蒙麵

營業中

休息中

依間人氣車仔麵，長期都大排長龍。當日平日下晝12:50去到，目測前面有十幾人等緊一點開門。結果當日排左45分鐘先入到去熱辣辣嘅夏天仲要排隊建議大家帶定縮骨遮同風扇仔消暑！💛店內大約只有十多個座位，坐得唔算太舒適，所以食完就要走人，況且出面咁多人排隊，快啲讓位啦😆特別要推介一定要食花甲！💕因為好新鮮！好鮮甜！ $36一份都合理。面底選擇左蒙麵，不過略嫌太淋(所謂蒙面感覺類似烏冬但佢係透明薯粉咁， 如果大家鍾意食爽啲一定要講聲！）湯底方面我只係揀左腩汁，而朋友就揀左蕃茄薯仔湯底（佢地話有屋企媽咪煲嘅感覺😂)招牌蜜汁叉燒串都好食！咬落去都好Juicy多汁！👍🏻其他配料就正常冇乜特別整體來講，建議大家有充足時間先好食呀！試下無妨！不過要有心理準備你車仔麵來講依間唔係平㗎！

××車仔麵××自選 糖心滷蛋🥚，辣味魷魚🦑，沙嗲肥牛，米粉，新鮮花甲，加$14特濃蕃茄薯仔湯🍅湯底非常出色，必試！個人認為呢個蕃茄湯底配米粉或粉絲都係絕配🤤新鮮花甲鮮味冇沙好多隻抵食！辣味魷魚都很惹味！下次好想試埋重慶麻辣湯底😍------------------------------××招牌蜜汁叉燒串××好鍾意個蜜汁甜甜地，燶邊脆脆地夠香口，果然係招牌之作！------------------------------××韭菜豬紅××××麻辣雞翼××呢一餐超滿足超級飽😍睇到店面牆上報章其中一篇係2010年，原來已經超過十年，真係應該一早黎食啊！！！🤣回味評分：🌕🌕🌕🌝

前排係youtube睇到米紙推介，先發現原來自己喺紅磡住咗咁多年都唔知道有哩間穩世小店，咁岩今日早收工，就同女朋友一齊試下，排咗一個鐘先入到去食，我地嗌正兩碗三餸麵再加一串串燒同麻辣雞翼，個串燒好岀色！！超好食，值得叫雞翼有啲似譚仔，但麻辣的哩碗野係車仔麵嚟講都算貴，105蚊🙈蕃茄湯底好出色 成碗飲哂埋單205蚊，其實係車仔麵嚟講都算貴，不過我覺得真係可以一試，但地方較少同比較舊，裝修比較舊，真係食個味道唔係環境

之前睇米紙報導，見今日下午茶時間經開唔駛等，就入去試吓。諗住試吓介紹嘅叉燒同花甲，最初填紙時唔知唔可以剩係叫呢啲，一定要叫三餸或以上，再加粉麵或菜底。咁佢哋打返轉頭話要再填過，無問題，但係問吓費事再填錯，佢哋態度就唔係幾好囉，大佬呀，唔係個個都知道你哋嘅規矩𠺢嘛⋯⋯講番食物，花甲湯好鹹，花甲質素一般，韮菜餃多料嘅，但係都好鹹，大腸乾淨嘅，叉燒即燒，味道可以，但係有一部份太燶嘞。總括而言，食物質素並非吹捧咁好，而態度又頗差，價錢亦一般，唔會再去嘞。

話說今日條為食根想食車仔麵，車仔麵有好多不同派系，有古早派、譬如我最愛嘅柴灣財記、有立食派、有濫食派（譬如深水埗所謂米芝蓮推介文記），有花臣派等，今日我選擇左食粗菜細做派：差館里「蒙麵」被譽為車仔麵界九記、很多潛規則，不過我覺得都好合理，一早寫清楚免得有誤會都好嘅，每碗即叫即煮，細膩到連菜莆佢都特別大粒過人，特別甜過人。韭菜餃可以話係繼九龍城街市及大角咀之後另一爆餡之作、湯底用相招牌蕃茄薯仔湯底另加花甲可謂「鮮上加鮮，甜想家甜」，花甲例牌走沙，每粒肥美，五香牛筋10分滑溜，加上自家製辣汁魷魚，用鴨蛋做嘅糖心蛋蛋味更足，配上看似烏冬十分之軟滑的幪麵，呢碗麵真係正入到去一陣蜜糖燒烤味，因為佢哋有即叫即製新鮮叉燒、雞翼任君選擇，只能夠點一次，所以朋友們記得要點啊「笑」，一個大漢入到去閑閑哋可以食佢$200絕非等閑事今日算排得快30分鐘內搞掂、記得食完呢碗麵之後再去前邊篤返串燒賣魚蛋開心下令整個旅程劃上一個完美的句號

黎呢間鋪食野，請做好要排隊既心理準備。眾要係咁熱既天氣低下排上半個鐘以上，但仍然要講句：值得。自選餸車仔麵 先講左麵底，揀左特色蒙麵，烏冬size半透明，但口感軟糯彈牙，記得快食，因為會越擺越稔。一碗餸揀咗糖心滷蛋：流心Q彈，滷水味較淡，辣味魷魚：爽口入味，有嚼口，豬大腸：已清乾淨口感軟硬適中、岩我口味。湯底辣汁+菜脯，夠惹味爽脆另一碗餸就揀咗新鮮花甲：鮮味無沙，蠔仔煎蛋：蛋香鮮味，無腥味，沙嗲肥牛：唔係一般cheap cheap 貨色，汁醬夠濃，雞中翼：滷得入味，肉質嫩滑唔會過淋。湯底辣汁+沙嗲，呢碗加左花甲，多一份鮮味，湯底都飲唔停招牌蜜汁叉燒串 $28用上梅頭肉，醃得夠入味，肉質細膩有韌勁，惹味無窮。由於即叫即燒，要等10-25分鐘且只可下單一次，一人一串先夠喉

矇面超人睇得但唔食得，今次依間蒙麵唔止睇得重要食得😌夜晚六點半鐘好去，oh my god，已經要大排長龍，不過唔緊要，食好嘢一定有有耐性，喺等嘅時間，就揀定食乜啦。等咗半個鐘左右，終於入得。我揀咗招牌蕃薯薯仔湯做湯底，另加花甲（下一個客入嚟話已經賣唒），好奇待。碗麵一上我就試個湯，我哇咗聲，個湯非常鮮甜，好好飲。招牌蜜汁叉燒串，估佢唔到，燒得好出色，一上枱啲香味撲鼻，而由於佢揀咗梅頭肉做叉燒，肥瘦適中，必食。

黃店！久仰大名🫡 盛名之下無虛士，確實稱得上高質素。不過講真排隊真係排太耐，我大約1245到佢未開閘已經多人排到打蛇餅，到第二輪入得座野食上檯都2點幾，係真心誇😂 由於真係要等太耐，我應該比較少可能會再encore，起碼唔會夏天嚟，因為我係超憎排隊嘅人🤣店外貼滿好多「串嘴」告示睇落好難相處咁，但換個角度諗，都係香港太多西客，為咗專心煮野食唔花費時間喺客服上先要打咁多預防針篩走唔夾嘅客。實際上店員服務同態度都係有禮貌有效率做實事，所以唔會覺得出名所以串。因為咁啱呢排就食兩間都喺紅磡呢頭嘅車仔麵，少不免比較下🤪 真係各有千秋！我個人就中意蒙麵多啲，因為啱我食嘅野多啲，可惜我食唔到花甲！但喜喜都有佢比蒙麵出色嘅地方，例如蘿蔔、咖喱魷魚，又有芫荽又有炸蒜，都好吸引——最重要係唔使排，所以我同男朋友都認為我地如果encore會揀喜喜，蒙麵可能就等冬天間中想食時排隊食下😝P.S. 可惡，入座前佢幢個牌話：「呢兩日（暫時）冇花甲」，我勁失望，因為我係為咗花甲先嚟，結果食完，又有返花甲了😭 我到底有幾黑！）價錢上係偏貴，食出拉麵價，但我認為係比拉麵抵食同好食好多，所以唔係咩問題，睇我叫咁多餸就知食得好

問吓大家：睇show之前最緊要做啲咩？.答案係醫飽個肚！你知啦，睇show又要fing 螢光棒，又要落力嗌，有時興奮起上嚟仲要跳埋一份，要好多energy㗎嘛🤪.話說前嗰排去紅館睇軒公演唱會，入場之前決定喺紅磡附近覓食！呢間拉麵店，我一直想試好耐，但因為佢真係超人氣，成日都排晒長龍，所以一直都冇機會食到。今次我專登早啲嚟，6點前就嚟到，排咗一陣終於有機會食到！（冇錯，係6點前都開始排緊隊🤪）.蒙麵係用車仔麵式嘅叫法，即係揀好麵底，然後每樣餸咁加上去！咁難得嚟到，當然希望試多啲嘢啦🎉我揀咗蒙麵麵底，升級咗番茄薯仔湯底，配料方面揀咗新鮮花甲、糖心鹵蛋、辣味魷魚，另外再加咗串招牌蜜汁叉燒！大滿足🥰🥰🥰.😋三餸麵麵底揀咗蒙麵，係呢間店舖獨有嘅！睇落有啲似幼身嘅烏冬，口感似薯粉，堅靭彈牙。番茄薯仔湯底係呢度嘅招牌之一，番茄味非常香濃，絕對唔係出面是但用茄汁開嗰種！薯仔唔會煲到溶晒，仲可以食到一粒粒嘅薯仔，口感💯💯💯👉🏻花甲份量十足，隻隻都大大隻、啖啖肉，完全冇沙！而且味道好鮮甜，推介👍🏻👍🏻👍🏻👉🏻辣味魷魚好惹味，香得嚟唔會太辣，食開BB辣嘅朋友都handle到！店員會將魷魚另外用碗分開上，令辣

低消三餸麵，六十幾蚊出品正常，係完全冇問題但又排隊，又唔尊重顧客嘅標語衛生環境完全係大問題，衰過大排檔咁樣都可以出到牌，食環署有冇做嘢㗎呢個價錢，消費者值得擁有更好嘅環境唔會再食第二次

出名的蕃茄薯仔湯 （話真材實料）係有蕃茄薯仔嘅，但湯底係用罐頭蕃茄汁，難飲到一個頂點，即時好失望同飲完好渴。 因麵款有好多款揀，我自己鍾意食烏冬。當中有普通烏冬面($14) 同稻庭烏冬($18)揀。我驚瀨嘢係啲cheap 烏冬，專登叫貴嘅稻庭烏冬，最後都係中招，個烏冬煮到勁稔，完全冇咬口，連湯底都變得杰撻撻🥲雞翼尖同招牌嘅魷魚都係凍冰冰，應該係就咁放室溫，兩款餸都唔入味😒。牛筋就standard。成碗嘢食剩一半，因為實在太難食。真係唔明點解咁多人吹捧🤷🏻‍♀️

呢間車仔麵應該冇咩人唔識🤣舖頭開1:00、45分鐘前已經開始有人喺門口排隊😮佢都係一間有性格嘅餐廳，大家記住去得就要守佢嘅規矩😙車仔麵三餸起，花甲可以當係一個餸💟嗰日好好彩食到花甲$36，完全冇沙，每隻都幾飽滿👍值得一試！另外一樣佢熱門嘅係秘製辣魷魚😙真係好入味，個人覺得唔係好辣😉其餘我哋仲試咗雞翼尖、滷大腸、滷水蛋（鴨蛋）、香茅魚餅☺️除咗最後一個我會encore之外，其他都不過不失🤔不過唔知係咪因為我哋冇叫佢最出名嗰個蕃茄薯仔湯底，我哋都覺得普通湯底有啲失色🙈

呢間車仔麵係紅磡好出名，亦係一間黃店💛話就話車仔麵，其實我地覺得佢已經超越左車仔麵既級數，因為以前d人就係貪平貪快先食車仔麵，但論價錢、上菜速度、食物質素，呢間都唔係好符合車仔麵既樣🤪我地排左半個鐘隊先入到去，入面環境好逼，一d都唔好坐🙈不過佢既野食真係好好食，唔單止好食仲要好特別💁🏻‍♀️絕對唔係求其超市買一堆丸呀腸仔烚熟就算～⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫🍅特濃番茄薯仔湯 ($12)｜蒙麵 ($19)｜辣味魷魚 ($13)｜滷水流心鴨蛋 ($13)｜香菇貢丸 ($9)｜花甲 ($32)🥔特濃番茄薯仔湯 ($12)｜蒙麵 ($19)｜柱香牛腩 ($13)｜滷水大腸 ($12)｜韭菜餃 ($11)⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫🍅🥔特濃番茄薯仔湯 (9.5/10)呢個番茄湯係真材實料既味道，無論顏色同味道都無果d番茄膏既味，而係屋企煲湯既味🥰最驚喜係d薯仔，我真係第一次食到咁淋咁粉既薯仔呀，屋企煲都唔會煲到咁爛😍平時飲番茄薯仔湯唔食薯仔既我都忍唔住食曬，成為成餐我最鍾意既野食🤣🍜蒙麵 (8/10)蒙麵係一款我地都未食過既麵，好似烏冬同

結論:食物質素中上，但定價太進取今日專登入黃埔諗住一試呢間咁出名嘅舖頭，大約4點去到都要排隊，不過差唔多15分鐘就有得入座啦。因為最少要3餸，所以碗麵叫左牛腩、時菜、陳皮魚蛋自家製蕃茄薯仔湯(加辣菜脯)蒙麵落單後等左10分鐘就有得食，本身因為呢間舖嘅名氣同埋價錢其實自己嘅期望都有啲高，但確實係幾令人失望。首先個麵底(蒙麵)因為好多人都話太淋所以已經預先喺落單嘅時候同姐姐講麵硬，但食落依然係好淋。另外其他餸其實都係一般，唔係唔好食，但就普通左啲囉~不過值得讚嘅位係佢個湯真係足料同清甜嘅除左車仔麵，呢度嘅蜜汁叉燒同樣好出名，所以我都叫左串黎試下，佢係即燒嘅，所以上枱嘅時候都熱辣辣。但一咬落去又係失望，佢個調味重到基本上係完全掩蓋左個豬味咁滯，所以感覺同平時去bbq 任食嘅普通蜜汁叉燒冇乜太大分別。咁當然啦佢都唔係難食嘅，只係唔值得咁貴同咁多人吹捧啦~overall 其實食物質素係中上嘅，只係埋單90幾蚊真係唔抵，而且環境真係坐得唔舒服，個人就覺得冇需要專登黎試啦

今日專程走入紅磡搵好野食，揀左人氣車仔麵，排隊足足排左差不多一個鐘。不過蒙麵都不負我嘅預期，好食係值得等。🍅首先講湯底，我揀左番茄薯仔湯，似係屋企媽媽煲既住家湯feel，又係足料，除左番茄薯仔都有兩三舊，但揀左河粉，好吸湯，同埋個河粉碎左d。🐚之後一定要講就係花甲，鮮甜、size唔算好大，但厚肉，而且足料，唔係得幾隻hea你，食完有一細碗殼。🍡陳皮魚蛋又係推介，一放入口就食到陳皮味，唔算好重，魚蛋又有口感，而且都有成5粒之多。🐮柱口牛腩就正正常常，唔算太特別。🐟脆香多春魚，脆既……但好似未夠香。🦑辣味魷魚，個辣汁好出色，又唔會太搶味，魷魚又煮得啱啱好，但如果可以暖暖地就重好。🍢食車仔麵，蘿蔔係我必點，煮得好幾耐，入味夠淋，但果日既蘿蔔唔係最靚，唔夠甜，重有好少好少既苦，可惜。🍥滷水豆腐，個size啱啱好，唔會好大，可以一舊放入口，feel到晒滷水汁，因為有時出去食大大舊，咬開左中間無汁，真係食清豆腐咁😂每碗重有兩條生菜🥬不過如果辛辛苦苦排到，又想咩都試，就不如揀菜底，因為個河粉都好似跟返隻碗一樣咁多，我估男人都未必食得晒蕃茄湯底個碗車仔麵。🐷重有小食，當然試埋招牌蜜汁叉燒串，真係即叫即