蠔站 (永昇中心)

營業中

休息中

Oyster Station 都唔係第一次食，不過之前係其他分店。新店好旺，無訂位，只係路過想食 要坐高櫈，因為小姐話入面訂滿晒。結果真係好多人出出入入，不停有客人。想確定有位，最好先訂座，因為我見到有人在門口食 例牌食左兩打$10蠔先。$10/隻，算幾好質素吖。一人食左打蠔，咁食啲輕啲啦 叫左沙律同豬手。沙律個雞肉好好味，菜好甜。豬手我就覺得乾左少少，咬到我好攰。因為多人出入，唔會係啲可以慢慢坐嘅地方，間中食下都無妨

呢度$10一隻生蠔聽朋友介紹所以過咗嚟試吓個味道又真係唔錯環境來講唔算好大同埋都好多人要提早訂位生蠔海水味比較龍囉因為今次係法國嘅講真我就覺得偏鹹少少，不過勝在新鮮同埋價錢優惠另外叫咗兩樣主食黑松露菇意大利飯好香濃嘅黑松露味道同埋都熱辣辣大啡菇好大舊好juicy 就係等嘅時間比較耐，不過係好味的！仲有佢哋推介嘅至尊Pizza好多配料同埋味道啱啱好睇吓呢度嘅環境設計都好清新嘅感覺不過暫時仲未有酒可以飲！因為仲暫時未有酒牌如果要買酒嘅話就可以出邊自己買

聽同事講，北角開佐間西餐廳，生蠔🦪做特價，超抵食，今晚就跟老公去蠔食😂愛爾蘭生豪，即開即食，都係做緊10蚊隻🦪其他生蠔拼盤都做緊半價😍服務員話先order 半打愛爾蘭生蠔，因供應有限，遲佐就冇😋 很快就有得食，生蠔唔算太肥，但有適量海水味，夠鮮🦪抵食我們點份黃金軟殼蟹🦀扁意粉🍝跟蠔站至尊薄餅🍕原來黃金意思係咸蛋黃，我覺得扁意粉比普通意粉煙勒，加入咸蛋黃一齊煮，原來好夾 ，好好味😋軟殼蟹，睇落細細，但肉質豐富，炸到脆香，好正。薄餅🍕鍾意佢夠薄脆，加入濃香芝士，足料👍好彩我們早點到，7點多就已經坐滿人，鍾意食蠔的朋友，真要早點到😉

屋企人好鍾意食蠔所以一齊出黎食飯就想搵一間有得食生蠔嘅餐廳，上網見呢間Oyster Station幾多好評，一於試下佢除左有蠔之外仲有意粉，pizza，牛扒之類嘅主食愛爾蘭生蠔（$10隻）見$10一隻生蠔咁抵食梗係叫黎試下！估唔到質素都好唔錯，食落口感滑溜，鮮甜而且帶點海水味，呢個價錢物超所值餐湯同餐包羅宋湯同餐包正常發揮煙三文魚牛油果忌廉煙三文魚嘅份量好足，忌廉汁配埋牛油果令成個汁更加creamy棉滑，意粉煮得啱啱好，彈牙得黎又唔會太硬虎蝦牛柳紅酒燒汁牛柳好厚身，叫左五成熟，切開裏面肉質粉嫩而且帶有肉汁，牛味濃郁虎蝦焗過好外面有小小脆，裏面肉質厚實而且彈牙，鮮味十足加左$10叫左杯咖啡，食完仲有個小甜品

琴晚同男朋友去左天后呢間新開食蠔既蠔站食生蠔，一到門口已經見到入面坐滿晒人，之後再見到佢開蠔既廚房，就知道今次無黎錯，一坐低，侍應就介紹佢哋做緊優惠，10蚊一隻生蠔，我即時問，有無聽錯，咁平，10蚊一隻生蠔，然後我哋就叫左半打試一試佢先，再叫多左兩個意粉，一個係黃金軟殼蟹長通粉同白酒香蒜辣椒蜆肉扁意粉，首先介紹下佢嘅生蠔，蠔肉大隻，從顏色望落去非常新鮮，一食落口有淡淡的海水味係你口腔徘徊，完全唔使落任何檸檬或者茄汁食佢個鮮味都已經好好食，$10有依隻size嘅生蠔，真係物有所值，然後講吓佢嗰兩個意粉，軟殼蟹長通粉，啲軟殼蟹炸得好均勻，唔會有粉太多嘅情況發生，再配合佢用蛋黃整嘅長通粉，非常好食，而白酒香蒜辣椒蜆肉扁意粉，一拎到黎已經聞到淡淡嘅白酒香味，同埋蒜頭嘅味道，再加埋佢有辣椒辣辣地食起上嚟，刺激你嘅味蕾，非常開胃口，總括而言，呢間新開嘅餐廳物有所值，我哋琴晚淨係食生蠔都已經食咗十幾隻，忍唔住嗌完半打又嗌多半打，因為啲生蠔真係好新鮮，但提一提大家，因為間餐廳未領酒牌，如果大家想一路嘆白酒一路食生蠔就可能要自己帶酒去，如果大家經開呢一頭，又想試吓新鮮嘅生蠔，不妨入去依間新開嘅餐廳試一試

天后、炮台山一帶嘅街名其實幾浪漫，有條琉璃街，又有兩條街係用木星同水星命名。之前食過蠔站其他分店，見佢新開喺天后就嚟試試，食完就順便碌過去Sogo同Donki買嘢。一場嚟到第一件事要叫嘅梗係 $10隻嘅生蠔🦪啦😋🦪蠔係澳洲塔斯曼尼亞(Tas: Tasmania)海水味濃但係唔會過鹹，味道鮮甜蠔味好濃郁，肉質creamy爽口。加少少檸檬汁調一調味已經足夠▪️Fresh Clams, Garlic and Chili(白酒香蒜辣椒蜆肉長通粉)可以揀長通粉扁意粉或者天使麵，味道香濃，辣味突出好惹味，蜆肉飽滿。◾️Lunch Set - Grilled Beef Tenderloin and Tiger Prawn with Red Wine Sauce(虎蝦牛柳紅酒燒汁)跟餐有餐包、湯、主菜，飲品同甜品▪️薯仔忌廉湯 ~ 薯仔味濃同食緊薯蓉嘅感覺差唔多▪️虎蝦牛柳 ~ 虎蝦爽口彈牙，牛柳軟腍有牛油。配菜有紅蘿蔔仔、豆同薯蓉。最後甜品係一個忌廉泡芙

去過佢嘅幾間分店食蠔，今次去天后做嘢，見到呢間新開張分店，裝修風格大致相同，食物質素保持水準。今日$10特價蠔係南非蠔，尺寸中型，食落都算厚身，少少creamy, 蠔味還可以，海水味偏重少少，呢個價錢來講性價比都算高。黃金軟殼蟹天使麵，軟殼蟹炸得幾鬆脆，又幫我分咗三份，方便兩個人分嚟食，天使麵份量都算唔少。蒜蓉包水準幾高，麵包焗的時間剛好，加少少芝士係面，同蒜蓉混合一齊，增加層次感。如果加埋湯一齊食我相信會更加好。飯後甜品，意大利芝士餅，唔會太苦澀，亦唔會太濕，我反而幾鍾意呢種口感嘅 tiramisu 。

好耐之前去過其他分店覺得改善空間太大, 所以一直都好少黎。直到今日想食生蠔, 佢又係屋企附近一於黎食個生蠔TEA!!❤️❤️一入門口, 店員超好禮貌帶好, 仲主動同我地介紹今日特價蠔係邊款。我地叫得唔多野食, 不過佢地態度都好好, 好勤力加水, 又問我地D野好唔好食。令人意想不到既細心同舒服!🥰🥰$10生蠔 南非Saldanha Bay❤️❤️❤️❤️❤️以呢個價錢黎講, 呢個生蠔唔算細隻, 個人覺得海水味幾濃, 都幾肥!!食完一打再ENCORE左!!重點係食完個肚都唔會唔舒服, 雖然平不過品質有保證!!墨西哥辣椒意式牛肉丸 ($98)❤️❤️❤️❤️有6粒丸子, 本身唔太食丸, 不過佢呢個幾好食, 個口感實D, 唔會好似平時D丸呁一咬散開唔會好辣, 個汁好開胃Tiramisu ($108)❤️❤️❤️先講, 其實呢個蛋糕係幾好食, 雖然我本身期望佢係MENU個個樣, 黎到既時候都有覺得差左好多XD不過佢呢個除左實D之外, 其實味道幾好, 個CREAM好香淡咖啡味

間唔中就會蠔癮起想食蠔但又未必想好高消費我就會諗起蠔站呢度有啲$10蠔，又抵食又好食想食再好啲，又好多選擇今日先叫左半打$10蠔先南非黎嘅Saldanha bay唔會太細隻食落都幾爽口甜身另外再請侍應介紹creamy 嘅蠔Claggan黎自愛爾蘭呢隻更重海水味所以食落更甜回味無窮呀～好喜歡佢地除左cocktail sauce外再配上青瓜醬好清爽同生蠔好夾！今日侍應仲介紹扇貝刺身新鮮運到咁我地又試下啦～蒸扇貝食得多扇貝刺身第一次試質地會比蒸出黎實淨無調味反而會食得出鮮甜味幾特別除左生蠔呢度嘅熱食都好有質素我地叫多左個卡邦尼天使麵天使麵幼滑煙肉鹹香非常唔錯！青蘋果梳打好夠氣～清新！

蠔站已經成為左小妹近幾年經常去嘅餐廳之一, 因為十蚊一隻生蠔真係非常抵食, 質素亦不錯, 非常高CP, 今日去左銅鑼灣行街, 又突然想食生蠔, 於是就上網睇下邊到有蠔站, 見到最後天后開左新分店, 於是就去試下新分店! 🌟是日精選生蠔 是日10蚊精選生蠔係嚟自法國嘅L'Huitre de Tatihou, 口感清爽, 肉質飽滿, 輕微嘅海水味令蠔身更有層次🌟香脆蒜蓉包🥖蒜蓉包係小妹每次都必點之一, 一客有六大片, 片片都有一定厚度, 即叫即焗, 新鮮熱辣辣, 口感鬆脆, 蒜蓉鋪滿麵包上面, 蒜味芳香濃郁!🌟伊比利亞風乾火腿配哈蜜瓜(24個月)哈蜜瓜味道清甜, 配合薄薄一片嘅咸香嘅伊比利亞風乾火腿, 咸甜味道適中, 味道不錯

朋友介紹 Oyster Station 在天后開了分店，是晚放工去試試。來蠔站當然要食生蠔，餐廳有$10一隻的生蠔，立刻點了半打。來自愛爾蘭的 Harty，連海水食，入口清甜清爽帶青瓜味，餘韻延長。香芒牛油果大蝦沙律 - 大蝦大隻彈牙、牛油果軟滑、芒果鮮甜，豐富多層次，一次過滿足幾個願望。白酒香蒜辣椒蜆肉扁意粉 - 蜆肉大粒飽滿又鮮甜，加入香蒜辣椒炒，微辣的很惹味，食不停口。$10一隻生蠔超值，encore 都不覺肉赤，下次來再試其他生蠔。

聽朋友講Oyster Station 開左間新分店想試下之前都有食過佢嘅蠔覺得性價比超高就約埋一齊去Dinner~😚#Carlingford 生蠔 $10/隻餐廳最吸引嘅就係佢嘅特價蠔 只需$10就可以食到今日做promotion嘅係來自愛爾蘭嘅石蠔 🦪生蠔非常新鮮 味道清甜 口感柔滑 但比較重海水味令人回味無窮 又抵又好食 食多幾隻都唔怕#炭燒西班牙極黑豬配青蘋果醬 $318一上菜就見到佢嘅擺碟好靚餐廳將黑毛豬煮到啱啱好 切開帶有微微粉紅色肉質鮮嫩多汁 每一口都帶有炭燒香餐廳仲特登調製左蘋果醬🍎 可以襯托出黑毛豬嘅鮮味另有海鹽可以增加黑毛豬風味伴碟嘅黑松露牛油薯蓉同燒蔬菜味道豐富 令人食指大動當日只係平日夜晚但不失捧場客 幾乎坐滿咁滯而餐廳嘅牆身有蠔嘅pattern 呼應返餐廳主題門口仲有bar枱位置 設計時尚 啱晒放工黎happy hour~📍蠔站 (天后)天后木星街9號永昇中心地下3及5號舖

來這裡的大部份都有一個目標就是吃蠔，特別是這裡有１０元一隻的生蠔可以吃，那就肯定要叫一份來試試是什麼味道，順便吃個晚餐！愛爾蘭—Carlingford （１０元／隻）雖然１０元一隻，但都沒偷工減料的樣子，每一隻都挺大的，吃起來一口一個，入口嫩滑，有豐富的海水味，蠔味不算太濃，但會帶點甜，蠔邊就有點爽，配上檸檬汁或雞尾醬，更能感受到蠔的不同滋味！卡邦尼（１２８元）這個卡邦尼的料非常足，這裡加了大量的煙肉條，差不多每一口都能吃到，再配上濃濃芝士香和蛋香的醬汁，加上嫩滑的天使面，吃起來真的是特別好吃，濃香幼滑中帶點鹹香！香辣炸雞翼（７８元）這個一共有五隻，炸得剛好，雞翼吃起來肉汁非常多，外焦裡嫩的，再有外面撒了一層辣粉，吃起來更惹味！炸薯條（６８元）這個炸薯條比普通的更加香脆，外面多了一層酥皮的感覺，單吃味道就足夠了，但配上番茄醬也很好吃！白桃乳酸梳打（３８元）開頭以為會比較普通的，但想不到這裡加的白桃醬是帶有果肉的，配上乳酸的酸，又有白桃的甜，再來梳打的清爽，還帶點果肉，喝起來特別過癮！

<Hong Kong 🇭🇰• Tin Hau>“CHU ME YOR！OYSTERS, Saldanha bay,South Africa”哎唷！係Oyster night唷！今次以$10/隻可以試到嘅生蠔來自南非，Saldanha Bay出名產盛天然野生蠔😚今次要食多兩隻唷！一陣介紹吓呢款生蠔有是怎樣的唷🥳Oyster - Saldanha bay,South Africa生蠔未算好大，但品質同新鮮一樣😍以「$10/隻蠔」黎講非常抵食！呢個產地嘅蠔蠔味較為淡口，肉質Creamy!!我地另外帶咗支淡淡櫻花粉色 Rose wine就岩哂！清淡花香，帶點莓香同檸檬酸味，更突顯生蠔鮮味😚德國鹹豬手配薯角巨量級鹹豬手😍豬手表皮焗得金黃超脆，肉質保留，點上蜜糖芥茉汁，惹味可口唷😚仲有巨量多嘅薯角，新鮮熱辣，唔使點茄汁都好味😂整體而講成餐飯都食得非常開心盡興，餐廳嘅店員都幾友善，特別係Cat姐😂超級細心！仲介紹咗其他生蠔俾我哋認識！佢非常之推介我哋下次試「$219生蠔餐，一次過食到「五款唔同國家產地嘅生蠔🦪」😍可以話服務態度係幾重要‼️令到我幾遠都想再嚟天后呢間分店度食蠔！多謝你哋

從網上得知呢度有$10生蠔，同朋友專登過黎天后試下，黎度7點幾都已經坐咗唔少人，果然系popular！呢度感覺都好舒服，同好chill咁！黎度當然就梗系叫翻D 生蠔，$10只除咗好抵之外，仲好鮮甜肥美！十個推介呀！我地另外都叫咗pasta，想講佢地除咗主打生蠔好味之外，意粉都好好味！每款pasta 都有三個選擇，可以揀Penne/Linguine/ Angel hair! 我地就叫咗冬陰公海鮮扁意粉，份量豐富，又真系做到泰式既辣，意粉軟硬度好好，好食！另外仲有軟殼蟹扁意粉，好鐘意個醬，有D蛋黃咁，好嘢味，超好食！一定會再黎食呀！