蠔站 (諾士佛臺)

營業中

休息中

COVID-19 持續左一年，講真真係好少出街食飯，難得今日出去辦事就book 左衣間食好耐無食過嘅生蠔，對於我衣啲鐘意食生蠔但係唔識分邊隻靚邊隻好嘅人，衣間生蠔有10蚊隻叫真係好抵食，同埋唔似酒店buffet 無味，佢10蚊隻都海水味重，其實唔錯另外叫左Pizza、肉丸同軟殼蟹意粉，每樣嘢都好好味。好似係三色芝士Pizza, 薄脆底，芝士拉絲，熱辣辣食正意色肉丸，茄醬好味，5粒大大粒，不過都有小小貴軟殻蟹意粉，一整隻軟殼蟹，意粉係咸蛋黃汁，好好味。整體水準無下降，一餐滿意嘅午餐。

𝙊𝙎 𝙊𝙮𝙨𝙩𝙚𝙧 𝙎𝙩𝙖𝙩𝙞𝙤𝙣, 𝙏𝙨𝙞𝙢 𝙎𝙝𝙖 𝙏𝙨𝙪𝙞 🦪有晚突然好想食#生蠔 ，而且好懷念係#美國 可以US$1食一個生蠔，所以就上網搵番間又抵又好食既生蠔店。係#OPENRICE 見到呢間，睇完相同D食評覺得都幾正面就決定一試。印象中生蠔個陣時係賣緊$10一隻，我地兩個人好果斷每人要左一打。呢度嘅生蠔平得黎都好好味。食得出佢係新鮮而且好清甜，非常抵食。件牛塊都唔錯。OVERALL我覺得食物出色，地方幾大同夠熱鬧。大家有機會都可以黎試試👍.📍7/F, 1 Knutsford Terrace, #TsimShaTsui #HappiMuffinKowloon🌟#HappiMuffin Rating: 8/10💰Price: $200-300pp#hkig#hkigers#igers#yum#yummy#nom#nomnom#foodporn#hongkong#food#share#like#foodblog#foodie#love#follow#香港#香港美食#美食#美食指南

今次係我第二次黎 第一次去既時候食物質素都不錯 只係服務尚欠點知今次嘅服務比第一次更差⭐️OpenRice訂座 單點Menu有七折同有25分里數一嚟到我哋嗌左一打生蠔($10/一隻)大細都算適中 亦都有海水味之後再嗌多個午餐 澳洲肉眼配薯角另外有配沙律和湯($138)配一杯飲品如要轉特飲另加$10再單點一客卡邦尼意粉($108) 分量不太多當我哋差唔多食晒所有食物 一直等待我地杯飲品 水吧已經無人 聽面嘅waitress坐咗喺度食嘢 後尾同返職員講 我哋杯飲品仲未到 點知呢個時候先開始落單 但係其實我哋已經食到尾聲剩返一兩啖

待應態度🈶️待改善 ，本身食物質數唔錯 ，但service 真的不太好 ，加上 唔熟識餐單 ，但講老俸講明新調來，真的令我不想再光顧無 free flow架 ，每次添酒扮聽不到作龍

聖誕前夕24號去食 本身以為會好貴 不過我哋係食中午時段1500後食 用OpenRice訂座可以有七折 四人入座安排咗個相近嘅位置 我哋嗌左兩打生蠔 Size方面會細少少但係$10價錢可以接受 另外仲嗌咗一份軟殼蟹意粉 一份海鮮pizza 一份五成熟牛扒 一份黑松露蘑菇飯 全部食物都非常之好食 食物速度都ok 下次必定要encore 唯獨一樣要投訴 職員只有兩個人 係全場都滿客嘅情況下 出餐落order都係佢哋 希望能夠改善

之前去過他們中環店吃10蚊蠔覺得很不錯，今次到訪尖沙咀分店吃聖誕午餐。點了海鮮拼盤和牛扒。海鮮拼盤內的蠔海水味濃，又香又大隻，仲好乾浄，非常好食！牛扒點左rib eye，有種炭香味，肉味香濃，但medium rare 上枱已變成六成，有點過熟了。餐廳光線太過昏暗，另人感到眼瞓。不知是否疫情關係，職員只有兩位，找人點菜和埋單等了很久，但服務態度很好。希望蠔站能維持品質，繼續為大家帶來更多不同種類既蠔！蠔站，值得推介！

今日同朋友去完海洋公園玩足全日好攰，一於搵啲好嘢食下，咁就問咗朋友想食咩，佢就推薦左食呢間生蠔。原本我哋book咗另一間分店到晚上8:30先有折扣。由於我哋玩足全日已經太攰太肚餓，於是就直接你到尖沙咀分店Walk in，竟然有位唔使排隊，實在太開心。呢間店舖環境舒適燈光少少暗，顯得格外有情調，適合一班人傾偈，加上兩台大電視播放一啲經典嘅音樂令到氣氛更加舒適，而且可以枱之間嘅間隔亦都相距較遠，感覺好闊落唔坐得好迫嘅感覺，可以同朋友暢所欲言。我哋兩人叫咗一個海鮮刺身拼盤 一個火腿蜜瓜拼盤以及一個軟殼蟹意粉 。生蠔拼盤有三款 最平一款只需$8，非常之抵食。當然最好食當然是另外嗰兩款，生蠔夠大隻肉質好鮮嫩。當我哋食完之後店員亦都禮貌地問我哋需唔需要追加生蠔。最後我哋再次追加左$8隻嘅生蠔，非常之抵食。另外我哋亦都叫了一jar飲品，建議人多嘅話可以叫一jar 比較抵飲。想食生蠔嘅話絕對推薦呢間店舖。

早前問咗朋友邊間生蠔好食因為想同朋友慶祝生日，然後佢就推介喺尖沙咀諾士佛台呢間舖頭～由於要8:30之後先會有折扣優惠所以我哋直接Walk in上咗去一入到去嘅環境係唔錯嘅環境都幾乾淨而且會有啲音樂聽吓睇完menu之後就帶咗一個刺身拼盤（包8隻生蠔)，同埋火腿拼蜜瓜，再加黃金軟殼蟹扁意粉刺身同埋生蠔嘅質素都非常之唔錯，好新鮮另外都加嗌咗兩隻特價嘅生蠔，特價黎講品質都叫做不過不失啦食完拼盤無耐之後，侍應就會問你想唔想再加單啊～我哋都見價錢平所以都加咗幾隻特價生蠔再食嘅軟殼蟹扁意粉其實幾好食嘅，但係個軟殼蟹就冇乜味兼且落太多炸粉，略嫌失望提一提大家如果想要飲品嘅話 其實可以嗌啲梳打特飲特飲一jar嘅話其實都幾大杯而且都幾鍾意佢梳打係冇另外再落糖相比起出邊一啲餐廳落好多糖嘅梳打會令你食到好濟滿意的生日飯

首先講吓最抵食嘅$10/1隻生蠔真係超抵食一打都係$120雖然係$10/1隻但係都唔錯嫁淡淡嘅海水味食到生蠔嘅鮮味我地叫左打半冇一隻唔新鮮👍🏻其他熟食仲有炭燒肉眼牛扒都幾好食我哋嗌左五成熟啱啱好👏🏻另外佢嘅香辣蒜片蜆肉扁意粉每次去親我都會叫呢個意粉食真係好味😋仲有一個炭燒西班牙極黑豬，呢個係厚切豬扒平時食豬會覺得好粗，但係呢個豬啲肉係勁軟熟真心好味😋約埋三五知己飲下酒嘆吓生蠔傾吓計真係唔錯，因為嗰度地方氣氛唔錯音樂聽亦都唔會太大聲唔會阻住大家傾偈如果係OpenRice book位仲會有折扣優惠埋單嘅時候記得睇單有冇比discount你因為職員可能會忘記咗俾返discount你提番佢地就可以喇😊

真係好難食。小食叫左香炸魷魚 & 啤酒味薯條炸魷魚一上枱就已經淋曬🙃🙃🙃啤酒味薯條一啲啤酒味都冇🙃🙃🙃又係淋既刺身三文魚&赤貝正常味唔算新鮮，赤貝有d腥👎🏻主食黑松露野菌意大利飯外貌正常，一食落口真係想講粗口d飯個口感好似隔夜飯咁款真係劣👎🏻美國USDA CAB肉眼扒👎🏻牛無牛味🙂🙂旁邊嘅蔬菜難食過中學訂飯嘅菜～重有陣怪味舊粟米係個d即食粟米🤦🏻‍♀️生蠔👎🏻好腥。幾多檸檬汁同醬都搞唔掂大家真係唔好貪佢$10 一隻蠔而去食不過以前食過將軍澳嗰間分店係幾好食嘅。尖沙咀呢間就真係不了🤮🤮

🦁✅ 生蠔 ($10/隻)抵食嘅生蠔 每人10隻係基本！ size 正正常常 都新鮮同埋夠凍 加埋黑魚子鮮味仲出🦁❎ 德國鹹豬手 ($278)應該係食過最難食嘅豬手。個名叫「脆炸」鹹豬手 但係個皮完全唔脆 超級韌 d肉勁多筋 咬到牙軟 完全唔推薦！🦁➡️ 黃金軟殼蟹扁意粉 ($138)普普通通 軟殼蟹鹹蛋味唔夠重 意粉汁唔太夠🦁➡️ 炭燒西班牙黑豬 ($278)正常 個青蘋果醬令個肉加分依間餐廳食過幾次 蠔既質素好穩定 熟食就次次都麻麻😂 所以都係推介黎淨係瘋狂食蠔！

聽朋友介紹有個地方10蚊隻生蠔質素又唔差~於是就試試佢! 一去到就試下先~ 先試左一打~ size唔係話算太大, 但10蚊黎講算ok, 蠔既味道算係creamy 同埋唔太重海水味! 所以enocre 多一打😍其實佢就唔只10蚊生蠔仲有其他款既生蠔嫁😍而蠔站既軟殼蟹意粉係屬於偏乾身, 冇醬汁既意粉黎😌 蒜香味幾出~~另外仲有個咸豬手~ 肉係軟熟既,但個皮真係有d 硬😂我就唔係好咬到...要交比我朋友處理佢地😂😆

突然想好食生蠔就嚟到呢間尖沙咀諾士佛臺試吓呢間一直好想試嘅$10生蠔🦪-一坐低就嗌左一打$10生蠔原本呢個價錢都唔係有太大期望但食落又有驚喜！雖然唔算好大隻 但每隻好creamy 又好新鮮$10一隻真係好抵食 即刻想再嗌多打-食完生蠔就試吓佢嘅主菜我哋兩個人叫咗啤酒薯條、豬手同比目魚豬手個皮燒到脆卜卜 咬落好香脆不過配嘅汁就有啲甜甜地 唔算太夾啤酒薯條就食唔出有啤酒味食落同普通薯條差唔多～應該都係gimmick多-總括嚟講 生蠔好抵食 其他主菜都值得一試但價錢偏高如果只係主力為咗食生蠔嘅話呢間絕對係超值之選-環境：4/5服務：3/5抵食：3.5/5

當日係我同老公結婚14週年日，本想二人世界，食餐好嘅，去之前本想改變主意去第二間，但老公堅持話book咗就去啦！咁我當然好聽話照去啦！入到餐廳感覺係舒服嘅，但waiter嘅態度好不親切，不過又未到好黑人憎令到我想掉頭走。咁就照坐底，落order叫了兩個扒，生蠔和魚生。過程完全係無人理我哋兩公婆架。都會唸可能疫情關係要保持距離嘛。我真係好阿Q精神架。先黎個湯，其實個湯好味，但次序錯晒，應該先比生蠔同魚生我哋先，再到這個好味又濃嘅湯，啲生蠔刺身咁清嘅味道，幾鮮都因為飲咗個超級濃嘅湯影響曬。厲害嘅時刻到了，兩個扒🤦🏻‍♀️，又硬又凍又無味。真係切兩下，我就已經放底把刀仔。完全放棄。心唸搞咩呀！邊有可能差成咁。可以讚嘅只有個湯同啲蠔囉，真係無言。

🇮🇹蠔站🇮🇹 |平食生蠔之選|整體評分: 👍🏼👍🏼👍🏼(5分為滿分)除了生蠔 其他主菜略貴生蠔 $10/pc⭐️⭐️⭐️全間餐廳最大賣點絕對是十蚊生蠔生蠔應該是Prime grade size味道鮮甜 帶點海水味 性價比極高