影片
今晚早放工返天水圍天一商城行下，想起之前經過這家麵店，於是去看看有什麼好吃。其實好難得可以在天水圍找到潮州粉麵店，連元朗都少了這類店鋪，加上這間鋪名特別有親切感，哈哈!我最愛是吃牛腩和牛筋的，又想吃酸辣，而酸辣只有牛腩，無牛筋，可能貴些，不加入這個酸辣米線? 其實都是自由定價，所以不太明白~最後我選了酸辣牛腩米線轉米粉，太多酸菜，要了少辣，所以都不覺很辣，但無諗過酸辣是這樣的，感覺湯和酸辣料是分開的，牛腩是算是腍而且不肥，正合我意，三十餘元一碗牛腩粉都算是不錯，如果可以送熱飲就更好，因為飲品成本其實很低，加$9我覺得不值，如果加$3就合理些，由於又無熱弄漿，所以我都無加飲品了。
繼續閱讀
行過路過差D錯過是日入咗天水圍探朋友，坐到三點三決定落樓下食個TEA. 問咗街坊朋友，決定簡單食個麵。坦白講門面簡單普通，行過路過麵都唔多覺。價錢都係咁上下，無驚喜。坐低叫咗個牛雜河：好細心，葱花另上。牛肚好入味，有口感但唔會好難咬開。最有驚喜係係：牛膀有口感，味濃，有好重既牛味，但又唔會太羶！湯底唔錯，落足料，清得來又好重牛味。
繼續閱讀
今日中午叫外賣，一個飯兩個粉，中規中矩，某幾款全日優惠供應，外賣都只係23蚊，幾抵食👍🏻 外賣加$1，好快就送到👏🏻👏🏻牛腩飯$37 牛腩又香又腍👍🏻腩汁撈飯，正！酸辣牛腩米線(中辣)$31 米線湯底比較淡，附送紫菜湯雲呑麵$22，四大粒鮮蝦雲吞，加幾條生菜，抵食👍🏻👍🏻
繼續閱讀
下午茶餓餓地，去左蔡云記，呢到裝修以紅色磚頭為主，好有懷舊風味，座位都算座得舒服，整整齊齊既擺設，令人覺得舒服自在!黎到食返個豬肉丸河粉，豬肉丸大大粒好彈牙好爽口，唔會覺得食緊一團粉，清清既湯底帶鮮甜味，碗裡面仲有d生菜，既幫碗豬肉丸河粉增添色彩又健康，河粉透透地做得好幼細好滑，條條分明唔會痴埋一舊舊另外每碗湯粉上，師傅都好細心將蔥蒜放上湯匙上面，鍾意食既朋友可以撈埋落d湯粉都食，唔鍾意食個d方便拎開，我個人就鍾意撈埋一齊食，撈埋一齊湯底鮮甜味道更出，如果鍾意食濃味或辣，枱上亦有提供好多醬料比大家，豉油，辣油，醋粉麵醬料樣樣齊全! 最後加多罐可樂，爽晒!
繼續閱讀
味道：之前食過幾次牛腩河，都覺得啲湯醎得太過火。今日呢碗真係痴左線，令我不吐不快。我食完番到去飲水飲到依家仲係 好 口 渴 丫！ 點解湯底唔可以整清淡啲呢？我好驚自己個心同腎會出事.......環境：非繁忙時段會坐得舒服好多。成個店既格局就係「回」字型，九成係面壁而坐，位同位之間既空間好窄。一滿人幾乎係膊頭掂膊頭咁食野。服務：出餐既速度其實唔錯，落左單之後1~2分鐘即到。我揀非繁忙時段去食既，應該關事。店內有免費紙巾供應，幾有良心。唔似得譚仔咁要3蚊1包紙巾...........衛生：侍應丫姐們幾鐘意同同事吹水，不過送野食黎既時候都冇咩點講野。吹水既企位我都冇點留意，如果你真係被影響到的話不妨出聲提醒下。抵食：公道啲黎講28蚊一碗河粉其實算平，如果食物既水準都可以睇齊咁就好啦...........
繼續閱讀