蕃茄仔

營業中

休息中

自從冇係銅鑼灣返工就冇食過蕃茄仔啦😿蕃茄仔係我心目中TOP 1 既蕃茄湯！😍見到屋企附近mikiki開左新分店，梗係要幫襯。新蒲崗分店比起銅鑼灣大左好多，座位多左坐得舒服d。不過門面就冇銅鑼灣咁靚啦。落單scan QR code，原來有晚市套餐，包埋小食，飲品同甜品。百零蚊一個餐係mikiki黎講少貴，不過真係好食呀🥹😘我就叫左鰻魚蕃茄濃湯上海麵🍅鰻魚又長又大條，厚肉又冇骨，質地偏軟身唔係彈牙個款啱我口味，咁足料要讚👍🏻👍🏻小食揀左煙熏芝士，我以為係一細舊芝士好似西餐咁，點知係一大塊放係面😂煙熏芝士好香，可以拉到絲🧀上海麵掛湯能力一流😋一夾已到沾上蕃茄湯，啖啖蕃茄味。最值得推介係佢既蕃茄湯，濃郁程度同蕃茄蓉冇分別，超正💕💕完全唔係譚仔蕃茄湯底可以媲美到😹 唔鍾意食蒜同葱既朋友落單個陣可以走。甜品係tiramisu 蛋糕仔，酒味唔重，解凍啱啱好，唔係凍冰冰硬曬咁拎出黎。飲品都幾有誠意👍🏻我expect蘋果茉莉大紅袍係茶包沖出黎🍎估唔到有埋蘋果乾😍即刻心心眼左，浸淋左既蘋果乾漲卜卜，幾好咬。

今日同媽咪睇完戲去食dinner😋見到新蒲崗開左red object❤️💛就即刻去左食啦💓呢度啲蕃茄湯底又濃又真材實料😌拌麵都好香好好味架🤤-🐮牛魔王自家鮮茄濃湯刀削麵 $94媽咪最鍾意食牛肉🤭所以就叫左呢個餐麵可以揀上海麵, 刀削麵 或者加錢轉其他個蕃茄湯超水濃好好味😍啲牛𦟌大塊又夠淋😙牛肩胛就就肥瘦適中😌跟餐仲會送飲品同甜品🍮飲品可以揀茶同汽水等等 媽咪就揀左杯熱嘅香橙桂花龍井🍊🌸☕️杯茶好香好refreshing呀🥰甜品係一個細嘅tiramisu cake 🍰 都好用心～-🐥炭燒風味雞扒麻香惹味拌麵 $68+$3套餐可以揀跟個65度有機溫泉蛋(如果單點麵就要+$12)個拌麵我覺得都好好味！完全係underrate!佢好香麻 但又唔會好辣😛想食啲刺激啲嘅野 但又唔食得辣就可以食如果食得辣 都可以再加辣醬 都好惹味架😍我加左$18要支SAGE冷泡茶系列-白桃烏龍係樽裝冷泡茶黎～好香又方便飲唔晒拎走～-👅麻香牛脷 (3件) $38🥟媽媽招牌粟米豬肉餃 $24另外叫左兩份小食😋牛脷超大份CP好高呀個餃子都啖啖肉又有粟米香🌽

周五同同事出黎食lunch, 梗係要試下新野Mikiki 最近開左間 蕃茄仔 超濃郁蕃茄湯底 酸甜醒胃 有多種配搭！餐廳整潔明亮，採用QR code 手機落單輕烤厚鰻整條鰻魚很誇張，超吸引。+$10 轉米製通粉櫻花蝦米製通粉煙韌吸湯，配搭海量櫻花蝦好香口～芝士漢堡+$8轉稻庭烏冬 火炙過整塊芝士面舖上肉質彈牙漢堡上好邪惡，稻庭烏冬掛湯～精選SAGE系列冷泡茶$18白桃烏龍玫瑰烏龍香港製造，茶底清香無澀味，不錯！嫩肉雞胸 （3片）$18輕烤過還保持軟嫩手工粟米餃 （3隻）$18 粟米新鮮清甜很足料

蕃茄仔（新蒲崗）😋😋😋鮮濃蕃茄關注啟德mikik新開張、蕃茄濃湯底嘅麵當、鮮紅招牌配木日系的裝修、座位寬敞、又舒服、員工又友善、現代化、QR code 落order、快捷簡便！👍🏻主打蕃茄濃湯底、蕃茄香濃、色澤艷麗、打卡一流😘仲有好多配菜選擇、正😄特級安格斯牛肩胛刀削麵$82⋯安格斯牛正嘢、牛肩胛、牛味香濃、軟滑得來有口感、份量都唔少、刀削麵、麵條煙韌韌有口感、最重要的濃濃蕃茄湯底、冇🉐️輸、顔色超自悅、yummy yummy 😋 特級牛魔王刀削麵$128⋯牛肩胛、和牛展、和牛肉丸、牛骨髓、口感豐富、全牛宴、盡享牛好食部份、香濃蕃茄湯唔少🉐️、特色配牛骨髓、賣相一流😋😋⋯⋯色香味俱全😘野生雜菌$18⋯味道好fresh、夠健康😊Mini日式煎餃子4件$32⋯餃子餡料飽滿、皮薄、略煎點醋吃、味道啱啱好😊必食食忌廉蟹肉薯餅3件$28⋯蟹肉同薯蓉混和、外面炸得好脆、中間餡料軟綿綿、調味剛好、脆而不油膩😄無糖香橙桂花龍井（凍）$12⋯⋯清香嘅桂花味配龍井茶、加上無糖、凍飲落都好醒神！#啟德#mikiki#新蒲崗#濃湯蕃茄#新蒲崗太子道東638號mikiki地下層7A港鐵啟德站B出口、步行約13分鐘

📌蕃茄仔餐廳最出名係鮮茄濃湯🍅湯底真材實料以新鮮蕃茄加豬骨熬製而成，質感濃郁帶點蕃茄蓉🥣感覺有啲似食西餐飲到嘅濃湯除咗湯底，配料都好講究，牛肉用上安格斯牛柳，同蕃茄湯底係絕配，一眾牛魔王一定要試試🥢今日被芝士吸引住，食咗芝士雞柳，質素都相當唔錯✴️煙燻芝士雞柳鮮茄濃湯烏冬雞柳肉質嫩滑彈牙，帶有微微煙燻香味，又帶點芝士咸香加上掛湯嘅稻庭烏冬🍜沾滿蕃茄蓉，口感絕對豐富，而且好欣賞湯底夠晒熱，可以話係誠意之作✴️忌廉蟹肉薯餅薯餅外層薄脆唔油膩，內裡蟹肉忌廉口感軟滑，點蛋黃醬食更加惹味🥢✴️清漉 咖啡好有驚喜，咖啡係來自清漉x利東邨銀都冰室嘅出品☕️跟餐加$26就飲到喇，選料方面可見老板頗有心思✴️甜品隨餐附送小蛋糕🍰今日款式係tiramisu，忌廉軟滑，蛋糕幾香咖啡味，一個套餐有齊主食、小食、飲品同甜品確係完美🥰服務方面都值得一讚，店員姨姨親切細心，亦樂於介紹菜式，有機會都要試試姨姨推介嘅麻香拌麵🤭