華御結

營業中

休息中

今日同事請左我食華御結既蒲燒三文魚腩，原來都好juicy 喎，因我其實好驚飯團好乾，但估唔到呢個飯團又比到驚喜我喎😝每食一啖都會有三文魚油香，食落去都會食到三文魚有燒過下，佢重配埋甜甜地嘅蒲燒汁好正😋而醬汁我就覺得份量岩岩好，因如再多就可能會反而油膩感重，而且我覺得食呢個三文魚重有個好處，就係可以補充下d omega-3啦😝, 感覺好似好健康添🤣咁我以後就可以多一個選擇，唔洗再只買死一款蛋汁牛壽喜燒啦🫣

尋日晚左番歸，見到華御結仲有少量小食可以買，見到呢個蕃薯超吸引，就一於買黎黎下😍🍠 黑糖蜜蕃薯 $22小編其實係一個蕃薯控黎！好中意啲超甜蕃薯，食完會感覺超幸福😋呢個蕃薯係一道甜品黎，包左層甜甜脆脆既黑糖醬係蕃薯外圍😍就算放凍左我都覺得超脆超好食😚點之望一望….卡路里有成389🤣 好食既野都係有啲代價既😂但不知不覺就食晒落肚了….. 🤣🤣🤣🤣

今朝如常喺V Walk分店買飯團，點知突然見到shuttle bus到，大叫咗一聲「弊！有車！」心急如焚之際，店員姐姐亦超合作以極高速效率幫我整好，比錢、裝燒賣、放晒個餐入袋，仲無漏到比餐具！（太急之下都唔記得咗走餐具🥲）真心盛讚👍🏻👍🏻👍🏻真係好難得，一般舖頭啲服務都係「口頭幫你趕」，但呢位姐姐真係做到嘢！高效率👍🏻👍🏻👍🏻👍🏻（真心欣賞到特登出個post😆）後話：而我又最終成功趕得上shuttle bus😅

安格斯蛋汁壽喜燒 ($20 - $23) forgot exact price, around this range.不嬲都覺得華御結D 料太少，味又太淡。今次趕時間經過買左個安格斯蛋汁壽喜燒，竟然有surprised。入面就係蛋味加牛肉味嘅雙拼御結，食落又乜違和感，可能本身都鐘意食牛肉飯加蛋XDDD有驚喜 所以上來話畀大家知，推介下咯！^_^

呢間專賣飯團既店鋪而家開到周圍都係！但其實就咁樣一個細細既飯團都唔平，十幾至廿十蚊不等，但唔係話特別好食，作為一個女士既我都覺得一個當小點唔夠食🙄如果係男士既話....我諗起碼都要最少三個🤣大家為左銀包著想，買之前要三思🙄

早餐食華御結已經成為日常，有人覺得呢度既飯糰幾貴下，我唔否認；但質素真係有保證，味道好食，飯粒唔會雪到過硬，紫菜一定係脆卜卜，而且有唔同口味，每款口味都好獨特。而家早餐仲新出了set, 有飯糰配燒賣加飲品。重點係：方便！唔同地方都有分店，真係日日早餐都唔會厭。今日經過呢度，原來又開左新分店，咁岩8月又有新產品，我想寫下呢件產品！沖繩風火腿扒玉子 （30hkd）當然，講白d，其實係mix左香港風既珍寶日式飯糰！唔好以為30蚊好貴，真係好大舊，大舊到當一個lunch都得。火腿扒，即係午餐肉，厚身而又充滿油香，加上日式玉子，教我如何不愛上它～原來呢個珍寶飯糰有唔同口味，等我聽日再試下其他先！

一直買開華御結既飯團做lunch 今次試下我味食過既味道先 一向都要買兩個先夠飽肚 今日就簡左芥末章魚（$16）🐙 入面同佢所講既選用爽口彈牙 熟章魚一樣 帶有點點咸香同彈下彈下既口感 加上佐以芥末醬汁都會帶上小許供鼻刺激得黎 幾惹味另外 為左補充蛋白質 買左一盒鹽燒鯖魚（$22）包裝好細心貼上魚骨注意 ⚠️細心位值得加分我就最怕肚腥味 但呢個入口 一點腥味都無仲帶出炭火香烤既味道 配上幾條蔬菜 平衡左今日既營養需要再加上華御結既產品一直係低卡之選 減肥既姐妹 可以多個選擇啦

輕食又飽肚最好嘅選擇都係華御結，喺正商場出入口好方便，趕著出去做野，無時間坐低食飯，揀返2個又當一餐！今次買左一個飯糰一個玉子！鹽醬雞腿肉飯糰感覺好健康，入面有件雞腿肉，雖然話係鹽醬，但唔會好鹹，連埋飯食味道就啱啱好！好鍾意佢地個包裝，好易包到，唔怕紫菜會淋曬，咬落去仲係脆嘅！厚切一口玉子燒真係好厚切，食落啲蛋好軟身，好似有啲空氣感，會蛋味，甜甜地又有啲濕濕地嘅感受，份量都幾多下，所以食完都幾飽肚下！

係office叫外賣都食到厭，今日lunch hour想搞下新意思，於是就走左落去搵下有咩食，本身想食下碟頭飯或者飲茶，但早餐食得太多野，食到個人都有小小滯，所以見到啲舖頭排晒隊就唔排了，突然落到地下果層見到呢間華御結，華御結價錢唔算貴，大部份都係廿蚊一個，即使肚餓買幾個都一定食得夠飽，唔會令我失預算，跟住今日咁岩飽飽滯滯，最岩就係買翻個填肚就算，估佢唔到真係今次揀呢個鹽醬雞腿肉都幾好食，呢個鹽醬雞腿肉味道夠惹味又夠份量, 同呢度紫菜每次食都係脆既, 而且加小小豉油就已經超正，幾岩填肚的架。

我係去番工途中想買啲野食但又唔知咩好，突然見呢間華御結就諗住食小小野再番工11點幾去到見到都好多野都上晒架，職員同我好多都係岩岩上架好新鮮架，佢仲好細心咁問我要咩跟住佢就直接推薦左幾款畀我，之後就直接去左畀錢雖然一個飯團雖然廿蚊但唔係貴，但係都幾足料。今次係華御結職員就推薦左照燒三文魚扒呢個食照燒三文魚扒啲料都係真係幾多料。食落係幾香，加理沙律醬就令件事更加完美了。食完之後都有睇下個個成份表，原來華御結都幾健康的，有時買黎食下都幾開心,起碼唔會怕唔健康。

係華御結黎香港之前，很難找到高質飯團，只能在便利店搵到又凍又硬既飯團。現時華御結分店數目都足以可以每一區都搵到佢，多為地鐵站 或者人流多既商場平日返工無乜胃口，都會傾向買一個當早餐或者午餐，價錢都大眾 $16-20左右，我自己最鐘意就係 玉子 同 三文魚。呢一兩個月就有新產品：珍寶系列，價錢大約係細飯團既double，但舊餸就肯定多過普通既double。暫時兩隻口味選擇：雞扒牛旁同火腿玉子，希望之後會有多啲口味。

今日少少餓 就嚟咗華御結食嘢 嚟呢度首選當然係要食個飯團 今次揀咗紅蟹沙律 味道都唔錯 見到入面都有一啲蟹肉 而且沙律嘅味道撈得啱啱好 唔會太甜 亦都唔會太多醬 同埋好重要嘅係佢嘅飯團 入面啲飯唔會好硬 食得出係新鮮嘅飯 唔係雪咗好耐 所以好好味😍超為食嘅我又點會只食一個飯團就收手呢 所以就買咗一盒甜品 我就係黃豆粉黑蜜蕨餅啊 28蚊都幾大盒 食落好彈口 黃豆粉完全地覆蓋曬成粒蕨餅 而且味道調得剛剛好 唔會太甜 我差少少就一個人食曬成盒啦🤣

相信很多人都曾經吃過華御結的食物，我自己也是華御結的小粉絲，除了價廉物美，亦很方便隨手就買得到飽肚的小食。當然飯團也是必須點的，這次買了這個黑椒雞扒併牛蒡。果真很入味和飽肚感不足。而且這個組合的飯團不常見，所以可以嚐一嚐。而湯是豬肉口味的，除了味道濃郁，吃完飯團，喝一碗湯是最好不過的選擇。最後飲料是我最期待的，蘋果汁還是我的最愛，這個蘋果汁是有三種不同的蘋果所組成，包括是紅蘋果，青蘋果，金蘋果，分別把三種蘋果的濃縮液加在一起，所以味道會偏酸一點，所以很醒胃。

剛遷到南昌，同老婆周圍行，熟識環境，行到V Walk商場，就同老婆走入去消消暑，環境都算大，冷氣尚算足，非常舒適，行咗一陣，經過華御結，入面有很多輕食，老婆喜愛福餅，就選了艾草大福。而我就選了安格斯牛蛋汁壽喜燒作為輕食，老婆太喜愛艾草大福，急急拆開，聞到輕輕的艾草香味，老婆遞給我咬了一口，質感軟滑，甜味可接受，而我都拆開壽喜燒，食落紫菜很脆，咬落飯軟而有咬口，內裏肉夠多，飯粒粒分明，真的很不全錯，三扒兩撥就食完，下次再揀第2款試下

As a frequent on-the-go lunch grabber, this place is a godsend. Located just around the bend from my office I went by one day in a rush and grabbed one rice ball and 1 dessert. I ended up getting the six-grain konbu rice ball as well as the red bean mochi. Both were not only filling, but absolutely delicious. The rice ball was very flavorful and the texture from the different grains gave it a very pleasant chewing experience. The mochi was also great, lots of sweet goodness inside and the textur