華記海鮮飯店

營業中

休息中

Late lunch at Wah Kee yesterday was laid back, relaxed and delightful.Famished from a morning monopolizing the empty Tong Fok Beach, our plan to lunch at The Riverine didn't materialize as they were closed at 2:30pm. So we ended up revisiting Wah Kee Restaurant, our favourite eat next to the Mui Wo Pier. Al fresco dining with the pretty view of Silvermine Beach can be so addictive. The restaurant obviously has its local fans, there was a continuous trickle of customers who keep refilling the

2個人叫左個2人餐-白菜鮮魷（正常）-菠蘿生炒骨（肉有點梅）豉椒炒蜆（好多空殼，冇乜肉，重點是冇鑊氣）另外我地叫多個椒鹽瀨尿蝦，這道菜真的很差，炒出來冇鑊氣，一拿上手感覺面頭只是暖暖地，食落去裏面d肉竟然是凍的，我地就叫廚房再炒一炒喇，點知炒完出來同未炒都只係熱些少，真係完全唔掂最後埋單總共$307，超唔抵食

和朋友兩日一夜宿舍後上船前諗住來個海鮮午餐作結~未到12點入座,唔駛等位~叫咗:- 椒鹽鮮魷: 味道ok, 不過份量少, d魷魚好細舊...- 辣酒煮花螺: 冇酒味冇辣味,只有黑椒味~ 如果呢味餸叫"黑椒煮花螺"我要畀幾高分~- 粟米班塊: 師傳好刀功,能夠薄砌塊魚到咁0既程度,佩服! 魚好鹹! 個"獻"汁亦超唔得, 多生粉似鼻涕,少粟米,冇乜味...- 煎蠔餅: 能夠0係蠔餅入面見到冬菇,平生第一次見! 明顯係唔夠蠔攞冬菇來充撐場面! 勁!!- 蟹肉雜菜煲: 比較正常的一味餸~- 黑椒牛柳: 比較容易接受,茶餐廳一般貨色~- 揚州炒飯: 無鑊氣,份量超少~ 竟然係第一碟上枱,懷疑係有客柯打咗冇要所要畀咗我地...- 例湯- 雪耳煲豬骨之類: 一般味精湯,ok足料~8個人食咗400幾蚊,唔貴~但我寧願畀多d錢食d好野! 亦無服務可言,叫伙記斟水扮睇你唔到! 最good 0既就係望住個海囉!朋友話之前來過食晚飯唔係咁差,唔知係轉咗手定午巿同晚巿大廚唔同的呢?!不過今次經驗已足夠嚇怕我們了,無下次!

Absolutely our favourite seafood on Lantau for both taste, price and location!From the road, the Mui Wo Cooked Food Market looks quite dismal, but enter on the walkway and you will find tables overlooking the bay. Wah Kee has a bilingual menu, and like all the other restaurants you can see the food being cooked in the open kitchen.The service is fast and friendly as can be expected from such a place - the big surprise is the high quality and the affordable price. We actually find the popular c

我選了288的海鮮餐，蝦還可以，不過小d,每人6隻蟹很小，無肉食。及隻蟹是炸過的因蟹腳趣卜卜但裡面無肉及很咸班腩最唔得，我真是沒估過竟然是粟米班塊的班塊而不是班腩囉，重要班塊個皮好厚。不過好在個味菜好正

與友人一行三人到梅窩宿營, 回程前特地到華記吃一頓海鮮午餐!午飯時間人不是特別多, 我們還可以選擇飽覽超級無敵大海景的座位。我們一行三個女子點了一個二人套餐($14X), 再加一碟豉油王炒麵($3X)。時日例湯: 西洋菜豬骨湯中上, 沒有味精, 足料!分量足以分六小碗。豉椒炒蜆我們點菜後都還不夠五分鐘就上菜!上菜速度極度驚人!!單看樣子已知沒有鑊氣可言, 比普通大排檔都差, 就像是一早炒好然後放在蒸爐上保存溫度很多蜆殼都是空的, 蜆肉亦不新鮮, 豉汁太杰撻撻亦不夠惹味, 所以好失望。菠蘿生炒骨這個味道中上, 酸酸甜甜, 生炒骨不會太肥也不會炸得過火, 菠蘿不酸, 不錯不錯。時菜炒鮮魷時菜是菜心, 菜心很嫩, 魷魚新鮮但不炒得太老!豉油王炒麵味道中上, 不會太咸, 有一點點油膩但可以接受!而且分量頗多, 一碟已可分十小碗左右! 剛看其他食評, 發覺原來這裡有不少人都覺得這個二人套餐不錯!不過如果想食有鑊氣的豉椒炒蜆, 這裡會令你失望; 但海景沒有令我們失望,藍天白雲, 群鷗飛翔, 幾寫意!總結:1. 上菜速度極快!2. 豉椒炒蜆 - 不夠鑊氣3. 其他小菜不錯4. 價錢平可飽覽海景, 賞

黃昏19:00 客人半満,自從有東涌線後,這裡就少人來了,因為從這碼頭走的話怎樣都要先去中環,令行山到來的人都乘車回東涌去了,我們則原本已經打算座船去走,所以在趁8點開的船未到之前還有一小時多,到最近碼頭的熟食市場抱着試一下地道嘢的心態,在這間”華記”座下了,*排骨炒麵 $40 - 很一般的味道,排骨是骨肉比例: 骨3:肉7*西蘭花炒牛肉 $58 - 這個牛肉就交足功課啦,肉很多不過是人做的淋滑效果,西蘭花質地還可以*鼓椒炒蜆 $58 – 蜆肉沒有蜆味只能靠鼓椒汁點來食,不過蜆肉沒有炒過火,所以口感還是滑身的,*椒塩鮮魷 $58 – 比較對辨的菜式,炸得夠乾身, 椒塩分量剛好*海鮮豆腐湯 $58 – 全晚最好的一個餸,有青菜, 炸雜魚柳, 豆腐,湯滾至奶白色,只是魚湯底味未夠濃, 如果可以落多一些魚/海鮮做湯底的話效果會更好不過,一小時內上齊同食齊都算快手的一餐了,味道一般吧今次本來是有照片的可惜電腦故障洗掉了,唯有下次有機會吧

友人S小姐及C小姐相約到梅窩參加天燈大會，中午到步後在碼頭附近的冬菇亭找個地方午膳，最後選擇到「華記飯店」。坐在近海的位置，遠望是一望無制的大海，心情也特別開朗。一男二女食量不大，所以點了一個特價小菜二人套餐($198.00)。先來明火例湯，一般例湯水準，合格有餘。豉椒炒蜆的蜆肉較細小，還好味道足，炒得亦鑊氣，慢慢一細細地發掘，也是樂趣之一。再來是時菜鮮魷，時菜是白菜，夠清甜夠嫩綠，鮮魷新鮮又爽口，整體是水準之上。最後一道是超大路人人點的菜色菠蘿生炒骨，茨汁稠了一點，配料足，主角生炒骨仍帶脆口，只是有點過瘦，肥肉部份不夠。正值開飯期間，一眾友人看見海上有一名滑浪手在滑浪，眼見其只是隨意的轉圈，沒甚麼高難度的花式，一心以為只是rehearse，便把注意力放回生炒骨上。怎知原來這個已是正式表演，看來一碟不太出色的生炒骨比滑浪表演還吸引。

玩完天燈,去左華記食晚飯,都幾多人係華記撐枱腳。望著海景,還能遠眺放天燈,為我倆的週年紀念加添浪漫氣氛。我同男友點了超值二人套餐($140),本來有三餸一湯:豉椒炒蜆,時菜鮮魷,菠蘿生炒骨。不過我地將時菜鮮魷轉左蝦醬菜心鮮魷(無晒通菜),又將菠蘿生炒骨轉左煎蠔餅(加$30)。是日例湯: 幾好飲,應該係瓜煲瘦肉。一人飲左兩碗都未飲曬,份量足夠。蝦醬菜心鮮魷: 蝦醬另上。炒得岩岩好,食曬~煎蠔餅: 幾大份,不過蛋多蠔少。唔係好得。豉椒炒蜆: 辣辣地,幾開胃,食食下先發覺原來都好多肉。比想像中抵食。生果: 套餐有生果附送,兩件蘋果,四件橙,好甜。

城市人出來社會工作時間耐左渾身充滿銅臭味, 身心都感到疲累, 最好就係出外旅行鬆弛一下, 但平時得一兩日假, 最多的選擇是去離島呼吸一下效外的新鮮空氣, 洗滌一下心靈返黎再衝刺. 梅窩是男友最喜歡去的一個小島, 所以今次決定入黎避世過兩人世界.入到來巳六點半, 放下行李係時候醫肚, 入黎之前巳做過功課, 華記和X仔記任選一間, 最後選左靠海的華記, 就咁望去, 以為係一間少少的舖仔, 行入去才知原來一排幾個舖位都係華記, 我們放棄了坐有空調的室內, 選了靠海的走廊, 呢度有幾個唔同的套餐, 兩個二人套餐其實都幾抵食, 但有的我們想食既野並不在其中, 所以我們決定單點, 經過一輪商量, 最後要了: 粟米魚肚羹, 豉椒炒蜆, 漁香茄子, 金銀蛋菜, 等菜時間, 望一下四周, 感覺自己好似坐係船的甲板上, 吹住海風, 讓身心豁然舒暢，忘卻世俗煩憂，全情和愛人渾然忘我地投入二人相對共處的美好時光，在如斯醉人的浪漫美景情調之下，希望時間就這樣停下來，讓這天成為永遠的一天。聽老板娘同熟客的對話, 今晚好似特別好生意, 所以我們都要等好一陣才有粟米羹上枱, 我倆望住那一大兜羹你望我我望你, 足足係八

去到梅窩, 梗係要食海鮮啦!! 見到熟食檔有好多間, 都唔知選邊間好, 就是旦選一間啦!!! 估唔到冇選錯!!!同老公2 個人叫左個2人餐, 見佢$228, 有幾樣野, 以食海鮮黎講唔算貴, 見散叫反而貴, 唔駛諗就叫左個餐........... 例湯 : 唔記得咩湯, 不過好正, 好好飲, 有一大湯碗, 我地仲用黎湯飯 豉椒炒蜆 : 正常size, 唔太辣, 又夠味, 又冇沙, 不過鹹左少少 椒鹽賴尿蝦 : 呢個係加$30轉的, 原本係白灼蝦, 因為老公想食, 而且問過加幾錢, 見佢加$30又唔貴, 當碟蝦黎到果陣非常驚喜, 超大碟, 雖然蝦size唔太大, 一般普通size, 不過起碼有成二、三十隻, 我地見其他人碟白灼蝦仲細碟過我地, 得果十零廿隻, 諗起想黎我地非常抵 時菜炒鮮魷 : 呢個就真係失望, 好細碟, 又鹹左少少, 不過鮮魷多過菜 豉汁蒸倉魚 : 果日得倉魚同紅魚, 梗係選倉魚, 雖然細細條, 不過蒸得好滑 白飯 : 一般大排檔的size 西瓜 : 送的, 不過得4片 呢間招呼唔錯, 可能果陣早, 得六點幾, 唔太多

由東涌出發，行至梅窩差不多已兩點了，大家已筋疲力盡，要補充體力。要了一個8-10人的海鮮套餐，份量十足外，比長洲、西貢的海鮮酒家更有水準。例湯-不太有印象，好像是蓮藕湯，當然味精是不少得的。豉椒炒蜆-沒有偷工減料，幾乎每隻殼裡也有飽滿的蜆肉，有豆豉加辣椒當然是惹味得不停得口。椒鹽瀨尿蝦-雖不是十多吋長的巨型瀨尿蝦，外層是惹味椒鹽，蝦殼炸得酥脆，蝦肉厚實。時菜炒鮮魷-魷魚夠爽口不韌，配角的菜心亦很爽嫩。粉絲蟹煲-是我最鍾意又食得最多的一味，不是蟹吸引我，而是墊底又吸收所有汁的粉絲，仍然保持爽口不腍身，是全煲的精華所在。蒸紅鮪-兩條中式的紅鮪，魚肉結實得來，亦不失嫩滑。沙薑雞-頗大隻的雪雞，大隻的雞肉基本上不會太滑，而這雞肉雖然雞味不夠，肉質算是夠滑。生炒骨-十分稱職，因為做到每件也是骨，可惜甜酸汁既不甜也不酸，而且醬汁較為糊口。肉絲炒麵-入口時有輕微的卜卜聲，脆口非常，做得最好是其芡汁不會太糊口，令人飽滯。蝦醬瑤柱蛋白炒飯-這個是必叫的一樣，蝦醬十分鮮濃，瑤柱份量不少，幾乎每啖也有它的蹤影，飯炒得乾身不油膩，真是值得推介的。最後還有奉送的生果，是新鮮切出來的橙及火龍果，比起浸過糖水的西瓜

星期一, 佛誔假期既中午, 家姐們入咗嚟梅窩,我哋就一行十二人走咗嚟「華記飯店」食午飯,坐底, 唔知做乜勁口渴, 於是二話不說, 先叫咗支可樂, 仲勁快飲晒, 啲餸都未到呀... 差啲想叫多支飲添呀!我哋叫咗勁多餸, 有豉辣炒蜆, 呢個肉唔多, 但味道幾得, 正!椒鹽鮮魷, 即叫即炸, 夠香口, 好味!上湯菜遠蒸雞, 勁鍾意呢個餸, 本身好鍾意食雞, 隻雞唔太肥, 又有菜食, Good!炸大腸, 已經唔係第一次食, 一早知呢度既炸大腸幾好食!腐乳炒通菜, 普通料, 但啲菜夠新鮮!煎蠔餅, 呢個係我指定叫既, 最鍾意食呢度既蠔餅, 唔會太油, 又有冬菇肉, 啲蠔肉又夠份量, 正呀!!魚香茄子煲, 呢個係媽子同二姐夫既最愛, 媽子嚟親呢度都話要叫呢個餸, 我都幾鍾意食呢度既茄子煲, 鍾意佢啲茄子唔會腍晒!不過二姐夫話覺得佢乜味都冇喎~ 我又唔多覺喎.....但二姐夫係上海人, 食開超勁濃味既嘢, 所以唔可以作準...!楊州炒飯, 特別叫畀兩個小朋友食既, 我都食咗半碗仔, 普通咗少少。另外叫咗六個白飲、三支 / 罐汽水, 埋單 $667, 都算好抵食喎!! 質素又幾好, 入開嚟梅窩既朋

$296 set dinner for 5 people, includes:-soup 木瓜湯-豉椒炒蜆-椒鹽鮮魷(由癩尿蝦改的)-菠籮古魯肉-蒜茸白菜仔送生果食物不過不失, 熱的食物從來不會太差是細碟了一點所以要叫4個飯.檯係少, 但staff都無壓力叫野叫做有個view, 望到海灘有人放孔明燈.

去長沙宿營，下午茶時間去了這兒醫肚。點了個魚旦河餐，啲魚旦個樣有點奇怪，凹凹凸凸的，但幾好味，幾彈牙和有魚味，至於啲河粉就認真麻麻，又粗又大條，廿幾蚊包埋飲品，有點貴啦。