蓮香樓

蓮香樓真係老香港嘅活歷史。一踏入門口，彷彿回到六七十年代：大紅燈籠、懷舊木牌、滿場都係人聲，仲有最經典嘅蒸籠枱同推車點心🛒🔥啲客就攞住張點心紙四圍搵食，呢份亂中有序嘅茶樓魅力，真係得返呢度先體會到 🫶🍽 今日食咗呢幾款：🥟 鮮蝦燒賣傳統靚樣✨蝦肉爽彈、皮厚實淨，好茶樓標準味，穩陣得嚟有誠意。🍆🐟 釀三寶（青椒／茄子／豆腐）最抵讚嘅一碟 🔥煎到面層金黃香脆、魚肉餡厚到爆、唔會散晒，青椒帶微辣，茄子滑嫩、豆腐吸晒汁，香口又惹味，好有鑊氣！ 推！🥠 炸三件（春卷／鹹水角／芋角）點心靚姐好好人，俾我哋一樣攞一個，春卷脆到聽得見聲、餡偏清爽；鹹水角煙韌香、芋角外脆內綿 👍一食就係回憶味食炸物最啱就係配茶飲，食完要啖茶壓壓 😆🥣 花膠魚肚灌湯餃灌湯大大隻好靚仔，一盅上檯好有儀式感。湯底清清地但幾香、飲落暖胃，餃皮薄，餡料夠豐富。湯好、餃好，冬天飲茶嘅最佳拍檔。🐔 招牌燒雞一上檯已經聞到香味🤤 雞皮燒得脆卜卜、油香唔膩。雞肉結實而唔乾，啖啖肉＋肉汁，食落有種‘’就係呢種老香港燒味香！‘’嘅親切感，值得一試！🍵 茶具同茶香茶壺茶盅都印住「香港蓮香」，花普洱味道清香，成杯都係茶葉，自己攞住茶盅沖，特別有意思，飲嘅係傳承同情懷 🥹🪷 總結：嚟蓮香樓，唔係追求精緻，係追求 那陣已經好少見嘅飲茶文化 🇭🇰✨推車叫賣、搶點心，人與人之間嗰份互動、嗰份煙火氣，先係香港飲茶文化！一盅兩件、味道傳統正宗，加埋回憶同情懷，非常加分❤️…查看更多

老字號「蓮香樓」重開新概念，一方面保留傳統，朝6晚10，店舖格調保留原有懷舊特色及文化，沿用舊式手推點心車，但現在有夜茶飲，半自助形式。晚上點心大部份一律$48。客人需走到點心車選擇點心，然後自取返回座位，晚上沒有腸粉供應。吃了這幾款點心，整體水準不俗。火龍果帶子餃有創意，胡椒豬肚湯夠辣。火龍果帶子餃 $48蓮香蝦餃王 $48碗仔翅 $48韭菜豬紅 $78胡椒豬肚湯 $78鹹蛋黃燒肉 $98賣相非常吸引，鹹蛋黃釀在燒肉中，香惹昇華，燒肉皮脆肉肥美。滑蛋蝦仁炒河 $168點了一款炒粉麵，夠鑊氣，味道唔錯。椰汁燉燕窩 $52蛋撻 $48吃了兩款甜品，椰汁燉燕窩，甜度適中，蛋白夠滑，燕窩在頂，吃得滿足！茶錢每位$18。運作流暢，店舖相比從前清潔整齊，性價比之選。 #蓮香樓 #中環 #粵菜 #廣東 #點心…查看更多

老公嘅姑媽同契爺，喺我哋上星期飛之前，約我哋今日（28-9-2025 Sun)出嚟飲茶，我哋就兩位老人家，過海食啦。去邊喥食？咁啱蓮香樓想寄幾盒月餅俾我，唔好喇，不如我哋自己嚟攞，兼喺喥飲茶啦。我先上網book位，然後比預約時間早幾分鐘到，嚟到，職員話要排隊先，OK。到差唔多時間，就有職員嚟同我哋對，對完有位就帶我哋入座，安排咗一張中枱俾我哋，不過係會同其他客人同枱，原因呢喥真係好爆。好，我哋坐定定，開好茶後，老公就出去攞啲嘢食先，因為呢喥午市有限食1個鐘。佢攞咗蝦餃，燒賣，鳳爪同雞紥，之後有點心車推埋嚟，我呢邊係碗仔翅，我諗有木耳，感覺健康啲，就要3碗，但見原來都算大碗，就改要2碗。那邊廂，老公嗰邊就有人問要唔要腸粉？有蝦同叉燒腸，咁要後者啦。好，開餐喇，啲點心口感都正常嘅，但唔熱，只係暖，蝦餃同燒賣就鹹咗少少。碗仔翅我就俾亞姐落芫荽，醋同胡椒粉，食落，材料充足，鹹淡適中。環境：都保留舊有裝修同福祿壽嘅陶像，而我最欣賞嘅係枱嘅設計，玻璃枱面不設枱布，但有下一層擺放menu，客人又可擺自己嘢喺嗰喥，唔會攪到張枱冇位之餘，又唔會整污糟啲嘢，更加睇到有咩嘢擺咗喺喥，一舉三得。地方唔大，唔怪得要限時，同要人齊至安排入座。服務：都唔算好差，叫人都會應。而同枱嘅客人攞咗個好細嘅冬瓜盅，職員主動同佢哋拎返去翻熱，話唔熱唔好食。價錢：由於都算趕同混亂，所以冇研究價錢，到埋單至知，中點係鳳爪，其他唔知咩係大點，咩係頂點，而碗仔翅就$48.00一碗，香茗每位$18.00。2.7分上次食評係喺2025年9月16日提交嘅呢篇：（https://www.openrice.com/zh/hongkong/review/%E5%88%9D%E8%A9%A6%E7%99%BE%E5%B9%B4%E8%80%81%E5%BA%97%E6%9C%88%E9%A4%85-e6189220）…查看更多

今年‘’初試‘’嘅月餅食評，繼茶皇殿後再添一篇（食評係2025年9月11日提交嘅呢篇：https://www.openrice.com/zh/hongkong/review/%E5%88%9D%E8%A9%A6%E6%9C%88%E9%A4%85-e6183345），話說老公公司今年送每人一盒呢喥嘅月餅，到噚日（15-9-2025 Mon）開始有得攞，老公呢日就即攞，佢攞嗰盒係雙黃蓮蓉月，但用一個同佢同事換燒雞五仁月，我奇怪，兩者嘅價錢會相同？老公拎到返嚟，話燒雞五仁月係細隻啲，蝕咗。原來係迷你燒雞五仁月，啊，正常啦。呢晚我哋就先試新奇嘅迷你燒雞五仁月，切開睇，同普通五仁月分別唔大，不過手感冇咁實，我哋急不及待食喇，口感唔太實，味道係鹹鹹甜甜咁，燒雞係肉鬆嚟，感覺比普通五仁月好啲。4.5分今（16-9-2025 Tue）晚飯後，我哋就食雙黃蓮蓉月，呢個係正方形，切好睇，見到蛋黃油，食落，蓮蓉唔太甜，好油好滑，但蛋黃原來只係外面有油，內裡乾到離譜，又鹹，同味道有啲怪。2分…查看更多

蓮香樓舊式酒樓，香港越來越少，推着車仔叫點心嘅感覺好懷舊，真係名不虛傳嘅老字號品牌鮮豬潤燒賣$35燒賣上面兩塊豬潤，非常新鮮，又大塊，又爽口鮮豬潤燒賣是以豬肉為主要餡料，鮮嫩多汁的豬肉質感柔軟，咬下去時會釋放出肉汁，餡料加入了香菇、蝦仁，增加了口感的多樣性，吃起來既有嚼勁，豬肉甘甜鹹香，入口後令人回味紅燒乳鴿$38 紅燒乳鴿鮮嫩可口，乳鴿肉質極為鮮嫩，纖維細緻，咬下去時彈牙而多汁，鮮香四溢乳鴿經過紅燒後，散發出濃郁的香氣蒜蓉炒西蘭花$98西蘭花口感鮮嫩，吃起來清脆爽口，感受到新鮮的蔬菜味，蒜蓉的香氣經過炒後，散發出濃郁的香味，西蘭花本身帶有淡淡的甜味，與蒜蓉的鹹香相互融合健康又有營養，味道清新而美味桂花燒鱔$228桂花鱔魚肉質鮮嫩，經過燒後，散發出濃郁的鮮香味，桂花的獨特香氣與鱔魚的鮮味相結合，有一種淡雅的香甜，鱔魚滑嫩的口感，桂花的味道既有肉的鮮美，又有桂花的香甜，令人陶醉點心百花釀魚肚色香味俱佳，味道層次分明，口感柔滑，魚肚吸收了百花的芳香，帶有淡淡的鮮蝦和鮮美，魚肚的鮮嫩清新而不膩，蝦膠爽口彈牙帶子燒賣帶子的海味與蝦仁的鮮甜，內裏蝦肉的口感非常滑順，咬下去時，肉質彈牙…查看更多

在中環屹立多年的老字號茶樓「蓮香樓」，深受本地食客和遊客的歡迎。老店裝修古色古香，還保留著點心車，絕對值得來打卡。晚上都有點心食，真是點心控的佳音。晚市點心一律$48，燒賣、鳳爪、牛肉球、牛肚、排骨、碗仔翅......選擇多，真材實料，每樣都很出色，保證熱辣辣。海鮮炒麵 $168最喜歡吃脆卜卜的麵底，海鮮料和醬汁淋落脆卜卜的麵到，滋味無窮。椰皇燉燕窩 $52椰香撲鼻，燕窩配滑蛋，還有清甜的椰汁，養顏又好食。…查看更多

今日去咗中環嘅蓮香樓食點心， 一入到去有種時光倒流嘅感覺， 吊扇， 雀籠等， 當然唔少得嘅點心車仔，點心卡，係一份快要消失嘅香港傳統情懷。佢嘅點心款式非常之多， 好多宜家酒樓冇嘅點心佢都有，譬如鵪鶉蛋燒賣、鮮豬潤燒賣、古法豬肚燒賣、鴨掌柚皮、火龍果帶子餃等。雖然好多人話呢度係遊客景點，但我覺得，香港人先至最應該嚟。唔係為打卡，係為左記住我哋以前係點樣飲茶—熱鬧、自主、有人情味。呢度每一件點心，每一道車轆印，都係活歷史。…查看更多

今日專登去中環蓮香樓飲茶，試咗兩款幾有特色嘅嘢食，同大家分享下！先講個花膠魚翅灌湯餃，一籠一個超巨型！咬開個皮，真係有花膠同魚翅㗎，湯汁多到用匙羹舀都漏晒！個湯好鮮甜，花膠煮到好淋，魚翅份量都唔少。雖然$68一個唔平，但真材實料，偶爾豪一次都幾過癮！至於個星洲炒米就真係懷舊風味！同而家茶餐廳唔同，佢用咗粗身嘅米粉，炒得乾身唔油膩。配料有蝦仁、叉燒絲、洋蔥、蛋絲，仲有少少咖喱粉嘅香味，但唔會太辣。最正係佢哋落咗少少銀芽同青椒，增加咗口感，食落好有舊式酒樓風味！環境就真係百年老店格局，仲保持住搭枱、點心車呢啲傳統。雖然裝修有啲殘舊，但就係呢份懷舊feel先難得！服務就真係要包容下，阿姐們都好忙㗎～如果想體驗傳統港式飲茶文化，蓮香樓絕對係首選！不過建議平日去，周末真係逼到爆炸㗎～…查看更多

朝6晚10的懷舊茶樓+手推點心車，半自助搶食模式+老香港裝潢，氛圍感直接拉滿🥢✨夜茶必衝亮點：• 手推點心車+自沖茶，還原老茶樓儀式感🍵• 晚市點心大多$48/籠• 新增椰皇、雪梨湯！解膩養生，秋冬喝剛好🍐.🍢點心+甜品雙狂喜：▪️椰皇燉燕窩：原盅椰香撲鼻，燕窩絲滑配嫩滑蛋白，椰汁清甜回甘不甜膩，養顏又解膩，餐前餐後吃都超驚艷～▪️雪梨湯：椰香四溢+雪梨軟糯，清潤不甜膩，喉嚨都潤到發光✨▪️豉汁蒸排骨：一咬脫骨，肉嫩多汁，豉香超濃郁▪️豉汁蒸鳳爪：軟耙膠質足，抿嘴脫骨超入味▪️香蔥牛柏葉：爽脆無腥，裹滿豉油汁，2份不夠吃！▪️燒賣：皮薄餡足，豬肉+整蝦，咬開爆汁💥▪️蝦餃：水晶皮裹3只整蝦，Q彈鮮甜料超足▪️牛仔骨：黑椒香浓，肉嫩不柴，食肉獸最愛.老字號手作功夫藏不住！點心料足味正，椰皇雪梨湯更是點睛之筆～ 帶家人懷舊、和朋友聚餐都超合適！點心車一推就衝，熱門款秒空，記得留肚連湯帶點一起炫😋…查看更多

在香港中環這個繁華的商業中心，隱藏著不少美食寶藏，其中一家酒樓專門店以其獨特的魅力吸引了無數食客。作為一位愛好粵菜的老饕，我最近特意造訪了這家位於中環核心地帶的酒樓，體驗了他們的招牌菜色與服務。整體而言，這家酒樓不僅在食物品質上表現出色，更在環境細節上下了功夫，讓人一試難忘。以下就讓我細細分享這次的用餐體驗，從熱茶到點心，再到主菜，每一環節都值得細味。首先，不得不提的是他們的「茶夠熱」。在香港的飲茶文化中，一壺熱騰騰的茶是必不可少的開場白。這家酒樓的茶藝師傅顯然深諳此道，選用上等茶葉，並以恰到好處的水溫沖泡，確保每一杯茶都香氣四溢且溫度持久。我點了一壺普洱，茶湯色澤深邃，入口溫潤，帶有淡淡的陳香，更重要的是，從頭到尾茶壺都保持著適宜的熱度，不會因時間流逝而變涼。這種細心的服務，不僅提升了用餐的儀式感，也讓人感受到酒樓對傳統的尊重。熱茶不僅能開胃解膩，更與後續的點心相得益彰，為整頓餐點奠定了高品質的基礎。接下來，讓我們談談他們的「蝦餃」。作為粵式點心的經典之作，蝦餃的製作看似簡單，實則考驗師傅的手藝。這家酒樓的蝦餃外皮晶瑩剔透，薄而不破，內餡則選用新鮮大蝦，搭配少許豬肉和筍絲，口感彈牙且鮮美多汁。每一顆蝦餃都包裹得飽滿均勻，蒸製時間掌握得恰到好處，不會過於軟爛或乾硬。咬下一口，蝦肉的甜味瞬間在口中爆發，與外皮的柔軟形成完美對比。這道點心不僅展現了酒樓對食材的講究，更體現了他們在點心製作上的專業水準，絕對是必試之選。除了美食，酒樓的「環境乾淨及舒適」也是一大亮點。一走進店內，首先映入眼簾的是寬敞明亮的空間，裝潢以傳統中式風格為主，搭配現代簡約元素，營造出優雅而放鬆的氛圍。座位安排得當，不會過於擁擠，桌面上整潔無瑕，餐具擺放整齊。空氣中瀰漫著淡淡的茶香，背景音樂輕柔舒緩，讓人瞬間卸下都市的繁忙壓力。服務人員態度親切，不時巡視並清理桌面，確保環境始終保持整潔。這種對細節的注重，讓用餐不僅是味覺的享受，更是一場身心靈的放鬆之旅，非常適合家庭聚會或商務宴請。在主菜方面，我點了他們的「燒鵝」。這道菜在擺盤上確實令人驚艷——燒鵝切片整齊排列在瓷盤上，皮色金黃油亮，旁邊點綴著青翠的蔬菜和特製醬汁，整體視覺效果極佳，彷彿一件藝術品。不過，味道方面則屬於「OK」水平，燒鵝的皮脆肉嫩，但或許因當日火候稍有偏差，內裡的肉質略顯普通，未能完全展現出鵝肉的豐腴香氣。醬汁的味道溫和，不會過鹹，但缺乏層次感。總體來說，這道燒鵝在視覺上滿分，味道尚可，如果追求極致口感或許還有提升空間，但作為一頓餐點的點綴，仍值得一試。最後，來談談「太極鴛鴦炒飯」。這道菜以其獨特的雙色醬汁聞名，這家酒樓的版本在「料足夠」方面表現出色。炒飯的基底是粒粒分明的白飯，上層分別鋪上番茄醬和白醬，形成太極圖案，視覺上十分吸睛。配料方面，包括了鮮蝦、雞肉、蘑菇和青豆等，每一口都能吃到豐富的食材，口感多元且均衡。番茄醬帶有微酸開胃的風味，而白醬則 creamy 順滑，兩者交融不會過於膩口。炒飯的火候掌握得宜，米飯保持彈性，不會油膩或軟爛。這道菜不僅份量十足，更在味道和營養上做到了平衡，非常適合分享，讓人飽足而歸。…查看更多

估唔到上環仲有一間保留傳統特色的酒樓！重點係仲可以飲夜茶仲有點心食👍🏻夜市點心劃一收費$48 一籠！每款點心都大大粒好足料必須吃蝦餃有大大隻蝦！腐竹卷好入味！腐皮係精粹！而棉花雞則雞肉嫩滑、魚肚入味！豉汁排骨好入味！必食小籠包 ！勁多肉餡好Juicy！碗仔翅好足料！勁多粉絲加入紅醋很有兒時的感覺乾燒伊麵的口感是 「爽、彈、滑、索汁」。麵條經過油炸處理，具有獨特的嚼勁，煮熟後仍能保持彈牙的口感。同時，乾燒醬汁緊緊地附著在麵條上，使其入味並帶有濃郁的鑊氣焦香。 紅棗糕口感軟糯QQ的！仲食到淡淡的紅棗味👍🏻仲叫咗兩款甜點，但有點普通…查看更多

最近同同事行過中環，見到威靈頓街嘅蓮香樓，呢間老字號酒樓重開新概念，點都要入去重溫下懷舊茶樓嘅感覺！一入門口，果種舊式酒樓嘅韻味即刻湧現，仲有推車仔點心，真係好有情懷！😌今次我哋兩個人，點咗幾款心水點心，分享下食後感：叉燒腸粉同牛肉腸粉都係必食之選。腸粉皮薄滑，唔會太厚，叉燒餡料偏甜，肉質鬆軟，牛肉腸粉就多汁帶少少蔥香，配埋豉油，滑溜溜一啖接一啖，真係停唔到口！👍煎餃皮脆餡靚，外皮煎得金黃色，咬落去肉汁豐富，餡料調味啱啱好，唔會太鹹。煎釀三寶都好出色，黃椒、茄子釀得飽滿，煎得香脆但唔油膩，餡料鮮味十足。🥟🍆排骨用豆豉蒸，肉質腍滑，冇渣，入口鹹香惹味，食落去好有鑊氣。牛肉球就彈牙多汁。🐮咖喱尤魚一上枱已經聞到香濃咖喱味，魷魚爽口彈牙，咖喱汁唔會太辣，啱晒送飯或者送酒。蟹籽燒賣每粒都頂住橙色蟹籽，增添口感層次，鮮味十足，唔會有腥味。🦑🦀食到最後，當然唔少得椰皇雪蛤同桂花糕做甜品。椰皇雪蛤椰香味濃，雪蛤滑溜，食完好滋潤養顏；桂花糕晶瑩剔透，桂花香氣自然，甜度適中，清新解膩。🍮🌸總結：蓮香樓保留舊式茶樓風味，點心款式多元，味道有水準，價錢合理，環境乾淨企理。推車仔自取形式夠懷舊，服務員個個都好有禮貌好好態度，依樣野好值得香港既餐廳學習。今時今日要搵返呢種感覺嘅酒樓真係唔多，無論本地人定遊客都值得一試！下次一定會再嚟飲返杯靚茶，食多幾款點心！😋☕️…查看更多

蓮香樓係香港老字號茶樓～😋 今次食佢嘅晚市點心加精緻菜式，有不錯嘅體驗！太極鴛鴦炒飯太極鴛鴦炒飯紅白分明如太極圖，米飯晶瑩粒粒分明，炒得乾爽香脆，仲有蛋帶～白色有滿滿嘅椰汁香味～配蝦仁、青瓜粒(⁎⁍̴̛ᴗ⁍̴̛⁎)紅色係茄汁雞肉配洋蔥～整體鹹鮮適中，鴛鴦對比增添趣味，食落去層次豐富，適合開胃🤤牛肉球、小籠包、蝦餃、蓮蓉西米布甸晚市點心籠籠熱氣騰騰，牛肉球好食多汁，咬落去彈牙滿足；小籠包皮薄餡多，湯汁燙口鮮美，蟹粉豬肉香氣四溢；蝦餃晶瑩剔透，蝦仁Q彈新鮮，竹筍脆爽，蒸得剛好不散；蓮蓉西米布甸甜而不膩，西米粒粒晶瑩，蓮蓉綿密香濃～椰皇燉燕窩椰皇燉燕窩係高級滋補，燕窩條條完整，燉得軟糯入味，椰汁濃郁香滑，微微甜潤中帶椰香。入口順滑，燕窩鮮甜滋養，配椰皇提升層次花膠魚翅灌湯餃花膠魚翅灌湯餃精緻小巧，皮薄如紗，內餡花膠軟滑、魚翅彈牙，湯汁濃郁鮮美，一咬爆汁，膠質豐富滋補。魚翅無腥，配薑絲微辣，口感層層疊加，高端粵菜代表，令人驚豔。整體晚市體驗幾好～環境懷舊熱鬧，服務親切！值得一試😝…查看更多

蓮香樓真係好懷舊，點心好好味，室內裝修典雅，帶有濃厚的傳統韻味，讓人感受到懷舊的魅力，吸引了不少老顧客不斷來食，菜單上各式點心皆具特色，特別是蝦餃和燒賣，口感鮮美，擁有良好的口碑，而食物價格合理，尤其是與質量和味道相比，性價比高，酒樓位置又便利，交通方便，易於到達，服務員態度都很好，熱情友善，能夠迅速理解並滿足顧客需求，令人食得更愉快，餐廳日日人流如潮，是聚餐和品嘗廣式點心的好去處。🫶花膠魚翅灌湯餃餃子外皮滑順，內部填滿花膠與魚翅，湯汁濃郁，令人感受到豪華的味道。🫶鮮蝦滑腸粉腸粉柔滑，蝦肉彈牙，充滿海鮮的鮮味，淡淡的醬油提升了整體的風味，使每一口都回味無窮。🫶蓮香蝦餃王餃子皮薄而透亮，內餡鮮蝦鮮明，口感鮮嫩，清香中伴隨著蝦的甜味，完美展現了廣式點心的精髓。🫶蟹籽燒賣皇燒賣外層皮薄透，裡面包上豐富的肉餡和蟹籽，口感鮮美，蟹籽的鹹香與肉餡的多汁讓人欲罷不能。🫶陳皮乾蒸牛肉牛肉蒸煮後變得柔嫩，陳皮的香氣讓整道菜增添了獨特的風味。🫶百花蒸魚肚魚肚鮮美滑嫩，豐富的香料配合清蒸的技術，讓魚肚的味道更加突出，仍保持魚肉的原汁原味。🫶三款炸物（炸雲吞、鹹水角、炸春卷）炸雲吞外皮酥脆，內餡豐富，適合蘸上醬汁享用。鹹水角香脆外表，餡料充滿鹹香，口感頗具層次。炸春卷皮薄餡多，揚炸至金黃，非常開胃。🫶青瓜海蜇海蜇脆爽，搭配清新的青瓜，口感輕盈，適合開胃，帶有海鮮的鮮香。🫶砂礫雞腳雞腳入味深厚，肉質軟嫩，搭配砂礓的香氣，讓人享受其獨特風味。🫶蘿蔔牛雜蘿蔔的清甜與牛雜的濃厚結合，讓整道菜呈現豐富的層次感，牛肉質地滑嫩，搭配蘿蔔的脆爽，十分誘人。🫶香滑芝麻卷好多酒樓都冇得食這個點心，芝麻卷外皮香滑，內餡滑順，芝麻的香氣耐人尋味，甜鹹適中，令人一口接一口。…查看更多

今次同阿媽去開中環，特登帶佢試吓蓮香樓嘅花膠魚翅灌湯餃，果然係老字號，水準無得輸！一籠一個灌湯餃，個頭大到呢～差不多有成隻碗咁大！外皮薄得嚟又有韌性，用筷子輕輕一篕，裡面嘅湯汁即刻湧出嚟，鮮香撲鼻！飲一啖湯先，嘩～超濃郁嘅金華火腿同雞湯底，飲得出係熬咗好耐，暖到入心！再睇吓裡面嘅料，真係足料到嚇親人！花膠大大塊，煮到軟淋淋又彈牙，膠質豐富；魚翅份量都唔少，仲有原隻鮮蝦、帶子同雞肉，每啖都係滿滿嘅料，完全無偷工減料！最正係個味道調得啱啱好，唔會太鹹，帶出食材本身嘅鮮味。阿媽食到不停讚，話而家好少地方可以食到咁傳統嘅灌湯餃，仲話個湯真係飲到一滴都無剩！雖然價錢唔算平，但以咁足料嘅食材同功夫，絕對物有所值。如果你都想帶屋企人懷舊一下，或者想食返個真材實料嘅灌湯餃，蓮香樓絕對係首選！記得要預留肚嚟享受呢個重量級點心啊～…查看更多