葉公館 (已結業)

之前有朋友介紹過呢間＜葉公館＞ 話好抵食 咁岩琴日同同事係附近做完野 就上去醫肚 其實個陣時間都偏晏 都係近乎爆場 證明係有d料menu同一般中菜無咩分別 炒小菜 海鮮 燒味咁但有個孖寶必定推介 一個小菜配一海鮮類有5項set好 我就揀左燒腩仔配清蒸鮑魚燒腩仔無諗過咁多舊 應該3個人share都夠食 d皮超脆 半肥瘦 剛剛好 食燒肉一定要點黃介辣鮑魚就有6隻 陳皮味香 最緊要趁熱食 鮑魚一凍左就變左2件事蒜蓉粉絲開邊蝦 好大碟 因為開左邊 好似10變左20隻 食極好似都仲有咁 粉絲加蒜蓉 幾時都係咁好食臨尾俾我見到有酸辣魚皮 作為魚皮愛好者 無法抗拒 魚皮個種爽脆 小小辣 配埋青瓜絲 芫荽 花生 每一啖都係用匙羹食 過癮非常我已經諗好下次食咩 酸菜魚 因為見隔離台叫左 聞到好香 流口水 仲有片皮鴨

到長沙灣探朋友，我倆都說吃日菜太多，不如改吃中菜吧，這識途老馬帶我上一家要行樓梯、地舖買二餸飯的中菜館。上到去是傳統中菜館模式，目測顧客大多以街坊為主，可想而知口碑不錯。翻開餐牌有不少特價惹味菜式，價格也相當抵吃。前菜也值得一提，這個麻辣木耳，十分開胃，麻而不太辣，而且份量也不少呢！通常一般酒樓的特價孖寶衹有一、二項選擇，但這裡的特價孖寶卻有五項選擇之多，樣樣都想吃，弄得我心大心細，最後我倆終於選了B項的果皮蒸鮑魚加脆皮燒腩仔，心想應該份量不多，可以多試更多菜色。誰知先來的脆皮燒腩仔，份量不少之餘也相當好味，叫它化皮燒腩仔較適合，因外皮不祇是脆這麼簡單，而半肥瘦燒腩仔，調味恰到好處，值得推介。另外一寶果皮蒸飽魚用真正果皮清蒸，果皮香氣四溢，每人各3隻，大快朶頤。因先前以為孖寶份量很少，所以也多叫了一個菠蘿生炒骨，這個也是很考功夫的菜色，難處在於如何把生炒骨炸得内嫩外脆，酸味恰到好處，這家廚師做得到了。另一個是海味雜菜煲，這菜色雖然沒什麼功夫可言，但勝在蔬菜種類夠多、夠鮮、夠熱，它都做到了，沒令人失望。現在很多酒樓都沒有贈送糖水的了，但這酒樓仍維持這一貼心服務，確實抵讚。

葉公館嘅牌匾好靚，經過都會吸引人入去食，唔好睇佢好似一間普通嘅酒樓，樓上嘅鋪位非常寬闊，適合兩口子或者大家庭聚餐咕嚕肉新鮮炸起嘅咕嚕肉，酸酸甜甜，配上菠蘿同青椒，可以中和油膩感上湯浸白菜真心呢道菜有驚喜，上湯嘅味道啱啱好，唔會太鹹又唔會太淡，估唔到上湯浸白菜仔係咁夾嘅細酸菜魚因為得兩個人食嘅關係，所以就叫咗細分嘅酸菜魚，有得揀唔同嘅魚嘅種類，我哋就揀咗鱸魚，相對上比較少骨。酸菜魚好惹味，攞你送白飯真係停唔到口最後每人送一碗紅豆沙，正

餐廳位於長沙灣，應該係話起長沙灣同深水埗中間，佢哋嘅菜式係港式正宗大牌檔為主，啲食物都幾多野簡, 仲有海鮮！🍤🍤🍤第一道菜係蒜茸粉絲開邊蝦，啲蝦好新鮮，熱辣辣嘅蒜茸同埋粉絲混合在一齊，真係一絕啊！口感韌韌地，又有啲脆口，啲蝦肉又夠鮮甜，真係嚟到呢間餐廳一定要試呢道菜啊！🍤第二道菜係紅燒乳鴿，啲鴿肉好嫩，煮得啱啱好，啲肉燒得濃郁香濃，味道又有啲甜，又有啲咸，唔會咁單調！啲鴿肉一啖落肚，即刻飄散咗佢嘅香氣！🍖🍲鮮鮑魚雞煲係今晚嘅最後一道菜，啲鮑魚煲咁多料啊！啲雞肉又滑又嫩，啲鮑魚肉質鮮美，啲湯汁熬得好濃郁，好足料呀！啲鮑魚煲啱哂加啲白飯一齊食，真係太滿足啦！🍲🍚

今晚屋企冇飯食，所以約咗朋友去長沙灣食晚飯。朋友之前去過葉公館，話抵食又大碟，梗係要encore啦！🌟🌟晚市超值孖寶都有5款選擇，梗有一款啱心水，又有撚手小菜、生猛海鮮，真係唔知點揀好🤔️🌟🌟最後揀咗一個晚市孖寶（雙喜小炒皇、蒜蓉粉絲開邊蝦）同埋一條清蒸沙巴仔，兩個人食就啱啱好😚🌟🌟雙喜小炒皇非常大碟，用料十足，材料有韮菜花、蝦乾、蝦仁、燈籠椒、和腰果等等，有少少辣味，鑊氣十足。🌟🌟蒜蓉粉絲蒸開邊蝦，蝦既鮮味十足，粉絲仲吸收了蝦的鮮，蒜蓉既香味，十分惹味，送飯一流。🌟🌟清蒸沙巴仔，size都唔細，一食就知道係新鮮魚，所以清蒸就最啱👍🏻🌟🌟店員好好，見我哋差唔多食完就送上兩碗好好味既綠豆沙。❤️原來葉公館仲有外賣架，同一般嘅唔同，係有麻辣口味，下次一於試吓先得。

今日去咗長沙灣地鐵站附近食廣東菜，餐廳位置距離長沙灣地鐵站C出口算好近，我哋行過去大概5分鐘左右到達 我哋有book位，同店員確認咗定位之後就好快入到去！入邊都算好多人，長沙灣來講晚餐時段算幾旺！比較推薦嘅食物係蒜蓉粉絲蒸元貝，每一隻都非常大粒，賣相已經好靚仔，帶子食落去非常爽口彈牙，再配埋本身粉絲，配搭真係非常嘅夾 再加埋蒜蓉，真係冇得頂！加上餐廳控制火候得非常好，帶子唔會太熟，所以口感都做得非常好辣子肥腸，亦係推介嘅食物之一 豬大腸非常煙靭，唔會有太硬嘅感覺，餐廳用爆炒嘅方式，加埋辣椒去炒豬大腸，做出嚟非常好食，有少少川菜嘅口味 豬大腸亦都非常乾淨，沒有任何臭味或者唔乾淨嘅味道，呢個位非常值得讚 黑椒牛仔骨亦都份量好多，比預期中大分！牛仔骨醃製得好味，唔會有太鹹嘅情況！總括嚟講用餐經驗愉快，朋友都非常喜歡呢一間餐廳，值得推介

睇左香港街市研究所既YouTube片推介而黎, 聽講話呢度啲海鮮整得好得，特登黎試吓！-海鮮孖寶 🐟當日咁啱個燒味師傅放假，所以可以拼到其他唔係指定嘅組合. 揀左清蒸沙巴斑同埋兩隻紅燒脆皮乳鴿. 蒸斑超掂喎! 火候啱啱好，豉油個調味又釣到個海鮮味出嚟之餘，又唔會太濃，perfect! 💯燒乳鴿都整得唔錯，外脆內軟，2只份量都唔少. 呢個海鮮孖寶性價比好高! 👍🏻-清炒萵筍絲清新無味精之選~ 食材新鮮，清淡之餘亦都唔係淡茂茂，係釣到個萵筍鮮味出嚟!-精選燉湯味道濃郁，落足料，無溝水! 仲要好大盅😳-飯後甜品：紅豆沙店家送的. 陳皮味豐沛，真係有紅豆既沙！好味~總結：好抵食，海鮮新鮮，有魚缸自家養住啲海鮮！份量超大，價錢抵，性價比高🉐

之前有睇過海鮮研究社推介嘅影片，所以特登試吓呢間抵食晚市海鮮孖寶。佢本身係一個比較傳統嘅中式酒樓菜館，晚市孖寶共有五款唔同嘅配搭，每款都只係208，就食到海鮮。由於當日嘅叉燒已經賣晒，好彩店員都肯俾我哋搭配另一位，咁我哋總共要咗兩份晚市海鮮孖寶。清蒸沙巴斑+果皮蒸鮑魚（6隻）由於蒸魚係即叫即正嘅，所以呢個製作需時請耐心等候佢原條都大大條魚肉嫩滑，火候剛好，充滿鮮味。鮑魚都比較彈牙，食落去淡淡陳皮果香。蒜蓉粉絲開邊蝦，上面佈滿大量蒜蓉，下面有粉絲喺底，呢個菜式令我哋忍唔住叫咗碗白飯，用嚟送飯非常惹味！雙喜小炒皇入面有好多腰果同埋蝦乾，份量都算大啲，飲酒必要菜式。估唔到最後食完餐飯原來仲有糖水紅豆沙附送，紅豆沙有驚喜，仲要起晒沙，入邊有好多豆，非常足料。

有時好想食有鑊氣嘅大排檔菜式，但係又嫌大排檔污糟😵‍💫長沙灣樓上店有間中菜質素不錯，第一眼望落去比較地道，都係街坊生意，而且幾乾淨企理👍🏼睇返菜單整體都算幾平，種類選擇都十分多，我哋一坐低就俾個晚市超值孖寶吸引咗，兩個人食再嗌多咗一款小菜~孖寶組合1）蒜蓉粉絲開邊蝦啲蝦唔算好大隻，不過望落夠新鮮，食落都新鮮肉質唔會太淋，師傅加咗好多蒜蓉，非常香，粉絲索晒汁，送飯一流🥰孖寶組合2) 雙喜小炒王呢款望落去簡單，但係越食越發覺有好多唔同種類嘅材料，有蝦乾有新鮮蝦有菜甫，口感好豐富，呢個加咗辣椒🌶️食辣都辣辣地，更加開胃惹味😍蜜汁黑椒薯仔牛柳粒一上菜太吸引了😍好多牛柳粒，大大粒，望落去好有肉汁，食落去都非常入味，薯仔外面小小焦，仲有一層蜜糖，整體上都一流，超好味!一坐低侍應就問你揀咩茶，仲附上一碟雲耳做小菜，整體質素都很不錯，以後想食小菜都會諗起呢間😙😙

舊式茶樓装修格局晚市套餐，份量大大碟，非常抵食--蒜蓉粉絲開邊蝦--中蝦size,肉質彈牙，用大量蒜蓉，甜鼓油蒸，就連粉絲也非常入味--果皮蒸鮑魚六隻--軟身易咀嚼，味鮮--鼓椒炒大蜆--蜆size超大，非常飽滿，鼓汁味濃郁，入口啖啖肉，非常滿足--涼拌青瓜海蜇--份量比其他食店多一半，抵食--火焰楝企雞--一大隻燒雞用鐵通串著上枱再點火🔥，然後食客自家用膠手套撕開，皮薄而脆，肉質鮮嫩，十分肥美--青紅辣椒肥腸煲--目測這麽多紅，青椒，以為很辣，入口一點辣味也沒有，正合我意，豬腸彈牙但不油膩--四川水煮魚--(小)老闆建議我們六人點小size巳夠食，果然上枱一大碟，鱸魚肉質爽實，口感香滑，越食越辣，挑戰味蕾--鮮鲍魚奇味雞煲--鮑魚係细size,而雞骨偏多，但味道也不錯--葉公館小炒皇--韭菜花，大量腰果，鮮蝦仁粒，蝦乾，口感非常乾身，食材足，調味也很到位--椒鹽鮮魷--魷魚口感鮮彈，外皮炸得不夠香脆，整體略咸食後感廚司用心烹調，而且每款菜式份量，食材比其他食店更足更多，良心小店直得食客多多支持

老公今晚帶咗我去長沙灣葉公館食火焰雞，佢話同事食過超好味！而且重係海鮮研究社推介，值得一試。葉公館裝修格局是一間中菜館，主打粵菜。火焰楝企雞：店員將已炸好的雞棟企放上枱，之後淋上燒酒並點火，雞的表面立即出現火焰，那一刻是最好的打咭畫面。燒雞外皮超香脆，肉質鮮嫩，因為用咗三黃雞，所以特別有油香味！薑蔥斑件煲：用煲仔熱辣辣上枱，斑件先炸後用薑蔥炆，醬汁調得夠味，食落魚肉夠香夠滑，十分惹味！上湯虎蝦伊麵：虎蝦結實彈牙，伊麵吸收左上湯精華，啖啖都爽口又滋味！

今日因工作關係去咗長沙灣，辦完事後同事話一齊食飯，行行下見到一間中式菜館“葉公館”。同事鍾意食中餐，於是我哋入去試下😆。睇過餐牌📔菜式選擇多，除咗粵菜仲有川菜，想要抵食啲，有晚市超值孖寶每份 $208，有5️⃣個套餐可揀。我哋今晚散叫咗幾款菜試下🥰。涼拌雲耳 $12一入座店員就會送上這碟冷盤，雲耳爽脆，酸酸地好醒胃😋。紅燒乳鴿1隻 $48乳鴿🐦炸得啱啱好，表面乾身內裡依然濕潤，size唔太大但肉厚🥰。蒜蓉粉絲開邊蝦 $118蝦🦐份量唔少，開邊加上勁多蒜蓉🧄一齊蒸，味道調得好加上蒜香味令整隻蝦🦐更好食，墊底嘅粉絲軟硬適中，吸收咗香濃嘅蝦汁，連埋蒜蓉🧄一齊食勁好味😋。黑椒牛仔骨煲(特價) $88黑椒汁非常惹味，牛仔骨🐂分量多又大件，伴菜只有洋蔥🧅，撈埋黑椒汁一齊食，好好味。椒鹽魷魚 $98魷魚🦑炸得外脆內軟， 份量多而且香口惹味😋，我地好快就清咗一碟😂。最後仲有碗紅豆沙送🫘，唔太甜幾好😋。總括而言，食物味道唔錯，菜色選擇多，街坊價份量大，就算唔係街坊都要試試。

葉公館位於長沙灣，是一家以傳統粵菜為主的餐廳。我們點了幾道招牌菜，其中包括咕嚕肉、薑蔥斑腩煲和豉汁炒花甲。咕嚕肉, 這道菜以炸至金黃酥脆的炸肉塊為主要材料，配以醬汁製成的甜酸口味。這道菜的咕嚕汁味道非常濃郁，而且甜中帶酸，讓人口感愉悅。肉質鮮嫩，外皮酥脆，是一道非常值得推薦的菜式。薑蔥斑腩煲，這是一道非常好吃的煲仔菜。斑腩的質感很棒，肉質鮮嫩多汁，薑蔥的香味十分濃郁豉汁炒花甲。花甲的味道非常鮮美，加上醬汁的調味，讓整道菜的味道非常鮮美。花甲的口感有些嚼勁，但同時也很鮮嫩，是一道非常適合開胃的菜式。紅豆沙,味道卻十分美味。口感非常綿密，而且甜度適中，十分適合作為一道完美的結尾。葉公館的粵菜味道非常地道，而且菜式的做法也非常傳統。三道菜都很美味，讓人回味無窮。餐廳的服務也非常周到，讓用餐體驗更為愉快。如果您喜歡粵菜，那麼長沙灣葉公館絕對是值得一試的好餐廳。

今日同媽媽食飯，想搵間啱長輩口味嘅中菜，因為媽媽唔係好食得慣中菜以外嘅野😂 就搵左喺長沙灣附近嘅葉公館。我同媽媽都係夜晚都唔食飯，所以就諗住嗌d食得飽嘅餸。我地揀左片皮鴨、黑椒牛仔骨同埋鮮飽魚奇味雞煲。全部都係肉類🙈啱晒我呢d食肉獸😂片皮鴨我地揀左半隻，份量非常多，半隻有成9塊鴨肉咁多😍每一塊鴨肉都有一塊餅皮，數量岩岩好。鴨皮好香脆，配埋青瓜同蔥，清爽不油膩！而且都幾飽肚。黑椒牛仔骨，黑椒味道濃郁，好惹味！牛仔骨煮得岩岩好熟，好嫩滑多肉汁，肉質有彈性。好味！飽魚奇味雞煲，呢個雞煲，真係份量十足。一煲有成6隻飽魚咁多！真係估唔到！好抵食！而且飽魚好爽口彈牙，吸左醬汁嘅味道，非常惹味！雞件都啖啖肉，唔鞋口。最後食埋個紅豆沙糖水，唔會太甜，濃淡適中，食埋糖水真係好滿足呀☺️

三年嘅疫情成就咗好多youtuber，而我自己也成為觀眾之一，每日都要睇，與此同時，我自已的頻道粉絲亦由一人增加到幾十人，哈哈，平時吃喝玩樂乜都睇一餐，近排就睇到一個名為“香港街市魚類海鮮研究所”嘅頻道，個名好特別呢， 係介紹飲飲食食嘅，因此認識咗今日幫襯嘅呢間餐廳，個名就叫做“葉公館”。呢日來到，見到已經有好多人客，爭啲坐滿曬，好犀利👍👍食嘅嘢選擇都唔少，價錢亦都好合理，如要更加抵食嘅話就可以叫孖寶，有成五樣孖寶可選擇，每份208蚊，我哋嗌咗孖寶A，有"蜜汁叉燒皇"和"清蒸沙巴斑"，蜜汁叉燒正正常常咁，沙巴斑勁新鮮，啲肉白雪雪又好嫩滑，個調味嘅魚豉油味道好平均，啲蔥絲呢，平時講真我唔係咁鍾意食㗎，但今次我就同朋友爭住食，唔生唔熟最是好味。"上湯虎蝦伊麵"有四隻虎蝦喺麵，伊麵亦好爽兼且飽肚，食完還有紅豆沙送真係好開心呀💗