蓬萊咖哩屋

營業中

休息中

昨天4人來lunch,叫咗 :1)脆薄餅-免費-好脆同薄,跟咗2款醬,2隻都唔喺好食得出,但整體唔錯2)stir fried vegetable-印度式炒法的雜菜,所以有d香料味,賣相好colorful,味道都ok3)串燒芝士-友人想試吓-好似豆腐乾外形,但無味道,好唔得,友人比咗d壓力我,最後要用d咖喱汁才可食完1件4)串燒五香雞件-d雞當然是雪雞,所以無雞味,但勝在唔鞋,可以5)油蘇餅-有層次,鬆,不錯6)特式香料羊-本來餐是雞,但轉了做羊-個汁有番茄材料,所以香料無咁勁,用來伴油蘇餅食,好good-但個羊肉就唔夠軟腍7)naan-為了唔好浪費個汁,於是多叫個簡單烤餅,好鬆軟,good 8)印度奶茶x 2-4個人share2份試吓-先聞吓,有陣好似藥油味,幸好入口呢個味道唔重-對佢嘅愛惡好明顯,因有友人上次飲過,強烈推介,我自己就麻麻喇-service幾殷勤,感覺佢正宗喺因為它每道菜d香料都是幽幽的,而且d waitresses唔多識聽中文-因用了友人的vip card,所以有85折; 埋完單後,好似老細的男子送了2張vip card比我地,聽說佢好易送vip card比d客

上星期一行4人去了呢一間只有讚而冇彈的印度餐廳,環境比想像中細,本來想叫一個4人套餐唔駛煩($280加一再85折)~最後都係選擇了自選食物,仲諗住每人揀一款食物及每人一個印度油穌餅唔駛爭~點知其中有一個朋友,好似痴左線咁,自作主張叫了咖哩蝦,咖哩雞,咖哩魷魚...係...冇錯...係3個咖哩,係3個都係咖哩~~~我地當時3人個口都O哂咀..呀~唔係呀!3個咖哩..最好笑既係,個侍應話:3款既咖哩都唔同味架~另外還叫了鐵板雞翼,炒通菜,4個油穌餅及一個好難食既印度種子炒飯!!好啦~d食物終於黎齊,第一時間係見到3款咖哩..嘩!咁細兜既,我地對眼凸左出黎~~之後再食各款咖哩..嘩!一樣味既~對眼再一次凸左出黎~~好彩,雖然3款咖哩味係一樣,但都好好食,用黎送油穌餅一流,但咖哩蝦就比較唔抵,$86只得4隻蝦毛,鐵板雞翼唔錯,油穌餅好好食,另外個炒飯就不值一提!好似草皮味,又似蠟燭味~~可能呢一間係正宗既印度餐廳所以都黎左好多印度既同鄉,佢地講野"bb砵砵"跟本唔知佢地"up乜"..攪到我地好似去了第3度空間咁!佢地講野越講越大聲,d同鄉又越黎越多,其實都幾煩下~~總結黎講:呢間d咖哩真係一流

同男朋友去試下~ 因為都睇到話幾好食~D 野食我覺得同元朗既石岡咖喱屋差唔多~不過D 裝飾好華麗~ 而且價$ 亦好合理~食左個2 人套餐都係百幾蚊~而且佢地既服務態度都好好~ 唔使叫都自動有人加水~食完又有八五折咭~ 我地埋左單走左個幾鐘之後~ 先發覺佢地找少左錢~諗住都係冇架啦~ 鬼叫自己咁大意咩~但都係去返間餐廳問一問啦!!結果佢地即時幫我地CHECK 數~ 發覺找錯左$ 仲係咁SAY SORRY ~~佢地既服務態度真係好好呀~ ^^

週六晚上到蓬萊咖哩屋特汁香燒雞柳$56特色羊肉炒飯$59加一, 但食咁少都有VIP 咭送, 85 折食野地方十分乾淨, 侍應也好有禮貌. 先來免費薄餅開胃, 招呼周到.特汁香燒雞柳: 對比起羊肉炒飯係少, 但價錢就差不多. 個汁好惹味, 真係要食過先知. 雞肉好嫩滑, 正.特色羊肉炒飯: 冇酥味, 充滿住香味. 唔會太乾, 又唔會太多汁, 剛剛好. 腰果襯托, 幾好.

以前經過門口沒有進去,看到網上都是好評,上週五終於去試了一次.叫了3人套餐以及幾種印度餅,感覺不錯.其實印度餅還可以多點鹼以減少點酸味,但主人的殷勤接待以及食物的新鮮度來說,吃得很舒服.店內的規模有點家庭式經營的感覺,有點擔心客人太多會否應付得了呢.

自己大大話去重慶食都去左10年…雖然好味！但每一次去就諗起入去好多咭片比你，要經過人牆才可到達…到元朗…發現這間裝修好過重慶多多聲！服務、環境、簡直good。2個人約120坐足3個鐘，服務員還不停主動加水。很好哦！最尾還有8折咭…值得一試！

今晚去左這間餐廳食飯, 我同老公係第一次去, 見全部食評都係好的, 咁就去試下啦, 同行仲有兩大一細, 總共五個人.... 去到都成九點la, 諗住冇咩人, 點知打開門, 得番兩枱是冇人, 有少少估唔到咁旺. 而且以為佢的裝修會好舊, 點知都算幾新正(起碼好光猛), 不過座位真係逼D.我地唔算好大食, 叫左個三人套餐, 有湯, 兩個咖哩, 有條魚, 薄餅, 炒菜, 包三杯飲品, 再加個鷄翼,薄餅, 全部都ok, 不過d咖喱細兜左, 再大d會更好, d服務都好好....埋單都係$350, 唔計小朋友, 即係每人$75, 超抵. 臨走仲俾兩張85折咭給我地, 真識做, 一定會再去.

這間餐廳，過去幫襯不下十次，每次都有不錯感受。近兩年不知怎的沒用，昨晚重臨仍有火花!　餐廳推出了不少套餐，見三人餐($208)內容豐富又抵食，合眼緣就點一份，就這樣來了一檯食物：　薄烤餅-每次吃印度菜都有這款前菜，每次都未好吃過。誰能告訴我為什麼有這款前菜呢?雞湯-熱得熨口的清雞湯，特點是味道偏咸。ok!咖哩角-巨大的一隻，含薯仔量特多，吃完都飽了三分!味道可以。炸洋蔥圈-不太油膩，香香脆脆，讓人不自覺的一口接一口，不錯~燒原條鱸魚-上檯時還熱氣直冒，熱度十足，吃燒物這才像樣子嘛!要讚魚皮燒得香噴噴之餘，魚肉仍保持滑溜，很好吃!記憶中唯一比之優勝的Tanidoori，是燒鱔條，也是這間出品~ 咖哩炆牛腩-是晚咖哩點了mild，因此可吃性減低了；不過牛腩肉很滑，這點值得一讚。蕃茄咖哩雞-單看名字以為此汁一般，卻原來比普通咖哩好吃很多，我簡直吃到停不了口，很讚!清炒通菜-其實都有少少辣的炒菜，相比其他菜式真算是清淡了。有道菜平衡一下濃味的咖哩，都不錯!洋蔥烤餅-同行食友都偏愛飯類，此烤餅成了我的主菜，被我清了大半!論質感，烤餅可以再鬆軟點；但因為咖哩汁太好味，連帶烤餅也變得滋味無盡!印度黃

多得openrice所以去左試食,真係幾得喎!!!!食左以下食品~蒜蓉薄餅(有d失望, 普普通通)咖哩牛腩(叫左小辣, 唔覺辣)茄子薯仔(好好味, 仲辣辣地, 正!)白飯(好特別, 一粒粒散的, 正!)燒雞翼(好野味!正)加一連貼士total: $170仲送左張85折咭, 下次食可以平d.

因事入左元朗, 諗起之前呢度睇過既一間印度餐廳, 即刻就去試一試雖然唔熟元朗既地方, 不過知道間餐廳對面有一間家計會, 好快就搵到喇~~8點左右去到, 餐廳唔係太多人, 環境都算係咁, 樓面得2個人, 不過都足夠應付有餘一座低就奉上水同2大塊印度脆餅, 重有2個sauce,一個就係成日都見既綠綠地色, 另一個紅色, 酸酸地既蔥頭, 好味, 不過食左個口好大陣味叫左, 個2人餐, $138 + 10% 有:1. 可以選餐湯或者咖哩角, 每樣要左一個, 湯係忌lim湯,雖然冇料, 不過好好味既。咖哩角就唔好喇, 得個大字, 入面係雜菜料, 不過冇乜味, 最好唔好揀2. nan garlic bread, 有8塊仔, 不過放埋一齊都幾大塊下, yummy ... 好好味3. 印度黃飯, 冇乜特別, 有少少羌味4. 細細碗羊咖喱(可以揀雞或牛) 揀左中辣, 不過食唔出辣味, 如果食得辣既朋友, 不防叫佢加辣。好味, 羊好"林", 又入味, 可惜太細碗唔夠汁, 唔知可唔可以加汁, 哈哈5.鐵板雞球(4件), 有少少似d中或菜, 不過味道幾好, 而且好香既6.炒菜心, 都好味, 好似屋企炒咁上下,

今晚去食佢個三人餐好抵食，連埋加一費228食到飽飽~又可能閒日，好快上到菜~佢個明爐魚燒得好靚唔落調味料無汁但係碳燒味加埋條爐魚o既鮮味好正唔腥d 肉到好滑證明條魚好新鮮無雪過最鍾意佢個印度奶茶，加左香料好好味佢d 餐茶係成壼上飲到兩杯食完野仲有香料送口，幾特別~見佢餐牌散嗌都幾多特色野食，下次再試過先！

我由細食到大的~唔知算唔算好有印度味(未去過哈哈)但真係好好味~又夠辣~不過有個問題就係你要識笑文~因為佢地都係外籍人~係男果個經理識少少廣東話~佢地好NICE架~上次佢地夾緊印度BAND~仲叫我一齊唱~哈哈~仲叫我點歌~有次唔記得帶優惠會員卡~佢又照平比我~好好人~

其實我自己就住元朗好耐啦又住係e間餐廳附近不過都係3年前先開始去個度食野第一次入去食因為見到佢128蚊2人餐dinner好抵入左去... 哇~ 英文人來的~ 哈哈好得意因為原來元朗都有地方要用英文叫餐餐廳地方好特別好有味道地方雖小不過坐得好舒服由table唔多反而令服務好周到menu都幾易明都好睇而set dinner令我e d無乜心水既人十分方便咁我其實都食過好多次而我自己過既我最愛的會係佢既個onion nian夾咖哩羊咩咩肉~ 好味! 咖哩食左之後唔會覺得好香料味而食完都唔會覺得成口都有味又唔覺有好似食完大快樂咖哩個種熱氣既感覺十分好而佢個soup都好清新好特別又好好味佢有個叫印度黃反好得意的無乜味不過用個"痰冠仔"裝住~~而佢d菜超級好味! 一定要試!而小弟已經成為左佢地既vip 所以... 有九折~ 可以唔駛比加一啦哈哈! (不過其實我係係第二次去食既時候同個manager/老板傾左2句就比左我啦~ 哈哈而家我去食去仲有時會送多d野食比我tim^^ such as 雞腿~~)而每次食完都會有人同你傾下計問下意見亦會有人開門比你同你say goodbye~! 真係服務好到無人

平安夜無乜都地方想去，最後黎左依度。叫左個二人餐。個湯（唔知乜湯）,卡樂ｂ味。咖喱角一般，粉有ｄ厚，但勝在好熱。鐵板雞幾好～有煙架！ｄ味幾好。咖喱牛一向都好味道，加薄餅一流。今次係蒜蓉薄餅，我上次食芝士薄餅，我覺得芝士好味ｄ。其他ｄ菜同飯，我就唔鐘意。因為我唔鐘意太多香草，不過都明白依個係特色。不過真係幾抵食!

又一個食慾不振的午飯時間過後。Kashmiri Naan 是強差人意的：雜果仁烤餅應該有果仁碎同提子乾，但呢個烤包只有小量果仁粉、大量椰絲，同大量罐頭雜果；味道雖然可以，熱度也可接受，但似乎不夠地道。其實蓬萊有好多野值得欣賞的：他們把Papadam 小心翼翼的cut 開50:50，又把Young Coconut 小心翼翼的用保鮮紙包好雪藏（唔係「水浸」貨），保證原汁原味；儘管在他們食家庭午飯的時間光顧，service 仍很足，反應亦很快。以南亞裔人士開的店而言，是乾脆利落、體貼入微的。