蘇哥清湯腩

營業中

休息中

蘇哥清湯腩 (將軍澳).▪️牛坑腩河粉▪️.牛坑腩真係非常香，牛肋骨之間腍中帶爽，仲要真係見到一條條坑！你望落以為肥但入口好香！.▪️牛三寶河粉▪️.分別係牛筋牛腩同埋金錢肚，牛筋真係入口半化，配埋河粉真係一流嘅配搭，金錢肚有咬口爸爸食到舔舔脷！.▪️蠔油生菜▪️.食呢啲河粉就要另外叫個菜食吓，菜心芥蘭生菜！蠔油豉油任君選擇.📌 蘇哥清湯腩 (將軍澳)將軍澳寶琳欣景路8號新都城中心二期1樓1070-1071號舖

位於將軍澳寶琳的清湯腩粉麵店，其他地方也有分店。麵店除了主打湯麵外，還有擔擔麵、撈麵及飯類主食。主打清湯牛腩及其他牛的各部位，還有少量牛以外的選擇。秘製清湯粉麵類：鮮味鯪魚球雙拼菜肉雲吞粗麵 清湯底，加點辣椒油，更提鮮、惹味。鯪魚球多粒，口感爽彈，而且魚肉真材實料，吃到細條魚骨絲。菜肉雲吞餡料飽滿；粗麵屬較硬身的麵條，也蠻掛湯。油菜：芥蘭額外加配一份油菜，可以選擇蠔油或腩汁。芥蘭浸在腩汁裡，帶淡淡的牛腩清香。菜葉翠綠，菜莖不帶苦澀，蠻新鮮的。

今日同朋友去將軍澳新都城行街，我們被一間紅色的店鋪吸引着。餐廳廚房位掛滿牛腩，新鮮滾熱辣。店舖座位不多，裝修新淨，食物種類多，有清湯牛粉麵、 精選套餐牛飯、特色擔擔麵、惹味粉麵、酸辣粉。原來牛腩也分崩沙腩、坑腩和爽腩。我地叫左以下食物：1.清湯牛腩河$51牛腩河大大碗，熱辣辣。表面有蔥粒，特別香。河粉好滑，而且唔散。牛腩一睇就知好靚仔，牛肉味濃郁，肥瘦分布適中，而且炆得好入味，質地軟腍。2.清湯牛三寶河$65其次，接着嗌咗碗牛三寶河，裏面包括有牛腩，牛筋和牛肚。牛腩一樣入味軟腍。牛筋大大條，充滿膠質，炆得好入味，好腍身。牛肚好爽口，冇臭味。三款食物配搭非常豐富。3.淨鮮蝦雲吞$44見到隔籬枱食雲吞，我都嗌返碗。雲吞全人手包，大大粒，好飽滿。入面有蝦肉、豬肉等材料。蝦肉好彈牙，豬肉新鮮多汁鮮甜。雲吞皮好薄，餡又多，非常美味。

呢日黎到寶琳呢度食野，朋友話呢間蘇哥清湯腩開左冇幾耐，味道都唔錯，於是就試試佢！我地叫左崩湯腩麵，牛三寶米，芥蘭同埋一杯凍檸茶～凍檸茶好有茶味，啱哂食麵個陣飲！另外佢既辣椒油味道都唔錯！佢既崩沙牛腩真係超重牛味，又唔會un,真係好好食！d麵既份量都好多，好好食！另外店員都好好咁問我地芥蘭想要淋d硬d定正常，我地中意食爽口就叫左正常！芥蘭都係好新鮮！牛三寶麵就有牛筋牛腩同牛肚！份量都好多～配埋米粉辣椒油一流！

去咗將軍澳做啲嘢，中午食晏時間路過蘇哥清湯腩地方整潔寬敞，最重要路過也聞陣陣香味。💕清湯牛三寶上海麵三寶麵湯頭清澈透明，帶有濃郁的牛肉香氣。牛腩肉質鮮嫩，肥瘦相間，口即鬆化，搭配著彈牙的牛筋和蚊得Q軟的牛肚，口感豐富多樣。麵條有五款可選，我要了上海幼麵，細幼有嚼勁，與湯頭的搭配完美契合。💕牛三寶酸辣粉牛三寶酸辣粉以獨特的紅薯粗粉為主打，質地彈牙有嚼勁。牛腩、牛肚和牛筋的搭配令人驚艷，牛腩軟嫩多汁，牛肚鮮嫩爽滑，牛筋富有淋滑，三者口感協調。酸辣湯汁酸中帶辣，味道鮮美爽口，加入豆芽、蔥花等配料，層次豐富。份量足夠，滿足食慾。💕雞中翼（兩隻）跟餐$10雖說$10兩隻雞翼（跟麪），但味道絕對有驚喜，外皮酥脆，雞翼爆汁，非常好吃😋＇凍鴛鴦熱咖啡

身為一個牛腩控，無論在那區的牛腩專門店，都必定會去試試，今日便挑選了一間位於將軍澳寶琳站B出口的蘇哥牛腩專門店。清湯崩沙腩粉$57，崩沙腩的筋膜和牛肉比例適中，軟腍可口，河粉軟滑，不過由於廚師貪方便，先將河粉淥熟，放在碗內，等客人落單，將熱湯淋上，令到河粉的質感變了，希望改善一下。咖喱崩沙腩伊麵$61，咖喱味道香濃，將軟腍可口的伊麵放在咖喱汁內，吸收了咖喱汁之後，便非常美味。一口咖喱伊麵，一口崩沙腩，簡直是人生一大美食。跟餐凍檸檬茶$8，檸檬和茶的比例適中，非常有港式特色。跟餐熱鴛鴦$6，奶茶和咖啡及花奶的比例適中，又是港式特色之一。跟餐油菜$15，這個季節挑選菜心來吃，是最佳選擇。另外值得一提，這裏的員工服務態度優良，非常值得嘉許。👍👍👍👍👍

講到香港傳統美食，當然少不了牛腩粉麵🐮。而「蘇哥清湯腩」可算是我嚐過最好味的牛腩粉面專門店之一✨。上個星期日我去了新都城逛街，午餐時間就到了商場一樓的「蘇哥清湯腩」，真是又好味又實惠，下次想吃牛腩就一定去「蘇哥」。🍜 清湯崩沙腩河粉絕對令人驚艷。河粉滑溜爽口，崩沙牛腩軟嫩入味，面層彈牙有咬口，而清湯清爽而鮮美。特別推薦的是那些崩沙腩，釋放出濃郁的牛腩味，讓整碗湯粉更加豐富。而牛坑腩膽膽麵係另一特色佳品。麵條煮得恰到好處，彈牙有嚼勁。膽膽麵獎夠濃郁，花生味夠香夠濃，而牛坑腩肉質柔軟，入口即化，令人回味無窮。👍🏻「蘇哥清湯腩」以其獨特的牛腩粉面聞名，無論是崩沙腩還是牛坑腩，每一款牛都展現了他們對於牛腩的用心烹調。不僅味道上乘，價格也非常合理。如果你想要品嚐正宗的牛腩粉面，「蘇哥清湯腩」絕對是一個不容錯過的好去處✨。

新都城開左間清湯腩，同屋企人食完又真係幾唔錯👍🏼清湯腩好掂👍🏼。🥢豬手拼鮮蝦雲吞河粉 ($59):👍🏻👍🏻豬手煮得腍軟入味，同埋雲吞裏面有新鮮嘅蝦肉，鮮甜多汁。河粉彈牙滑嫩，同湯底一齊食更加美味。。🥢清湯坑腩伊麵 ($61):👍🏻👍🏻坑腩煮得軟嫩多汁，湯底清鮮開胃。伊麵彈牙有嚼勁。。🥢炸雞中翼（2隻） (+$10):跟麵食，優惠價$10加2隻雞翼。炸雞中翼煮得金黃酥脆，肉質嫩滑多汁。。

由早五年開始，每個月差唔多會有二十日會食早式粉麵做早餐或下午茶，有時好趕時間都會食碗做午餐，方便價錢又快捷。原本諗住喺新城搵間餐廳食少少嘢，去咗新開咗間中式粉麵店。中式麵店嚟講都算多選擇，好耐無試過牛腩有唔同部位可以揀，而且仲有薯粉添，味道幾又唔錯。酥炸雞翼，職員話活動價$10/一份兩隻，我哋叫咗兩份，雞翼上嘅粉唔多，外面微脆，裏面好嫩，無炸到乾晒，好味。坑腩擔擔麵，肉質唔錯，有少少似火鍋靚牛但好淋嘅味同口感，個湯唔辣又濃又香，好味。清湯牛腩幼麵，唔錯，都夠淋。清湯崩沙腩拼鮮蝦雲吞蕃薯粉，未試食日式粉麵配薯粉，崩沙腩唔多滑，有少少鞋。清湯牛三寶河粉，牛腩太瘦。

幾個月前嘅食評唔記得上傳。晚上八點十幾一個人去吃飯，逼人搭檯，我話等下，等到一張二人檯，坐落三分鐘又入咗個人，明明隔離就係空位，逼佢同我搭檯。過多一陣又有兩個食客食完走咗，即刻逼果兩個食客食到一半換位，可以空出一個四人位，跟住對住外面嘅空氣講，四人可以入啦！根本就冇人入嚟。同我搭檯嘅食客都係一肚火，傾起同我講係樓下巴士站嘅司機，呢間咁嘅服務質素根本冇可能有第二次，湯甜得過頭。我都冇可能有第二次，仲有朋友同我反映話食到一半玩下電話成碗米粉被收走。於是，每次行過，見到已經完全唔似開業個陣咁多人，連晚飯時間仲坐唔滿，心裡偷笑。

今晚買左淨牛坑腩外賣加餸成$140蚊⋯咁貴以為會有d質素打開來睇，d牛肉係散既，牛肉粒粒咁，成堆肥膏浮係面，好倒胃口⋯大部分都要掉咗佢😑😑😑絕對冇下次🤬🤬🤬

屋企樓下商場開咗間「蘇哥清牛腩」，就約咗朋友去會一會去佢。原來呢間店同天后清湯腩係同一家。我哋兩個人點咗以下嘅餐點。。。1️⃣🐮清湯牛三寶河粉$65牛三寶包括Q彈牛筋、嫩滑金錢肚、腍滑牛腩，加上爽滑河粉，湯底帶著牛嘅鮮甜味。👍🏻2️⃣🐷酥炸上海排骨飯$61排骨炸到外脆外軟，配上軟硬適中嘅白飯，好好味。😋3️⃣油菜-芥蘭$15芥蘭新鮮、翠綠、爽脆。👍🏻4️⃣腩汁蘿蔔$21蘿蔔入味、清甜無榨。👍🏻下次想品嚐一下擔擔麵！😋🍜

我屋企樓下嘅將軍澳新都城中心新開左間❤︎︎ 蘇哥清湯腩❤︎︎，超鍾意食粉麵嘅我，梗係去試吓啦😋店舖裝修簡約舒服，牆身有伙記落單用字同香港地方名，幾有特色🤭呢啲街坊野一定多人幫襯，我眼見食客不停人來人往。來呢到推介必試清湯牛腩麵🤤牛腩炆得入味腍滑，半肥瘦帶油脂香👍🏻湯底清甜夠味👍🏻下午茶都係$44，我雙拼埋雲吞加$10，雲吞皮薄足料，加碟油菜就$15，熱飲免費送嘅，我order左熱華田，大滿足😋

今晚想食番啲湯麵類別，記起新都城附近新開左間蘇哥清湯腩，就叫埋家人去食囉。家人叫左豬手配雲吞幼麵，我就點左清湯腩配雲吞幼麵，大家交換左餸就變得好豐富啦。豬手烹調很柔淋，坑腩好入味，柔韌有嚼勁，筋膜位咬落有油香，雲吞嘅蝦大隻有彈性都唔錯啊。幼麵份量剛好，麵質細滑可口。加$15叫左碟芥蘭，烚得熟度剛剛好。凍飲每杯只須 加$8，真係好抵食。#飲食日記 #飲食記錄 #食評 #相機先食 #手機食先 #食咗先講#唔怕肥 #eats

比預期中好味，牛腩牛根味濃鬆化，蘿蔔清甜可口，雲吞皮薄餡靚，味精不重，價錢貼地，值得返啅。個人覺得比起寶盈花園嗰間天后清湯腩好食。只可惜是坐近廚房，不時聞到一陣陣水渠味。