蝦麵店

營業中

休息中

Went here twice during lunch break. First time was with colleague, while the second time was with my friend. .I ordered Small Braised White Pepper Pork Ribs with Rice for both times, while my friend got Seafood Noodles in Spicy Prawn Soup Base. Served with two huge pieces, the Pork Ribs were tender and soft. The white pepper escalated the fragrance of the soup, enhancing the spiciness of the dish. Just that I thought it was a bit too salty. For the Seafood Noodles, it comprisesd of prawn, squid

重口味！啱我。重點在個湯，很濃味。是蝦的鮮與腥味。微辣，但我要加辣。辣醬一 Pat 嘢，勁嘢呀！麵可選。我唔 Like 米粉，唯有選油麵。他煑得太淋。加了一份小食。蝦多士粒，幾脆口，也不錯。這裡近金鐘寫字樓區，平日中午蘭杜街各食店都是爆滿的，我路過多次想幫襯都没成功。終於在星期六找到座位，哈！

今日都係繼續上堂食外賣。雖然女朋友話依度出名蝦麵🍜但由於外賣拎湯麵會唔方便，所以佢好細心揀左炸雞髀椰漿飯俾我💕鮮班蘭椰漿飯配金黃炸雞髀（💵$71.3）成個飯盒既package好靚仔，有配菜、雞脾🍗同椰漿飯。以依個package黎講，70蚊左右都算恰可。金黃炸雞脾醃製得好入味，香茅味重，好惹味。雖然因為食同拎既時間相隔比較耐所以皮濕左，不過其實食得出原本個皮好香脆🍤我都好想試下堂食係咪會好食好多😋相對調味同外皮既優點，雞髀既肉質就柴口左啲。椰漿飯好惹味👃有陣陣既班蘭味，入口甜甜地，仲有椰香，好滿足🤤而辣醬都好香口，微微既辣味配上甜甜哋嘅椰漿飯🥥相輔相成。食落香味濃郁，令人一啖接住一啖咁食。 配菜有花生同魚乾，類似餐前既零食，都好乾身同脆卜卜。

11:30路過，哥哥仔站門口招客，見門面整齊企理有2枱客。客人QR code自行下單，但字體有點細小，最後見枱上餐牌有食物代號，直接找 C1 豬骨蝦麵，豬骨雞湯底$74，加$10叫左杯凍杏仁， 撳極都送唔出個order， 原來每項仲有細項要你選，例如:要乜嘢麵，米粉，油麵，粉絲，侵侵等。 飲品，就要選有冰，冇冰，少冰，要飲管，加糖，少糖等。碗麵賣相👌，但一夾，😳 薄切蝦， 竟然一隻蝦開三片，共6片，其中一片有明顯一條黑色腸。 我估佢係張隻冰鮮蝦，仲硬身時用機切片。 再喝啖湯飲，😞 勁重胡椒辣味，完全飲唔到其它味。豬骨，二大嚿，😋 炆得好冧， 係成碗麵最吸引我的地方。 麵嘅份量係足夠，而且有好多通菜及芽菜。

第一次食灣仔新開嘅新店😃由以前喺灣仔返工去開舊鋪，又去過hysan foodcourt, 幫襯過荃灣分店（so sad 都執咗）， 一直都支持蝦麵店，因為佢嘅蝦麵 係我暫時喺香港食過最好味嘅。基本上每次都係嗌例牌-蝦肉肉片面，可以叫摻摻-油麵夾米粉🍜午市有優惠套餐，有小食加飲品。今次小食叫咗沙嗲雞肉串燒，同埋加錢叫咗100%手打蝦餅。蝦肉肉片麵嘅湯底鮮味又唔會油膩，米粉其實幾掛湯，今次湯底夠熱仲好味，唔捨得咁快食曬🤤沙嗲雞肉串肉質正常，沙嗲汁好味。手打蝦餅食得出用料唔錯，雖然價$28都小貴，間唔中獎勵吓自己都OK😬新店比起舊店環境好好多，雖然座位都比較迫，但都理解嘅香港地租金咁貴。希望佢哋喺多啲地方開返分店。

🔅蝦麵店🔅灣仔🔅星馬菜🔅同男友去食個快飯，但男友蝦敏感，係蝦麵店估唔到都幾多選擇！我地叫左一個炸雞髀椰漿飯，同埋一個黑豉油無骨雞飯～椰漿飯超有味，好香口，雞髀肉質亦好好食，加上花生同辣醬，好惹味！不過我就覺得隻滷水雞蛋咸咗啲，麻麻地～無骨雞飯就好有驚喜，雞肉好滑，甜豉油都好好食，唔會太大碗，一人份量岩岩好！上次亦都叫咗肉骨茶，超好食！排骨炆得好稔身、入味！蝦麵店 網址: https://s.openrice.com/QrbS0qmWC00~uZ5MGAA地址: 灣仔蘭杜街2號麗都大廈地下3號舖=====================#蝦麵店 #椰漿飯 #炸雞脾 #無骨雞飯 #星馬菜 #灣仔美食 #灣仔黃店 #灣仔好去處

灣仔最令人又愛又恨嘅蘭杜街🥹正常12-2之間嘅lunch hour去到都肯定要排隊，今日午餐小隊人少少得4個就去搏下好唔好彩。我地分散投資又排台灣又排蝦麵店又排越南又排泰國，就將我地食咩嘅決定交比個天揀🤣神奇地我排嘅蝦麵店成功跑出左👍🏻咁無得唔寵幸佢啦！由於人多關係同埋知嚟緊都會有好多人陸續排隊，於是我地都好有同理心咁快點快食快埋單。餐廳嘅食物出品完全無擔心，今次我就點左個一人套餐，有一碗粉做主食，配一個小食同埋一杯非特飲，圍起都係70-80蚊抵到爛。我今次就試左福建蝦肉肉片麵羹配米粉、馬拉盞通菜同埋凍杏霜，三樣野都係第一次點🤪福建湯麵羹好似碗仔翅咁個湯係杰身嘅，顏色雖然深，但味道相對起蝦湯或者喇湯無咁濃，加上配料好豐富，啲肉片無overcook，啲蝦爽口，無得頂！馬拉盞就好有馬來西亞風味，食得出有蝦醬味，少少醬撈成碟菜麵好夠味。最後試人生第一杯杏霜，比起想像中容易接受，以後會多啲試新野或者會愛上😋

與朋友光顧下午茶， 大家都不約而同用手機落單叫咗碗喇沙蝦肉鱿魚翼麵，朋友叫走豆卜加熱飲我叫凍飲，隔咗陣有位戴眼鏡上咗年紀女侍應(大姐)攞咗一碗喇沙蝦肉魷魚翼麵有豆卜加熱飲放在枱面，我朋友不以為意就開始食(我唔知朋友叫走豆卜)，大約兩至三分鐘後大姐攞咗碗喇沙蝦肉魷魚翼麵加凍飲放在枱上，我就奇怪點解冇豆卜問大姐，大姐話你地落單走豆卜丫，我就同大姐講唔該我冇話要走豆卜，跟住大姐死話你地落單係話走豆卜，我就同佢講可唔可以加返比我，跟住大姐就叫我夾我朋友碗裏面豆卜落我碗麵度，我同佢講你加返比我咪可以囉， 佢依然堅持話我地落單時係叫走豆卜的。3粒豆卜都可能只係1個幾毫，大姐的堅持小弟萬分佩服。大姐=好大威嚴的姐姐

見灣仔店重開幫襯下，星期六差不多晚飯時間；叫咗兩個一人餐，都係辣蝦湯底麵，仲有炸雞翼同通菜。麵同湯底都係幾好食嘅，肉有啲鞋；雞翼味道正常；菜好大碗但無味，俾嗰幾滴蝦醬撈一大碗通菜都幾搞笑。最慘烈係跟餐嘅野飲，杯奶茶唔止淡，仲有洗餐具漂白水「餘香」，飲咗一啖即刻lur 返出嚟，仲要係乸口⋯ 咖啡一樣係奶水咁⋯ 咁無誠意你比杯飲得落口嘅水我算啦⋯總括嚟講，淨係嚟食碗麵都可以考慮下，不過我就唔會再食。

新店只係由舊店搬過隔離鋪位咋，位置依然係喺灣仔蘭杜街。新店光線充足，牆壁上有一幅由人手畫嘅畫來配合店名「蝦麵店」。每次去都會食「檳城路邊攤一人套餐」，今次亦都唔例外。而家可以用QR code 落單，方便快捷！▫️蝦肉四寶麵 (HKD80) - 食咗咁多次都係覺得辣味蝦湯底係最正😋招牌湯底並唔係浪得虛名，味道辣辣地又有陣蝦香味，配任何麵類都可以食出風味。除咗碗麵價錢仲包埋熱飲同埋小食。小食款色多多真係好難揀😂我最終揀咗「傳統素菜咖喱角」，一份兩件份量啱啱好😆