襟江酒家

歷史悠久既【襟江酒家】最近係家樂坊重開，就同fd去試下佢地既點心。點心時間由早上8:30到下午16:30都有得食。平日仲有早市長者優惠同下午茶優惠。因爲沿用舊式酒家既形式、所以係要搭臺同有點心車，非常懷舊復古。上湯鮮蝦粉果：外皮先炸過，非常新鮮脆口，每一粒都有超多蝦、漲卜卜，加上上湯非常清甜。鮮竹卷：腐皮吸飽蠔油湯汁，餡料有蝦肉、豬肉同蔬菜，軟嫩多汁。叉燒腸：比較遜色少少，皮比較厚。但叉燒餡好食。煎蘿蔔糕/芋頭糕：蘿蔔糕煎到外脆內軟，芋頭糕粉糯帶芋香，兩款都唔油膩～雪山叉燒包：雪山皮鬆化同內裡叉燒餡鹹甜交織，熱辣辣食超滿足！燒賣：豬肉同鮮蝦燒賣紮實彈牙，蟹籽點綴增加鹹香，經典之選～鵪鶉蛋燒賣：燒賣加上原粒鵪鶉蛋，蛋香濃郁，口感更豐富～必推懷舊手工點心。灌湯餃：傳統做法！餃皮薄透，包住熱湯同鮮肉餡，一啖咬下爆曬汁～唔係浸湯版本先考功夫！叉燒酥：酥皮層次分明，叉燒餡蜜汁入味。芝麻卷+民豐糯米糍：黑芝麻香濃，口感軟糯，一D都唔甜。糯米糍皮薄餡多，花生芝麻糖香口，老字號風味！必試佢地既叉燒類食品，因爲係由米芝蓮叉燒店師傅一手包辦。另外仲有5款燒賣（傳統燒賣、鵪鶉蛋燒賣、乾蒸牛肉燒賣、豬膶燒賣同豬肚燒賣）已經好少地方有得食。…查看更多

見到呢間酒樓咁有特色 勁多打卡位忍唔住帶老豆過嚟食下嘢家陣好多酒樓一係點心紙 一係QR code落單呢度就係自己出去拎點心 或者有姐姐推點心車呢啲就係舊時有互動嘅飲茶體驗❣️咖喱魷魚🦑咖喱汁好惹味 魷魚吸收晒咖喱嘅精華爽口彈牙 底下仲有啲薯仔 勁滋味❣️蝦餃皇大大隻 有勁多蝦肉 夠晒彈牙❣️鮮蝦韭菜餃外皮晶瑩剔透 有超多韭菜 食落有好多汁 熱辣辣食超好味❣️燒味雙拼飯叫咗叉燒同埋白切雞 叉燒香甜帶微無白切雞口感嫩滑 配埋薑蓉食更匹配❣️雞扎飲茶一定要食雞蛋 細個就鍾意食火腿同支竹魚肚同雞肉就留返比大人食 ❣️糯米雞糯米雞超級巨型 餡料超豐富鍾意佢唔算太多汁 而且糯米粒粒分明…查看更多

細細個父母外公經常帶我去茶樓🫖早市下午下午茶晚市都有在酒樓留下很多童年回憶👦🏻舊式酒樓買少見少小時候沒有電子遊戲 酒樓前台是最吸引有彈珠台 扭閃卡機 金魚缸 同埋海鮮魚缸最有印象就是家中大時大節都會在酒樓度慶祝返學前在酒樓食過一中兩味見到這間 #襟江酒家 舊式酒樓重開就想重拾過去回憶門口已經可以感受到濃厚嘅懷舊茶樓設計 簡潔明亮大堂最入有個簡單版既 「囍」字同 龍鳳🐉🐦‍🔥感覺回到19世紀初點心都有選擇多 仲有部分懷舊點心倒如 豬潤燒賣 西米露焗蓮蓉布甸 雞絲份卷最特別就是用車仔賣點心同煎腸粉三色糕個車仔 真係買少見少✨仲有新鮮點心出爐時 侍應經理叫賣📣George以最快出度💨去攞想食既點心回憶到小時候飲茶快樂時光#油麻地美食 #tg31eat油麻地.....#852 #hkig #hkfoodie #foodie #hkblogger #foodporn #likeforlikes #like4likes #hk #hkfood #yummy #yummyfood #手機食先 #相機食先 #懷舊 #點心 #舊式茶樓 #西米露焗蓮蓉布甸 #炸魷魚鬚 #煎蝦米腸 #煎三色糕 #雞絲份卷 #Dimsum…查看更多

人大咗，成日都會諗返起以前嘅事，想返返去過去美好嘅時光。最近有人介紹小編去襟江酒家 @kamkongrestaurant，話嗰度充滿懷舊色彩，本身諗住係嗰啲擺下懷舊裝飾嘅餐廳。🙂‍↕️原來佢堅係香港百年老字號，始於1909年。旺角呢間就係延續咗呢個百年品牌，堅持傳統推車仔整手工點心，夜晚就有特色懷舊菜套餐。🫶🏻🫶🏻茶位（$16pp)忘不了滋味二人套餐（$588）手工點心🥟🥟套餐可以揀一款點心，視乎當晚點心車有咩供應，我哋就揀咗襟江蝦餃，大大粒好飽滿，滿滿蝦肉，皮唔會過厚。推薦大家要試吓佢哋嘅辣油，係舒服嘅辣，仲有少少海鮮味。懷舊金錢雞 伴 燒味三小品（蜜汁叉燒、燒腩仔、海蜇燻蹄）🐖燒味師傅係老細特邀大圍小館嘅師傅坐鎮，蜜汁叉燒大大嚿都唔會韌，燒肉脆皮，仲有懷舊金錢雞。好細個喺元朗金記燒臘食過一次，其他地方好難搵到，集瘦肉、冰肉、雞肝於一身，口感味道都非常豐富。蝦籽柚皮🍊🍊另外可以喺十幾款小菜入面揀一樣，小編就揀咗呢個功夫菜蝦子油皮。呢款菜式喺出面越嚟越少見，皆因佢製作程序複雜，要經過多次汆水先可以去除柚皮苦澀味。呢間嘅柚皮冇乜苦澀味之餘，仲非常軟腍，而且上湯、蠔油扣得非常入味。清蒸忘不了🐟🐟呢個餐嘅主角係呢條忘不了魚，之前喺馬六甲一帶非常之紅。魚肉嫩滑，帶微微果香，調味仲帶少少酒香。佢嘅魚鱗亦都可以食用，口感韌韌地，都幾有趣！不過河魚始終比較多骨，大家要小心享用啦。太極鴛鴦炒飯（+$108）🖤🤍呢個係彌補小編細個嘅遺憾，細個成日想食鴛鴦炒飯，但屋企人往往會嫌佢多汁（太甜）、冇鑊氣而婉拒。小編而家終於食飯自由，可以叫自己鍾意嘅餸菜。太極係指茄汁雞絲同白汁蝦仁，兩款汁各有各性格，由相得益彰。最令我意外嘅係，雖然佢咁多汁，但仍冇影響到飯底嘅鑊氣，私心推介！甜品：民豐糯米糍🍡🍡估唔到呢度有荃灣嘅名物食！佢哋嘅糯米糍出名大粒飽滿，仲有開心果同芝麻兩款口味，夠晒誠意啦啩？(需加一服務費）襟江酒家 (旺角)旺角登打士街56號家樂坊8樓801號舖#襟江酒家 #旺角美食 #忘不了 #香港美食 #百年老店 #港式酒樓 #粵菜 #hkfoodies #講玩講食 #探店 #香港必食 #香港美食 #食評 #香港食評 #香港生活 #小紅書 #hkig #hkfood #hkfoodie #hkeat #mongkok #mongkokfood #nostalgia #traditional #酒樓 #茶樓 #百年老店 #懷舊 #懷舊香港 #那些年…查看更多

餐廳創立於1909，現由蓮香樓後人主理，拒絕預製菜，主打全人手製作點心、明爐燒味、大排檔小食等。店內裝潢以懷舊風呈現，仲有懷舊手推點心車同點心紙，彷彿回到八十年代。🦐 點心 - 蝦餃外皮厚度適中，內裏包住大大粒嘅鮮甜蝦仁。🫔 燒味三小品一次過集合叉燒、燒腩仔、海蜇燻蹄同金錢雞，第一次食，散發住獨特味道，肥肉、瘦肉、雞肝，口感層次豐富，值得一試。🦑 椒鹽鮮魷炸至金黃色，外酥內嫩，鹹香惹味～ 🐟 忘不了魚肉質潔白，味道鮮甜，骨偏多且細，要小心食。🫓 甜品 - 糯米糍係荃灣老字號民豐嘅糯米糍，花生口味，外皮軟糯，口感Q彈，香甜，餡料飽滿，為呢餐畫上完美句號。…查看更多

🌟襟江酒家🌟係香港最歷史悠久嘅酒家，創業於清末1909年，傳承一個世紀！而家係旺角重開🥳，將香港老酒家文化象徵 - 碩果僅存嘅點心車、特色花碼餐牌、金龍金鳳、買少見少嘅真材實料手工菜等元素，經典重現👏🏻！餐廳逢星期四、日，晚市 7-9pm 會有 Busking🎸，係懷舊金曲夜🎶，氣氛高漲🎉！🐟忘不了 魚韻悠揚 滋味套餐 $588/2位套餐包含蒸魚、自選點心、精選小菜、燒味拼金錢雞、白飯及甜品！🐟忘不了魚套餐嘅主角，約12-14兩重，以雞油蒸，花雕酒另上，可增香增味！🔥懷舊金錢雞 拼 燒味三小品老酒家嘅燒味，功夫扎實，叉燒、腩仔、燻蹄都好好味！金錢雞中間嘅雞肝，特別滋味！🥟自選點心襟江蝦餃皇 - 大大粒皮薄餡靚！連頂點都包，正！🥢精選小菜蜜椒金薯牛柳粒 - 牛柳軟腍，金薯甜美，撈飯一流！🍚白飯飯粒分明，撈有汁水嘅餸就Fit晒！🫘甜品套餐跟埋時令糖水，另可選糯米滋、芝麻卷或桂花糕！🥤樽裝汽水 $15細樽裝先夠懷舊！…查看更多

呢排興懷舊，睇社交平台見到襟江酒家個vibe好似幾好🕺🏻，所以嗰日就專登訂咗位去試吓。成間舖頭有門口至大廳整體佈局都充滿着7-80年代feel，仲有live music🎶，氣氛真係冇得輸🤩！今日叫咗個忘不了二人餐。除咗忘不了魚之外，仲包咗一個燒味三小品、小菜、一個自選點心、同埋甜品。三小品包括咗金錢雞、燻蹄、同埋一個真係好出色嘅窿邊叉燒🐷！好Juicy，好大嚿🤤！小菜方面我就揀咗個外脆內軟嘅，椒鹽豆腐。椒鹽豆腐嘅精髓就係每一啖都要食到蒜香同埋椒鹽味😍，聽落好簡單，但係有幾多間真係做到啊？點心呢，就叫咗個牛肉球，陳皮帶出牛肉嘅鮮味，加埋喼汁食真係唔錯😋。戲肉就係個忘不了魚🐟。雖然我本身唔多食魚，尤其是係蒸魚（因為有骨），但係驚阿姐再三游說之下，決定一試！阿姐真係冇介紹錯！食第一啖已經刷新三觀，原來蒸魚未必一定要熟油豉油！雖然唔知點整，但係每一啖都係真心油香十足🥰，食完必定有一種幸福嘅感覺！真係要真心多謝阿姐❤️！甜品方面，仲食埋個懷舊芝麻卷：童年感覺返晒嚟，食到流淚唔出奇☺️。我仲眼闊肚窄叫多咗個，超級Juicy嘅花雕三蔥爆牛柳🐄。鑊氣十足，牛柳香口🥩，一啲都唔韌，就算擺過夜第日加餸仍然風味十足！除此之外，佢個西米焗布甸真係唔係度度都食到。識食嘅人都知道，焗布甸最珍貴就係嗰塊皮：厚薄適中，煙煙韌韌😍， 100分！…查看更多

身為80後，我最懷念就是懷舊點心車酒家我的童年大部分時間都陪父母及親人飲茶我永遠都記得炒米粉的點心姐姐躲在哪裏🤣她經常神出鬼沒，不知在哪裏又有陌生茶客教年幼的我如何用筷子🥢 今次我就帶你喜歡飲茶🍵的爸爸去到位於旺角家樂坊的百年老店襟江酒家剛開業不久，酒樓主打每日鮮製懷舊手工點心襟江酒家歷史可追溯至1909年由第二代茶樓王譚晴波於廣州創立其後在香港開設分店，直至1980年代位於中環分店被接手，並改名蓮香樓👲🏻🍵🫖👲🏻🍵🫖👲🏻🍵🫖“襟江酒家負責人重開襟江是希望再次帶動香港的懷舊飲茶文化” 🪭✳️🪭✳️🪭✳️🪭✳️🪭✳️🪭✳️🪭✳️酒樓以簡樸的裝潢，配上懷舊花紋瓷磚地板、花碼價錢牌加上身穿白色制服的茶博士提着大茶煲，穿梭席間為客人添水多位點心姐姐會推着蒸籠點心車大聲叫賣點心名字，此時此刻讓我重拾童年的早午茶回憶 我推介的點心是香煎芋頭糕、富貴金錢肚、豉汁鳳爪、芝蔴卷、煎腸粉、奶黃包，點心味道剛剛好，真材實料，果然係手工製的點心，亦好符合港人嘅口味，好值得推介，我好開心可坐到大卡位，亦想不到我爸爸會點好傳統的芝蔴卷🤣😂。 …查看更多

今晚去咗位於旺角家樂坊8/F嘅百年老店食懷舊港式粵菜 🫖🫖🫖 恭喜老店最近重開 🥳🥳🎉 店面配合主題以港式老牌酒樓裝修為主調，加入少量現代風，仿似去咗50-60年代酒家甘，別有一番風味 👍👍👍 食物以現制粵式懷舊菜、手工點心作招徠，🥟🥟🥟 回味傳統經典香港菜式 👍👍😋 店員安排我哋坐低之後，就可以揀餸落單…. 我哋試咗個新出嘅2人餐 - 忘不了滋味套餐 🐟🐟🐟 有以下幾味 ：1.) 自取手推車點心 🥟 任選1款，我哋揀咗蝦餃 🦐🦐🦐 使用傳統微厚半透明皮包入蝦肉，清清地而有咬口 👌👌2.) 燒味拼盤 🍖🍖🍖 金錢雞 伴 蜜汁叉燒 、 燒腩仔 & 燻蹄，金錢雞好少地方有得食，據說係一款經典懷舊點心，由雞肝配以玻璃肉燒制，味道幾特別～ 😋😋 & 蜜汁叉燒都唔錯 👍👍3.) 忘不了魚 🐟🐟🐟 主角出場，👑 河魚之王以清蒸方式烹製，保留原有嘅果香魚油汁，滿滿黃色嘅Omega-3, 清新香滑 ，有獨特而其他魚食唔到嘅果香味，值得試吓，有忘不了的味道 👍👍😋 今餐之最 ⭐️⭐️ ⚠️⚠️ 每條12-14両，小魚骨偏多，需小心食用⋯ 😇😇😇 如果大條d 就perfect, 之前喺馬拉食過條3/4斤嘅 😇😇😇 4.） 自選小菜1款 🦑🦑🦑 我哋揀咗椒鹽鮮魷，冇得唔得 😂😂😂 5.) 白飯 x 2 🍚🍚🍚 可 upgrade 炒嘢～6.） 甜品4選1 🍮🍮🍮 民豐糯米糍，芝麻 & 花生味，皮軟彈中包住厚厚嘅餡料，正呀～ 😋😋😋 整體來講係真材實料制作，食返久違嘅懷舊原味道 😋😋🥰 & 有原條忘不了嘅魚香～CP算幾高 💡💡💡⭐️⭐️⭐️ 另設有4 / 6 人餐🦀🦀🦀 +$98 有大閘蟹食…查看更多

全港數一數二歷史悠久嘅酒家，百年老字號「襟江酒家」選址旺角家樂坊重開‼️餐廳裝潢復古懷舊，有碩果僅存嘅點心車、氣派飛凡嘅龍鳳大禮堂等🐲一磚一瓦都呈現出舊香港酒樓風味☕️加上多款經典全人手製點心及甜品，逢星期四、日晚上7至9點嘅Busking活動🎤成功吸引大批港人到訪🎉老闆透露不論午市或晚市，店外都出現長長人龍呢🥰🔸忘不了套餐（$588/2位用）▪️點心一款：襟江蝦餃王蝦餃皮薄晶瑩，內裏蝦仁爽彈富鮮味，食落真係有別於坊間嘅預製點心✅▪️懷舊金錢雞 伴燒味三小品（蜜汁叉燒、燒腩仔、海蜇燻蹄）金錢雞由豬肉、大油豬肉同雞肝製成，油香滿溢卻不覺肥膩✨叉燒肥瘦得宜，燒腩仔皮脆鬆化，燻蹄肉質爽彈，每款都各有千秋💕▪️精選小菜一款：古法咕嚕肉咕嚕肉以紅薑炒成，酸甜得嚟帶點薑辣味，入口味道豐富有層次👏🏻▪️清蒸魚鮮：忘不了魚馬來西亞「河魚之王」，味道鮮美回甘，雖然多骨但魚質相當滑嫩🐟老闆温馨提示魚鱗可食用，非常特別呢～▪️靚仔白飯（位上）▪️合時甜品：懷舊芝麻卷菲林造型嘅黑芝麻卷😚入口瞬間被香濃嘅芝麻味征服，口感煙韌彈牙，值得一試👍🏻▪️加配特點：蓮蓉西米焗布甸（$35）老闆誠意推介之一，布甸焗得焦脆吸引🍮配搭有咬口西米及軟糯芋泥，作飯後甜品一流，熱食更滋味🔥▪️茶芥（$16/位）…查看更多

屋企人最鍾意去飲茶，所以為食🐑帶咗佢哋去襟江酒家，貪呢度有傳統點心車，更堅守「買少見少」嘅真材實料手工菜，體驗正宗老香港風味🫖🍲🐑一入門口就見到懷舊點心車出動！等我睇吓有咩食先 👀：🤎 古法豬肚燒賣唔係度度都有得食㗎❗️傳統手法製作，豬肚軟嫩入味，燒賣肉香十足，口感層次豐富！🖤 黑椒牛筋香濃黑椒汁，帶少少辣勁，入面除咗炆到軟腍嘅牛筋，仲有清甜蘿蔔㗎～❗️水吧嗰邊仲有即叫即炸嘅炸物 🔥🔥 熱辣辣新鮮出爐嘅叉燒餐包 ：🥯外皮酥脆，叉燒餡料滿滿，一咬即流心！💛 蛋散 加咗桂花蜜蛋散炸得金黃香脆，入口鬆化，配上清甜桂花蜜，甜而不膩，係經典懷舊滋味～呢度仲有好多手工懷舊小菜：💚 蝦籽柚皮 $148製法非常繁複嘅一個傳統小菜，柚皮處理得宜，食落完全冇有皮的澀味，反而帶微酸口感，加咗蝦籽更加鮮香突出，最好配返其他小菜同飯一齊食！💔 懷舊金錢雞賣晒啦～ 下次再過嚟食！…查看更多

今天去咗一間懷舊嘅酒樓去食早點, 有個龍鳳雙喜大舞台, 有台煎蝦米腸蘿蔔糕車,即叫即煎, 出去大廳拿點心, 有童年回憶嘅感覺, 老闆模仿返以前50年代嘅酒樓, 有點似蓮香樓的款色, 大家都去懷緬一番. 蝦餃,燒賣,腸粉,鳳爪排骨一樽兩味,指定飲茶嘅菜式, 第一次食這樣嘅灌湯餃, 呢啲係話舊菜式我未見過, 鵪鶉蛋燒賣已經好耐冇見過樣樣嘢都好懷舊，甚至乎連將飲茶枱都係兩層呢啲, 我都係未見過嘅. 上午11點前結帳, 長者兩蚊茶位, 沒有加一收費,真係好化算, 賣左單繼續坐你到傾計.…查看更多

放假最開心就係同媽咪一齊飲茶食點心！今次特登去咗旺角近期人氣急升嘅懷舊酒家「襟江酒家」，呢度真係充滿驚喜✨原來酒家已經有過百年歷史，由1909年開業，到而家重開，一入去就感受到濃濃嘅舊式情調。最難得係仲保留住點心車文化，姨姨推住車仔穿梭枱與枱之間，呢種畫面而家真係買少見少！今次試咗懷舊馬拉糕，鬆軟香甜，四寶雞扎用料十足，仲有叉燒腸粉滑溜得嚟米香濃郁。特別要讚佢哋嘅招牌蛋黃蓮蓉包，流沙餡料真係一絕！傳統點心如豉汁鳳爪同酥皮蛋撻都保持高水準，最後以軟糯糯米糍同懷舊芝麻卷作結，滿足到不得了！如果想體驗傳統飲茶文化，呢度絕對係不容錯過嘅選擇…查看更多

百年老字號酒樓喺旺角重開，晚市時段竟然見到就嚟失傳嘅手推車點心。當日去到仲有駐場歌手唱歌助興，估唔到可以保留傳統嘅同時，帶返現代嘅氣式比食客。忘不了套餐 $588 兩位忘不了魚最少都有12両嘅河鮮之最，可以見到肉質鮮嫩細緻，仲要啖啖肉。懷舊金錢雞伴燒味三小品金錢雞真係好少見，香脆嘅焦糖外層內裏其實係瘦叉燒和雞肝等等組成，唔係度度地方都食到㗎。其餘燒味都係肥瘦均勻，餸飯真係一流。精選小菜一份套餐包含一份小菜，我就叫咗人氣最高嘅蜜椒金薯牛柳粒，最鍾意連薯仔都煎到香脆，牛柳粒都夠晒多。而點心我就選擇咗蝦餃，真係皮薄而蝦肉又新鮮㗎。已甜品最後就揀咗民豐糯米糍和懷舊芝麻卷，糯米糍真係好煙靭而芝麻卷又有芝麻香。襟江酒家 (旺角)旺角登打士街56號家樂坊8樓801號舖 …查看更多

It is Sunday noon time when the entire place was crowded. We booked a table for 7 and arrived right on time, at 1200hrs, yet we needed to wait 15 to 20 mins to have our table ready.Good atmosphere when we saw the crowds and people walking around with their foods and stamp cards. Majority of the foods in this place you need to bring your stamp card to get. The foods were either located on their food cart or on their counter to get and self serve to your table. We also collected spicy sauce and other dippings on their drink bar area.The food overall were tasty. You should try all main and local/traditional dim sum is our recommendation. However, their BBQ grill dishes are quite expensive, 238$, was our dish costed, you may want to consider since the dish was not that big. …查看更多