萬芳冰室 (建德街)

營業中

休息中

元朗人，由開店食到而家，但d嘢差咗好多。上次叫個雞髀飯已經有d失望😞今日叫個沙丹牛排飯和奶茶。出嘢慢！牛排比以前薄咗又乾，杯奶茶勁多奶，叫佢換個杯少奶但一樣，應該只是把我飮咗果兩啖加水⋯⋯Total $77 唔值，可以放棄。

呢間萬芳冰室分店唔係好多，但間間既裝修都好有特色，走懷舊風既冰室。呢到最出名就係炸雞脾！雞脾超大隻，即叫即炸，雞皮超脆而且仲有肉汁，上菜果時仲熱辣辣👍🏻野飲叫左雜果冰，感覺比較淡，似罐頭雜果加冰水🤫🤭

今天早上和老婆食萬芳冰室查實這間冰室都有相當水準，每個早餐都用心做，食客的我，一食便知道雞扒加火腿奄列多士，雞扒表皮煎得香脆，食一口雞，皮脆肉嫩多汁，火腿奄列可以，而多士是熱脆的，真不錯叫了一柸（茶走）茶香細滑，奶味濃冇得頂

本身係去另一間餐廳, 不過就要等位所以放棄左就行下行下就見到萬芳冰室又唔洗等位就即刻入去啦！雖然唔洗等位, 但係就要搭枱坐, 係茶餐廳不過都好乾淨坐得舒服我地一行3人叫左3樣主食, 有佢餐牌第2位嘅鮮牛通, 第3位嘅沙丹大豬排飯同焗豬排飯仲叫左支好懷舊嘅自家製菊花茶同羅宋湯自家製菊花茶無出面咁多糖好清新, 夏天咁熱飲支都真係幾舒服跟住個湯就黎埋啦, 呢個羅宋湯就係一個經典嘅紅湯味道, 唔會太辣蕃茄味唔會太突出, 入面仲有多蔬菜可以食第一個主食到啦！就係豬排飯, 塊豬排係大到佔左成個碟2/3！ 飯上面有太陽蛋同火腿仲有豉油係面！只要一切開隻蛋,啲蛋汁就會流晒落個飯度再加埋啲豉油同豬排汁,成個飯都好濕潤好好食！豬排好juicy絕對唔會好乾好入味, 唔錯焗豬排飯都係用同一款豬排但可能因為佢煎熟再焗就變得有啲乾, 飯底就係普通雞蛋炒飯底, 呢個就普通未算叫好好食最後到嘅就係呢個薑絲牛肉通牛肉無想像中咁滑,薑絲味唔重所以唔鐘意薑嘅朋友都可以試試, 通粉軟硬度適中, 呢個做早餐會比做晚餐更合適 哈哈哈整體黎講都算係平靚正選擇, 茶餐廳黎講又算乾淨, 上菜都好快呀！一定會再黎！

好鐘意冰室，舊式茶餐廳既感覺。咖啡奶茶好好飲，好地道好滑好香。細個必食既飯！最好食系啲甜豉油！個雞比成塊面咁大，好脆！即叫即整仲好熱！個蛋夠香，好滑，但唔系好夠咸味茄湯都系經典黎！牛肉用鮮牛肉，所以唔會好似出面落左鬆肉粉咁，但質地唔算硬最愛食芙蓉蛋飯！勝在個飯好蛋料，咩都唔洗諗。有九菜，洋蔥，火腿，叉燒，蝦等等。啖啖都咁足料，送飯真系一流。平日早餐比較抵食，30蚊左右就交易。但好多時間都要等位，但好在外面有凳，可以比老人家坐住等

Inconvenient located in Yuen along with few parking spots, Man Fong Cafe is still a popular traditional Chinese cafe in the area.Traditional decor with the use of Tiffany Blue color.Fried Chicken Thigh - my favorite! Very juicy and tender. Good for sharing.Finish up with the traditional fruit jelly - another childhood favorite.Apparently the source of supply for the infamous chicken thigh was affected by the Sino-American trade war.

今日偶然經過元朗，朋友推介萬方冰室，去到覺得門面好特別，有港女最喜歡的顏色，入面大概有三40個座位，位置都算闊落，仲有獨立房，茶記黎講都算特別。我哋星期日大概7:00左右嚟到，唔使等位，直接入就得啦。叫咗三樣嘢食鍋蛋免治牛肉飯、焗鮮茄牛扒飯、仲有焗葡國雞飯。焗飯全部都係炒飯底，好有誠意啊！焗鮮茄牛扒飯真係分量十足，居然有4塊牛扒，完全冇揸流攤。焗葡國雞飯亦都好香，已經好耐冇食過葡國雞焗飯充滿椰絲嘅懷舊味道，仲有啲雞件全部都有薑味，件件都好滑。仲有免治牛肉飯加咗鹹酸菜，成件事變咗好吊味唔會太肥膩。最後值得一提呢度嘅紅豆冰真係好好味，啲冰三角形好似冰山咁插入杯紅豆冰入面，值得一試。

呢間萬方冰室係由屯門進駐元朗的已經開業多年,一入到去人流都比較多第一次嚟呢度食早餐，叫咗個豬扒煎蛋配多士飲杯熱何力點知食完唔夠飽要加多個菠蘿油不算太舒服,但是食物質素都尚算OK所有食物都是熱辣辣菠蘿油也是剛剛焗起非常滿意菠蘿包是熱的而入邊的牛油是凍的

好多人入元朗食冰室，都淨係會諗起「華嫂冰室」！不過位置偏遠，而且紅日例休，令好多遠道而來嘅食客都摸門釘！所以今日就同大家推介令一間，同樣都係好出名嘅「萬芳冰室」😍！嚟幫襯嘅朋友仔可能會嚇親，因為呢到經常都會高朋滿座👥，等位就好似食生菜咁平常😌上次嚟就食左必食嘅「生炸無敵大雞脾🍗」之外，原來「鹹魚雞粒炒飯🐟🐔」同樣食到人流曬口水🤤！鹹魚粒雖鹹但夠淋，完全唔同外面食嘅鹹魚硬繃繃！雞粒就好足料，又嫩又滑😋！最重要係呢到廚房雖小，但炒飯十分有鑊氣，水準好高💯！

Hong Kong Style All Day breakfast!!要數我全港最愛嘅茶餐廳，一定係萬芳冰室！第一，常餐超抵食又好味，例如新鮮牛肉通+煎蛋兩隻+勁厚午餐肉x 2+多士+奶茶都係$45！第二，裝修有情懷又乾淨～第三，其他食物都好有水準又特別，而且大份！第四，係唔洗等好耐就有位！——————今次我食咗公司撈面，有成四款食物，每樣都好好味！我再加咗隻炸雞翼，非常脆口又唔太乾身，再加咗支懷舊菊花茶，甜度適中，幾消暑，好滿足❤️

喺呢度叫咗個咖喱薯仔牛筋腩飯大概$55講返個隔離線咖喱汁香濃但係唔係好夠膽可以在難啲另外呢度都幾好牛筋同牛腩比例係一半一半所以我起分量方面我都好滿意 但係可惜嘢飲唔跟餐要另外叫會比較貴

萬芳冰室，相信好多元朗同屯門嘅居民都知道既茶記。通常星期六日都好多人排隊等位食，今次我叫咗個常餐，上餐速度好快，嘢食質素不過不失，但係估唔到佢個通粉幾好食，味道唔會太淡又唔會太濃。佢哋嘅茶水部都做得幾好，值得推介！

萬芳冰室雖然不在旺街，不過晚飯時間總是座無虛席。今天終於有位，一於試一試老字號冰室！！裝潢復古，不過是衛生版（笑）所有食具到枱面地板感覺都很清潔，感覺良好。玻璃枱面下攝滿了餐牌，頓時憶起兒時和老爸去的茶記。選擇甚多，但為免太辛苦（意味不明？）就點晚餐算了。晚餐價位約50～60左右，包餐飲，不算貴了，加$18還可以送油菜和甜品！櫻花蝦沙茶醬餐肉粒炒飯！有點Fushion的意味？飯炒得很乾身，一粒粒，鑊氣十足！沙茶醬香濃，用來炒飯我自己是第一次吃到。櫻花蝦量極多，鹹鮮味十足。自覺鹹鮮的櫻花蝦加上沙茶醬就有點重口味，偏鹹了一點。沙姜無骨雞腿飯，有驚喜！！首先啖啖肉實在是太滿足，份量大，這碟「佬飯」老公超like！沙姜入味，上等之作！餐飲是必須的（笑）沖得不錯，茶奶比例剛好！很少餐室會有中式糖水，飯後就是想吃一碗。萬芳的蕃薯糖水，出品不錯，超級薑超級薑超級薑！驅走最近濕搭搭的天氣！來到這裡記得要試一碗！

好多人去萬方冰室都係為咗佢個超級大大大炸雞比🍗其實佢仲有好多唔同嘅選擇！咖喱牛腩飯或者常餐炒蛋真係唔差😝 好滑好入味！仲可以飲埋冰室一定要飲嘅紅豆冰，帶小朋友去又有炸雞比薯條又有紅豆冰真係開心至極🤪

萬芳冰室.位於元朗嘅萬芳冰室，內外都有一種懷舊嘅味道，餐廳裝潢至侍應服飾都係懷舊情懷，餐廳位置有少許偏僻，仍然不乏支持者。.小妹叫左午市套餐，揀左椒鹽豬扒飯同黑椒牛肉炒意粉，味道足，熱辣辣，係即叫即製的，可見餐廳的用心。.🍚椒鹽豬扒只係輕微炸過，所以冇咁熱氣，會唔會呢種係比較傳統嘅做法？豬扒冇咁香口但肉質腍而有彈性，味道夠濃，就算飯冇加鼓油汁，椒鹽豬扒嘅汁同油份都足夠送飯，另外佢啲飯嘅質感煮得幾好。.🍝黑椒牛肉炒意炒味道很足，比較辣，有鑊氣而且炒起唔會好油淋淋較乾身，比很多餐廳做得更為出色，推介比大家一試。.🥤唂咕係舊式飲品，由純可可粉沖製，所以味道唔會好似朱古力咁甜，飲落有啲苦苦地。.餐廳仲有好多其他懷舊飲品例如薑煲檸樂，滾水蛋， 菠蘿雜果冰，紅豆冰，忌廉溝鮮奶等等