影片
以上資料只供參考, 請與餐廳確認詳情
今天落雨、近近的叫着两個滷味鼓油飯、以為ok...,,,,,,白飯就凍冰冰、東西冇味、差差！！！！！最奇怪兩個餐、收我外賣盒6元、你話2元或者4元、就ok,,,,是否飯餐已包含、顧客要加上做善事的錢！！無語！！！！！
繼續閱讀
路過鵝仙，見佢個下午茶幾抵食，咁就入去試下啦，我淨係叫咗一個口水無激素雞瀨粉，真心唔錯，個湯底無味精，無激素雞比起坊間嘅雞更有雞咪，埋單都係35蚊，店員嘅服務都好好，題外話呢間餐廳有定期捐款俾弱細社群，要支持一下！！
繼續閱讀
呢間舖頭轉左名叫鵝仙，門口餐牌見到佢午餐做50幾蚊，咪入去坐低睇吓。裝修都冇變過，不過牆上面嘅轉晒唔講海鮮講馬崗鵝同埋雞，仲見到會派飯俾老人家，我地每次幫襯都會扣除少少來做慈善叫咗一個最抵食嘅馬崗鵝肉掌飯，都只係$55 ！嚟到大大分，啲肉一啲都唔求其，好食又入味，滷水又香，仲送碗湯咁嘅價錢真係抵到暈👍🏻👍🏻抵食又做慈善，怪不得叫福利食堂，真係社會之福🫶🫶我見出邊仲可以外賣成隻鵝斬走，加餸都唔錯，聽講佢哋嗰隻白切雞喺自己浸，下次試吓先😎
繼續閱讀
2023.07.08我又响本區掘到寶藏小店😊前身嘅蟹仙做蒸海鮮，早幾年食過，嗰隻鹹鮮味令我一直念念不忘。早幾日行過見到轉咗模式做福利食堂，特意週末晚上嚟到試下。一行3人叫咗2人餐($268)、半隻雞($88)、3杯特飲(跟餐共加$30)。鵝拼盤😋 －鵝肉、肝、腎、豬腩肉、豬腸、紅腸。馬岡鵝係開平嗰邊嘅肉鵝，通常做燒鵝，皮薄，肉質幼細；肝唔係潮式滷水嘅質滑，但肝味非常濃郁，真係覺得飲酒仲夾；腎爽脆、腩肉爽、腸肥，要讚個豉油汁，濃味得嚟鹹甜恰當。小食拼盤 － 土匪雞翼、酥肉、餃子、墨魚餅，全部正常味道。葱油白菜仔 － 菜爽汁香白切無激素雞半隻配葱油汁 － 如果話呢間專做鵝味道好，咁雞係出色👍🏻👍🏻用上泰美雞，雞味濃而且連胸位都嫩滑，葱油夠香但又冇加味精或者落好多鹽。送嘅例湯都唔hea，明顯老火煲。碗白飯都幾好，瀨粉用仲要有筍、木耳做配料🥰成餐飯食完唔口渴，開心😃加埋都係$386。聽講店會按每筆交易金額捐款，仲有計劃遲啲派飯。即時預訂咗黑糖豬手，聽晚試😬
繼續閱讀