萬芳冰室 (建德街)

營業中

休息中

今日偶然經過元朗，朋友推介萬方冰室，去到覺得門面好特別，有港女最喜歡的顏色，入面大概有三40個座位，位置都算闊落，仲有獨立房，茶記黎講都算特別。我哋星期日大概7:00左右嚟到，唔使等位，直接入就得啦。叫咗三樣嘢食鍋蛋免治牛肉飯、焗鮮茄牛扒飯、仲有焗葡國雞飯。焗飯全部都係炒飯底，好有誠意啊！焗鮮茄牛扒飯真係分量十足，居然有4塊牛扒，完全冇揸流攤。焗葡國雞飯亦都好香，已經好耐冇食過葡國雞焗飯充滿椰絲嘅懷舊味道，仲有啲雞件全部都有薑味，件件都好滑。仲有免治牛肉飯加咗鹹酸菜，成件事變咗好吊味唔會太肥膩。最後值得一提呢度嘅紅豆冰真係好好味，啲冰三角形好似冰山咁插入杯紅豆冰入面，值得一試。