華御結

營業中

休息中

作為一個專業打工仔，忙起上黎真係晏晝成日都冇時間食好彩公司附近有間華御結，啱晒我呢啲做起嘢上嚟真係忙到唔記得咗食飯時間嘅OL!今日個雪櫃入邊都仲有好多唔同款式選擇，有一次經過見到係基本上冇乜款可以揀今日揀咗櫻花蝦醬油拌飯^_^原本以為個飯團咁細，櫻花蝦都唔方多得去邊，但係估唔到食落口係啖啖櫻花蝦，而且個醬油亦都唔會話太鹹！最怕食到啲醬油拌飯係鹹到完全食唔到其他味！呢個咁好味嘅飯團就陪伴左我今日嘅OT時間

途徑南昌轉車，見有啲肚餓😋😋但過一兩個鐘又係晚飯時間🤔於是去v walk行下睇下有咩食，主要想睇輕食為主！行行下見到華御結，朋友提過話啲飯團同平時便利店買既好唔同，幾好食同款式多，所以去睇下口味都幾多，睇睇下見到黑椒雞扒併金平牛蒡御結哩個組合平時未見過，有肉得黎又幾健康咁，於是買左個黎試，飯團既飯都幾有咬口，黏黏地，雞肉入味，夾堆牛蒡對我黎講都岩口味，食完都頂到肚餓！另外店內仲有啲日本甜點賣，鐘意甜點既朋友多個選擇！

一直對日本飯團都有偏見, 以為只係一舊白飯包住少少配料, 但一次日本の旅改變咗我嘅想法。幾年前一個人去日本旅行, shopping得太瘋狂, 卡都碌爆埋, 最後果日只係剩返幾百yen現金, 又冇人可以借錢, 唯有去便利店醫肚。日本便利店選擇十分之多, 有便當, 意粉, 炸雞, 熱狗等, 但最抵都係百零2百yen一個御飯團, 仲有好多味選擇, 日本嘅飯團原來好好味, 返到香港我都食過好幾間, 唯獨華御結最有日本の味。今日lunch去咗南昌V Walk食飯, 見到地鐵站一出新開咗華御結, 都忍唔住買返個飯團做下午茶, 華御結有好多經典口味嘅飯團, 今日我就試咗佢期間限定"沖繩風火腿扒玉子", 除咗有厚厚嘅火腿扒同日式厚玉子外, 仲有好特別嘅黑椒沙律醬, 簡直醒神開胃, 下午茶食完充滿精神繼續開會。除咗日式御飯團, 華御結仲有好多日本甜品, 下次一定要買嚟做飯後甜品。