萬豚屋

營業中

休息中

想食呢間好耐，見冇人排九秒九衝入去。餐廳唔大，啲位有啲窄，不過想食烏冬就試試。佢有稻庭同手打烏冬，因為想食粗野就揀手打烏冬，另外湯底有分魚介同埋香菌，我地兩個試哂。一個要上級牛，一個要芝士吉列豬扒，另外要多份餃子。餃子比想像好食，味道好。上級牛配香菌湯底，所謂香菌，有啲黑松露醬，仲有啲菇整出嚟嘅湯底。鐘意菇嘅你一定like，不過上級牛冇特別。芝士吉列豬扒配魚介湯，普通嘢，不過豬扒令我失望，冇乜特別，最慘係冷氣大，啲豬扒又係九秒九變涼，唉.....

食物冇以往咁好食，湯烏冬近呢幾次食（呢一年內）係暖既；服務好差，係大部分員工都黑面冇禮貌。第一次寫食評，係因為係呢度食左個冇落蛋同個湯唔滾既烏冬，麻煩服務員俾返隻蛋，佢黑黑地面；落返隻蛋去湯度，隻蛋係仲係生既，因為個湯太暖。再麻煩服務員成兜換，塊面再黑d仲反埋眼。換完反黎，個湯係滾返，但係唔係俾過個新既，因為佢直接翻熱原兜野俾返我，d湯少左不特止，仲令到隻蛋熟到爛。就係因為佢一開始唔夠滾、隻蛋唔能夠滾至半生熟既狀態，令到我食左碗爛蛋、d湯滾到少左好多水既烏冬。以後都唔會再食呢間垃圾。

萬豚屋一直係個list 上，趁星期五就同媽咪去食，8點幾去到已經無左之前嘅人龍。點菜之前(仲未入機！！)見隔離卡位有幾張都係兩個人坐，又無人等位，咪問職員可唔可以轉位，佢地話有人book左；點知轉過頭後面有3個人想轉就得左。其實佢地絕對可以講清楚係要留俾3人以上先可以坐。間鋪無乜人，但都等左差唔多20分鐘先上菜；d職員唔知係未入錯單，上完菜就問「你地點嘅係啱架可」， 我地話啱後繼續食，隔一陣又有個職員係隔離指著我地兩碗野細細聲講，指指點點，我地問佢究竟咩事，又唔答然後直行直過，‼️服務態度簡直差劣‼️點左厚切豚肉同醬油豬軟骨手打烏冬，同樣係香菌濃湯底，黑松露味好香，仲有幾粒啡菇👍🏻不過豚肉就‼️非常失望，完全無味，白烚肉一樣‼️，仲要係推介😪反而豬軟骨就唔錯~之後問職員攞牙籤，佢咁可以聽錯做「埋單」，理解唔到🤷🏼‍♀️而家嘅萬豚屋失色左好多，加上咁嘅服務態度仲要收加一，唔會想再幫襯‼️

星期二的晚上，選了這間在口袋名單很久卻沒試的餐廳。在門口看進去，有很多空位，但店員卻要我們到門口排隊。在門等了大概15分鐘。最終點了炸雞咖哩烏冬及餃子。再等了15-20分鐘的上菜時間，身邊很多人都在催促店員上菜，說等了很久。當時心想，石鍋需時久一點也是正常。上菜時大失所望。先說烏冬，我沒有想到海報推介的烏冬款式竟沒有石鍋，味道就是一般的咖哩烏冬，而炸雞味道很差。然後是餃子，沒有什麼特別，沒有很好吃，也沒有很差。整體是很普通的日式餐廳

No more chance....TOTALLY Blacklisted! Fake Japanese restaurant, Poor catering service (especially those three young guys, keep chatting with each other in busy lunch time), unstable food quality and bad manners....branding bankruptcy ...

等埋朋友收工一齊去吃熱辣辣烏冬！平日夜晚，人真係唔多，大概4成滿。朋友好快就揀左活花甲手打烏冬，香菌濃湯湯底。個湯底好濃好飲，d花甲冇沙幾好吃。我就揀左吉列芝士豬扒手打烏冬，黑蒜油豚骨湯底。我個人覺得香菌正d又少見d，可能我鍾意吃菇啦烏冬係幾好吃，豬扒就幾正常。相對黎講鍾意吃朋友果款花甲多d原來佢地上菜豬扒同烏冬係分開上，放低又冇同我講，我自己係碗湯到找左一陣都搵唔到，問完先知係後上下次希望一齊上啦⋯⋯我見當晚人手係夠，但都幾亂，新入既客可能得3,4枱到，食物都上錯，入錯單

萬豚屋，出名食石燒烏冬，門外都必定有條人龍。已經幫襯左6年有多，期間轉了不少menu。營業第一段時間為 12:00-15:45 ，第二段則18:00-22:15 。由於營業時間特別，所以試過摸門釘不少次。今次星期六特意12點左右便前往，避開人龍，享受一下必食石燒烏冬系列的厚切豚肉手打烏冬。進入鋪內，已經滿座9成，我也速速坐下，準備點餐。Menu點餐紙，清晰而見，石燒烏冬系列，一共有20款之多。其中推薦厚切豚肉手打烏冬、上級牛肉手打烏冬、吉列芝士豬扒手打烏冬、活花甲手打烏冬和daily catch 海鮮手打烏冬。價格由$86-$96 不等。至於湯底就有4款選擇，分別是香菌濃湯、魚介豚骨濃湯、香辣三色味噌湯和黑蒜油豚骨湯。款式方面，我絕大多數是點厚切豚肉手打烏冬；湯底則香菌濃湯或魚介豚骨濃湯，這樣就太會搶了豚肉的味道。不一會，店員熟練地端上我的厚切豚肉手打烏冬！厚厚半肥豚肉鋪到成個石鍋滿晒，睇見都流晒口水。香菌濃湯奶白色的湯底非常香滑，上菜時還是滾泡泡的。吃時要小心避免觸碰鍋邊啊。豚肉非常厚身，脂肪入口即溶。即使厚切，肉質色澤也煮得一致均勻，肉嫩一絲絲的散開。非常好食。一大羹的黑松露，我喜

響尖沙咀搵食，諗起好多年前食過既萬豚屋。全日行商場啲冷氣凍到飛起，入到黎又係成個雪房咁樣，原因好簡單，因為佢哋嘅賣點就係用超熱石鍋上菜，如果冇咁勁冷氣，就會食得辛苦坐低都係日本傳統比凍水東主其實有啲新嘢，但係我一心都係搵豬零食所以我哋幾個朋友仔全部都要返晒以前最鍾意食嘅豚肉飯同烏冬，只係唔同煮法同湯頭哈哈燒十勝豚肉飯，燒得好。肉係五花腩位，燒到啲油脂走晒，但肉質唔乾又彈牙，一啲都唔肥膩。加埋個紫菜絲同埋醬汁份量都好大，朋友仔食唔晒個飯個湯底係新嘅魚介湯底，配厚切豚肉手打烏冬麵。因為石鍋上出晒煙，熱辣辣，烏冬粗身又夠彈牙，湯底濃郁。配返厚身豚肉，湯嘅味道冇掩蓋豬肉本身嘅味道咬落去豬肉豬肉汁，啲豬肉有煎一煎熟左先放落湯度。唔同平時食日式叉燒咁成個馺熟無晒肉汁又薄無咬口，所以厚切豚肉肉汁仲保留係啲肉入邊，咬落仲好有質感。大量嘅蔥同草苗熱辣辣嘅蒸氣底下散發香味，消除油膩感。吉列豬扒烏冬，見唔到個吉列豬扒係好大塊，沙律汁係奇妙醬。少少草苗俾你清清口，炸豬扒炸衣夠薄香脆，肉質有彈性，比起燒豚肉當然係冇咁多肉汁亦都冇咁嫩。三色香辣面豉湯少辣配吉列芝士豬扒烏冬，湯底小辣都非常辣🙈所以面豉湯嘅味道唔出，

對上一次食應該都有5-6年前，果次冇記錯係打風 難得冇人排隊，即入去吃了一碗豚肉烏冬，果然好好味。是隔數年，咁啱路經此地，其實係附近剪完髮肚餓行過去食。 可能已接近10點，去到就有位。叫了一碗大蜆讚崎烏冬，熱辣辣石窩上。黎到啲湯仲滾緊，卜卜卜卜好正。試啖湯先。。。嘩嘩嘩好香濃既菇味，超愛依個湯。 蜆上面加咗少少松露醬，散發著松露香味。讚崎烏冬真係冇得輸超滑口， 啲蜆大隻冇沙爽口清甜，有10隻蜆呀，雖然好似要成100蚊碗，但有10隻蜆，再加埋個好多菇既濃湯底簡直值回票價。真心推介依碗大蜆烏冬

好細個既時候係佢舊鋪（天文台道個邊）食過一次，當時要大排長龍，非常誇張。佢特別之處係石鍋烏東，上檯既時候啲湯係滾住既。今日來到呢邊，裝修都已經變舊，人流卻很小。食物一樣都係石鍋烏東，一樣係豬骨湯底。食物假期由$68-128 不等，尖沙嘴來講算係抵食。味道就唔會期望咁高了，只能說不過不失。值得一提既反而係佢杯活乳酸爆珠特飲，一般呢啲鋪都會係Calpis 開稀，呢到係全杯益力多來，一啲都無溝稀過🙃🤡，全杯都係益力多

約朋友食飯，朋友提議去萬豚屋，話曾經食過都唔錯，於是就去一試吧。因為朋友話之前一次要等位，為免唔需要企係度等位，我就預先打電話去book枱又book到喎！！我地book左7:30，去到見到有一條小人龍係雨中排隊，而我們三人就直接走入餐廳坐底，真係開心到笑出黎我地一人叫左一個手打烏冬，再叫左兩個小食一杯飲品，總共$400多d，價錢還可以吧。厚切豚肉手打烏冬 (中辣湯底)平時食得辣嘅我，覺得辣度適中，因為烏冬用石窩上，滾下滾下，好刺激到我味蕾呀厚切豚肉就好淋，入口即溶，但好肥好"漏"上級牛肉手手打烏冬 (魚介豚骨湯底)冇什麼特別，湯底夠甜吉列忌廉蟹餅冇乜蟹肉，入口係一"pat"東西木魚豚肉玉子燒味道幾好，一夾開滿滿豚肉，多汁好食吉列芝士豬扒 (跟烏冬)唔夠juicy，有點兒乾。但還好咬落去肉質夠淋活乳酸爆珠特飲好奇爆珠是什麼所以一試結果爆珠入面d汁真係唔係咁好味活乳酸就係益力多，冇稀釋嘅益力多整體黎講，可以一試。烏冬真係唔錯。

[ #烏冬專門店 | 唔係講笑咁正👅]••有啲朋友係特別岩傾，傾到停唔到🗣約呢啲朋友去食排隊餐廳就最適合🤘🏻因為排半個鐘都唔係問題，好似呢間餐廳咁💁🏻‍♀️長期排長龍，不過傾下傾下眨下眼就到😚⋆ ⋆ ⋆ ⋆ ⋆🔹活花甲手打烏冬($88)⭐️8/10我揀左魚介豚骨湯底🐷用熱鍋載住，keep住食到尾都好熱，搞到我食得超慢😂湯底鮮甜，係好好味！！花甲量多，起碼有成10幾隻😱不過可能因為湯勁熱，太過熟有點韌...烏冬非常彈牙👍🏻齋係湯+烏冬我都已經好滿足👅▫️有四款湯底: 香菌濃湯、魚介豚骨、香辣三色味噌湯、黑蒜油豚骨湯😻▫️有要款烏冬: 手打讚岐、稻庭烏冬🍜-🔺朋友揀左吉列芝士豬扒，配香辣湯中辣🌶佢話好辣，食到出哂汗😰佢比左一塊豬扒我試，好厚切，仲都幾多芝士夾心，都幾好😋-🔺煎餃子🥟不了🙅🏻‍♀️🙅🏻‍♀️🙅🏻‍♀️-

6月2日旁晚6點幾去食，唔係太多人，唔洗等位。建議唔好坐冷氣位下，好似入左雪櫃咁瘋狂吹你個天靈蓋。叫左「厚切豚肉手打烏冬、魚介豚骨濃湯」；湯正常，唔係特別濃，普通；烏冬都係普通，唔係好彈牙，同打邊爐食果D無乜分別。最唔掂係個厚切豚肉，係好厚好林，但係無味架喎，同煲完湯嘅瘦肉無異，一千億個失望，完全唔知食梗咩... 接受唔到煲湯瘦肉烏冬要八十二蚊... 所以快快食完就走人，已Black List，唔會再幫襯，同埋會同身體嘅所有人講唔好去幫襯，返屋企飲阿媽煲嘅湯食埋瘦肉仲好過。

今晚突然去了尖沙咀買野，買完之後想起多年前於赫德道食過好味的豚肉叫万豚屋就馬上行去，去到萬豚屋大約7:45看見不用排隊好開心馬上入店內(因為我上幾次來的時後都要排隊)點了野菌豚肉烏冬，我相信這二十多年都未有食過這難食的食物，湯底完全無味，豚肉我家煲湯後的瘦肉都好食過它，豚肉又多渣又冇味，下次一定不會來非常失望。

新裝修後再來，風格差不多，但地下無太痴立立，燈光明亮很多。Menu 都是差不多，有湯烏冬、冷烏冬。我點了燒雞濃湯烏冬。燒雞皮香脆，雞肉都多汁，香口。烏冬滑嘟嘟的，配上濃湯和雞蛋汁，很有日本風味，，烏冬還是煙煙靱靭呢！