萬豚屋

營業中

休息中

我承認已經迷上了萬豚屋的石燒烏東（什菌湯），每一次出發前都提醒自己要試其他湯底，但一入到去幾經掙扎，都係點什菌湯底佢地個什菌湯底實在太出色啦！一路食一路聞到香濃既黑松露，而湯底中亦有大量厚菇，又有雞蛋🥚口感相當豐富，一試難忘！我見到很多人都會不要翡翠苗，雖然他的味道並不是個個喜歡，但我認為一上菜，湯還熱時，立即把翡翠苗放到鍋底，留到最尾才食，你會發現，他並不是你相像的那麼重青草味，但又能清油膩感，絕對是很好的點綴！今次我唯一轉了是，我選厚切豚肉！d豚肉半肥瘦，雖然他並沒有豬軟骨那麼軟，但肉質都很軟，並不硬身。

門口冇人排隊就入餐廳等位，點知一名男員工用勁冇禮貌既tone指住門口叫我地出去排隊...同趕客有咩分別，唔駛錢都唔會再去。今時今日咁既服務態度，難怪冇咗以前排隊既人潮.一個字，劣！

萬豚屋係一間鐵鍋烏冬專門店，推介團肉烏冬、三平團肉烏冬，全部即叫即製，分量相當十足，而且服務水準一流，店長態度良好職員也10分友善，推薦各位尖沙咀一種可以做會員全年享有八八折。

Last time here was like few years ago... Still remember the udon is served by the pot in order keep the food in a good temperature. Always satisfies with the udon here... the texture is just perfect and tendering. The sautéed pork is delicious and it has been braised for a long while but still great. Good quality with reasonable price... The black garlic soup is tasty and good match with the udon.

自從裝修之後都無食過，一到冬天一定諗起佢！晚上大概6:45左右到達，可能因為星期一嘅關係，所以唔使等位。 2個人叫左5樣嘢share 食。 胡麻醬菠菜- 味道正正常常。炸豆腐- 我覺得都算有驚喜，用個砵仔上，浸住鰹魚汁豆腐好滑，炸漿如果有埋調味，就非常好。豚肉餃子- 味道同超市買的日本餃子差不多，外皮脆點，餃子汁濃味點會更好豬軟骨黑蒜豬骨湯石鍋稻庭烏冬- 湯底一如以往咁濃郁，正豬軟骨好淋，味道剛好，不會太鹹或太甜。 個人都係比較喜歡手打烏冬。 木魚豚肉玉子燒完全唔掂， 佢嘅豚肉係用豬軟骨撕出黎，再加上粟米，菜，整體組合係油膩，口感奇怪，可以算係難食。

呢間烏冬店真係我人生最愛！我每個月都至少幫襯一次，介紹比朋友都獲得好評。前幾日除夕去食，7:00前到達，已經要排隊，而且因爲特別日子只有set menu...好彩我地都好快入到去平時黎開都只係叫一個烏冬，今次有機會試埋佢啲小菜，非常期待！我地叫左：芝麻醬菠菜。個人唔太中意重口味，如圖所見，芝麻醬真係太多，味太重啦，不過中意麻醬嘅人應該會食得好開心。蟹肉沙律，不錯的，料好豐富，有蟹子蟹肉（而且量唔算少），不過我覺得調味依然太濃，沙律醋落得有啲多，導致好酸。我最愛嘅手打烏冬登場！先講湯底，黑蒜油豚骨湯蒜味好出，非常香，而因為我搭配上級牛肉，所以個湯底更豐富，仲有牛味！另一個魚介豚骨係黑蒜油豚骨嘅比較下就有少許失色，但依照好飲。兩個湯底都好濃，可以依附係烏冬上，唔會好似水咁。有時啲烏冬湯同麵好似無法混合咁，令到味道好淡唔好食。呢間餐廳嘅湯底就唔會有上述問題，味道好出。再講配料，上級牛肉真係超級好食，唔同其他店嘅肥牛，又薄又多肥肉，佢地用嘅牛片充滿牛味，而且大大片，亦唔會太薄。上碟時牛肉係半生熟，所以係可以自己調較幾成熟。醬油豬軟骨煮得好淋，而且都幾大舊，調味不錯，不會過濃過淡。蛋，上碟時係半

同朋友做完運動，肚子話我知佢好肚餓，但又不能食太多，朋友話不如食鳥冬，真係好提意， 我正正諗起尖沙咀有間食烏冬好好味, 不過成日都好多人排隊，我哋去到竟然不是太多人， 等了一陣就有位喇石鍋厚切豚肉手打烏冬，烏冬好滑好彈牙，厚厚豚肉，湯底粟米超甜，果然名不虛傳。胡麻冷菠: 冷凍菠菜配上胡麻醬汁，令人胃口大開。木魚豚肉玉子燒，餡料椰菜蟹柳配上燒汁同 沙律醬，墨魚炸彈，金黃色脆皮，中層彈牙魚肉，熱辣辣流心蛋黃，冇得頂 我電話收唔到網絡，店內免費wi-fi提供

多年前在尖沙咀工作，同事向我極力推介了一間誠意食店- 萬豚屋。多年來我都是這家餐廳的捧場客。看看餐廳長年都有一群客人在排隊，就知道餐廳的魅力所在了。踏進店內，你可以看到牆一隻隻可愛的小豬插畫，聽說是邀請插畫家特意畫上，切合萬豚屋店名的意思。看到一隻隻色彩繽紛的小豬，頓時心情愉悅不少。點了一親開胃的前菜，胡麻冷菠菜，菠菜冰凍配上酸酸的胡麻汁及木魚絲，非常可口。到了主打，不得不推介這道必點美食- 石燒厚切豚肉手打烏冬（菌湯），烏冬以熱騰騰的石鍋上桌，看到滾燙的奶白色豬骨菌湯仍在冒流泡，需注意燙口喔！建議大家先喫一口菌湯，然後大口的吃厚切豚肉，煮得軟冧帶一點油香的豚肉在口腔讓人感到豐腴無比。另一道推介食品-木魚豚肉玉子燒。 這個看起來就很像大阪燒的玉子燒，味道其實跟大阪燒也很相似。玉子內有燒豚肉絲、蟹柳、椰菜絲、粟米粒。玉子上有美味的燒汁及沙律醬，再撒上木魚及紫菜碎，配料十足，是一道充滿誠意的玉子燒。而這個-墨魚炸蛋，也相當有趣，炸墨魚膠包裹着流心蛋加上一點千島醬，難怪成為料理長推介之一。點餐紙上，食物名稱旁有紅色小豬的代表是料理長推介，大家不妨一試。這是一家超有誠意的的小店，食物上菜速度快

凍冰冰即刻諗起食石鍋烏冬不經不覺排左一個鐘先入到去每次去都食野菌湯底 入面有不同嘅菇類 令到個湯好豐富稻庭烏冬係分湯上既 唔怕烏冬會過淋但係隻蛋每次都會過熟🤦🏻‍♀️🤦🏻‍♀️🤦🏻‍♀️牛肉就普普通通 不過份量都幾多一個女仔未必食得晒一碗雞翼好juicy 外脆內嫩 👍🏻鰻魚串就麻麻哋 加上價錢略貴不過呢度除咗烏冬之外仲有好多小食 同埋其他選擇總會揀到自己鍾意食嘅嘢不過要排一個鐘 就未必太值得了🤔🤔🤔🤔

烏冬迷，必食！中午過到去 已經見到排長龍，天氣又冷。入到去，同事推介我食石燒手打烏冬。果然一試，勁勁勁好味🤤🤤我點了自家制豬軟骨配香菌濃湯。石鍋上，食到最尾都係熱烘烘，真係好岩冬天食。香濃黑松露湯真係好正見到d黑松露已經雙眼發光！搞拌後，更加香！而且湯入面配埋d菇加翡翠苗，D豬軟骨夠軟，而手打烏冬又彈。真係正到連湯都飲埋另外，還點了吉列豬扒配香辣三色味增湯，有三種辣度。雖然是小辣，但我都覺得有點辣可能是太熱吧！但吉列豬扒都好味，夠香脆！

對上次食已經係最少三年前，因為都仲係六點幾，排隊的人唔多，大約十分鐘就入得。環境上畫左d 豬仔感覺靚左光猛左，係個個封晒塵ge 水晶燈有d 恐怖。叫左一個菌湯豬軟骨熱鍋烏冬，上面有pea 黑松露醬，同有d 大磨菇切件。因為熱鍋好熱，一開始熱到食唔到咩味haha. 豬軟骨一般，正常野。（食過慢煮豬軟骨已不能回頭）另一個係魚介湯都應該係豬肉件咁，因為冇咩特色，就唔介紹啦。總體係正常啦，以尖沙咀價錢唔貴，8/90蚊一個烏冬，熱辣辣咁，合格啦。

服務差，員工散漫，枱上沒有餐具，問了幾次先俾，埋單也是如此，叫了好多次，先醒覺客人叫了埋單好耐，食物再好也沒用！這情況已不是第一次發生，好幾次去都是這樣！因此相信是態度問題！

多年黎保持水準，正到爆既石燒烏冬～我最愛既海鮮同花甲賣哂😭咁叫左厚切豚肉（厚嫩）同牛肉（薄滑）👍🏼👍🏼👍🏼👍🏼👍🏼👍🏼湯底有4款選（香菌濃湯，魚介豚骨湯，香辣三色味噌湯，黑蒜油豚骨湯）烏冬有2款選（手打，稻庭）

🤤厚切豚肉手打烏冬❣️$86魚介豚骨湯底令到成個烏冬更加入味濃郁😭將隻蛋同啲湯撈埋一齊🤤可以話係完美💯半肥瘦嘅豚肉好味又唔膩🤤非常厚身入口即溶😍非常好味👍🏻手打烏冬彈牙軟滑❤️.

聽朋友介紹講話尖沙咀有間好好食既烏冬，難得下午茶時間黎到尖沙咀，見人少少，就入左「万豚屋」試試佢。入到去客人唔多，店內牆身繪圖幾特別，全部都係唔同造型既豬。睇睇個menu 先既然叫得石燒烏冬專門店，當然要試試佢既主打，我地叫左黑蒜油豚骨湯底雞扒烏冬同埋魚介豚骨三味豚烏冬（見上圖）， 佢有支筆俾你揀你想要食既野，用後店員會將佢抹乾淨，好環保。等左唔係好耐，魚介豚骨三味豚烏冬先到個湯底好濃魚味，好正，烏冬少少淋，但都算好食，三豚就無咩特別。跟住就到雞扒烏冬雞扒自動另上，非常好個人覺得有黑蒜油既湯底好味d