影片
以上資料只供參考, 請與餐廳確認詳情
一年前初訪嘅人氣拉麵店「蝦魂」，趁住週末同朋友經過將軍澳，撞正做緊第二份半價優惠 🎉（拉麵/定食都適用），即刻決定再回味！一入座店員就笑容滿面咁招呼我哋 😊，仲好細心解釋餐牌上嘅推薦菜式和優惠。香煎紐西蘭羊西冷定食 🐑 肉質嫩滑，煎得剛剛好，唔會太韌。套餐加$8轉咗冷泡桂花烏龍茶 🍵，清香解膩，好正 ☀️。 火炙廣島蠔豬骨湯拉麵 🍜 湯底蝦味噌豬骨湯為基底，蝦味濃郁且層次豐富，廣島蠔脹卜卜非常新鮮，麵質彈牙，正 💯。 小食有多種，選擇困難症的我，點選了一個小食拼盤，🍱 好豐富，有蝦餅、蟹棒、餃子同單骨雞翼，每樣都炸得脆脆，尤其鍾意菜肉餃子 🥟，餡料足！朋友精選了2款小食：花雕酒鮑魚 🍶🐚 及海苔天婦羅魷魚 🦑，鮑魚酒香入味，魷魚炸得酥脆。 蝦魂📍將軍澳寶琳運亨路1號新都城中心一期2樓
繼續閱讀
純手工熬製的蝦紅湯底，濃郁得讓人難以忘懷！🤤 無添加味精卻能煮出如此極致的濃厚口感，每一口都是用數公斤優質原料長時間熬製的心血結晶。最近「蝦魂」正在慶祝一週年，第二碗拉麵半價優惠，超值得一試！招牌蝦紅湯底確實名不虛傳。湯底以龍蝦、虎蝦、阿根廷紅蝦和日本櫻花蝦為主料，經過焗、炒、熬煮四小時的精細工序，釋放出濃郁蝦香。配上自家秘製蝦油醬，層次豐富，濃而不膩。👍期間限定的吉列櫻花蝦虎蝦拉麵$158用料十足。濃郁蝦味嘅湯底配上鋪滿了櫻花蝦炸成的大蝦，還有蜆、溏心蛋、鮑魚、蔥花和紫菜，料豐味濃，海鮮鮮甜。冷泡桂花烏龍茶清爽解膩，與樽裝芬達橙汁跟餐同樣是+$7。比目魚西京燒定食$108，肉質鮮嫩，香氣誘人，搭配酥脆紫菜飯，清爽漬菜與甜番茄，醬汁增添層次，滋味和諧平衡。小食：黑松露日本帶子$48清新爽口，和風單骨雞翼$38外脆內嫩，絕配！餐廳環境簡約時尚，木質裝潢帶有日式風格，整體用餐體驗舒適愜意。服務態度親切，上菜速度快，午餐沒有加一服務費，非常抵食，如果可以晏少少過去，下午茶時段仲更加實惠👍
繼續閱讀
今晚唔想食太飽，想食啲有湯嘅嘢，就初嘗呢間小店。去到坦白講都幾冷清，成間舖頭都只係得兩枱人，心諗唔知係咪中伏，但係都嚟到啦就不妨一試啦。叫咗signature 嘅「鮮蝦，紅蝦湯拉麵」，同埋「豚肉叉燒，雞白湯拉麵」。兩個湯底都夠濃，個人就比較喜歡紅蝦湯拉麵，啲蝦係有蝦膏嘅。佢唔算係好大碗，份量適中，對於我今日嘅胃口就啱啱好，如果係肚餓嘅呢，可能就要叫啲小食先至夠飽。至於服務都幾稱心，夠殷勤，職員見我影相，特登將碗麵掉轉個方向，等我影得靚啲👍🏻
繼續閱讀
從幾方面去睇.。下午茶去， 唔使等即入。QR CODE落單味道很好.. 蝦湯嘅鮮甜味做得非常好，但我個人喜歡較為濃.creamy 少少嘅湯style,我鐘愛細麵，不過食落去佢用太麵同湯完全非常夾，其他基本side dish味道都好到位. 仲有，但想彈一下就係食物烹煮熱度，因為我去都冇乜人，所以睇嚟一做好就可以上檯，但上到檯時候佢係熱，但唔係熱到其他拉麵店程度，希望可以改善下.因為都好影響到對拉麵嘅評分另外想提下個餃子，不過呢個我想重點講一講.. 一間拉麵店嘅餃子絕對係一個重要部分..味道算可以，當然呢個係供應商問題啦，餃子做得好唔好係佢煎焗嘅技巧問題..碟餃子拎到嚟我一望就知道奶左嘢... 上方白色，用筷子一反，果然不出我所料，真係輕輕地上過熱板... 連個生粉水脆邊都冇整，一食就feel到哂隻餃子嘅一生.. （應該係叮熱再翻煎..） so far都算食得過啦，始終呢啲問題改善方法都非常容易.. 值得俾多次機會
繼續閱讀
留意咗呢間嘢好耐，一直都無試到，主要原因係佢週邊有好多好嘢食，加上佢開個位置同裝修風格都唔係好起眼😩…次次食飽嘢周圍行嘅時候先至見到佢加上佢要第二碗先有半價…但好多時都係一個人出嚟食嘢，所以好多時忘記咗佢。但今日唔同，特登走入嚟試佢個餃子雞白湯麵！點餐到上菜時間唔耐，食佢個餃子時已聞到好香嘅雞湯味，絕對唔係甘寶湯個陣味，係真係有雞油係面，好濃郁雞肉雞皮鮮香嘅雞湯，食完唔涸喉（我諗有無味精可由此可見）；麵份量好足，軟硬度剛好，唔太腍，仲有杯嘢飲解滯，呢個下午茶超正！
繼續閱讀