蔡潤記 (已結業)

.淨牛筋腩($60)魚蛋河($30).呢間大埔老店 一入到去要自己搵位坐然後當我坐都未坐低嘅時候個叔叔就問我食啲咩😆然後我諗都冇諗嘅情況底下唯有答魚蛋河之後再加個牛筋腩牛筋腩吾錯比較入味 炆到好淋平時出街食有時有啲會好硬身呢個相比之下好食得多魚蛋河都幾好食 魚蛋同魚片係偏鹹嗰隻佢用啲出面比較少用嘅河粉比較厚身同闊身 不過我覺得較為細碗 男士食一碗未必飽🙉不過相比起其他粉面舖頭喺香港來講呢間都算係出色嘅👍🏻👍🏻👍🏻.

大埔一向多出名嘅小店，呢間蔡潤記確係必食推介，上星期六，我們一行三人專程黎幫襯，果然冇令我地失望。潮州辣椒油，係靈魂所在， 食潮州魚蛋魚片加少少確實可以帶出鲜味來！淨魚蛋魚片， 魚蛋很彈牙， 魚片切很薄， 有很香嘅大地魚味道！金錢肚夠厚身，入口有咬勁！牛丸都唔錯很有牛肉味！亦好有彈力，好啱我胃口！牛腩炆得夠味， 肉質紮實！最正就係個河粉，很滑很滑，入口不易斷，每條都很幼細！仲有係一張大圓枱，坐滿八個人，大家三唔識七，為的只是一碗令人滿滿口福及貨真價實可飽肚嘅港人美食!

難得放閒日，走左入大埔一轉搵美食!相信大埔人對蔡潤記並不陌生，但大家要記住有新、舊蔡潤記之分，我今次去既係舊蔡潤記呀好彩平日人唔算多一入到去就可以落單，坐左10分鐘美食就送上啦牛腩魚皮河、牛腩粉腸河，仲有次次會追加一碗淨蛋片伙計應該做到滾瓜爛熟了，一叫埋單，望望台上，唔使一秒，立即講到總數，真係快、靚、正!雖然好多舊式粉面鋪都好好味，但蔡潤記始終對我黎講有種特別味道，我時不時都轉登入去食嫁~

大埔區係少數仍然保留住舊區色彩的地方，小店食肆琳瑯滿目，各適其式。識食一定去小店食，識揀一定揀蔡潤記。蔡潤記都可以算係大埔出曬名嘅粉麵專家，魚蛋魚片唔在講，牛腩粉腸都好出色。由於店裏面人多擠擁，幾乎任何時間都爆場，等待食物都需要一點時間，不過耐心等侯都係值得。今日點左一碗魚蛋牛腩河同一碟魚皮。首先，炸魚皮同坊間一般薄魚皮好唔同，厚身鬆脆，略帶咸香魚鮮味。好多人都話好硬，好難咬，其實食法係應該浸湯，吸收湯既精華再食，軟硬交雜嘅口感，必定一試難忘。魚蛋則屬於細粒類型，彈牙爽口，魚味不太濃，依舊保持舊有高水準。牛腩肥瘦適中，略帶油香，味道香濃，濃湯配合滑溜河粉，認真一絕。重點自家秘制辣椒油係必食推介，加點豉油，無論魚蛋魚片牛腩粉腸河粉，都配合得天衣無縫，畫龍點精一樣。總括來說，有質素的傳統香港特色食物買少見少了，大埔區算係少數仍然保留住呢方面食物的地方，大家應該好好珍惜，多多支持。最後提一提，蔡潤記3點關門，要食嘅請早啦。

姨婆喺美國回港探親， 我哋做細嘅梗係要一做地主之誼， 帶佢周圍行下同懷緬一番， 大埔區確實係一個好去處，除咗有新型嘅商場，仲有一些舊區，我估佢都應該好有興趣去行下 。大埔區仍然保留住一些舊區嘅色彩，例如個體戶嘅小店、食肆等等…… 不似得荃灣區、沙田區等等，以經被連鎖式嘅商店攻陷。除咗行街市大埔舊墟之外， 醫肚當然係唔少得的。我主動帶佢去試下呢一間大部出曬名嘅粉麵專家，除咗出名魚蛋魚片河，牛腩亦都好出名！呢間 蔡潤記 長時間都係人山人海， 當然值得去一試！魚蛋魚片河 - 魚片切到很薄很細，很有潮州魚片味，而且魚蛋爽口彈牙！當然粉麵舖嘅辣椒油係靈魂所在，我最喜歡！牛腩米 - 牛腩炆得很柔軟，啱曬姨婆嘅口味！呢啲傳統香港特色嘅食物，我心想就算移民到外地的朋友回來都一定是十分想念的，果然我冇介紹錯，我們大家都食得十分滿足。

以前唔係住大埔都會特登入嚟食的而且確以前的味道是比較好味的D，可能現在食物的材料已不是以前的咁好，因為環境在變，舊的味道那只有回味現在的⋯我都喜歡，他的牛腩真是好吃到不得了，他不是別的清湯腩的牛腩，我覺是有少少似落了很多材料炮製的秘製滷水牛腩咁！。 所以，一想食牛腩，我就會諗起蔡潤記嘅牛腩其他的也很好味不過，炸魚皮就還有，今次的外賣，好失望😭，叫左魚牛片腩鴛鴦，但佢比得三件牛我😭😭😭，D粉又碎又爛，不知是否不是平時處理開的人有關呢湯底是冇問題！早上買都咁

星期六的下午剛好在附近，突然想起小街旁的這家粉麵店，便多走幾步來碗魚蛋粉。小時候在附近上學，同學曾帶我來這店更大讚這是大埔最好吃的魚蛋粉，當時吃罷印象不深，暗地想或許是我不識食吧，自此再沒來過。若干年後的今天應會更識食？昨天還是10度的冬天，今天天氣一下子暖了起來，便點了枝大可樂($24)店來坐滿了客人，壁上貼了不要追order的字句，因此過了20分鐘喝了半枝可樂亦不敢追問。先來的是炸魚皮，魚皮非常硬身，沒有想像中鬆脆的口感，後來浸再湯一會兒再吃會比較易咬。魚蛋魚片河味道還好，魚片不錯，魚蛋彈牙但魚味不濃，湯頭沒有味精配上河粉味道清新。店內人多擠擁，等待食物需要一些時間，見店員在擠迫的環境穿插送上湯粉，非常厲害。如經過這附近可以一試，但我想我的味覺與兒時大概一致。

同老公由拍拖到仔都生埋，每次到大埔的必食麵店！仲有一間新蔡潤記，還是老店連人情味一齊吃的好吃！推介肥腩腸鴛鴦！肥腩肥得來不油膩，難得粉腸零壓味，河粉溝幼麵配秘製湯底，成件事係perfect match！

蔡潤記由大埔墟站行過去大約10分鐘的路程，不算很遠(但現在的天氣還是有點熱☀️)。我地大約中午12點到，未係好多人。我地叫左魚蛋魚片河$30，炸魚皮$24，淨牛腩$60！河粉偏細碗，但河粉很滑又淋，不錯。湯底較淡（雖然湯底係啡色）魚片同魚蛋都好細片同細粒，有點不夠喉，結果要點多一個淨魚片$30 share! 魚片較魚蛋好味，有少少彈牙，但如果可以厚一點，會更好味。魚蛋可能因為太細粒，不太彈牙，而且沒什麼味道。後面的一小碟牛腩切成小口size，好淋，已入味，但淨食有點喊，浸一浸係河粉到剛剛好。魚皮，跟平常的不一樣，一小塊的，但食落沒有魚皮味，只有炸粉的味道，又偏硬，麻麻。總括不過不失，但特別去的話，就有點失望了

前文講到我去咗陳漢記食腸粉，但我留力食下一站，就係食蔡潤記嘅魚蛋喇。午飯時間黎，好旺場，雖然唔洗等位，但一定要搭檯。想食乜？只要望住牆上面嘅餐牌就一目了然，呢度都幾彈性，雙拼唔洗加錢。不過我今日只想食魚蛋河（$30）。湯頭偏濃味，我已經冇加腩汁都覺得重味，河粉好滑溜，魚蛋同魚片屬小巧型，細細粒咁，魚味幾足，亦夠彈牙。檯面有辣椒油，真係得油，冇辣椒渣，有啲可惜。一碗魚蛋粉，份量細細，食量大嘅未必夠飽，難怪我見周圍嘅食客，有啲淨食加碗麵，有啲加底，各適其適隨你鍾意點配搭。

用厚厚既粉漿…包住薄薄…韌到爆既一塊皮嚟炸…咬都咬唔開，仲過要浸返林佢先食😳連塊脆脆勁厚既粉皮都浸返林?!?!浸完入面塊魚皮都係韌到爆😠😠同佢講點解會咁…想唔要，佢仲話 : 係咁架喎…你咬唔到啫🙁我話我諗住係出面麵舖果隻…個收錢呀伯話 :咁你去第二到食啦…咁😠話要退錢…佢話: 落左單就無得退😡碗都仲要2啖就食哂魚旦一D都唔彈牙…又細粒…又散…以後唔會再去呢間野食…似住以為老店，服務差到爆…真好笑!!!!!!!!!

大埔吃粉麵的地方奇多，要說最令人雲牽夢繫的，必定選蔡潤記。 自幾年前吃過後便愛上，每次來大埔都會出盡法寶來這裡，個人來說，我喜歡這個多於陳漢記。 粉腸是這裡的名物，咬下去那粉粉的感覺又有腸類的質感，滿有口感，點上那自家製的辣椒油，非常誘人。 最好是配河粉，滑得在舌頭可以順著滑到喉嚨去，還有那湯頭配上魚味，配上牛腩的洗禮，是整碗粉的精華。 最喜歡其小巧一碗碗的美，就算女孩都可吃得完。 魚蛋魚片魚片頭，都是魚香四射又具有強烈魚味的貨色，對比大埔街市，這裡的爽口和乾脆脷落，就如是現在外表玲瓏，但內裡是深不可測的女強人的感覺。 配辣椒油吃又是另一番感受，魚味更出眾，了不起的是那另一番的感覺就如你女友離別後，再度重逢的驚喜，新鮮感和快感，就如一條魚的香味把其全迫在一粒魚蛋中。 可惜，今天沒有炸魚皮，我告訴你，絕不可以錯過。 沒有胃口試牛腩，因為本身吃了東西才來，但當你吃到那有名的粉腸和魚蛋後，也不會遺憾了，唯有叫自己明天請早。 蔡潤記 大埔東昌街7號地下

以前放假都會去蔡潤記開餐，今次同朋友點左兩個面，雖然現場有好多人排隊等左好耐先有得食，但諗到有好嘢食當然唔怕等。大約25分鐘後，終於到我哋，先飲一口啖湯非常之鹹，而魚片好似塊紙咁薄，個麵份量少又煮得唔夠時間偏硬，估唔到我哋等咗咁耐得到嘅食物竟然係咁嘅質素，我都好驚訝。牛腩亦都唔係特別好食偏靭。整體來講，比起我半年前質素爭好遠，奇就奇在點解咁多人，我食完面之後覺得唔飽，仲要係唔夠飽，最後到附近食咗碗豆腐花先叫有啲飽，呢間鋪頭我應該唔會再黎！

早午餐加下午茶一次過，宿醉未醒，好很醉啊 ﹗痴左線咩，十點鐘爆晒場，有無咁好食呀？可口可樂夠晒冰凍降降溫 ﹗酷熱天氣行到身水身汗，好采冷氣夠勁乍！每到飯市必定高朋滿座，要平心靜氣耐心等候，15 分鐘叫幸運，30 分鐘叫正常。人山人海好采剛有單丁位唔洗等乍，坐低等足 30 分鐘終於有得食！真好生意。硬係覺得無以前咁好食既？不過我主要係食辣椒油，哈哈！所以最好以後都係少點配菜、多點粉麵，可以撈更多辣椒渣，諗下都開心，正呀！魚蛋鴛鴦加肚加底走蔥，居然出到金錢肚，您好野 ﹗又腍又入味，半爽半腍又帶一丁點彈，比牛腩更加出色，Good！魚蛋牛腩鴛鴦加底加皮走蔥，香脆有肉有骨的炸魚皮，重口味略咸略硬，浸湯半響變得半腍半脆濃度適中好好食，帶埋甜美湯汁品嚐，鬆化香口人間極品。加上腩汁的醬油湯汁份外濃郁甜美，牛肉味清爽，回味無窮。瘦牛腩黏著肥膏非常有趙頭，食落又不太肥喎。醃味充滿滷水清香，完全滲入牛腩纖維之中，還算合格。魚蛋鴛鴦加腸加底走蔥，叔叔們負責樓面及坐位安排，嬸嬸們負責廚房出品。果真係慢工出細貨，熱辣辣輕煙飄飄送上，香噴噴正到震啊！雪白結實的招牌魚蛋，彈力無比，魚味濃濃而泛著咸香，高質滿分！醬油湯

閒日下午茶時間，門口鐵閘開剩一道細門，僅夠一個人進出。一入舖，店員通知河粉賣晒，落完我呢張單牛筋魚蛋粗，入多三個客，店員宣佈食物沽清。碗麵要花一段時間先會上枱，店主亦貼出公告温馨提示，值唔值得等，就好主觀喇。牛筋切小件上，煮到完全淋身，老友記都食到；魚蛋同其他老字號一樣，細細粒兼彈牙。講魚蛋，個人鍾意另一老舖多啲啲，不過呢度個湯就冇得輸。湯頭夠熱，唔太咸，亦唔會有勁口渴的副作用；粗麵夠爽，冇咩鹼水味，用湯匙墊起啲麵免浸晒入湯，做法夠細心喔。牛筋沾辣椒油同醋食，味道更好。