華嫂冰室 (皇廷廣場)

營業中

休息中

星期六早上難得華嫂唔多人排隊！即係坐低食反個早餐先我揀左新鮮牛肉腸仔配一丁麵朋友仔都係新鮮牛肉配米粉轉蕃茄湯底牛肉冇呃你係新鮮牛肉，岩岩好，仲食到有薑既味道，蕃茄湯底好夠味，唔太酸，好開胃最後點少得飲番杯奶茶咖啡，keep到水準！正!

華嫂係我小數食過好食返轉頭既餐廳早幾年 特登朝早6點半起身 由馬鞍山搭2個鐘車程入去一嚐究竟事隔多年 華嫂已經開左幾間分店～每次必食菠蘿包雖然都好食 但係已經冇咗朝早起身排隊嘅衝動。

朝早10點幾經過觀塘。。。就專登行去睇下華嫂多吾多人，因為平時中午經過，次次都排曬隊。。。所以今日見到冇人排隊喎。。。即刻走入去試下喇早餐時間原來都冇早餐賣既，佢開朝早8點到中午5點。。。(仲只開星期一至五) ，全日都係只可以散叫 ，冇任何餐既我一直都想試下佢d 豬扒同番茄湯底，所以叫左個番茄豬扒湯通粉 同一杯凍檸蜜個湯底比我想像中更重番茄味，有d 甜甜地。。。就咁飲都好好飲喎。。。豬扒都好香煎香既味道。。。食物黎講有90分，但環境就有d 迫下次如果經過吾洗排隊既話。。。一定會再食埋佢個冬陰功同喇沙湯底既

好耐之前已經去過華嫂冰室，但真係多人到爆個時好似係星期六黎既等左成粒鐘先食到個茶餐廳好似好唔化算咁！但係我老公實在十分欣賞華嫂既喇沙，所以忍唔住要再去襯放平日假，星期三11點令就走左去食果然真係唔需要排隊，好開心呀食到十二點到已經見到出面有人排食好西早d起身避放飯時間好重要！今次主力要食喇沙！我同我老公都超鍾意喇沙的之前係新加坡食過係香港真係好難搵得返個種味道華嫂既喇沙係其中一間我覺得接近新加坡味道的！上面張相係雞翼喇沙，惟一要彈既就係瑞士汁雞翼同喇沙味好似有d唔夾，一個甜一個辣不過分開黎講，隻雞翼係好好味既，入味得黎又好淋而喇沙呢，就有好濃既椰汁香，帶有少少微辣，不過新加坡唔同，就係少左dd海鮮味但係香港黎講，呢個價錢（～$50）呢個質素已經好難得老公叫左肥牛喇沙好夠料！肥牛配喇沙比較match，不過我都係鐘意食雞翼多d我地仲叫左配喊檸7好好飲呀香港唔多地方仲有傳統既喊檸7飲係咁熱既天氣，真係好爽皮是次心得，要去華嫂真係要揀岩時機咁樣就可以唔駛排隊又可以食好西啦

到底華嫂點解叫華嫂其實我都唔知哈哈 雖然觀塘好多出名既工廈，好多搵食攻略，但都無阻大家係大街上等待華嫂既心情華嫂出名茄牛通、菠蘿包都叫左茄牛通顧名思義，係濃郁蕃茄湯、配上鮮嫩牛肉一啖啖「好茄」既感覺、中意食蕃茄酸酸咸咸感覺岩哂、配埋牛肉，perfect match菠蘿包入面唔只係牛油、仲有蛋同蕃茄、罪惡感減倍。脆皮加上內餡，好過癮。- 一定預左等位同搭台，但值得！- 一個人一碗粉+個包岩岩好，但建議細食既人可以一人一粉包叫佢斬一半share

華嫂冰室出名等好耐先有得食因為D野巧巧味（聽聞) 上幾個星期就走左去觀塘間華嫂挑戰下我知道lunch 時段多人所以係lunch 尾聲時段先去聞名不如見面... 差不多成兩點都要拎飛好彩等在半個鐘就入到去可以接受laaa我睇左餐牌好耐都唔係好明☹️☹️最後個湯底叫左芫茜皮旦湯叫咗餐肉同雞翼啲餐肉係超級大件同厚切嘅啲雞翼都係帶帶隻同埋蚊到好淋正呀😊其實我係唔識芫荽嘅但係做湯底嘅話都冇問題佢嘅芫荽真係好多都唔好足料！另外仲叫咗個奶油多啲牛油係勁正嘅完全係肥死人系列總結就係唔好喺繁忙時間去咁就坐得舒服等又唔使等得太耐

上次想食因為見到門外已人頭湧湧大排長龍....今天路過得幾位排隊..就等一會，好快已經安排入坐..這裡即製三文治一向有一手！來一客「芝士咸牛蛋多士」！多士麵包漢得鬆軟..芝士半溶解！一咬拉絲！可惜蛋與鹹牛肉都下得不夠多！令人有點黯然！而雞蛋的味道比外出茶記普通的炒蛋來得更濃郁加上鹹香的碎牛配料...那麼好吃啊！朋友食餐蛋麵，小弟眼見都不錯荷包蛋 - 煎得外觀亮麗下次經過再會光顧這就為周一早上來個好開始。

幫襯元朗已經好幾年前，其實都開左黎觀塘好耐，但一直未有去試，一黎之前唔係香港，二黎其實佢收得好早，我放工既時間佢已經收左，星期六又太多人，難得收早，本身諗住食一間米線店，但都係趕唔到佢收店前食，於是經過華嫂，難得佢冇人排隊(下午4點幾)！加上得一條友易有位，一於入去食個久違冇食既菠蘿包!招牌菠蘿包 $20塊牛油大到超級邪惡！煎蛋仲有少少流心，菠蘿包有烘過，帶微甜，甜度剛好，但食落去冇我第一次係元朗食咁驚艷既感覺，可能個包細左少少？我中意食好大個既包，整體都覺得元朗既整得好食啲樽裝凍奶茶 $22其實都幾貴，店內有平時杯上既奶茶(仲要平啲)，其實我就唔係好知兩者有咩分別，貴左係包裝上？定係有唔同？呢隻樽裝就茶味較濃，唔算好滑，飲落比較澀，奶味較淡，都算係傳統茶餐廳既口味如果係幾年前元朗等左成２小時先食到，比起今時今日開左幾間分店又唔洗等，其實服務方面係進步左，起碼「體恤民情」，唔洗食客待得咁慘，不過可能都係元祖老店有風味同水準最正宗？

今日放假，特登出觀塘同要返工的朋友食lunch，佢選了華嫂，心諗又要排好耐啦！食飯時間，等了大概15至20分鐘到。一心想試我朋友話必食的撈米線，因為之前係總店食的時候見唔到menu有，就心諗一定要試下呢個必食的，點知因為人手不足，今日唔買，太失望了，姐係叫我下次要再排過啦！叫了招牌菠蘿包+咸牛肉豬仔包+厚牛油多士+豬扒蕃茄湯米線招牌菠蘿包：個包唔算係熱辣辣個種，蛋就煎得幾嫩，對我黎講唔算必食。咸牛肉豬仔包：上次已愛上，豬仔包熱辣辣，好鬆軟，咸牛肉加芝士再加沙律醬係絕配。厚牛油多士：朋友想試，點知係驚喜，厚多士夠熱，將入面的厚牛油溶溶地，勁好味，但又好邪惡。豬扒蕃茄湯米線：豬扒鬆化，蕃茄湯濃郁，加埋滑滑的米線，真係絕配。味道：4/5抵食：3/5回頭率：5/5

以前聽元朗好出名但我太遠😫所以知觀塘開咗一直都想試，但當然啦長期多人😩但好在佢都可以有得外賣！等20分鐘到見啲人就拎走今次我早上食，所以好好多，基本即刻有位。因為我一個人😂有時覺得一個人嘅好處可能係唔駛等位，但真心我鐘意同朋友食嘢多啲，因為美食係要分享😂😂😂平日我唔點飲奶茶，因為人哋話會上癮我好驚，但聽講呢度奶茶好得又唔算大枝就要咗枝！最後走飲唔哂都可以拎走。但我唔太識欣賞奶茶嘅人只可以話唔難入口😂但對於勁鐘意奶茶嘅可愛好好味吧！我最要賺係佢個菠蘿油呀！真係超好味，汁料都非常夠，我覺得真心要試呢個，仲要成個拎住嚟食！大家想去又唔想排就早啲去啦💓下午驚排得耐

咁啱係佢收工前半個鐘去到 （佢開08:00-17:00）叫左招牌咸牛肉芝士蛋朱仔包同熱奶茶個包烘過，芝麻味香個芝士熔熔地又香但唔會太鹹蛋脆邊有蛋汁，加埋個熱辣辣既咸牛肉好正🤤熱奶茶香濃唔錯😋 （但好似凍奶茶出名d?? 下次要試埋👍🏻）難得個廁所仲要幾乾淨，真係唔錯！

正所謂有人排隊既地方就有好嘢食。每次行過都有勁多人係門口等位，那就算吧！今日三點幾行過居然唔洗等，但都只係攝位。😅終於可以試到了。我叫咗鮮牛肉米粉（聽到同枱個大叔話好吃）和凍奶茶。牛肉鮮嫩可口，米粉唔硬又唔會碎濕濕，果然好好味，杯奶茶茶味夠濃，奶較少正合我心意！一路食都聞到隔離啲芫茜香味，早知我都加8蚊轉皮蛋芫茜湯底啦！見到人地個招牌蛋沙律多士都好正咁，下次我都要試試。埋單時見到又有十多人等位。😑

係觀塘翻工咁耐，其實華嫂一直都係樓下，不過每次經過見到咁多人排隊，就無心情去食佢真係好想問下啲同事，究竟係咩原因令你排咁鬼耐都要食佢，係愛丫？定係責任丫？最近終於揾到個無乜人既時間去試下，喂，又真係唔錯喎入到去，雖然少左人，但都係空間有限。由於平時早餐好多時都食麵，所以今次揀左米粉所向無敵餐蛋米，加多個熱奶茶食物方面，呢碗野都真係幾 所向無敵 既，外觀，味道都非常唔錯，剩係塊厚切餐肉已經值得其他茶記仿效，仲要搭多條菜，仲想點丫飲品方面，小弟一向愛飲奶茶，呢杯野係堅好飲，出面既茶記好多時飲落都有d涼茶味，但呢杯係無既，仲要滑，飲完當堂開心曬，十分值得推介整體而言，華嫂值得一去，推介比係觀塘翻工既各位

其實我已經光顧過呢間華嫂好多次，次次既食物質素都唔錯。可惜佢地既服務一般，出餐速度時快時慢，而今次我同男朋友一齊用餐，男朋友既豬扒烏冬唔洗10分鐘就上左，而我叫既肉眼筋雞翼煎蛋米粉足覆足等左半個鐘！ 係等左20分鐘既時候，我地同其中一個男服務員講：我地碗麵等左好耐都未有，可唔可以跟一跟？ 個服務員只係拎一拎起張單 求其睇左一眼hea： 排緊隊，等等啦！ 之後完全冇跟進過！過多幾分鐘，我地再向另一位女服務員講我地既情況，女服務員既態度就好好，即刻幫我地跟進，過左大概8-10分鐘我碗麵終於到！而女服務員前後不斷都有講到唔好意思！一直華嫂都有好多人排隊，我覺得主要既原因唔係因為佢地太多人食，而係佢地出餐時太多甩留，導致好多食客都要等同行既朋友/同事既餐，導致遲遲都交枱，出面排隊既食客繼續排隊，我認為佢地應該要改善一下佢地既出餐既準確度，同某啲員工既服務態度！

餐廳位於敬業街，不近APM, 要步行差不多10分鐘。大熱天時的天氣下，真要好好想想還要來嗎。抱著期待的心情試呢間有名的芝士咸牛肉朱仔包，在門外等位期間，看看餐牌，原來餐牌只有一個，沒有套餐，飲品要加$11一杯好吧，心想就試一次看看有多好味！從門外望入餐廳，內裡座位不太多，十分擠擁。環境裝修也一復，感覺跟普通茶餐廳冇分別。剛好有人埋單，下一張應該輪到我吧！誰知門口的收銀突然說截單，今天要收舖了，她的態度十分差，在門外苦等最後竟然是「截單」。