影片
電話號碼
24571233
開飯介紹
全港有多間分店，生蠔來自各國地區新鮮空運來港，包括法國、澳洲、愛爾蘭、南非及美國等，亦有不同海鮮及刺身，價錢公道。餐廳另有各款牛扒、意粉及薄餅等菜式選擇。
繼續閱讀
營業時間
今日營業
12:00 - 23:00
星期一至日
12:00 - 23:00
以上資料只供參考, 請與餐廳確認詳情
有關獎賞計劃
今次我地去左食一間我好耐冇食過既餐廳，就係蠔站啦，呢間餐廳開左都起碼有10年，以前我去開樂富分店食，不過依家樂富已經結業啦，大角咀呢間地點對我黎講算近，所以揀左黎呢邊食😁餐廳環境幾靚，有d酒吧feel，燈光偏暗既格局，而且店員服務都好好，問我地食唔食蠔，我地梗係會食啦，佢就提醒記得生同熟既餐具唔好撈亂用，會唔衛生，有時酒店自助餐都會提醒下客人，我覺得幾貼心☺️特價生蠔（$10一隻）呢間餐廳最出名就係$10生蠔，我當日食既特選生蠔係黎自法國既，雖然係特價蠔，但係都好新鮮，帶有海水味🦪香辣炸雞翼（$98）個雞翼雞得好酥脆，雖然話香辣雞翼，但辣味唔算多，最好食就係配埋個醬😋12oz 美國肉眼扒（$488）肉眼扒雖然會比較肥美，實際唔算好多肥位，熟成度掌握得幾好，表面熟，裡面仍然有粉紅色，好靚，肉質都唔韌，另外佢係配有個紫薯薯蓉幾特別🥩超級海鮮pizza（$178）呢個pizza可以切到8塊，餅底係用簿既餅底，主要材料蝦同魷魚出奇地好有鮮味，平時可能會比pizza既芝士蓋過左個海鮮味，呢個就食得出海鮮味🍕白桃乳酸梳打（$48）巨峰提子梳打（$48）呢度雖然比較適合開紅酒白酒，不過今日我地叫左兩杯無酒精飲品，個梳打既果香味幾出，記得攪勻先飲，唔係個底會太甜🍹呢間蠔站開左10年以上都仲做緊$10生蠔，竟然咁耐都冇加過價，來貨又唔覺佢細隻左或者難食左，都算係良心企業，其他食物都保持到應有水準，咁耐冇食再黎食過仍然覺得佢正👏🏻
繼續閱讀
生蠔性價比天花板想平平地過下口癮可以來呢蠔站oyster station. 而家指定生蠔做緊全日堂食特價$10隻. 每一隻都唔馬虎, 都有返咁上下大細. 重點係隻隻都好清甜. 真係令人一口接一口咁食唔停啊. 除咗生蠔, oyster station都主打一系列高質西餐. 蜜糖柚子香煎比目魚比目魚嘅肉質鮮嫩，煎得金黃酥脆，表面有一層薄薄嘅蜜糖，帶出咗甜甜嘅香味。柚子嘅清新味道同比目魚嘅油脂完美融合，為整道菜增添咗一份清爽感，食落去唔會覺得膩。黑松露大啡菇意大利飯飯粒煮得剛好，吸收咗豐富嘅高湯，口感滑溜。大啡菇嘅香氣濃郁，搭配黑松露嘅獨特風味，整體味道層次分明，令人回味無窮。脆炸啤酒味薯條脆炸啤酒味薯條真係一個適合朋友聚會嘅小食！每一根薯條都炸得金黃酥脆，外脆內軟，咬落去嘅時候，口感非常過癮。無論係做為一個開胃小食定係搭配主菜都非常合適。飲品方面, 今次試咗巨峰提子梳打白桃乳酸梳打。兩款飲品都好清新消暑之餘仲夠曬大杯. 如果飲酒嘅朋友都可以試埋佢地嘅酒精版. oyster station仲有好多分店俾你揀. 平時想食蠔搵佢就最方便啦!
繼續閱讀
生蠔及海鮮西餐聞名的餐廳，環境舒適，工業風裝潢配霓虹燈牌，營造輕鬆氛圍，適合朋友聚會或情侶約會。📸惟旺時服務偶有延誤，需耐心等候。😊🍄 蘑菇黑松露飯｜濃香誘人蘑菇黑松露飯賣相精緻，飯粒綴以黑松露片，香氣撲鼻。🖤米飯軟糯，吸收忌廉醬汁，蘑菇鮮嫩，松露味濃郁而不搶，入口滑順，層次豐富。惟醬汁稍油，建議搭配清爽飲品中和，整體仍令人滿足。😋🦪 蜆肉意粉｜鮮味十足蜆肉意粉以白酒醬汁為主，賣相清新，蜆肉肥美飽滿，入口鮮甜，帶淡淡海水味。🍝意粉煮得彈牙，醬汁蒜香濃郁，與蜆肉完美融合，惟偶有細沙，略影響口感。份量適中，適合輕食愛好者。😍🦪 生蠔（約HK$10/隻，特價）｜性價比之王生蠔新鮮空運（法國、澳洲等地），每隻肥美多汁，入口海水味濃，鮮甜清爽，搭配檸檬汁更顯風味。🍋特價時性價比極高，12隻約HK$120，令人一口接一口。惟情人節等旺日或難加單，建議提前預約。🌟🏙️ 環境與性價比餐廳位於大角咀，交通便利，環境chill，適合打卡，惟檯距稍窄，旺時略擠。📍人均約HK$150-250，考慮生蠔的超值價格與食材新鮮度，性價比頗高。蠔站以新鮮海鮮與創意西餐，帶來視覺與味覺享受，值得一試！😊
繼續閱讀
中午同老婆揸車路過詩歌舞街，有錶位即刻泊低架車，去吓蠔吧食中午飯，一直都覺得呢間餐廳好正，門口有錶位、唔怕嘅或者泊路邊位，餐廳又望到車，樓底高，冷氣夠凍，餐廳有音樂播，但唔係好大聲，食環境一流。我叫咗個煎豬扒太陽蛋+薯蓉，另外叫咗半打生蠔，價錢嚇死人，$10一隻生蠔真係無敵，食完就問我哋要唔要加多半打，如果唔係飽真係可以加，蠔嘅海水味十足，又夠新鮮，不過有一隻鹹咗啲，午餐個豬扒個邊有啲乾乾地，整體可以，配個薯蓉唔夠飽，但有個蘑菇餐湯同餐包，全程都滿足，配咗熱咖啡，奶分開上，自己落奶，飲品食物+環境其實可以兩個人慢慢坐一至兩個鐘傾吓計，不過小弟有工作做老粗咁食完就閃人，如果有時間慢慢食真係可以食多兩三次。
繼續閱讀
已不是第一次去呢間餐廳，鍾意佢近我屋企、服務唔錯、生蠔新鮮價錢合理！有時突然想食生蠔，都會去呢間餐廳。今次食咗四款蠔，最喜歡嘅係韓國嗰款，夠飽滿又有蠔味，正！燒春雞同薯條都好味，赤貝刺身就一般啦。以後都會繼續幫襯！近來有七折優惠，要把握時機食多幾次😁好味指數 😋😋😋😋回頭指數 🤩🤩🤩🤩🤩
繼續閱讀