萬麗咖啡室

營業中

休息中

今天生日和家人聚一聚，食個Lunch.今天覺得最好食是燒肉， 肉質好味外皮脆卜卜; 但牛扒就麻麻喇， 肉質比較老。其他食物如 蟹腳，蝦， 壽司，刺身， 熱物都不過不失！而Haagen Dazs得3款味道: 士多啤梨，朱古力和雲呢拿！最值得一提是那個迷你心太軟+ 雪糕，真係好好味！

慶祝男朋友生日每年都會去食Buffet 今年揀左萬麗咖啡室既自助餐。 食品種類方便不算多，但貴精不貴多，應該有的都有得食，而且有的絕大部份食物都在水準之上。 蟹腳好鮮甜，我一晚忍唔住食左幾轉。仲有生蠔食， 生蠔係我地其中一樣揀buffet嘅條件而佢地既即開生蠔都好新鮮，每人每次限攞三隻。另外有芝士焗龍蝦，都好香好好食。我地今次用咗恆生信用卡優惠 仲有75折添!總括嚟講 呢個價錢食到咁嘅質素既Buffet 絕對值得一試

食過很多間的酒店自助餐，本人覺得最好食是燒牛扒，食左2次其他食物都好，例如：蟹腳、壽司、甜品。環境也舒服、而且任飲橙汁及汽水。今次折扣有75折，計起都是$300位左右，很抵。

昨天是鋼婚週年紀念，每年都去食西餐，今年就試下這間酒店的自助餐！雖然沒有窗口位，但訂枱時說明慶祝週年紀念，安排了一張梳化位置，隔壁枱沒人坐，2小口可靜靜聊天。食品方面種類不多，但也是不浪費食物的做法，夠就好了，第一時間拿生蠔吃，每人每次拿3隻，第一輪真的很鮮甜，很有海水味，由於本人是玻璃肚，很易出事，第一輪生蠔10分鐘內沒事就沒事的，在吃其他食品等待吧！咸豬手，牛扒是不錯的選擇，之後再想拿生蠔，師傅已經不在位置，等了很久才再拿了3隻，已經不同第一輪的了，開破了肚，淡而無味，老公又等了很久，由壽司師傅手幫助拿了3隻，也是同一感覺，淡而無味，好像雪了一段時間，吃了其他食物，到尾聲時員工拿了一隻附上慶祝字樣的白朱古力牌的碟子給我們拿甜品拍照，謝謝酒店的幫忙！這頓自助餐是不錯的，老公最愛燉湯……哈哈！

刺身唔多款，但中段時間有Toro。羊架同燒牛扒都好食，生熟度拿捏得好好。呢排做緊澳洲主題，有袋鼠肉，可以試下。有兩款凍蟹，長腳蟹好食，好鮮味，但麵包蟹麻麻，太咸，肉有點霉。焗龍蝦一般，調味太多太濃，完全食唔到龍蝦味/海鮮味，食咗一隻就唔想再拎。生蠔雖然細隻但好新鮮，好好食。全部熱葷同沙律都好食，沙律好多款可以選擇。成晚唯獨甜品真係完全唔得，讚唔落，未試過食唔落一件蛋糕。酒水任飲，服務員態度非常好👍🏻

昨天一行十六人去灣仔海景萬麗酒店食自助晚餐，酒店主打海鮮自助晚餐，大家都十分期待，誰不知海鮮種類很少，魚生種類只係得吞拿魚，吞拿魚像擦子膠，三文魚、八爪魚及油甘魚又唔新鮮，選擇太小，龍蝦本來以為係新鮮龍蝦，但只是雪藏龍蝦煮成的芝士焗龍蝦，生蠔又細隻，甜品種類又少 令我們十分失望滿以為五星酒店的自助餐水平應有一定水平，價 錢就五星食品就三星級，發誓永遠不再去呢一間餐廳， 非常憤怒!!!

同朋友一齊慶祝相識紀念日 想搵間自助餐食 睇左好耐覺得萬麗嘅性價比係最高 同埋佢openrice做緊七五折優惠(7人以上)所以每人連加一都係$53x (原價$628 1位） 自助餐由6:30開始可以食到10點 我地6:30就去到 場地都好大 不過平日夜晚都有成8成滿 算好多人一入門口就見到一大堆冷盤有生蠔啦蟹腳啦龍蝦啦青口啦 當然我就相機食先 蟹腳都好鮮甜好好味我一次過食咗十幾隻生蠔都係冇乜鐵銹味好鮮甜絕對係回本之選 望下佢個沙律吧沙律選擇都非常之多 仲有我最鍾意嘅甜品吧一開始就已經去望下有咩甜品食先=) Häagen-Dazs雪糕嘅選擇口味都有三至四款另外熟食方面我認為就唔夠多啦 不過佢燒羊架係幾好味 可以encore 多隻 佢仲有一個食粉面嘅部份 好冷清無咩人 不過後期我地都有去叫左d菜食 刺身嗰度排隊每樣嘅只可以攞2片 夜晚7:30鐘仲有特別有拖羅可以攞仲有小朋友最鍾意嘅朱古力噴泉食咗幾round 之後坐喺度傾吓計好快就到10:00 其實食三個半鐘都非常之夠 可以食完吹下水再食 仲可以傾得好開心添 酒店級數嘅自助餐來講五百幾蚊都算係咁啦

前排farewell一位同事，我地就決定黎附近既萬麗海景酒店食lunch buffet～今次係我第一次黎食buffet呢度海鮮吧選擇唔算好多，都係大蝦、螺同青口等等，無咩特別～不過呢度沙律吧就好多款式，不過呢度沙律吧好多款式，啲刺身亦都好新鮮～咖喱區都好多選擇，個人就最鍾意食咖喱薄餅，薄餅烤得好脆，d汁亦十分惹味，絕對值得一試！話咁快就嚟到甜品區，見到呢個pancake台，個人已經流晒口水我足足食咗兩次，每次都加唔同嘅配料！呢度仲有得任食Häagen-Dazs添，真係超級正呀！

慶祝特別日子當然要食餐好嫁啦❗️食buffet當然係首選👍🏼今次見到openrice有8折優惠就決定訂個位食😋當日係星期五唔算太full👍🏼呢間比較少大陸人👍🏼首先講下buffet最重要既海鮮吧有蠔，長腳蟹，龍蝦鉗，青口等等❗️蠔比較細隻不過鮮甜😋長腳蟹好新鮮d肉好有彈性唔會好梅👍🏼佢有焗芝士龍蝦🦞推介❗️好好食❗️食完唔會好膩👍🏼另外個燒烤吧有鴨肝和牛好香😋另外要推介佢個steak🥩煮得岩岩好肉質好林唔會太多肥膏👍🏼除左主菜佢個沙律吧同甜品吧都好正❗️款式都幾多👍🏼不過雪糕選擇太少只有3款Haagen-dazs☹️總括黎緊呢個價錢食到呢個質素唔錯👍🏼推介❗️

以澳洲食材作主打的自助餐, 不常見. 這次Cafe Renaissance的澳洲海陸滋味自助晚餐, 讓我們一口氣吃了不少澳洲食材的菜式, 有沙律, 有主菜, 還有甜品, 很豐富的一個晚上.沙律有幾款推介, 彩虹coleslaw賣相幾吸引, 比起平日吃開的coleslaw, 更豐富. 烤袋鼠肉果仁沙律, 很地道的沙律, 加上果仁, 增添了口感. 羽衣甘藍牛油果沙律是主打項目, 羽衣甘藍當然是健康, 牛油果也是有不少功效, 兩者結構, 配合蒜蓉羅勒油醋汁, 是味道跟健康也令人滿意的選項.壽司跟刺身, 永遠是自助餐的風頭躉, 這裡的選擇很多. 同樣受歡迎的是海鮮, 龍蝦鉗, 麵包蟹, 鱈場蟹腳, 跟藍青口四款冰鎮海鮮, 用上的當然是新鮮貨色, 海鮮迷, 每款要吃多少?即開生蠔就跟隨這晚的主題, 以澳洲生蠔作主打, 平易近人, CEO可是吃完又吃呢. 不過, 我的推介一定是芝士焗龍蝦, 剛剛焗起的, 香噴噴, 熱辣辣, 芝味濃郁, 超吸引.還是來口燉湯, 這晚的燉湯是蟲草花燉雞肉, 每天上班, 照顧小晴晴, 那有空間自己煲湯, 在自助餐可以喝到如此有水準的燉湯, 怎能錯過.主菜必吃的, 就是即

第一次嚟食午餐，環境唔錯，服務態度都OK，覺得食物質素好好，刺身好新鮮，食過咁多間自助餐，呢度牛排最好食，甜品都OK，雪糕太少選擇，有D失望。仲俾咗會員卡，下次會再嚟食晚餐。

答應了家中的大胃女王帶她吃buffet，千挑萬選地在OpenRice上訂了這家的午餐。下午一點十五分到，幾乎已是坐無虛席。海鮮吧選擇不多，但勝在質數，螺特別大隻和肥美。海南雞飯亦好有誠意，厨師現煮現切。我個人最愛沙律吧，蔬菜新鮮，還有大大隻剥好的蝦做配料👍🏻咖啡更是精彩，foam竟然可以last成個鐘，依舊strong。服務人員充足，refill和清理都十分高效。三個人食到捧腹，只是733元，真係抵食。

公司係灣仔，老細請食飯好多時都去Renaissance 食 buffet 。本來無諗著寫食評，所以無影相，但最終忍唔到手😅。一開波當然先食冷盤，凍海鮮有青口，東風螺，長腳蟹，蝦。🦀 長腳蟹好吾掂，好乾，759好食過佢。👎👎👎🦐 蝦都算新鮮，但比以前細左好多。👌刺身好新鮮，我專攻三文魚，油甘魚。👍👍👍冷盤選擇好多，煙三文魚， Parma Ham ， 芝士，沙律都好好味。👍👍👍熱葷當中，烤羊脾，燒牛肉都好嫩滑，仲有烤南瓜，三色椒，茄子，西式翠玉瓜自由配搭。👍👍👍炸魚，各式咖哩就不感興趣。😒即叫即燒既迷你漢堡包都好多人排隊，好多男同事都大讚好食。👍👍👍甜品俾以前多好多選擇，精緻又好味。👍👍👍 Haagen dazs雪糕當然吾會錯過啦!尚有改善空間，但整體上係吾錯，值得再去😋

服務態度一般，侍應質素差，海鮮檔不知所謂，未試過去客人到檔口面前都唔主動走去處理食物給客人叫佢先慢慢行去，壽司真的不能食D飯乾到 硬，其實都幾過份海鮮質素差過大陸，熟食肉類比較好D要求高就冇不過企檔嗰幾個廚師都有意識知工作緊會講解食材是什麼，不過冇下次👎

見openrice有8折discount就一於一試雖然款式種類唔係太多，但除左海鮮之後，其他食物味道唔算太差因爲長腳蟹雖然幾大隻，但完全冇海水味，可以話一d味都冇