蓮香樓

營業中

休息中

蓮香樓進駐尖沙咀梗係要試下‼️分店以「復古創新」為主題，採用傳統中國風設計，同時保留了經典的「推車仔」點心文化，讓食客體驗舊式茶樓風味; 此外，為迎合年輕人和夜生活需求，分店24小時營業模式，並設有DJ打碟區，播放懷舊金曲，打造中西合璧的飲食環境。今次晚餐時段去食點心，全部自家即製保證新鮮，每款點心都保留經典風味，同時火候精準✨️花膠魚翅灌湯餃：湯汁濃郁鮮美，餡料奢華膠質豐富 ✨️懷舊小籠包：皮薄湯鮮，豬肉餡嫩滑多汁 ✨️蟹籽燒賣皇:肉質飽滿彈牙，蟹籽爆鮮提味✨️蝦餃:晶瑩剔透，蝦肉鮮甜彈牙✨️叉燒包:外皮鬆軟、內餡甜香多汁✨️煎腸粉：外脆內軟，搭配醬油更顯鮮美✨️雪山叉燒包：酥皮鬆化，叉燒甜鹹交織 ✨️蘿蔔糕：外煎香脆，內裡綿密帶臘味香 ✨️咸水角：外皮酥脆煙韌，內餡鹹香惹味 ✨️椰皇：清甜椰香，燉蛋滑嫩 ✨️西米布甸：奶皇香濃郁，西米Q彈香甜📍蓮香樓尖沙咀金巴利道25號長利商業大廈1樓至2樓(港鐵尖沙咀站 B1 出口, 步行約4分鐘)

呢間餐廳自1926年開業，以「推車仔」點心聞名，所有點心均為手工製作，而晚上亦供應多款經典懷舊粵菜🥢💗懷舊金錢雞 ($28/件）懷舊金錢雞真係買少見少嘅菜式，先將雞肝、肥肉、瘦肉串埋一齊，再用叉燒汁、蜜糖等醬汁慢火燒制，甘香甜美，配上酸薑更解膩🍢💗燒味三拼（$298）燒味三拼包括叉燒、燒腩仔同貴妃雞，叉燒肉質軟嫩鬆化，肉汁豐富，滲透蜜糖甜味🍯；燒腩仔肥瘦相間，塊皮卜卜脆🐖；貴妃雞非常嫩滑，而且有雞味🐓💗懷舊蓮藕餅（$138）香煎蓮藕餅非常厚身，厚實嘅免冶豬肉加上爽脆嘅蓮藕粒，肉香四溢🪷💗花膠魚翅灌湯餃（$58）灌湯餃非常大隻，餃皮亦都夠薄，內餡包住鮮蝦、北菇、豬肉碎、香菇等，浸係清甜鮮美嘅湯頭，最重要係真係有魚翅同花膠，都算足料🥟💗鮮蝦炸雲吞（$25）鮮蝦炸雲吞炸到金黃香脆，蘸上酸甜汁一齊，完全食唔停口🥠💗蟹籽燒賣皇（$35）蟹籽燒賣包住爽滑鮮嫩嘅冬菇豬肉鮮蝦餡🍄‍🟫💗咖哩蒸土鱿（$42）咖哩魷魚爽口彈牙，夠哂香濃入味🦑💗蓮香蝦餃皇（$48）蝦餃皮包住有爽口嘅蝦肉餡，但餃皮略厚🦐💗地道豬腳薑醋（$48）薑醋感覺煲咗好耐，味道濃郁而且甜酸可口，尤其豬腳好出色，炆到超軟腍，個人最鐘意都係雞

蓮香樓在尖沙咀開分店了 本人其實都幾驚訝 因為港島嗰間都起起落落幾次 現在竟然有膽量在九龍區開多間 剛好想和朋友慶生日 就一齊去試吓啲懷舊點心和菜系 我哋去到剛好有張四人細枱 就可以不用和人夾枱 佢哋嘅枱中間有一間可以將餐單和顧客私人物品放在此處 這個都比較貼心 又可以不需佔用枱面空間 職員很有禮貌 但程序上係很亂的 這個真的需要時間內慢慢改善 我們在點餐時 職員將我們的點餐紙弄掉了 最後要搞到好麻煩才可以再落單 這個真的很打攪 都係需要改善的 我們一行四人 每人大約食了兩百五十蚊左右 不是太貴 但其實我哋一籠蝦餃都食唔到 因為職員每次拎出來都俾其他食客秒殺 所以大部分食客都很不滿 點心真心不夠多 選擇不夠多 份量都唔夠 空間感不足 職員禮貌十足 但處理危機經驗不足 不過都有一個位值得讚 就係醬油位 這個位置放了大量不同的醬油 可以俾食客隨便拿取 食客按個人喜好拿取所需醬汁 那就不用經常找職員和覺得唔適合自己口味 當我寫這食評時 我相信餐廳應該已經有所改善 但短期內應該未必會再去 不竟香港還有很多更值得支持嘅點心餐廳

講起香港傳統茶樓，有百年歷史的「蓮香樓」絕對係經典之選，最近在尖沙咀開咗新分店，唔單止廿四小時營業，店內裝潢保留懷舊風味，木桌舊椅、走馬燈、雀籠同點心車，完全保留老香港feel。點心方面，豬膶燒賣一絕，夠新鮮，豬膶無腥味，蝦餃皮薄餡靚，糯米雞香口又足料，牛柏葉爽口彈牙，鳳爪入味，花膠海鮮灌湯餃夠晒足料，好有火喉。最正係可以拎住卡仔出去自己揀想食嘅點心，成個飲茶過程好有氣氛，啲姐姐同你講笑，感覺親切。除咗點心，仲有啲懷舊菜式，錦鹵雲吞就係其中我最想食嘅一款，脆卜卜的雲吞點上酸汁，同細個食嘅味道一樣，燒味三拼絕對係水準之上，叉燒、燒腩仔同油雞用火爐仔鐵盤上，食落去熱辣辣的絕對夠誠意。甜品推介燕窩燉椰皇，夠滋潤，西米布甸滑溜唔太甜。晚上10時後仲係宵夜時段，啱晒喜歡飲夜茶嘅人士。

🙋🏻‍♂️餓底探員去咗尖沙咀調查呢間傳統港式茶樓，呢個老字號品牌喺香港已有百年歷史，店內保留傳統茶樓文化，拎住點心紙排隊攞點心，點心姐姐推住點心車叫賣，仲有幾近消失嘅傳統手工點心，想體驗傳統茶樓文化，就要嚟呢度喇，尖沙咀分店仲要24小時營業‼️深宵時段22:00-05:30仲有雞煲供應🥟花膠魚翅灌湯餃 $58🙋🏻‍♂️表示灌湯餃現有茶樓已經好少見，呢個仲要加入花膠，魚翅等海味做餡料，提升奢華感，灌湯餃味道鮮甜，口感飽滿，配上清甜上湯，必食推介🦐蓮香蝦餃皇 $48🙋🏻‍♂️表示蝦餃皇大大粒，粒粒飽滿，皮薄通透，食落口感彈牙有鮮味🥚鵪鶉蛋燒賣 $48🙋🏻‍♂️表示鵪鶉蛋燒賣係傳統點心之一，以豬肉同蝦膠搓成球狀，放上鵪鶉蛋再用白色燒賣皮包起，食落香軟多汁，鵪鶉蛋充滿香濃蛋香🥟懷舊小籠包 $48🙋🏻‍♂️表示小籠包餃皮透薄，包住鮮甜豬肉，肉嫩多汁充滿鮮味🥚流沙奶黃包 $48🙋🏻‍♂️表示個包入面包住金黃流沙奶黃，口感鬆軟，奶黃細滑鹹香，要趁熱食呀🦑咖喱蒸土魷 $48🙋🏻‍♂️表示土魷口感爽彈，用咖喱汁煮成，配上爽口薯仔，吸收咗咖喱汁，味道香濃惹味🐤四寶蒸雞扎 $48🙋🏻‍♂️表示雞扎以腐皮包住嫩滑雞肉，厚切火腿

在繁忙的尖沙咀，隱藏著一間充滿香港特色的點心餐廳——蓮香樓。這裡不僅是品嚐正宗點心的好去處，還讓人感受到濃厚的傳統情懷。走進蓮香樓，首先映入眼簾的是自助拿取點心的特色設計。這樣的形式讓人倍感親切，你可以隨心所欲地挑選各式各樣的點心，仿佛回到了童年時光，讓人忍不住想要一試再試。而在茶樓內，點心姐姐推著傳統點心車，為你送上熱騰騰的美食，這場景更是讓人覺得溫暖與愉快。今天的點心盛宴，讓我們來看看有哪些值得一試的美味：- 豬肚燒賣和豬膶燒賣：這兩款燒賣口感鮮嫩，肉質滑順，讓人忍不住一口接一口。- 花膠魚翅灌湯餃：這是今日的重點，餃子皮薄透，內餡豐富，湯汁鮮美，讓每一口都充滿驚喜。- 牛柏葉和糯米雞：牛柏葉的味道醇厚，糯米雞則香軟可口，令人滿意。- 雞包仔：質感鬆軟，搭配新鮮的餡料。- 蝦餃和小籠包：蝦餃晶瑩剔透，小龍包的湯汁鮮甜，讓人一試成主顧。此外，餐後的招牌燕窩燉椰皇和西米布甸，更是讓人驚艷。燕窩的滑嫩口感搭配椰子的香甜，令人陶醉。而西米布甸則是完美收尾，讓這頓餐點畫上完美的句號。晚上十時後，還有宵夜的菜式，茶樓24小時營業，任何時候也可來光顧。

呢間蓮香樓由中環開到尖沙咀，喺諾士佛台附近，仲係二十四小時營業，可以去飲吓夜茶！呢度仲有仲姐姐推住點心車嗰度直接拎點心，依家已經冇邊間酒樓有呢種點菜模式，真係好懷舊！花膠魚翅灌湯餃啲湯汁都幾夠味，個灌湯餃都好大粒！蝦餃大隻皮薄，蝦肉夠爽小籠包皮薄，一咬落去係爆汁鮮蝦腸粉好大份，每次去酒樓必叫1） 燕窩燉椰皇喺椰皇上面放咗個薄荷葉，第一次見，都幾特別，食落去都好香椰子味金錢雞一個充滿傳統特色嘅一道菜，依家只有喺好少香港嘅舊式老茶樓先可以食到，混合叉燒、雞肝、梅頭肉，手工仲要勁繁複，食落去好香油香～乾炒牛河估唔到都好大碟，份量好多！燒味三拼有叉燒，燒肉，豉油雞個人最鍾意燒肉！肥瘦適中！鳳爪蒸排骨整得好入味！

你唔會感到你是顧客 因為服務員 部長等心裡面不當你係顧客 更不用說對人起碼嘅尊重 問多兩句佢會以煩厭嘅態度回應你 令你覺得你唔應該問 如果唔怕買佢怕 或者冇胃口 不妨一試 Good Luck!

近百年傳統粵式茶樓-蓮香樓登陸尖沙咀諾士佛台，大顛24小時營業🈺️！飲完酒再飲茶食點心🥧環境: 8/10穿越的時光隧道，上諾士佛台旁的斜路掛滿燈籠🏮，氣派十足！店入延續懷舊特色，保留推車仔點心同傳統茶盅✨食物: 8/10蓮香樓的點心全部都是自家手工製，除了最經典點心蝦餃、燒賣、仲有懷舊馬拉糕，菲林卷🎞️必食嘅花膠魚翅灌湯餃‼️燒味三拼$268燒味是蓮香樓的招牌之選，叉燒帶有濃郁蜜汁香，肥瘦適中。燒腩肉更是驚喜，入口即化，口感層次分明😋。椰皇燕窩燉鮮奶$52🥥椰香濃郁與燕窩滑嫩交織，鮮奶增添溫潤口感，大推‼️💰性價比 6.5/10 蓮香樓係傳統老字號，色香味俱全，所以價錢就貴少少啦💸，不過24小時營業🕛，就有宵夜menu ，任何時候嚟飲茶都咁chill

尖沙咀這家「蓮香樓」，承襲了中環老店的懷舊風骨，是體驗傳統港式飲茶的熱門去處。點心是絕對主角。蝦餃、燒賣等經典款水準亦穩紮，用料實在。晚市有傳統特色小菜：八寶烤鴨琥珀色澤均勻，填料有糯米、蓮子、栗子等八寶融合鴨油香，濕潤度足，不過度黏牙，傳統工藝到位。蒸肉餅：手剁肉粒粗細得宜，保留彈牙口感（拒絕機器絞肉糜感） ，肉餅中心溏心狀，鎖住肉汁，很讚。整體而言，蓮香賣的是無可取代的地道體驗與懷舊滋味，點心水準高且價錢合理。想感受老香港「一盅兩件」的靈魂，這裡值得一訪。

蓮香樓是傳統點心酒家，裝潢帶獨特韻味，搭配傳統的燈籠和酸枝木家具，充滿港式年代感。餐廳人聲鼎沸，最期待點心出爐時，蒸籠內的蝦餃、燒賣香氣四溢，讓人垂涎。店員迅速推著小車穿梭於各個桌子，為客人送上熱騰騰的點心，可以悠閒地嘆一盅兩件。 花膠魚翅灌湯餃灌湯餃脹卜卜，外皮薄而光滑，包裹餡鮮美的魚翅、花膠及蝦肉，湯汁鮮甜濃郁，入口即化，充滿雞汁精華，帶來極致風味。豬膶燒賣是懷舊點心，軟腍的豬膶夾著薑絲，香氣撲鼻，內餡加入滑嫩蝦肉，令人回味。 蓮香蝦餃皇/ 鮮蝦炸雲吞蝦餃晶瑩剔透，新鮮蝦仁，鮮香爽彈，口感香滑。酥脆炸雲吞，內餡豐富的鮮蝦肉，口感脆卜卜。流沙奶皇包柔軟的外皮，包著香濃的奶黃餡，輕輕一咬，流沙般的奶黃瞬間流出，甜而不膩，是必點之選。北菇棉花雞/ 咖哩蒸土魷雞肉嫩滑，厚身的魚肚，吸收了鮮嫩的雞汁，加上滑溜的北菇，鮮美滋味。土魷肉質軟滑，濃稠的咖哩香氣撲鼻，微辣可口。椰皇燕窩燉鮮奶/ 西米焗布丁燉椰皇清香滋潤，燕窩柔滑養顏，與鮮奶結合，入口陣陣椰子幽香，用匙子挖出細滑椰子肉，滋養味蕾。西米焗布甸需趁熱享用，口感柔滑，Q彈的西米，加上吉士蓮蓉的香甜，充滿港式風味。燒味三拼（叉燒、燒腩仔、油雞

老香港茶樓風味老字號蓮香樓喺尖沙咀開店已有一段時間，朋友早幾日嚟食過都話運作已順暢上軌道，而且24小時營業，我就帶埋屋企人嚟食晚飯嘆點心！從地下沿着扶手樓梯上一樓，從裝修已經感受到懷舊風格，走進店內職員即熱情招待為我地安排座位開茶！深木色圓形枱凳，雀籠、蓮花裝飾，手推點心車，自取點心counter，懷舊點心 都滲透着懷舊老香港茶樓風味元素，整體氣氛唔錯，我仲見到舊式嘅茶盅😁我唔識用🤭有興趣嘅應該可以問職員囉！港式飲食文化中，首先講講個燒鵝三拼＊即係燒鵝拼叉燒同燒腩仔，頗有驚喜，我樓下間中式餐廳燒味拼盤賣緊二百幾蚊份量細啲。三樣都精緻而偏瘦，份量好足，唔肥膩唔黐牙☺️燒鵝肉質細嫩、叉燒甜香、燒腩肉味香濃，上枱時會點兩個蠟燭喺下面暖住幾貼心！點心就拎咗比較有特色嘅鵪鶉蛋燒賣、鮮豬膶燒賣，豬潤好大片舊燒賣啲豬肉中間撈咗啲蝦肉，食落鬆軟啲好味啲。花膠魚翅灌湯餃手工嘢夠矜貴、蝦餃、牛肉腸粉、棉花雞、奶皇包熱辣辣餡有少少流心，三色煎糕就偏硬身，總括來說我揀嘅大部份都唔錯！甜品方面 椰皇燕窩燉鮮奶有椰香奶香又滑溜，而西米布甸🍮香滑綿密蛋香濃郁，中間仲有芋蓉餡，兩款都好食。彩蛋🤭啱啱睇電視xx證券新廣告

位於諾士佛台入口，會見到滿滿燈籠，蓮香樓係少數保留傳統味酒樓！有推車仔，自取點心真係買少見少，都是充滿回憶的畫面😌24小時營業，宵夜仲有新餐單，不仿試試！燒味雙拼有爐架烘住，保持溫度呢個幾好👍🏻叉燒掛滿蜜汁，口感鬆軟；腩仔肥瘦均勻，皮脆肉嫩！咖喱蒸土魷魷魚幾彈牙，如果咖喱汁再濃味一啲就更好蓮香蝦餃王鮮蝦大大隻，皮薄餡靚鵪鶉蛋燒賣少有能夠食到嘅點心，值得一試馬拉糕我最愛點心之一，啖啖甜味夠鬆軟椰皇燕窩燉鮮奶燕窩份量都唔算少，口感好滑！滋潤養顏西米焗布甸口感豐富，帶有淡淡的奶香和蛋香。

呢排去完旅行返嚟香港，梗係要搵返啲香港味道啦！😍 即刻同老公衝去百年老字號蓮香樓尖沙咀分店飲茶！🤤 呢間分店除咗保留傳統茶樓特色，例如舊式茶盅、點心車之外，仲要24小時營業！真係好正！🤩我哋叫咗必點嘅蝦餃、燒賣同叉燒包！🍤 蝦餃皮薄餡靚，隻隻都脹卜卜，入面啲蝦又爽又鮮甜！😋 燒賣粒粒都紮實彈牙，豬肉味香濃！👍🏻 叉燒包個包鬆軟，入面嘅叉燒餡甜甜哋，真係好滿足！😌 晚餐梗係要叫返個燒味三拼啦！燒腩仔同叉燒真係超級出色，脆皮燒腩仔入口鬆化，叉燒肥瘦適中，肉質鮮嫩！💯 最後叫咗個椰皇燕窩燉鮮奶，原個椰皇燉出嚟，奶香同椰香完美融合，加埋燕窩，滋補又養顏！🥥佢哋嘅宵夜時段 (10pm-5:30am) 推出咗全新菜單【蓮香深宵夜樓夢】！🌙 有鐵扇公主炒飯、香辣牛魔王炒飯、招牌雲南野生菌雞煲等等，聽個名都覺得好吸引！🤤 宵夜想食啲熱辣辣嘅comfort food？蓮香樓就啱晒啦！🔥 想體驗香港懷舊茶樓文化？快啲去蓮香樓尖沙咀分店啦！🏃🏻‍♀️💨

尖沙咀新開嘅”蓮香樓”，開足24小時，超方便香港人同遊客！今晚約friend嚟飲茶晚飯🫖客人滔滔不絕，超級熱鬧！共有兩層，地方大，用舊式茶盅加功夫茶杯飲茶，加木傢俬圓枱圓凳，雀籠，福祿壽，字畫，雕刻等，好似返咗去五六十年代嗰種老香港style，幾有feel㗎🙌🏻重點有買少見少點心車巡場，影相同感受氣氛就最啱😍亦可以自己去拎點心，款式選擇多，全部熱辣辣👍🏻樓面員工服務親切，笑面迎人之餘，問咩都肯幫手，有人情味。「花膠魚翅灌湯餃」湯底夠香，餃皮厚身，入面餡料足料，飲個湯幾暖胃，大推！！「蝦餃」皮薄但唔會一夾就穿，蝦肉爽口彈牙，唔會死鹹。「鮮豬潤燒賣」豬膶切得厚薄適中，唔腥夠滑，底下燒賣肉餡實淨飽肚。「懷舊小籠包」咬開有湯汁，外皮略厚咗啲，內餡豬肉鮮味啱啱好，唔會有羶味，加少少薑絲醋食仲提味！ 「燒味三拼」叫咗叉燒、燒腩仔同油雞，叉燒夠淋帶少少焦香，甜度啱啱好；燒腩仔皮脆肉嫩；油雞都幾滑。甜品「燕窩燉椰皇」椰香好突出，燉得夠滑，唔太甜，燕窩滋補，推介🥰「西米布甸」面層脆糖焗得焦香，入口滑溜有蛋香，每啖都有西米有咬口。