蓬萊咖哩屋

營業中

休息中

之前ｌｕｎｃｈ時間度黎食過．．真係好味道～我食過元朗石崗．屯門亞星咖哩等等．．都覺得呢度係最ｇｏｏｄ～環境乾淨，ｄ侍應仲好ｎｉｃｅ，雖然同佢地都係雞同鴨講．．不過身體語言同笑容搭夠～

4-10-2005 1217叫得臥虎藏龍，相對我地食慣於屋企及旺區附近的食店，這些地方下下被遺忘得一乾二淨。Recap番大家，我大約在半年前寫了1及2集，分別係香港仔既禮品印度餐廳及Quarry Bay既媽媽印度餐廳，今日仍然有幸延續落去，而起點就在元朗安寧路，這裡交通都尚算方便，可以在西鐵朗屏站、元朗東巴士總站(e.g.: 968、68M)或近元朗中心的輕鐵或巴士站落車再行入去。中午時份去到當然成為第1個客人，都叫做幾地道，包括裝修及侍應都係充滿巴基斯坦的特色，環境是稍為舊了一些，但當然還可接受。這裡有午餐供應，每位35蚊，還有個50蚊，只不過多了個Fried Vegetable Pakoda (香脆雜菜) 及轉了Tandoori食品而已，不過對於我已‘退休’來說，平平地已經足夠。在四款的肉類中，我選了羊肉。首先當然唔少得既papadum (豆粉薄脆)，兩大塊幾脆，醬料方面有薄荷及酸洋葱，酸洋葱剛在冰箱取出，還未解凍，要扣分；湯就係磨菇湯，可以ignore；而主菜方面，plain naan 都3大塊，除了有少少燶外，味道及熱的程度也不錯，羊肉我叫左佢加辣，肉有少少酥味，幸好還有羊味，

個食家走寶啦...話說我上次食完lunch set覺得好好，今次約埋班fd一齊去食~ 我o地七個人，都叫左幾多野食：appetizers 特色咖哩角($38)-係三隻大大隻o既咖哩餡餅，可以分俾七個人都冇問題~ 皮香餡靚，good~薯仔沙律($24)-味道比想像中豐富好多，又有特色，好食~main courses烤羊肉卷($59)-嗜食羊o既我當然要係咁叫羊啦~ 烤羊肉卷(x4)係用鐵板燒o既，上菜時仲好熱辣辣，不過味道冇想像中好bor~特色咖哩雞($58)-要叫middle，都唔係好覺有辣味，我覺得普通~免治羊肉($63)-呢樣反而幾辣，羊肉好香我好鍾意呀~ 香燒鱔條($88)-又係鐵板燒，d鱔條(x5)又肥美又入味，勁好食o既一道菜~ 雖然貴少少，但絕對係物有所值~炒雜菜($38)-簡簡單單已經好好食~油酥餅($20)&Naan($18)-做得好好，配搭咖哩好正~最後，老闆仲好好人咁送左七客Indian cheesecake做dessert~ 勁甜，o岩我~ 埋單$500唔駛，太抵~ 間餐廳又再次裝修啦，真係唔知佢賺乜? ^^"

知道有$22 咁平，果日好開心咁想去試下啦～但點知去到門口，有張紙貼住：１月１日起，暫停供應＄22學生餐，只供應$35午餐，即時極失望咁離去啦。

男朋友鍾意食咖哩，去到環境都幾靚bor~ 我地要左兩個lunch set: Curry Lamb with Naan & Chicken with Fried Rice。Main course之前有小食(crisps 伴特色醬)同湯，both taste good~ main course更加出色，Naan好棉好好食，烤雞同炒飯又好香，餐具又靚，真係又有特色又好食呀~ 最後仲有drinks，好飽足o既一餐lunch~ 最後，因為有學生證o既關係，每個set都係$22，抵到爆~!大家一定要睇相：http://community.webshots.com/album/234107790YiPqYf?101

去到元朗諗左好耐食乜, 樣樣都想食, 又樣樣都唔想食.因為得兩個人... 錢又唔多......突然友人話之前見過某間印度餐廳有好多中東/印度人穿著得好靚咁出入,(佢強調仲有其他國藉既外國人去食...<--呢樣我無咁BUY...) 於是就決定食咖喱.去到門口, 見到D 相都OK, 價錢又OK, 最緊要係有2人餐, 只需138蚊. 本來咁平, d 菜式又普普通通, 咁就諗住質素都應該五十五十, 但實際上, 個餐係幾好食.黃咖喱炒飯及四塊NAN, 細細碗羊咖喱(可以揀雞或牛)一個炒菜, 一個鐵板雞球(4件), 兩杯飲品(竟然可以揀乳酪, 唔駛加錢), 仲有餐湯或咖喱角. (我地好衰, 一個要餐湯, 一個要咖喱角, 個待應只係猶疑左一下...照做.) 因為有牛所以應該唔係印度人開....份量其實都岩岩好. 塊NAN 雖然唔係勁香, 但口感比起平時D NAN唔知點解好食好多, 似乎係烤既方法不同.咖喱要左少辣, D 羊肉都好林, 又好入味.雞球...之前食過重慶已經覺得唔錯, 呢間更加正, D肉又香又嫩.味道, 係個炒飯爭D, 唔夠香.餐湯係蛋花蕃茄湯之類, 朋友好鍾意(但明明佢係唔鍾意