蝦麵店 (海光街) (已結業)

呢間蝦麵嘅蝦湯底真係一試難忘，喺其他地方食唔到，惹味得嚟有濃郁蝦味，見到有辣椒皮碎但又唔會辣我叫咗蝦片魚片蝦湯底摻摻麵($75), 亦都可以揀淨係油麵或者淨係米粉，麵入面仲配有通菜，蝦片好多塊，但每塊都係再片開一半嘅，魚片就厚切，整體份量都好滿足老公就嗌咗一樣嘅湯底，餸就揀咗海鮮($90), 入面有蝦，炸魚片，青口，魷魚，性價比好似我叫嘅蝦片魚片抵啲呢另外叫咗個小食，沙嗲醬魷魚翼($50)，沙嗲醬似平時一串串魚蛋個啲，魷魚翼每塊都幾厚肉同大塊，墊底嘅芽菜就正常。不過份量半碗仔都無，呢個價錢偏貴咗少少