華嫂冰室 (皇廷廣場)

營業中

休息中

前幾日同男朋友特登好早去排華嫂，早到都大概等左半個中。入到去叫左個招牌菠蘿包。菠蘿包好鬆化，裡面d 蛋、番茄都好新鮮。比起其他地方既菠蘿包得d牛油普通又無新意好唔同。冰花奶茶好香濃好滑，d比例好完美好好飲。

聽聞華嫂靠著fisherman lok既名氣由元朗殺出市區 每逢lunch time 都大排長龍今日襯住同男友一齊放假就專登去觀塘一試華嫂既招牌唔知係我地都唔熟觀塘定點啦 我地都認為佢個位置都幾隔涉 係地鐵站行左15-20分鐘先到一到就見到長長既人龍 好在既係我地都岩岩起身未有胃口住到我地既時候都已經係一個鐘後 我地都餓喇呢個麵係寫左係餐牌個配搭係set死既 我地諗應該係推介野所以一試 結果真係唔錯 個湯好濃 個冬蔭公堅係有d置身泰國既感覺 酸酸地 幾開胃 又唔算太辣 而佢預配既米粉的確同冬蔭公幾夾 因為麵幼做到少少掛湯既效果 肉眼筋又好林 但同雞翼一樣唔太入味 而呢個招牌菠蘿包相信黎過都一定會叫 佢個菠蘿包做得唔錯 上面個皮夠哂脆又唔會散 個包又夠熱 蕃茄亦幾新鮮 幾樣野分開黎食應該係唔錯但夾埋一齊就有種講唔出既怪幾樣野個味可以話係完全唔夾 我真係完全唔識欣賞呢個招牌菜我始終都係傳統菠蘿油既粉絲！

記得第一次食華嫂係朋友帶我去入元朗食，一間村屋一樓有著自己的店面，好多人專登楂車來食.今次決定要試下市區嘅華嫂究竟有無元朗咁地道.必點🌟招牌菠蘿包好多時候我地係出面食嘅菠蘿包係無餡嘅，咁食落去太甜，華嫂嘅菠蘿包加入雞蛋、番茄可以中和菠蘿包的甜味道.絕對係獨一無二.二就係要推薦雞翼肉眼煎蛋冬陰功米線.本人嗜辣如初戀，喜歡的不得了.再加上我最愛的米線...雞翼係滷水雞翼，d骨一下就除到，可見滷的時間充足 唔會食到周圍都係.雞翼用醬油一些香料滷過分外入味.總得來講味道無太大分別.觀塘近市區會比較方便d

星期六要去觀塘整野，諗起好耐無去個華嫂食野，以為星期六朝應該無咁多人，點知去到都係排大隊，好彩大家都食完好快走，所以都好快入得！今次無點到蕃茄湯，因為想食莞茜清下熱氣，又想食咸牛肉，所以叫左個雙拼！隻雞蛋好吸引，太陽蛋蛋黃好靚，好完整擺係上面，而咸牛肉煎過就香口，湯底雖然材料豐富，好多莞茜同成隻皮蛋，但個味都淡左少少。秘制撈米線酸酸地，好開胃！同埋米線都偏凍，青瓜、餐肉、紅腸同豬扒同個汁加埋好醒，個味有d川菜feel冰花奶茶即係奶茶沙冰，幾好飲，不過嫌貴左dd!另外飲左杏霜，好耐無飲，又唔係間間都有，好開心呢度有！

外賣三件飽，等成25分鐘，最後一句「唔好意思」「對唔住」都無。仲要一早出左兩件⋯⋯⋯咩都凍晒啦⋯⋯見住同時入堂食嘅都已經食左一半，見到都嬲！！食物再好食也沒用！

呢排天氣冷左 個人自然就想食多啲野啦 食完lunch之後都想有tea time咁樣 加上成日聽同事話華嫂既包有幾好食咁 所以就買左黎食我買左個招牌菠蘿包同冰花奶茶 個包好大份好足料 十分好食 比起一般冰室or茶記都更加有口感同清新而奶茶都好夠味 茶味夠重 唔會得個甜字 而且好夠凍 真係有碎冰係到 好鬼好飲係觀塘黎講 之後我一定會keep住買黎食

華嫂都出咗名係食佢個招牌菠蘿油，不過佢以前得一間鋪頭就係喺元朗，仲要朝早一早就賣晒，基本上都冇乜機會試到記得有一次朝早入到元朗入諗住去試下呢一個招牌菠蘿油，但係佢話已經冇晒喇。所以當時就冇食到，終於佢係觀塘開咗間分店而且唔係淨係開朝早，終於有機會試吓我哋嚟係下午茶時間大約係三點幾，去到有廿幾30人排緊隊，好想試就唯有排啦，大約等左九個字終於入到去，排嘅時候係好肚餓除咗佢個招牌菠蘿油之外，我哋仲叫咗熱奶茶，因為冰室嘅奶茶我相信有返一定嘅水準先講招牌菠蘿油，個賣相就非常之吸引，佢個菠蘿包真係好脆口好食，入邊夾住一片牛油 蛋同埋蕃茄，食落去個口感算係豐富，不過個人覺得佢呢幾樣野加埋個味道其實唔算太夾，其實佢個菠蘿包做得咁脆，我會覺得就咁食菠蘿油會仲正！

今天特意在星期六去華嫂吃個午餐，以為星期六會比較少人，怎知道當天還未到12點，遠遠看到我就知道我的期望落空了，人山人海；不過我没有氣餒，排隊等吃飯是香港人慣有的特質。過了差不多一個小時的煎熬後，我才可以如願坐下，我點了蕃茄湯豬排米粉和菠蘿油，没有等很久食物便上枱，濃郁的蕃茄湯，入口鮮甜，没有太酸或太咸，滿腔的蕃茄和忌廉香味，確是回味無窮。豬排煎得恰到好處，外脆內軟，每一口都是滿滿的肉汁，油而不膩，大推。波蘿油皮脆，內裡鬆軟，中間放著兩塊邪惡極了但又抗拒不了的牛油，一口接著一口，這是停不下手的節奏。

今朝十點幾同朋友食早餐, 食咗半個鐘頭到, 我個friend佢好肚餓所以好快食完. 但係我仲食緊,食淨4分1, 一路食一路同friend傾偈. 跟住個staff竟然突然間收曬我哋啲碗！ 問都冇問過！ 就咁攞走咗！ 好似想趕走我地咁！ 咁我都費事阻住你哋,攞番碗麵！不過店員的服務咁差, 一定冇下一次! 態度已經唔係特別好, 無啦啦收咗人哋未食完嘅嘢真係太離譜!!!

今日嚟到華嫂冰室，下午茶時間入到去見到幾乎滿座，我哋叫左佢嘅招牌菠蘿包，好邪惡好好食，好足料，對一個女仔來講其實食完都飽，但係後來見到佢個餐牌仲有個招牌三文治都好吸引，所以都決定叫埋，三文治都好好食👍🏻👍🏻！

今天下午到觀塘跟舊同事吃飯，突然想起邪惡菠蘿油，便提議去吃華嫂冰室。沒想到那天未夠12時，華嫂冰室門外已經出現了長長的人龍，受歡迎程度簡直是有目共睹。等了大概15分鐘，終於可以進去坐下，我和朋友每人點了一份粉麵午餐。我的是清湯豬扒米粉，麵條爽口彈牙，豬扒入味，口感也不會過韌，不錯。朋友叫了一份芫荽皮蛋湯底的豬扒通粉，香濃的芫荽味遠遠已傳出，相信芫荽愛好者一定會喜歡！重點當然是我期待已久的招牌菠蘿包。菠蘿包入面有一塊厚厚的牛油、煎蛋及番茄，一口咬下各種食材真的很爽很邪惡！

黎開觀塘就會去華嫂冰室，食個包飲杯奶茶，食過佢招牌菠蘿包必定會忘不了，個波蘿包睇落好簡單，食落好唔簡單🤤🤤當初我就係俾佢個招牌菠蘿包吸引左🍔首先第一款係招牌菠蘿包麵包皮鬆脆配搭番茄雞蛋牛油，口感一流🤤🤤第二款係招牌芝士咸牛肉蛋豬仔包當中嘅咸牛肉好爆滿，配搭芝士加豬仔包，味道層次豐富，好獨特😋😋第三款係招牌蛋沙律多士，有啲似公司三文治，本人好喜愛食蛋沙律，呢個配搭好新鮮😍😍最後當然要叫埋杯奶茶，配搭埋華嫂冰室嘅奶茶，絕對係一種享受🤣🤣🤣

中學時期因在元朗返學的關係，已經是華嫂冰室的忠實粉絲，一枝樽仔奶茶 + 煎蛋厚油波蘿包已是我每天返學的動力，奶茶茶味香濃，真系醒腦又提神，煎蛋厚油波蘿包皮脆脆的，牛油及雞蛋香味四溢，正值發育時期的我，經常會忍不住叫多份狼㖔，畢業後在灣仔工作，經常記掛著人妻（即系華嫂，嘻嘻！），但上天真系對我不薄，華嫂冰室終於在灣仔開分店，可惜時時刻刻都排長龍，等半小時是閒事，得四十五分鐘午飯時間的我，近水樓台都得不到月，媽呀！

下午茶黎食，食到一半就叫人埋單行出去埋完單轉個頭就見到收哂我啲野，不知所謂，垃圾餐廳！以後都唔會再黎食。得個名，野食又唔係真係咁好食。好嬲呀！！！！！！！！！！

門口大大幅圖寫豬扒蕃茄湯通粉 豬扒幾入味，唔錯但蕃茄湯底麻麻地，蕃茄味唔夠濃不過飲完佢杯冰花奶茶($20 ，加配$17)，覺得好正因為冰冇溝淡奶茶味，而又可以keep到凍，好想黎飲多次今次轉食雞翼冬蔭公湯底配米粉，都係飲冰花奶茶碗湯一上黎 就有陣濃郁既冬蔭公味 配埋莞茜，仲香先飲一飲個湯，辣得黎好野味個冬蔭公湯底好得!!!配埋米粉，好爽口，又掛到冬蔭公汁雞翼係鹵水醃過，ok wor! 個冬蔭公湯真係有點辣，如果好怕辣，可能轉第二隻湯底但如果可以嘗辣，不妨試試冬蔭公湯底，比蕃茄湯出色好多最後歎返啖冰花奶茶，無得頂!