蒙麵

營業中

休息中

蒙面部麵係其中一間排長龍嘅車仔麵，店內門口放置大量lotso，枱面亦放上老闆受專訪嘅文章，當中就能夠輕易知道此店必食是什麼。 老闆規定每碗車仔麵必須三餸起，我揀了辣味魷魚、韭菜餃、牛腩。 辣味魷魚令人胃口全開，辣度適合大部分人的程分。牛腩夠淋，但冇特別。韭菜餃，多料，不是鹼水皮(加分)，更能夠食到韭菜清甜的味道👅。下道菜是蜜汁叉燒，標榜用梅頭肉，個人覺得太奀，容易痴牙，但味道佳。個人認為菜式新鮮，店家係有心烹調，但覺得少吹捧了，及有少許昂貴。味道：3/5賣相 ：3/5環境：3/5服務：4/5★® 價位- $：3/5

3點幾經過無人在門外排隊，見店內坐滿，就買外賣回家食，不過叫叉燒一定要啲時間等，因為即叫即燒😬叫咗碗4餸配幼麵加牛腩汁（陳皮魚蛋、豬紅、韮菜、五香牛筋）今次已經第二次食，味道依然好味！牛筋夠腍又入味，其他食物味道正常發揮，叉燒都係咁好食，燶邊帶點焦香，蜜汁野味。

呢間係我最鐘意既一間車仔麵🤩🤩 老闆對食材要求好高 全部都係搵啲新鮮食材 我同男朋友已經幫襯左好多年了 食到老闆都認得我哋 一叫走菜果兩個熟客已經知道係我地兩個😂😂 不過我地通常都外賣好少堂食 因為好多人排隊等😆🥲 呢間車仔麵最少要叫3樣餸 不過佢好多餸都好好食🤤 所以唔驚揀唔到 我個人必推介花甲！🤩🤩呢碗係花甲香腸獅子狗蕃茄薯仔湯米粉加菜圃 $95❤️❤️❤️❤️❤️ 佢呢個花甲食得出完全冇沙之餘非常清甜👍🏻👍🏻老闆每朝都會好早去街市新鮮入貨所以品質方面超有信心保證 同埋最鍾意食呢個腸仔，因為係炭燒😍😍同埋呢個獅子狗係芝士流心非常滿足🤩🤩🤓🤓呢個蒜香生炸雞翼係老闆送俾我食🤓🤓正常係要$30 有3隻 ❤️❤️❤️❤️❤️ 喺呢個蒜香味都好重 而且唔會太乾身 雞肉勁滑咬落去又Juicy😆😆😆果然連啲小食好有質素👍🏻👍🏻👍🏻唔怪得日日都咁多人排隊呢串秘製燒豬頸肉 $32❤️❤️❤️❤️❤️熟客限定🤭同埋係隱藏餐單嚟㗎 當初老闆係因為試吓整新嘢跟住俾過我哋試 點知超好食 勁香嘅炭燒味加上麥芽糖嘅香味不過豬頸肉厚而不硬勁腍身 所以之後我地都特 登叫老闆幫我哋整收返錢，因為真係太好食啦🤩🤩好多謝老闆成日俾啲新嘢我哋試吓 🙌🏻

特登慕名而來，但有少少覺得吹大左排左大半個鐘頭隊先有得食，因為入面得十零個位，就連外賣都係同一條隊，所以去到其實都有啲想走不過又本住一場黎到既精神，排下啦。入到去米線同豆腐都無啦先黎小食，叉燒一串$34價錢小貴，味道唔錯，但就幾un下，食完好痴牙食完叉燒，麵就黎啦花甲 牛筋 辣魷魚 河粉 加辣汁辣菜圃花甲新鮮但牛筋普通，一個餸有4,5舊，但有2舊好唔淋魷魚。。。。。得個樣辣汁同辣菜圃都無特別最失望係個河粉，碎濕濕。。。。直頭無食晒。。。。。。特式在有新鮮花甲嗌，不過我地嗌完之後都無晒，食緊都聽到隔離枱食客話應該唔會再食我覺得唔洗排隊都可以食既始終都有心煮，但有少少名過其實同埋價錢偏貴，兩個人食左$226

目擊10個八個人喺度排隊，咁我外賣就點單後俾佢啦，跟住佢叫我排隊佢話跟條人龍落單，係咪有問題啊我又唔係喺度食，為什麼要我排咁長龍都唔知做乜，於是放棄了就此老闆可以將派到的隊伍分開外賣及堂食兩條龍可以嗎？其實本人並不介意排隊，但係這個隊伍實在太奇怪。其他餐廳也不是這樣安排是否唔稀罕我們這些外賣隊伍呢？

之前見到好多人都推介呢間餐廳，所以今日就想嚟試吓。今次我嗌咗：油面豬大腸雞翼尖蘿蔔沙嗲汁（湯）糖心蛋咖喱魷魚嗰個糖心蛋雖然個蛋黃係流心，但係好唔入味，好似食緊冇味嘅流心蛋咁。咖喱魷魚尚算ok。嗰個車仔麵我叫咗冇蔥，但係佢又照俾個麵太少湯，豬大腸又唔係太好味或者我冇試過佢哋嘅招牌菜式掛，但係整體嚟講，我對佢嘅印象都係麻麻地

車仔麵俾人嘅感覺就係快同求其，的確10個有9個人食車仔麵都係為咗當下醫飽肚就算😂所以一直以來對車仔麵都冇咩要求🤣 直到去近排試咗蒙麵真係對車仔麵有新嘅睇法！見過有唔少人介紹，所以食之前都幾大期望☺️ 餐廳入面唔大，少位但多人食，離遠見到有長長嘅人龍就係餐廳位置📍差唔多到你嘅時候可以剔住單先，啲食物同埋面底都係逐項計錢🍜新鮮花甲$40份➖車仔麵餸：蠔油冬菇 $15新鮮蝴蝶腩 $20芝心丸 $12➖麵🍜底係稻庭烏冬 $21 有普通烏冬不過價錢爭幾蚊就叫咗稻庭烏冬➖湯底係特濃蕃茄薯仔湯 $17覺得佢個蕃茄薯仔湯係足料嘅，不過要額外十幾蚊～➖花甲會放晒喺面，所以碗麵會比較大碗而且新鮮冇異味👍🏻食得放心➖本身就鍾意食牛腩，見到蝴蝶腩即刻嗌黎試☺️ 蝴蝶腩好好食好軟腍，而且份量都唔少。蠔油冬菇同埋芝心丸就係普通車仔麵餸，正正常常發揮，食車仔麵必點😇➖平心而論係好食嘅，如果唔計湯底同埋花甲嘅話一碗麵都要60幾蚊，比起正常車仔麵貴一截。➖兩串招牌蜜汁叉燒串 $32/1 同朋友兩個人食，每人叫咗一串叉燒即叫即燒係好食，一啲都唔乾口感唔錯，而且啖啖肉👍🏻 如果下次嚟應該同朋友share就算，因為一串都有五大嚿

真心講蒙面都ok好食，多春魚/蝴蝶腩係係出面好少見既餸，招牌辣汁/其他常見餸(牛筋魷魚佢有thumb個d)比出面平均水準好食，沙嗲同重慶辣香口出色，叉燒花甲建議必食。兩個人，兩碗面，一串叉燒，加個花甲，埋單$210. 如果你叫出面都有既餸，雖然比平均水準好，但可能你會覺得未至於要比貴30-50%黎食蒙面 (出面$50 vs 蒙面$70)。如果你一個人叫叉燒加個花甲，肯肯定過100蚊，可能你又會覺得不如食其他野。

【九龍城區】【蒙麵】紅磡呢間車仔麵一向勁受歡迎，次次經過都見到有人排隊，咁我梗係都想見識吓係咩一回事。然而當我想去食嘅時候，佢一係就冇開，一係就去到見到條人龍勁長，完全冇 mood 食。一次偶然機會，居然見到佢有位，即刻入去。見佢嘅座位真係唔多，所以如果味道可以的話，平時要排隊都合情合理。坐低就自己寫車仔麵配咩料。湯底我加 $16 要佢哋嘅「特濃番茄薯仔湯」，麵底我加 $15 要「銀針粉」，都係呢度名物，即叫即煮，好有屋企 feel，幾好。餸我要咗五款，有 $12 嘅「鹵包仔豆腐」，鹵得幾好嘅豆腐，喺湯入面都冇甩到個味。跟住 $16 嘅「五香牛筋」都好味，仲炆得夠腍。之後到 $11 嘅「香菇貢丸」，本身冇特別，但好明顯係即刻灼出嚟，唔係整定嗰啲，感覺好好。店家為咗保留味道，有啲餸選擇咗另上，例如 $14 嘅「溏心鹵蛋」，唔算好突出但其實都係唔錯嘅。然後 $16 嘅「辣味魷魚」似係自家製作，辣辣哋好惹味，咁樣加埋齊頭 $100。加 $9 配杯「凍檸茶走甜」就 $109 埋單，可以一戰嘅。。。（地址：紅磡差館里 9-15A 號協輝大廈地下 1 號舖）#1amfoodie #foodie #

平日時間，下午5點幾經過，難得唔算多人排隊，即買外賣回家試吓😬招牌蜜汁叉燒串一食就明點解咁多人話好食，佢即叫即燒，好香串燒個種燒烤味！叉燒唔肥，但又唔乾，一串五大件，件件都好有口感，味道剛好，唔會過甜和過鹹👍🏻👍🏻叫咗碗4餸牛腩汁配銀針粉（金錢牛肚、蘿蔔、韮菜、鹵水大腸）湯底濃而不鹹，飲完唔會好口渴個種，每款餸的份量唔算少，牛肚好入味，蘿蔔無渣又夠腍，大腸件件都好肥美🤭整體來講，全部食物都好滿意，如果下次經過唔多人排隊一定會再食😆

今次來到這家餐廳，真係一個令人驚喜的發現！首先，蕃茄薯仔湯底銀針粉嘅味道，真係叫我一試難忘。蕃茄鮮甜得嚟又夠酸，跟住個薯仔正啦，又軟又綿，溶喺個湯底入面，食落去得意得意咁。而家講吓另一個驚喜，花甲馬來喇沙湯瀨粉，啲花甲新鮮彈牙，湯頭椰香撲鼻，微辣得嚟好醒胃。邊款食品要講到難分高下啊！辣味魷魚絕對係小食中嘅極品，偏偏又難得有間餐廳可以做到咁入味。再點個溏心鹵蛋，嗰流心真係做到心太軟，又唔係過火，成個蛋味濃郁得來好滑。最後嘅招牌蜜汁叉燒串，啖啖肉嘅感覺真係無得輸，肉質腍又香甜。咁多種選擇，其實都幾為難人揀。但係，就算要再等，我都會揀重溫呢個美食體驗。要講就一句話：真係食指大動，食完仲想再黎！🍜💥👍

@mongnoodles📍蒙麵紅磡差館里9-15號協輝大廈地下1號舖除夕晚同女朋友去睇戲(富都青年都幾好睇❤️)，睇戲前緊係要醫肚先😋早幾日同女朋友食完西苑嘅大哥叉燒，有啲掛住蒙麵嘅招牌叉燒串🤤本身有小小擔心要排好耐隊，但好幸運地我地排左半個鐘左右就有得食😆我揀咗特濃蕃茄薯仔湯底🍅🥔粉絲🍜五香牛筋🐮蘿蔔🥕蠔仔煎蛋🐚🍳湯底真係超濃超甜！蕃茄同薯仔煮到好稔😋我發覺我揀嘅餸都係偏稔，牛筋同蘿蔔係稔到冇牙都食到🤣而且煮到好入味，蘿蔔仲要冇渣添🤤蠔仔煎蛋都好食，不過相比之下就冇咁突出🤣女朋友揀咗清湯加腩汁同沙嗲汁，幼麵🍜韮菜餃🥟香茅魚餅🐟🍥沙嗲肥牛🐮最驚喜嘅係沙嗲汁好香😆平時麻麻地沙嗲醬嘅我都喜出望外😍魚餅好有咬口，而韮菜餃超飽滿🤣另外仲叫左兩位招牌蜜汁叉燒串🥇🥩🔥🍢，表面燒到有啲焦脆，再淋上甜甜嘅蜜汁😋而佢地揀選嘅部位好似係梅頭肉，所以好嫰🤤我同女朋友一致認為好食過西苑，擠身叉燒排行榜三甲😆每一款餸都好正，真心推薦❤#bunnytummy_九龍#bunnytummy_紅磡#bunnytummy_車仔麵#蒙麵 #mongnoodles #香港foodie #食好西 #香港美食 #hkfoodblo

啱啱去咗間食評爆紅嘅麵店，實話實說，佢哋嘅車仔麵真系又正又靚！🍜 一啖叉燒嚟講，絕對系咬落去“嘩”，一啲都唔猛長咁。肉嘅嫩滑、叉燒嘅甜鹹平衡度，啖啖肉真係食到我心都暖笠笠。🥰 那個銀針粉，湯底香浓得嚟，粉絲又爽口；搭埋個麻辣湯底，哥，真係食得我痛快淋漓，辣嗌麻哋嘅感覺，襯得啱啱好咁。講吓嗰啲小食，我最鍾意嗰個招牌蜜汁叉燒串，嫩滑得黎燒得香口，焦外嫩內，食嗰陣足足令人等嘅時間都值返。而家講返嗰啲花甲，新鮮得滯，冇沙又爽身；搭埋份蠔仔煎蛋，熱辣辣地送一口落肚，真系正！👌 餐湯嘅蕃茄薯仔，濃郁嘅絕唔會輸蝕面條；一啖啖薯仔，爽滑地好過癮。就係咁，一頓簡單但質素上乘嘅麵飯，正！唔洗什麼高大上嘅姿態，呢度搞掂哂所有味蕾，實行大眾化嘅食堂，食得開心最緊要！下次再試啲咩咁正嘅新嘢，我一定返嚟！😋

今次已經係第2次黎「蒙麵」食，一如既往叫左佢地既招牌蕃茄湯底+蠔仔煎蛋（好多蠔油）好正仲有加左叉燒，好好味！今次無花甲好可惜總括嚟講大大碗，對得住價錢唯一係要排好耐隊，野食上得有d慢趕時間就唔建議來。

傳說中嘅車仔麵，好多人都話好好食，所以經常排長龍，小編終於得到一個「位置」！。好多嘢揀，點咗啲有👍🏽嘅料，但怕太飽，叫咗菜底：「新鮮花甲」$40「五香牛筋」$16「滷水大腸」$15「菜底」$15「招牌蜜汁叉燒串」$32⋯⋯🦪花甲數量多，雖然唔係肥美嗰隻，但咬落新鮮多汁；🐮牛筋入味又彈牙🐷豬大腸爽口，店長有個post話特登留少少脂肪，加強口感🍢叉燒真係好驚喜，肉厚，大串，香甜，唔怪得好多人都話必點。鋪頭入面，貼滿咗好多唔同嘅規矩/指引，第一次嚟，真係要慢慢睇；點菜嘅時候，要睇清楚枱號、餸、湯等等；今次緊張到連最想試嘅蕃茄湯，都唔記得咗填，我相信下次會純熟啲🤓。📍 蒙麵 (紅磡)紅磡差館里9-15號協輝大廈地下1號舖。大食時間：Oct 2023好味指數：🌕🌕🌕🌕🌕回味指數：🌕🌕🌕🌕🌕舒適指數：🌕🌕🌕🌑🌑