華嫂冰室 (蝦尾新村)

營業中

休息中

自從轉了新地址後，一段時間沒來了。今次點了番茄雞翼豬扒湯麵配招牌奶茶嗯。味道依舊，雞翼香脆，奶茶甜度岩岩好，店內明亮整潔，服務員親切。店內露天位置較多，亦貼心地提供坐位給等候食客。

難得平日放假，一起身捉男神陪我去嘆個靚早🤗 揸車來好方便，就在門口可泊車😌「碎蛋沙律三文治」外層好脆口，碎蛋沙律新鮮😍「豬扒雞翼蕃茄通粉」豬扒鬆軟有香茅味👍🏻，滷水雞翼入晒味👍🏻，再配上香濃蕃茄湯底(略帶薑味😏）好味😋「話梅柑桔水」熱熱地既天氣，這杯冰涼解喝飲品，幫了我不少😉備註：🔺揸車來好方便🚙🔺平日來好好多👍🏻 人流不多，重點不用等位🤩🔺我發現…每次來都是食這些😸

今日帶埋狗狗出街想搵一間可以帶狗隻入去食嘅餐廳，由於住喺附近，所以我哋就選擇去華嫂。仲有今日係閑日，相信會容易等位，我哋知道星期六日華嫂呢度一定係排晒隊。果然，我哋到咗之後，等咗一兩張枱就有位。我哋嗌咗個鹹牛肉豬仔包，外脆內軟，啲蛋炒得好鬆軟仲有蛋汁，好食！兩碗湯麵都係皮蛋芫荽嘅，個湯底好鮮甜，芫荽又夠多，份量非常之大！原來食到最尾係食唔晒，因為佢好足料皮蛋有三大件，食唔晒！整體係好食嘅，不過如果天氣太熱坐室外有啲滴汗啦！

到埗時，招牌菠蘿包已經售罄了！不要緊，那就來一個芝士咸牛肉蛋多士和招牌芝士咸牛肉蛋豬仔包吧～老實說，這兩個品項都沒有很特別，奶茶也是不過不失，不過用餐環境寬敞，如果順路經過或者住附近，可以光顧。

搬左新鋪試試佢新鋪比舊鋪地方仲遠左，相對無咁方便。星期六下午茶時間都要等位～15分鐘　地方大左，位置多左，坐得舒服，但同樣地始終係戶外地邊，食緊時不時會有烏蠅飛。招牌芝士鹹牛肉豬仔包$23味道一樣，一樣出色，包皮脆，份量多，芝士加鹹牛肉正流🤤🤤豬扒雞翼蕃茄湯米線$53湯底依舊濃郁有蕃茄粒，夾起一住米線都會掛到湯。雞翼入味（瑞士味）得黎又夠淋但又keep到唔爛😍😍豬扒就正常煎魚餅$40$40有8塊 味道岩岩好，煎到好香口，條邊脆脆地，size略為小所以覺得價錢略貴雞翼煎蛋肉眼筋冬陰功米粉$57冬陰功湯底相對重口味食完覺得好鹹，要飲多啲水，雞翼一樣入味同上，相對蕃茄個人更中意蕃茄

搬舖後的華嫂冰室，要避開排隊緊係㨂平日啲九唔搭八時間去啦。必試野食有好幾樣，所以人多黎會好啲，樣樣有得試吓。芫茜皮蛋湯底豬膶牛肉配米線、蕃茄湯底豬扒雞翼配烏冬，兩款都正，豬扒雞翼都好入味。仲有佢兩款必食飽類：招牌菠蘿包、芝士咸牛蛋多士。真係要耐心等候，叫先整熱辣辣送上。麵包焗到外脆內軟，餡料豐富。除咗佢既奶茶，推介佢既話梅柑桔，你會試到好味嘅話梅，同出面啲茶記唔同㗎。搬左舖位感覺又唔同左，但係仲有華嫂既味道。

搬咗之後都係第一次嚟，地方乾淨咗，門口有好大地方泊車，等位嘅地方闊落左，係呀平日都仲係要等位，大概15分鐘左右。因為坐出邊所以唔知室內嘅地方係咪大咗。先來兩杯凍飲，因為坐室外嘅關係，我哋同隔離枱都同職員反映有嘢咬，佢話冇辦法， 石地比較多，下次都係要等返室內位。好耐冇黎，招牌菠蘿包點解細咗咁多嘅，不過都材料新鮮，菠蘿包夠脆。芫荽皮蛋湯底嘅豬膶牛肉出前一丁，湯底味燶。鹹牛肉三文治，仍然好出色，又脆、多汁又多料。蕃茄湯底豬扒雞翼米粉，米粉吸晒蕃茄湯，豬扒半肥瘦，雞翼夠晒入味。4 個人$2 百幾，唔貴不過相比之下冇以前性價比咁高，平日唔使等太耐都會考慮再嚟。

一直都好鐘意食華嫂冰室，最鍾意食佢嘅豬扒，蕃茄湯底(⁎⁍̴̛ᴗ⁍̴̛⁎)，再加雞翼，Yummy Yummy😍😌❤️華嫂奶茶會比較鐘意用杯飲多啲，樽裝會比較甜。✨😋(*≧ω≦)但都有茶香✨☺️😆

約了朋友，去天水圍屏山文物徑，根據網站資料，附近有一間冰室，不錯，今日專程過嚟食飽飽個早餐，開始漫遊屏山文物徑9:00am 水圍站大約行15分鐘就到步，已經要等位，等了半小時，入內坐當然叫了招牌，豬潤皮蛋芫荽米線🍜👍👍👍👍豬潤，啱啱熟，芫荽新鮮又香，湯底很香很甜，喜歡食芫荽的你，值得推介😊👍叫了個公司三文治🥪，滑蛋來包着，切粒的雞蛋，有一層香軟口感，不知用什麼雞蛋，好香的蛋味其他朋友叫了粉麵，也說很好食😋

假日的中午好多人等位，排了30分鐘算好彩，落單至埋單用了40分鐘。今早跑完步簡單叫咗餐旦通$27，對面叫咗豬扒雞翼通粉，話同我share喎...唔夠再加奶油多...你知我在減肥嗎？茶餐廳的食物，沒有特別驚喜，人多但食物6分鐘送上了👍，午餐肉同蛋煎得好好吃，反而雞翼同豬扒冇味道，飲品都算幾貴，因為沒有set/凍飲+2，所以只好加$9叫一罐可樂。選擇豐儉由人，唔想排隊可以自取。

🍜B款餸 💵42🍀🍀🍀🍀🍀🍀🍀🍀🍀 肉眼筋🐷+$2、墨魚丸🦑、冬陰功湯底+$9，湯底有啲重口味同比較辣🌶面頭亦加咗炸蒜增加香味，雖然扣底但我同屋企人都食唔晒🥲🍜B款餸💵44🍀🍀🍀🍀🍀🍀🍀🍀🍀🍀嗌B餐既餸要加錢💸豬瞤🐽+$2、肉眼筋🐷+$2、皮蛋芫荽湯底+$9，本人覺得淨係食早餐都偏貴😮‍💨個湯底比較清淡，而肉眼筋好爽口，豬潤都好大塊好爽，如果鍾意食芫荽嘅應該會鍾意食，因為爆多芫荽😂🍞招牌芝士鹹牛肉蛋豬仔包 💵23🍀🍀🍀🍀🍀🍀🍀🍀🍀🍀豬仔包烘底，外皮卜卜脆🤪夾埋芝士🧀、雞蛋🥚同鹹牛肉口感好豐富，我覺得鹹牛肉好食過招牌菠蘿包～🍹凍檸茶💵18🍀🍀🍀🍀🍀🍀🍀🍀🍀🍀通常嘢飲都係加$7左右，依到要比$18真係好貴！🥤凍華田💵18🍀🍀🍀🍀🍀🍀🍀🍀🍀🍀都係要加$18～☀️整體而言,老實講正常既一碗麵，食完好口渴，落左唔少味精🥲湯底仲要額外加錢，野飲就無得加$7有杯野飲或包熱飲之類😀超級唔抵食，而且無車既朋友專登入黎食都唔建議，因為有啲入，另外碗麵食唔晒，我建議如果胃口細嘅人可以嗌一碗麵2個人share👭🏻

喺舊舖食過幾次,新鋪今次第一次食,而家搬咗嚟天水圍, 附近都係有得泊車! 幾好!!冇錯 講緊既就係 <華嫂冰室> —————————————————食物方面都係叫返之前經常叫既, <蕃茄雞翼豬扒通粉>濃濃的蕃茄湯底，雞翼好入味好腍😎係我既不二之選😎飲品我就叫咗 <凍檸檬益力多> ,好飲 好甜 好肥既感覺😎—————————————————總括嚟講, 間野係幾好食 ,好有傳統既感覺 不過價錢已經經過歲月嘅變遷 加左不小了 但我偶爾仍會幫襯😜

坐低就只可落一次單，不能加單！即是落了這單覺得好食再加多一份，是不可以❌什麼規矩？？欣賞你們的食物味道，想慢慢品嚐….但你們的態令人失望、卻步真係只些一次真的以為自己食物獨一無二😂了不起？請檢討一下啦！

第一次幫襯華嫂，拿飛時已要求要室內位置，她說冇問題會留室內給我們，但叫到飛時卻給我們痴住門口室外的位置，我一直要求要回室內的位置，職員卻一直推搪說室內冇位，室外3x 度，然後食物來時，熱到完全入唔到口，我再次要求我要坐室內先安排二個極擠迫嘅位給我們，食物嘅質素同佢嘅價錢唔成正比，普通餐肉，五香肉丁，豬潤粉麵2碗，豬潤仲要唔好食，加埋豬扒，又鞋又硬，又重味精，野飲仲要另外單買，唯一好食的，係塊芝士鹹牛肉多士，但呢啲咁簡單嘅嘢都係罐頭嘢，咁就盛惠$143,啲嘢唔好食坐得又辛苦，勁多味精食完勁口渴，唔使錢我都唔會再嚟

以前喺元朗都不是特登入去食，搬左黎天水圍後第一次食，最開心係同以前一樣都係免費泊車，環境舒服左，乾淨左食物方面覺得無咩變，每次都係叫果三樣：雞翼豬扒通粉，招牌波羅包同樽裝凍奶茶雞翼依舊入晒味，好好食，蕃茄湯底依舊濃郁，通粉一樣爽口彈牙招牌波羅包一樣無令我失望，舊牛油夠凍，配外熱內脆波羅包皮，一咬即浴，廿蚊一個波羅油絕對抵食！飲埋我掛左好耐既樽仔奶茶，偏甜，味道係我中意既，茶味夠，成日諗如果711有得賣就好雖然越食越貴，但我寧願佢加價keep 住長做都唔好執，加幾多價我都會黎棒場架❤️😍