蓬萊咖哩屋

營業中

休息中

我同老公都十分喜愛這間咖哩店, 最愛假期或週日Lunch Time 來幫趁, 不用等位又坐得舒服, 而且食物保持一貫的水準, 服務好, 價錢又合理, 如果想食Nan (烤餅)/ 咖哩/ Mango Lassi, 第一時間就會諗起呢間店喇餐前會送黑糊椒薄餅, 肚餓時尤其好味, 不過店裡提供的薄荷及酸洋葱兩款醬料就不太合口味, 通常都不會沾有幾款Lunch Set 選擇,我最愛點咖哩雞或牛($42)或單點瑪沙拉雞加蒜蓉烤餅, 是日想試新的, 所以改點咖哩魚配芝士烤餅($50)送來的餐湯一般, 忌廉雞湯, 與別的不同, 但太重味精同糊椒味, 沒所謂, 反正主角並不是它咖哩雞配原味烤餅依然美味, 烤餅做得相當出色, 絕對係呢度既招牌菜, 可惜咖哩魚配芝士烤餅比較遜色, 咖哩魚有點腥,芝士烤餅是烤餅中層夾著芝士粉, 芝士粉與平常吃的不同, 帶點甜味, 有點像羊奶粉, 總是覺得怪怪的,不太可口,下次還是叫回瑪沙拉雞加蒜蓉烤餅好了Lunch Set +8蚊就可以轉我喜愛既Mango Lassi, 甜甜酸酸凍凍, 可幫助消化, 未試過既話不妨試下呢個頗特色既飲品P.S. 今次去到有位waitress

這個星期天，我和老公決定來個文化之旅，先行屏山文物徑。然後去元朗試印度菜。環境 - 六時半進入餐廳，祇有二枱客，所以非常清淨。而且沒有強勁的咖喱和香料味。還有，他們放音樂不太大聲，不會妨礙交談。整體感覺非常舒服。但如果坐滿人，我看會很迫。服務 - 有五、六個待應，服務非常週到。亦可能因為客人少。食物 /價錢 - 物有所值。二人套餐要HKD178+10%。我們怕份量太多，所以散叫。燒羊扒 - HKD59。有四大件。羊味稍淡，但肉質嫩滑。個人認為過熟，但亦不會有渣。菠菜雞肉 - HKD49 - 我們要不辣的。波菜蓉夠滑，雞肉很入味。但份量較少。蒜香薄餅 - HKD18共HKD157。下次去重有八五折添!!注意: 吃完飯也不會覺得，全身咖喱味。抵贊!

慶祝朋友仔生日.一行五人order 左四人餐!已經有鐵板燒羊,雞,魚,算容簿餅,青菜!另外再叫多左五香雞件，咖哩羊，牛腩，原味簿餅。好飽，好滿足！青檸梳打餐飲好好味！埋單每人120,下次黎仲可以做85折卡!! 正!!不過第一次黎吾係太識路…始終其實都幾僻！再要一讚係服務真係好好好好好好，每位都好nice好殷勤!anyway,happy birthday to crouch!

今日同朋友去元朗興祝生日, 大家都鍾意食咖哩, 曾經食過"石崗"所以想試另一間, 就選左"蓬萊", 今次第一次食都吾錯喎, 叫左個四人餐另加一個香辣鐵板雞, 除左個炒飯和咖哩角麻麻地之外, 其他都好食!! 尤其係鐵板o既菜式, 咖哩都好香濃可以用薄餅點黎食, 可能係套餐關係所以個咖哩牛和魚都幾細兜, 雞沙律和通菜都吾差, 仲有個餐前送o既小食趣餅拼兩個汁點, 呢餐真係好滿足!!! 價錢就正常啦!!! 吾太貴但又吾算抵食, 都值得下次再幫襯, 因為今餐埋單比左張八五折卡, 下次去食就平D啦!!! 現附上本人最欣賞的兩個菜式!!!

好少黎呢一頭，不過咁啱經過就入去一試。叫左咖喱海鮮、皇帝汁燴羊肉、葡汁咖魚、NAN烤餅(即原味烤餅)、印度香料蝦......等等！咖喱海鮮：有鮮魷、魚塊、蝦，咖喱味道又好味！GOOD！皇帝汁燴羊肉：皇帝汁好香滑、好濃郁，亦好creamy！絕對唔會好膩！而且羊肉真係好軟、好腍、好嫩！值得一讚！葡汁咖魚：葡汁好味！只嫌魚塊本身咖肉質較鬆散！反而「咖喱海鮮」內架魚塊更好！但係整體很好！NAN烤餅(原味烤餅)：雖然係原味，但係已經好出色、正宗！熱辣辣，外面香脆，帶有芝麻粒，裡面亦好軟熟！配埋咖喱汁食，好惹味！！！印度香料蝦：d蝦好出色！口感好爽口彈牙！印度香料整出黎架味道好好！環境雖然細d，不過service真係好好，值得specify！另外，衛生亦好好！d碟有用高溫烘過，感受到佢地架用心！下次有機會一定再黎食！it will be very soon!

星期五晚上朋友請我來這裡吃晚飯由於下起滂沱大雨, 大家都十分狼狽店的門口好細 又放了報紙架及傘架十分狹窄 應該改善。店裡面積不大, 但坐起上黎都幾舒服既waitress先送上胡椒餅同埋兩兜野gor兩兜東西都唔岩我口味只好就咁食塊餅 有d似薯片幾spicy芝士薄餅冇乜我地食開gor種芝士味可能係印度芝士啦 甜甜地似奶粉其實點curry都幾好味 又抵食原味咖哩牛腩真係好細兜岩岩好可以食完一兜薄餅囉d咖哩冇乜特別唔明點解要賣咁貴牛腩就幾好食燒雞呢個最好 熱辣辣用鐵板送上好香既燒烤味加d lemon juice 更加好味! 又去埋雞皮d雞又滑 真係好好好好味!我食左五件!!!!最後雖然幾飽但唔夠喉屎忽痕嗌左兩個甜品原來係一個錯誤既決定唔怪得唔見其實人叫印度雪糕嘩 一黎已經嚇一嚇22蚊少成咁??????????一啖食得哂gor種size仲要唔係好食可以話係難食!因為內面全都是香料類似香茅gor種食淨半舊 鮮奶球又係咁細 得gor兩粒好似湯圓咁細既物體呢個都算放得入口不過就好似浸在牛奶濕哂的饅頭咁都幾核突 d奶好甜好漏下次黎會再嗌薄餅同埋其他咖哩同埋燒雞但一定一定永遠唔會再嗌甜品行幾條街去b仔好過

我係附近讀書,所以有好多機會去果度食,學生餐$30~35,有齊前菜,餐湯,主菜同餐飲,咖喱羊係我既至愛~好好味~環境較細,不過坐得舒服:4味道十分好:5服務幾好,waitress會留意到你既需要(英語溝通):5價錢以成個set黎計算係咁啦:3衛生幾好:5

lunch time 2 個人, 食左2百幾. 我地叫左1 個咖啡雞+ 咖哩牛腩+ 1 個飯+ 一個薄餅+ 咖哩角. 好細碟. 唔係好夠食. 個咖哩角就難食到死.食左半個就唔食了.太難食了咖啡雞+ 牛腩就冇咩特別. 唯一好食就係飯.唔太抵. 唔會再食.

印度奶茶有想吐的感覺鐵板雞無雞味得salty芝士味薄餅無乜芝士味咖哩牛肉無乜特別量少唔明why 無劣評建議想減肥的人可以去試包你全嘔有特

叫左兩個set~首先黎個湯and胡椒威化, 湯一般~胡椒威化味道幾特別~主菜叫左咖喱魚and咖喱羊~ 1個配Nan, 1個配芝士薄餅~d咖喱都唔錯, 但d香料味唔夠~魚都ok, 但羊肉唔夠腍and唔入味~薄餅都唔錯, 但芝士薄餅就冇乜芝士味~飲品Lassi Mango幾好飲~好似芒果乳酪咁~Indian Masala Tea都幾香~但係唔夠以前"廚想曲"(Closed)果d咁香and滑~

呢間野我去過幾次，次次都係諗唔到食咩就去呢度，因為buy呢度d service，同埋呢度d野好好食，個人口味啦，但係前幾日我細妹生日，咁我第一次book枱，親自去，點知夜晚就俾人包左場，我好失望，跟住佢猛say sorry, 仲送張50蚊coupon俾我，我心諗佢都冇做錯，我冇幫襯仲有野拎，真係未見過一間餐廳係咁，最尾返轉頭決定食早少少，所以都係落booking，野食唔講，下面d食家都講晒，都係果d，特別推介鐵板魚

今日係除夕, 自從早記日同兒兒去沙田食左d貴夾難食ge野之後, 有左陰影, 都係留返係新界西地頭穩陣, 因為我食過好多好食ge野都係係新界西食的..早兩日打左黎呢度book位, 我原來諗住開係安寧路呢條人流咁少ge街ge印度餐廳, 唔會好多人, 點知差不多滿晒, 好彩book左位..一去到, 環境比我想像中好, 開頭以為係好似重慶大廈果隻, 點知好好多的。坐底之後個waitress走埋黎, 問我要熱水暖水定凍水, 我食過咁多間餐廳我都未聽過人會咁問, 證明呢到ge服務都真係幾好, 抵讚！之後我叫左個二人餐, 首先黎左雞忌廉湯,幾夠未, 但唔好諗住會同我地平時飲開果d一樣, 之後黎左個咖喱羊肉飯, 由於我之前話要少辣, 所以真係好唔hot, 但都ok幾好食, 兒兒都話幾好...跟住一個蒜蓉烤餅, 質感一流, 邊脆心軟, 但d味唔夠濃, 要連埋咖喱汁食先好食...之後一個咖喱角, 好大舊, 我嚴佢太大塊..好滯..呢個時候兒兒話有d飽...睇黎又係我包底了..鐵板雞係我最期待的, 因為好香, 食落都唔錯, d雞熟得黎唔老, 滑得黎唔肥, 唔錯, 味道好有bbq feel, 但又不至於好好食

o係openrice見呢間印度餐廳係零劣評, 又近近地o係元朗, 晏晝就去試下。地點都唔難搵, 一出西鐵過天橋就係, 同去吉之島差唔多ja。而間餐廳係本身都裝修得好靘下, 又新正, 再加埋d聖誕佈置, 好正; 而且計埋我地得4枱客, 坐得好舒服。Waitress 全部都係印度人, 但英文溝通無問題。服務好好, 主動加水。原來佢有set lunch供應, $35至$50免加一, 好抵食下。個set包餐湯、main同餐飲, 我叫左lamb curry with whole wheat nan ($35);小B要fish curry with cheese nan ($45);vincent要beef curry with rice。我再散叫左咖哩角($24)。一坐低就送左三塊薄脆，夠薄夠脆，pepper味勁左d，但加左綠色醬中和番都OK。餐湯：應該係忌廉雞湯，但好稀，vincent話好鹹，我一啖都無飲fish curry with cheese nan：呢個一d都唔辣，魚有d散但唔係梅，OK。而個cheese nan好大份，有六件，中間唔係好多cheese，配curry食就唔覺有芝士味，就

我見之前D網友評論好似好好味咁！所以今日決定黎哩到試一試，間舖既面積唔係好大，環璄幾好，幾乾淨，不過我座果個位就迫D！一座埋位一陣，就有侍應攞左D前菜比我地，係二塊好薄既薄餅再加一小兜酸酸的綠色醬料同洋蔥，塊薄餅有D辣，上面有少許黑糊椒，好似食薯片咁，OK好味！我ORDER左︰1. 咖喱雞<-- 好細兜，心諗應該會唔夠食，但係估唔到份量配搭埋芝士薄餅岩岩好，好好好味呀@O@2. 印式茄子<--又係同咖喱一樣咁細兜，不過好好味，就咁食D味會濃左D，最好配搭埋薄餅一齊食3. 芝士薄餅<-- 同咖喱+茄子一齊食簡直係絕配呀！但係一定要趁熱食呀，涷左唔好食架！4. 燒雞翼<--哩味係最普通既一味菜，初初見網友評論話好好味，但係我覺得無乜特色，但又唔係唔好味，只不過平凡左D ~.~總括黎講侍應既服務非常之好，佢地好有禮貌，D水不停FILL，埋完單仲有2張$50 COUPON送返，我埋完單走果陣，佢地尊登企定係門口準備開門送我地走，服務真係VERY GOOD!

元朗蓬萊印度餐廳絕對正, 好食, 正宗, 價錢合理o缺點: 老闆無趕走那些高聲談笑, 儀態失禮的香港人o