華園甜品專家

營業中

休息中

因在新蒲崗附近返工，經常路經此甜品店，並聞到很香的糖水味道。今日趁住早了放工，終於忍唔住要一試。店內有很多款舊式甜品選擇，我選了熱芝麻燉鮮奶。甜品送到我面前，已聞到很香的奶味，燉鮮奶入口即溶，味道很香濃，芝麻的味道都好味，但已被燉鮮奶的味道蓋過了。這裡還有很多甜品、糖水選擇，下次要再試其他的。

近日總是念念著要吃甜品， 卻幾乎沒有一次能夠如願以償。 除了因晚餐總是眼闊肚窄吃不完外 ， 每每到飯後甜品時段，總會被提醒近日心廣體胖了不少，結果當然是被禁止吃甜品吧！這天要加班工作，晚飯過後已是十一時的光景， 從陳儀興潮州菜館步出，鄰店正是華園甜品專家。已是第二次路過華園，卻一直未有機會試試。雖然從外表上看，它是如此的平凡無奇，但它可是家米芝蓮甜品店，縱然食友對華園的評價是毀譽參半，但仍阻擋不了挑機米芝蓮的慾望。深夜吃甜品是控制體重的大忌，還以為這次又是與它無緣了，想不到老公卻一個箭步走進店內，意味着這晚是「大開綠燈」了。在我倆進店以後 店主隨即落下半閘， 幸運地成為這晚最後兩位顧客。平實無華的舊式甜品舖面，印證了華園的歷史背景，也說明它街坊小店的定位。再瞄一瞄餐牌，感覺是似曾相識，這價位根本就是另一平民米芝蓮「佳佳甜品」同出一轍， 同樣走平價路線，如今已少有甜品店定價在20元上下的了， 如此說來即使甜品水準未似預期，但能以街坊價吃甜品也算是少有。如果在米芝蓮評審眼中，平價跟平民是劃上了等號，那多少了解到它們能入選的理由。莫論華園的名物是哪幾款甜品，刻下只想隨心而行，選自己想吃的就好

間鋪好有港式風味，入到去坐會發現鋪面唔大而且張凳偏細。食過咁多次最鐘意嘅都係香芋西米露，試過西瓜涼粉西米、杏仁煳同芝麻糊。 大多數甜品都係二十蚊左右，刨冰就三十幾。香芋西米露真係好香，好鍾意🤤杏仁糊都好濃郁， 不過飲到淨番半碗嘅時候就有啲厭，建議雙併，佢呢度雙併只要加一蚊西瓜涼粉西米麻麻，涼粉切得太大舊，糖水唔夠下次有機會我想試下綿綿冰，同埋雙拼合桃芝麻講到衛生， 我有兩次食都係碗入面發現毛髮， 搞到我食慾大減。 而且店入面有蒼蠅飛嚟飛去，好煩。總結：甜品性價比高 ，但係衛生真係麻麻，有待改善

陽枝甘露已經變質，有酸臭味.紅豆沙可以食用，有陣皮味，不錯.雖然今次唔係第一次光顧，不過肯定係最後一次，真係多謝哂 事件是這樣的，去買外買果陣同佢講左要呢兩樣，第一次答我話無哂楊枝甘露，跟住過一陣出返來話有，跟住拎到返屋企食就奶野了，打開就聞到陣酸味，諗住可能係啲芒果酸味姐，再食一啖，啲芒果入口即化，不過係臭嘅。為左果一單生意仔而無視左最基本嘅嘢，真係多謝哂你地食得開心啲。

今次就介紹列入了 米芝蓮的美食 推介之一的甜品店。性價比十分高，最為出色以及必食推介有~~✅芝麻燉鮮奶- 滑滑燉奶，口感香滑度如豆花一般香,再配上芝麻糊一同進食，淡淡奶香配搭芝麻濃香是完美配搭單點芝麻糊 或 薑汁燉蛋 亦是推介必點喔!最可惜,唔記得影相

華園雖然細細間，但成日都大排長龍，好多人買外賣，入面又成日坐滿。出面見到連續幾年都有拎米芝連，入去發現價錢都好抵，中式糖水都係30蚊樓下。幾乎每次去食都叫腐竹白果，好幾次食白果又香又甜，大大粒食得出係新鮮！同行者叫左綠豆沙，好足料又有陳皮香，來食中式糖水一流

新蒲崗嘅米之蓮甜品店，一啲都唔起眼，但係街坊冇咩邊個係唔知道呢間傳統甜品店係又平又抵食。主打就一定唔係西式甜品，見佢個餐牌有一大部份係燉鮮奶，包括有姜汁撞奶，蓮子燉鮮奶，芝麻燉鮮奶等等，你就知一定要試一試啦。好特別嘅地方係店入邊有一個大鐵櫃，有好幾個櫃桶，拉出嚟就見到一碗一碗甜品係入邊，呢啲真係好有香港風味！今次試咗蓮子燉鮮奶，一啲都冇偷工減料，成個碗面都鋪滿晒蓮子，燉鮮奶又唔會超級甜，好潤啦。平均每碗都係$20-＄30抵到爛。成個鋪頭都唔見有用即棄塑膠餐具，食得特別開心

所謂既米芝蓮，我唔會因為呢樣野而決定去唔去食，因為每個人口味都唔同，佢覺得好食可能我覺得難食😂淨係希望呢d名堂唔會令價錢上漲🙈華園係新蒲崗已經經營左好多年，一向都係街坊們飯後甜品既地方。今晚又同男朋友黎食，佢照舊叫左芒果綿綿冰😉而我今次就試下芒果西米露。芒果綿綿冰，芒果味比較淡。綿綿冰打得幾碎，唔會食到冰粒。仲有幾粒西瓜，涼粉配搭。第一次係華園食芒果西米露，好味過我預期。上碟時碗上層係白色，下層係黃色。要自己撈勻佢。芒果汁味濃，可惜唔係每粒芒果都甜，有少少酸。

成日都係附近經過次次都見到好多人，今日見到有位就拿拿聲坐低試下。叫左個紫米同芒果豆腐布甸。２樣都成日係出面食過但係佢真係整得好特別～芒果真係好香好甜，少少酸都冇。紫米就粒粒煙ＵＮ好想再食多幾啖。一路食雖然都係１５—２０分鐘，但係買外賣既人真係好多，排到出門口。估唔到一間平民糖水都可以做到咁高水準同出名。去開新蒲崗既朋友一定要去試下！

突然想食糖水，去開呢頭就試下呢間糖水店. 杏仁味道好重同埋好滑，再加湯丸夠大粒，食物是好的👍🏻唯一個問題係個女人既態度，落order時木口木面好似叫你快D咪阻住佢，埋單走原來一粒湯丸$4，個碗野就幫我加左2粒，我唔知原來咁計，其實好聲講點都會俾，但個女人個樣係極度反感嚴重黑面，做食肆一定會疲倦我明白，但成程我都頂住心口食，超級不愉快！

搬進這區居住，慢慢發掘美味食店。在 openrice 找到這米芝蓮甜品，怎可不試？一向愛燉奶類甜品，仍記得12月到順德旅行，在一個村莊內吃過人生中最美味的薑汁撞奶，那個奶香，那個薑汁味，是何等滑溜，甜度剛好，令我魂牽夢縈。華園沒有薑汁撞奶，所以點了薑汁燉奶。由於不是相同的甜品，這樣比較有點不公平，不過順德那撞奶建立了我對這奶的美味標準。華園這薑汁撞奶，非常非常滑溜，是我吃過最滑溜的燉奶。一般的燉奶，用匙羹拔起，會看到一層層奶皮，又會起水，這燉奶完全沒有這種情況，它的結構是非常緊密得來又非常滑。味道方面，我一向喜歡清甜，過甜一點我也吃不了，華園的燉奶正是清甜那一類，完全不會感覺到膩口，如果略略甜多一點點，應可更帶出香氣。薑汁味和奶味有點偏淡，如奶味和薑味可濃一點就更好了。22元一碗，size 一般，不是很大碗。不是很便宜，又未到很貴，品質對得起價格就是了。

這是新蒲崗越秀廣場附近的甜品店。因為在網上看到正面食評，和平民價錢，所以試一試。芒果紫米露：芒果新鮮，椰汁🥥ok，紫米露甜味岩岩好，together is good match.試左小小朋友食的豆腐布甸，就是有淡淡的豆腐味😋合桃露：不知道😓，朋友2口飲完

同朋友喺附近茶餐廳食完夜晚飯後朋友介紹去附近一間糖水鋪食甜品我就點左芝麻燉鮮奶芝麻燉鮮奶鮮奶好滑，芝麻味香由於唔係旺區，價錢相對比較大眾化甜品好味，但唯獨座位同座位之間比較迫

好喜歡食中式糖水特別是這種天氣 食碗暖呼呼既糖水今次食左木瓜燉銀耳 及 芝麻糊燉奶好正 好溫暖 ☺️☺️☺️唔知係咪凍左好多人來食糖水排隊等位 見到張poster 「米芝蓮推介」唔講唔知原來呢間小店咁勁 😅

人多混亂唔派飛，客人投訴發洩在火記上湯丸價錢沒標明多少粒，向他查詢清楚大聲夾惡兼發爛渣所有乜糊物糊只係用分開，入選米芝蓮推介之一言過其實，現今米芝蓮所選食肆明顯很泛濫