪山皮鬆化同內裡叉燒餡鹹甜交織，熱辣辣食超滿足！
燒賣：豬肉同鮮蝦燒賣紮實彈牙，蟹籽點綴增加鹹香，經典之選～
鵪鶉蛋燒賣：燒賣加上原粒鵪鶉蛋，蛋香濃郁，口感更豐富～必推懷舊手工點心。
1
灌湯餃：傳統做法！餃皮薄透，包住熱湯同鮮肉餡，一啖咬下爆曬汁～唔係浸湯版本先考功夫！
叉燒酥：酥皮層次分明，叉燒餡蜜汁入味。
芝麻卷+民豐糯米糍：黑芝麻香濃，口感軟糯，一D都唔甜。糯米糍皮薄餡多，花生芝麻糖香口，老字號風味！
必試佢地既叉燒類食品，因爲係由米芝蓮叉燒店師傅一手包辦。另外仲有5款燒賣（傳統燒賣、鵪鶉蛋燒賣、乾蒸牛肉燒賣、豬膶燒賣同豬肚燒賣）已經好少地方有得食。
1
1
1
