蓮香樓

營業中

休息中

一天路經此地，居然看到蓮香樓在九龍出現，小人隨即喜孜孜的走了進去！餐廳十分擠迫，更需要搭枱，但是小人關顧的只是點心有沒有如同上環舖的好吃。鵪鶉蛋燒賣：一如既往就是一粒鵪鶉蛋放在一球豬肉上面蒸，味道正常，問題在於不夠滾燙，變得很油很滯。豉汁蒸鳳爪：稍為好些，起碼夠熱。豉汁滲入雞腳，吮得好過癮，然而蒸得太腍太塌，根本就只是食到有汁的皮，中間的筋位似乎蕩然無存。四寶蒸雞扎：雞扎來來去去都是用腐皮包著芋頭、雞肉、冬菇和魚肚來蒸，腐皮幸好不靭，雞肉及魚肚又滑又入味。牛肉腸：腸衣滑是滑的，卻是極其的厚，吸的油份自然不少。牛肉餡碎碎濕濕，吃不到牛肉的肉香，兼且豉油太鹹，就像滑了一口的油入口。有點敗興而歸的感覺。

不會回頭朋友聚舊，因可以訂位，所以諗住試吓新嘢。訂咗閑日中午12點。去到發覺要上兩層樓梯，未知有否電梯供傷殘及坐輪椅人士使用。可能人人貪新鮮，樓梯上，小小嘅入口，擠滿等住安排入座嘅客人。入到去話要搭枱，現在飲茶真係好少係咁。除咗茶水及執枱由員工負責外，全自助。冇點心紙或QR code，要自己拿咭去排隊攞，見乜攞乜；如果見唔到你想食嘅嘢，都無奈。我哋兩個人只攞咗三碟點心。因地方逼夾，樓底矮，感覺好嘈，唔係聚舊傾偈嘅好地方。又冇心機出去排隊攞點心，於是提早埋單走人。（我哋逗留咗約一個鐘頭，但同枱已換咗兩批食客！似食快餐？）結論係： 食味冇特別，唔係難食，係大眾化酒樓水平。可惜冇人哋咁多款式。賣懷舊，等於回到過去？要讚嘅係，工作人員態度良好。

呢間餐廳標榜24小時營業，實際上只係宣傳手法。三個人去食晏，叫咗錦鹵雲吞、叉燒餐包、煎腸粉、魚肚餃、叉燒腸粉同鵪鶉蛋燒賣，整體味道一般，冇乜特別。叉燒餐包偏乾，煎腸粉偏油，叉燒腸粉又唔新鮮，只有魚肚餃同鵪鶉蛋燒賣比較正常，但都唔算出色。環境方面，一樓入口右邊係煎爐，左邊係蒸品區，中間通道窄，感覺侷促又悶熱。二樓空間大啲，但只得蒸品餐車，想食煎品要落樓下攞，幾唔方便，仲有安全問題。座位唔算舒服，冷氣又唔夠，兩層樓得樓梯，對長者唔友善。裝潢普通，冇乜打卡位，唔太適合影相。三個人連茶芥埋單$295，以呢個價錢，食物同環境都冇乜吸引力。仲要唔飽😭

在現今与時並進，日新越異嘅社會下，玩懷舊風，實在有些冒險吧！懷舊有幾多年青人大衆接受就不得而知！以我認為，懐舊即係倒退落伍！感受吓嘅意識，只是一次止，並沒多人在纸醉金迷嘅時空中，還會去沈醉於懷舊風吧！而且懷舊中未見出色，環境，食物，服務，都未見達標及理想，要好好作檢討！好自為之！！！

擁有百年歷史嘅傳統茶樓由中環開到尖沙咀啦🤩 係金巴利道開咗樓高兩層嘅分店，仲係24小時營業添🈺所以無論係嚟嘆返一盅兩件之外，定係同朋友飲完杯嘢嚟宵夜亦都得😝呢度真係超地道🥹係要拎著卡仔出去拎想食嘅野😍 又或者係點心推車到拎😚 呢啲傳統嘢真係越嚟越少嫁啦🥹全部點心都係現場即整，蝦餃同燒賣都大大粒😋另外仲揀咗主食乾炒牛河同埋燒味😝大大份勁吸引🤩燶邊叉燒極邪惡😈貼心到不得了就係甜品🍮有燕窩燉椰皇🥥 入口滑滑，好味又養顏🤤💓💓 ᴘ.ꜱ. 💓💓未試過嘅話強烈建議要過嚟體驗下🤣 除咗懷舊嘢之外，亦加入新特色～ 就係係一樓個到有ᴅᴊ打碟💽

價錢超貴不特止，食物質素勁差，又凍，蝦餃皮隻隻爛，自己出去攞嘢食呢個都唔緊要，但係根本係冇食物提供，出來出去都係牛栢葉、蝦餃、燒賣、鹹水角。鹹水角唔好食，但係竟然係頂點，完全係垃圾，好難食，最後諗住食個煎蘿蔔糕，點知話明即煎都係凍嘅唔知佢搞咩？其實未預備好就唔好開業啦，差到咁緊要仲會有人幫襯？兩個大男人，一個女人，三人食咗七樣嘢，仲要係晚飯時間，當然唔飽啦，咁都食咗$429 ，又貴又唔飽又難食。即刻唔會想再去食，埋單走人去第二度再食過

當我知道蓮香樓喺我間酒店附近開分店時，我好興奮。但係邊個會股道，期望越大，失望就越大。喺開張日，我同我朋友去咗嗰度食宵夜。一入到去，就係一間裝修得好靚嘅餐廳，係母餐廳嘅精緻版。見到有個保鏢睇住個門,幾個着住店小二制服嘅哥仔傾偈，連招呼我哋都冇。間餐廳連滿或者忙都冇。我要問張枱，然後問點餐嘅指示。問一句，答一句。服務員都冇工作態度。一個哥仔連茶壺都唔識揸,茶喺個嘴度倒緊出嚟,濕晒成地，佢就扮見唔到，直到倒濕咗個客。點心推車點心款最多三樣。出菜又慢。如果廚房人手唔夠,就唔好開24小時了。我攞咗個一份雞扎，餐牌寫著係「特點」但部長係點心紙mark咗「頂點」。可見對餐點的定價不熟。最離譜嘅係,同場有兩台自稱老闆嘅朋友（其中一位食客同收銀員講，”老板啲friend，免茶位，免加一”),喺室內飲嘢同食煙,好嘈！感覺好似大排檔、夜總會，有啲烏煙瘴氣。員工見到有人室內食煙都冇阻止。但係喺室內食煙唔係犯法咩？開張前幾日有錯漏我可以理解。我接受唔到嘅係點解佢哋唔知室內吸煙係犯法嘅，或者知又唔阻止咧？食物同茶都唔錯, 但服務同氣氛令成個用餐體驗變得好差。完全同期待的唔同。

知道蓮香在尖沙咀開業， 滿心高興相約朋友去 捧場 懷舊。 以下是嘗試之 後得到以下的 重點……1） 鋪外的裝修非常有特色。2） 要行樓梯上二樓或者三樓。［ 如果是長者或者係行動不便，唔好去喇］。3） 二樓冇位，我哋要上三樓。 上到去地方不太寬敞， 而且非常嘈吵， 隔音設備好差 。我地三個人，一要搭枱。［收這樣的價錢，要搭枱？算］。4） 完全冇指示， 觀察 一番，才知道原來要自己攞卡出去，近樓梯小小的位置攞點心。［ 長者最好同後生去，否則，一把年紀，拎著放了幾樣點心的盤，在 狹窄的通道行走，好容易有意外。］ 5） 最離譜的就是， 馬拉糕在三樓出 籠，但只在二樓賣。［ 我在三樓，見到馬拉糕攞出嚟，要我落去二樓拿，再上返三樓， 玩咩！ 據理力爭之後，才肯在三樓 畀我］6） 有個男士好像主管，在這一邊好大聲叫過去另一邊的夥記给指示。［ 這是不是高級收費低給環境］7） 食物方面一般， 不見得有特別 ，有豬肉的點心，味道怪怪哋，唔敢出聲。 腸粉皮太厚， 坊間比佢好食的有很多。8） 坐在我哋對面的兩位‘’搭枱‘’食客走之後， 夥記來清潔，只拿走用過的器皿，完全沒有 抹過枱面，［ 衛生不如茶餐廳，大排

見係新開仲要24 睇完戲就去試下上左樓上坐 都有6成位坐左客人 遊客local都有2個人安排左張4人既細圓枱姐姐同我地講 要坐一邊因為可能要搭枱ok 坐埋左一邊但係張枱油立立 污糟到不得了隻手完全唔敢放上枱仲見隔離枱投訴碟底仲有骨痴住點心款式唔多(呢轉有蝦餃 燒賣 牛肉球 鳳爪 蘿蔔糕 馬拉糕 叉燒包 西米糕 炸饅頭)叫姐姐落單話無得落 出面有咩就有咩係既 可能隔一陣行一轉會有新點心出但係唔知會有咩 同埋唔會有通知出左新野即係等到就等之後問姐姐咁蟹粉小籠包有無得點 佢話有好 咁等個小籠包 黎到真係眼都凸埋小籠包個皮完全唔得見到濕晒好多一點點水氣味道更加唔洗講 急凍啲叮叮都好食過佢有無搞錯 最後食多籠燒賣就起身走人去第二間食好過講真燒賣都好一般 又唔熱又係隔離同一枱叫個姐姐問下啲牛肉球係咪唔係好夠熟唔知姐姐答佢咩啦戴左口罩但係我地就見到姐姐扭轉左面就反個客眼囉本身已經食到一肚氣埋單都可以出事前面個位小姐埋單碌卡已經出左事搞左一輪 心諗都係俾現金穩陣點知2個茶位加2籠點心都可以再收多1籠點心錢全中文單 又多外國遊客真係好唔小心收多左錢而你又check到既話 就要改單又搞一輪宵夜一律$48

蓮香樓係金巴利道開設新分店啦，鄰近諾士佛臺入口，仲要24小時營業，以後大家去尖沙咀，全日都可以嘆到一盅兩件今次我就坐喺上層，枱同枱之間都有足夠空間，啲凳都有靠背，幾舒服，上層就有燒臘部，下層仲有DJ打碟所有點心都係現場手製，蝦餃燒賣新鮮大粒，星洲炒米有鑊氣，好夠辣，仲有勁大粒蝦球🦐! $128 咁大碟都唔算貴，連薑汁雞包仔仲有蝦! 牛肉腸都皮薄餡靚懷舊小食有金錢雞、蓮藕餅，藕餅勁出色，皮脆內爆汁！呢度啲燒味都唔錯㗎，燒腩仔皮超脆! 叉燒好軟腍，調味好蜜味；佢會有個爐㷫住啲燒味懷舊金錢雞（4件起）$28Roasted Chicken Liver and Pork in BBQ Sauce (min. 4pcs)懷舊蓮藕餅 Pan-fried Lotus Root Cake $138/8件pcs星洲炒米 Singpore-style Noodles $128薑汁雞包仔 Ginger Chicken Mini Buns (中)豉汁蒸鳳爪 Steamed Chicken Feet(中)蟹籽燒賣皇 Siu Mai (大)
鮮蝦菜苗餃 Steamed Shrimp Dumpling w/ Vege

尖沙咀新店，抱著試一試的心態，在 open rice 訂了位，準時到達並告之已訂座，跟本沒有人理會你是否訂坐，帶我到一張大枱搭枱，我說訂了枱仍然要搭枱？那位女士說：人人都要搭，你要唔要？非常不願意，但都坐下！跟著就叫我們自己去取點心，捧著盆子排隊，甚有難民或流浪者感覺。餐牌有幾款點心是希望食的，但未見有供應。煎炸點心一早做好，取的時候已經完全放涼，又油又不脆，不知所謂。地方又嘈又迫，難怪港人北上消費。地點在尖沙咀，格局比地踎茶記更差，祝它好運！

晏晝同台灣朋友黎食 直頭覺得影衰香港朋友推BB車問有冇lift可以搭所謂嘅經理指一指，然後就走開咗，再問侍應，侍應就話呢幾日冇開渦😒就要抬着BB車上兩層，條樓梯又窄。排完隊諗住有啖好食，點知呢度食點心好似開盲盒咁 要睇吓師傅有心情蒸啲咩出嚟就只能夠食嗰啲。坐咗兩個鐘都食唔到蝦餃燒賣。只見到無限次嘅叉燒包、紅棗糕、同埋只有半件嘅蘿蔔糕。好似開盲盒咁，完全唔係食自己想食嘅嘢，而係食師傅蒸咩出嚟，我就只有能夠食嗰啲。餐牌上面我諗10樣只有2樣係有。叫阿姐幫手熄一熄風扇，叫咗兩次佢又話搵咗經理做，點知完全冇人幫過我哋。食物垃圾連服務都一樣如果我係遊客嚟到間咁嘅餐廳真係超失望

垃圾級服務，排長龍拎點心半個鐘都拎唔到。種類得個兩三款，要客人自己枱食物上落樓梯，險象環生，個個食客都食到一肚氣。向經理反映，佢只會答你，佢話佢係替工，不負責任，甚至叫你唔好嚟食。完全做臭招牌，香港最差酒樓，沒有之一。

除左遊客之外，我不建議本地人去這間餐廳嘗試他們的點心。雖然這裡的菜單上有八款不同的點心，包括包、燒賣和蝦餃，聽起來似乎很吸引，但實際上，這些都是非常普通的選擇，並沒有特別出彩的地方。它們的味道和質素與其他更有名的茶樓相比較，根本無法相提並論。我覺得它的價錢真的非常高，但質素卻完全不配這個價位。相比之下，街邊連鎖點心外賣店在品質上都比佢優勝，不論是新鮮度還是口感都更勝一籌。例如，許多本地的小茶樓無論是在環境還是在服務上都更具吸引力，還提供更具代表性的本地風味。因此，我不推薦所有香港人去這間餐廳，因為在香港有很多其他茶樓提供更高性價比的選擇。甚至一些小型的本地點心店，斟選其新鮮的食材和精緻的製作工藝，都能令味道更加突出。總結而言，雖然我會建議遊客來這裡一試，因為這裡確實有一些標誌性的菜式，但作為本地人，還是選擇去那些更值得的地方用餐會更好。畢竟，真正的香港點心文化並不應該被這類過於商業化的餐廳所掩蓋。我相信，對於尋求正宗美食的香港人來說，普通一間茶樓的CP值更高，確實會讓你有更好的用餐體驗。

30/5/2025 星期五，得悉尖沙咀新開了蓮香樓，梗係要去試吓啦！十二點左右去到蓮香樓，見到人客沿着樓梯排隊，我哋都即刻跟著啦！好彩都好快比到位。－張6-8人圓枱，我哋二人，要搭枱坐。點心是出點心counter 排隊自取，期間見到有一兩車點心車推過，而一些另類點心就要經店員落單訂購的。點心質素確係好食，真材實料，足料，亦懷舊，雖然要排隊取點心，都係值得嘅！飲茶的茶具可以同店員講要傳統茶盅，我哋今次冇留意，下次會試吓用茶盅品茶，有懷舊感。店員好友善，勤力清理枱上食完的點心籠，騰出枱上空間。尖沙咀開了蓮香樓，方便九龍新界人客，仲要係24小時營業，真係隨時都可以飲茶。👍🏻