華記潮州滷水車仔麵

呢間車仔麵係唔少明星既愛店❗️終於有機會去試下，佢地好多唔同滷水既餸，中意食牛雜🐮/豬雜既朋友，就唔可以錯過🍜三餸車仔麵 $53(牛肉餅、豬腩肉、生腸、油麵)欣賞佢地啲餸都好特色，三個餸每樣份量都好多吓💯😎，湯底叫全部汁（顧名思意咩都有、腩汁、沙嗲汁、咖喱汁、辣汁🌶️等等🫶🏻），湯底都好惹味，下次可以試中辣😍配料方面，牛肉餅真爆汁💦，豬腩肉🐷肥瘦均勻，生腸夠肥夠入味😋，可以話係大件夾好食之選🐮牛雜河 $48黎到梗係試下佢地既滷水牛雜，揀左滷水加腩汁湯底🍴牛雜好入味，有牛肚、牛肺、牛膀、牛大腸，洗得乾淨無怪味同苦味👍🏻，足料份量多，落埋腩汁更加提鮮，高質牛雜河👍🏻🉐食辣既朋友都可以加佢地個招牌辣油🦐太陽餅(蝦餅5件) $45呢個蝦餅好特別，上下有塊皮夾住蝦膠同有原隻鮮蝦😍出面脆口、裏面彈牙有蝦味，幾好食🤤🦑新鮮魷魚鬚 $52魷魚份量都幾多，用秘製辣醬撈埋，香辣惹味，仲有花生好香口，魷魚好爽口新鮮👍overall:各樣嘢食都好出色，值得大家一試👍餐廳都幾大，而且座位都好闊落，味道同款式都食得出餐廳對食材幾有要求，大家嗎喺尖沙咀想搵車仔麵食，不妨考慮一下…查看更多

發現尖沙咀最近開咗間華記新分店😇暫時仲未算好多人知😁所以唔使點排隊😛而且整體質素同份量😌都比太子嗰邊正，真心堅抵食😍豬雜麵🐷$58麵底揀咗幼麵😌湯底就揀咗重口味推薦🤣即係全部汁都有，仲嗌咗少辣同多湯🤩一上枱已經聞到好香濃嘅味道😇豬雜處理得乾淨，冇異味😙煮得夠淋又入味，而且款式都真係多😝有豬肚、豬耳、豬脷、豬膶😋仲有生腸、大腸、粉腸等😎個湯汁真係好濃郁，確實係重口味之選🙃幼麵掛湯能力唔錯，吸晒湯汁精華，正😍三餸車仔麵🍜$53另外叫咗個三餸車仔麵😌呢個就揀咗河粉😛餸就要咗牛筋、五香牛腩同埋豬腩肉🥰湯底揀咗滷水汁加腩汁😛呢個配搭簡直係絕配😋牛筋煮得夠晒淋，充滿膠質😙五香牛腩入味得嚟又唔會韌😝豬腩肉就肥咗少少，但滷得夠香口😋河粉滑溜，撈埋滷水腩汁真係無得頂😏太陽餅(蝦餅5件)🦐$45即叫即炸，夠晒熱辣辣😎外皮炸到金黃酥脆，入面蝦肉彈牙😝點埋泰式甜酸醬就更加惹味😇新鮮魷魚鬚🦑$52獨特嘅醬汁撈勻芫荽同脆花生😝份量真係多，夾極都仲有😇兩個人share都一定夠食🤩魷魚鬚新鮮到彈牙😛一啲都唔韌，咬落去啖啖肉😍醬汁惹味得嚟又唔會蓋過本身嘅鮮味😊雀巢檸檬茶🍋跟餐+$8Coke Zero🥤跟餐+$8…查看更多

♥ Bob及Man姐佘詩曼都推薦的潮州滷水車仔麵！🍜✨♥✎ (❁ᴗ͈ˬᴗ͈) ༉‧ ♡*.✧
喜歡的話記得like & follow我喔♥
你們的支持對我來說超重要的！「華記潮州滷水車仔麵」在尖沙咀開分店啦！真心好味啊！他們在太子起家，招牌是牛雜麵和豬離麵，主打新鮮的內臟配料，沒有港式芝士腸、午餐肉、魚皮餃、貢丸等配料。車仔麵份量大，平價抵食，每碗都放大量芫荽及蔥，牛豬內臟洗得好乾淨。✨超級推薦牛筋！非常軟腍，入口即溶，充滿膠質～小食太陽餅(蝦餅) $45 都好出色！一定要趁熱食！每塊中都有鮮蝦及墨魚粒，搭配甜辣醬～牛雜麵 $48 包括牛肚、牛膀、牛肺和牛腸，牛腸超肥美啊！
三餸車仔麵 $53
選擇了牛筋、滷水豆腐和牛肚
新鮮魷魚鬚 $52醬汁幾惹味，魷魚鬚啖啖肉
📍 華記潮州滷水車仔麵
尖沙咀樂道36-50號華源大廈閣樓太子界限街34號民興大廈地舖西環西營盤正街40號地舖
.・。.・゜✭・✫・゜・。.#華記潮州滷水車仔麵 #尖沙咀 #潮州美食 #車仔麵 #香港美食 #必吃美食…查看更多

車仔麵都係港人至愛，呢間店由太子分店而家開到全港九都有，絕對係尖沙咀平民飯堂招牌牛雜麵同埋三餸車仔麵。牛雜麵湯頭好清甜而又不油膩，我同朋友都覺得好正！一上枱已經好大碗好多餸，我哋揀咗菜底。另外車仔麵我哋見到因為份量太驚人，湯底有一般嘅咖喱同腩汁，咁我哋就揀咗全部汁，即係所有汁混和一體。另外再叫咗兩款小食太陽餅 呢個太陽餅好似蝦餅，但係佢係用咗一個好薄嘅腐皮包住，所以外面係好薄脆魷魚鬚好有驚喜佢哋舖頭嘅辣椒油混埋一齊食，非常鮮味…查看更多

聽左佢地大名好耐,因為除左有明星介紹,身邊都有d 朋友推介佢地~ 所以上星期同男朋友出開尖沙咀search 到附近有就去試左....位置雖然有d 隔攝, 係樂道個邊既商場,有d 小樓梯先搵到不過幾吸引我既係佢有全牛雜或豬雜既車仔麵款叫🤭仲有得轉菜底或蘿蔔底,如果上一餐未消化晒既/on diet又唔想食咁多既,轉菜底/蘿蔔底都係一個幾好既選擇~!!!同埋佢仲有得轉撈麵底另外叫左佢地既涼拌生腸同魷魚鬚~個人覺得涼拌生腸幾出色~ 好味過連鎖店個個小食😂…查看更多

行到入尖沙咀樂道嘅華源大廈閣樓，真係有種尋寶嘅感覺，係搵食嘅好地方！🇭🇰我哋梗係要試佢哋嘅招牌嘢，樣樣都充滿驚喜：🍽️3餸車仔麵：今次健康啲，麵底轉咗菜底！配料揀咗雞翼、蘿蔔同牛丸。佢哋嘅汁真係靈魂！索晒汁嘅蘿蔔，濃郁香甜又夠入味，牛丸彈牙有肉味！💯🍽️牛什麵：鍾意牛雜嘅朋友仔必叫！佢哋嘅牛什處理得好乾淨，炆得夠晒軟腍入味，有齊牛腸、牛肚等，口感豐富，加埋個熱辣辣嘅湯底，好滋味！🐮仲叫咗兩份招牌小食，真係好難得：🍽️新鮮魷魚鬚：炸得外脆內爽口，魷魚鬚好彈牙，鹹香惹味🦑🍽️太陽餅：呢個係驚喜！蝦餅炸到金黃色，外皮脆卜卜，入面食到啖啖蝦肉，點埋泰式甜酸醬，簡直係完美！🍤飲品叫咗津路烏龍茶同大和豆漿解膩，食完一碗熱辣辣嘅麵，飲啖凍嘢，真係爽！👍…查看更多

今次同大家分享一間響尖沙咀嘅車仔麵店，價錢親民，款式多到眼花繚亂，重點係——重口味人士必試！ 我同朋友嗌咗兩碗麵、兩款小食，飽到上心口都係$200左右，真心抵食。三餸車仔麵 $53餸： 五香牛腩 + 牛肉餅 + 豬腩肉底： 河粉汁： 重口味之選（全部汁落晒！）一上枱就聞到濃濃嘅滷水香味，「全部汁」真係無呃人，撈勻之後每條河粉都掛滿汁，鹹香帶甜，食到最後一啖都唔會淡茂茂。五香牛腩炆得夠淋，唔會韌，有五香粉同柱侯醬嘅香味，好入味。牛肉餅有肉汁，咬落去彈牙，配濃汁一流。豬腩肉肥瘦適中，滷得好透，入口即化。河粉滑溜，索汁能力強，重口味人士必點呢個組合！豬雜麵 $58底： 油麵汁： 滷水汁呢碗簡直係內臟愛好者天堂！豬肚、豬耳、豬脷、豬膶、生腸、大腸、粉腸……真係咩都有，處理得乾淨，無異味。豬肚同豬耳，爽脆有嚼勁，滷水味入到入心。豬膶煮得剛熟，嫩滑唔嚡口。生腸同大腸洗得乾淨，無騷味，大腸仲帶少少脂肪香，正！油麵配滷水汁係經典配搭，掛汁得嚟唔會太鹹，成碗食完超滿足。新鮮魷魚鬚 $52魷魚鬚真係「新鮮」兩個字當之無愧，咬落去爽口彈牙，唔會韌到似擦膠。個醬汁係精髓，撈勻芫荽同脆花生，口感同味道都豐富到爆！涼拌生腸$30份量超多，生腸切得薄身，醃得入味，口感爽脆到「索索聲」，少少辣，好開胃。作為小食或者前菜都非常適合。Coke Zero $8雀巢檸檬茶 $8…查看更多

華記終於去到尖沙咀插旗！🔥新店環境更舒適，但味道依然是熟悉的那個華記！🍜 ✨ 【必試豬雜麵的秘密】：用料超級豐富，包括了豬腰、豬心、豬粉腸、豬肚、豬腸及粉腸等等！湯底香濃而清甜，米線夠滑，把所有精華濃縮其中。豬雜口感鮮嫩，完全沒有腥味！🍢 三餸車仔麵：點了蘿蔔底，清甜多汁。必選滷水三寶：牛膀（厚實入味，口感爽彈）牛肺（綿密鬆軟，吸滿滷汁）、牛脷（嫩滑腍身，齒頰留香），再淋上靈魂滷水汁，這組合無敵！🤤🍤 太陽餅 (蝦餅5件)：熱辣辣的蝦餅, 炸得外脆內彈牙🦑 新鮮魷魚鬚：爽口彈牙，點上華記的秘製醬汁後，瞬間提鮮，味道層次豐富，好食到停唔到口！…查看更多

由於想食滷水既, 於就去咗尖沙咀既華記潮州滷水車仔麵，雖然舖頭細細，但食物幾有驚喜🥰叫左牛雜麵，揀咗幼麵同爽麵，師傅煮得啱啱好，真係爽口彈牙,牛肚滷得入味又夠淋，牛腸清理得乾淨，無異味之餘仲好入味,湯底揀咗重口味汁少辣，濃郁得嚟唔會死鹹，飲完唔口渴👍🏻另外叫咗三餸車仔麵，揀蘿蔔底清甜無渣，豬紅滑溜，咖喱魚蛋夠彈牙，牛小腸有嚼勁,重口味汁果然名不虛傳，味道夠濃又唔會太鹹，啱晒鍾意重口味嘅人,配埋杯海底椰雪梨凍，清甜解膩，同濃味麵食好夾😋小食試咗太陽餅，炸得金黃香脆，入口索索聲，好好味! 涼拌生腸爽脆入味，配車仔麵都幾夾😊…查看更多

今日午餐嚟到尖沙咀覓食，嚟到呢間位於樂道既華記潮州鹵水車仔麵，樓上舖嚟既，地方比較淺窄。掃碼落單，點咗個4餸車仔麵，餸方面點咗牛肺，魷魚，牛小腸同埋豬腩肉。我好欣賞佢地個牛肺同埋牛小腸，入味得嚟仲好有咬口，份量好多，魷魚同豬腩肉就正常，麵府要咗油麵，爽滑掛哂個湯汁，好味，湯底要咗所有湯底加大辣，大辣都唔係太辣，好重口味。整體非常滿意。[米饭]口味：🥚🥚🥚🥚[薄荷]环境：🥚🥚🥚[服务铃]服务：🥚🥚🥚🥚[糖果]性价比：🥚🥚🥚…查看更多

舖頭乾淨企理，坐得舒服。主打潮式滷水車仔麵，湯底同餸菜都做得相當出色，尤其係佢哋處理內臟類食材好細心，絕對係水準之上！🍜 三餸(五香牛腩+雞中翼+豬頭肉) 車仔麵$64滷水汁湯底清得嚟好香濃，飲到底都唔會鹹！米粉索晒啲汁超正～五香牛腩炆得夠淋，咬落去有肉香又唔會韌，五香味同滷水好夾！雞中翼滷得入味，皮滑肉嫩，豬頭肉爽口彈牙，口感似豬耳但更軟熟😋😋🍜 三餸(牛肺+大腸+咖喱魚蛋)車仔麵$64重口味湯底濃郁惹味🌶️ 少辣辣度適中，油麵掛湯能力一流～啲餸都好好味，咖喱魚蛋勁大粒🤩夠辣夠彈牙！牛肺清洗得非常乾淨，滷得軟淋得嚟帶少少嚼勁，吸晒湯汁好正。大腸處理得好好，滷到軟淋入味，乾淨又香口 同濃湯底好夾🦐 太陽蝦餅（5件）$45即叫即炸，上枱熱辣辣！外皮金黃脆口 蝦肉紮實，點少少甜酸醬食更加開胃，一件接一件停唔到口😆🐙 新鮮魷魚鬚 $52食材夠新鮮，魷魚鬚爽脆得嚟唔會韌，配埋微辣醬油好正😍😍…查看更多

普通車仔面我就食得多，滷水車仔面就比較少。今日有同事介紹公司附近有一間，所以收工一齊去試下。一人一碗再加2個小食share😋🍜豬雜面入面有各式各樣既豬雜，例如豬肚，豬腸，豬心，粉腸等等。湯底我叫左個特別啲既，「重口味推薦」，即係所有湯底加埋一齊。本身以為會得個咸字。點知竟然入到口每一種湯底都好分明。重口味的我表示喜歡。🍜滷水汁車仔面滷水汁好香，飲落好有層次，飲得出有唔同既香料味。叫左3個餸：牛腩。雖然唔係坑腩，但係都好冧好入味牛肉餅。好似一粒拍扁左既牛丸咁，食落都幾有趣。牛舌。估唔到佢都可以出現喺車仔面度，仲要係靚位置。有驚喜。🦐太陽餅其實即係蝦餅。入面好多蝦，炸得好香脆。推薦👍🏻🦑新鮮魷魚鬚用少少辣椒油撈過，但係依然食到佢既鮮味。而且好夾脆，應該都真係好新鮮。呢度都可以話係大份夾抵食。全部都好足料好多餸。食左咁多野再每人叫埋野飲每人先around$100😼…查看更多

尖沙咀掃食永遠有驚喜！今次專登去咗樂道呢間「華記潮州滷水車仔麵」，試吓佢哋自選三餸配搭，由湯底到配料都自由配，仲有即炸小食，未食已經流口水～🤤 🔸 三餸車仔麵（油麵 ＋ 牛腩、豬頸肉、雞翼 ＋ 滷水汁） 滷水汁湯底真係無得輸～濃而不鹹，仲帶微微甜香！牛腩軟淋入味，豬頸肉爽口焦香，雞翼滷到一啜就離骨～油麵掛湯能力滿分，啖啜都係滷水精華，超滿足！❤️ 🔸 三餸車仔麵（油麵 ＋ 牛筋、豬腩肉、紅腸 ＋ 全部汁中辣） 全部汁就係滷水＋辣汁＋腩汁混合版～中辣惹味但唔嗆喉，牛筋膠質軟糯，豬腩肉肥香鬆化，紅腸煎到脆邊好正！油麵索盡三種汁精華，味道層次爆燈～🔥 （小食＆飲品） ✨ 新鮮魷魚鬚 即叫即炸！外脆內彈牙，咬落喀嚓聲，點喼汁酸酸哋超開胃～🦑 ✨ 太陽餅（蝦餅） 唔係台中太陽餅～係超酥脆蝦餅！薄身脆口，蝦味香濃，一件接一件停唔到口～🌟 🍹 飲品配咗經典可口可樂同雀巢檸檬茶，冰凍解渴，同濃味麵超夾！🥤 呢間係高質心機車仔麵～湯底濃郁配料入味，炸物新鮮脆口，絕對係尖沙咀隱世美食！鍾意滷水同香口嘢嘅朋友一定要試～💯 #車仔麵 #滷水 #尖沙咀美食 #潮州滷水 #自選三餸 #香港美食 #即炸小食 #濃味之選 …查看更多

平日食車仔麵都會特別留意個辣汁，而呢間位於尖沙咀嘅《華記潮州滷水車仔麵 》個經典招牌滷水汁，以濃郁鮮甜為主打，無論湯底或餸料以及小食✨✨試過一定有驚喜👍🏻！三餸車仔麵 $53～可以選通菜底👍🏻必點蘿蔔超入味，胡椒豬肚丸好彈牙，春卷就正常發揮，另加$2多芫荽🌿分量都唔少！牛雜麵 $48～有齊牛肚、牛膀、牛肺和牛腸，味道濃郁，特別點了米粉吸收哂湯底精華，每一啖都充滿滷水味道😋記住點重口味全部汁，少少辣特別有層次！招牌小食～新鮮魷魚鬚 $52口感Q彈，香辣調味夠哂入味，特別開胃食唔停口😋！太陽餅 $45蝦餅即點即炸，外層金黃香脆，魚肉加上鮮蝦沾上甜甜雞醬，特別惹味👍🏻！…查看更多

今日同老公去尖沙咀買野，距話想食車仔麵，我地就揾左呢間喇💙距話入口要行入大廈中間上樓既我地叫左一個豬什麵一個三餸車仔麵再加2個小食豬什麵叫左重口味汁少辣，個湯好濃郁，好有地道車仔麵口味，好食😋另外叫咗三餸麵，蘿蔔雞翼同豬紅加咗兩蚊要多芫荽，啲芫荽真係多到成個碗都唔夠放啦😂個蘿蔔超級出色，滷水超入味，勁林，仲要無渣架～～～～豬紅又係超級入味，呢兩個餸真係必點呀，雞翼竟然有三大隻，真係好抵食㗎小食我哋叫咗太陽蝦餅同埋魷魚鬚個魷魚鬚又係超級好食，爽口彈牙醬汁甜甜酸酸咁太陽蝦餅係用魚肉同🍤🍤炸出黎，完全唔油，點埋甜酸醬好食整體所有嘢都好出色呀，服務態度非常好我會俾95分呀💙…查看更多