華園甜品專家

營業中

休息中

夏天時嚟過一次，當時食咗綿綿冰，孩兒食咗個燉奶，細佬點嘅合桃糊亦好唔錯，真心覺得好食兼抵食，今晚又嚟到新蒲崗，凍冰冰嘅天氣就好掛住佢哋嘅糊，可惜今晚大失所望，同當日食嘅水準差好遠，我仲一次過買咗3碗唔同口味嘅糊諗住同家人分享，就連娘親都皺眉頭，好失望呀～合桃糊係娘親最愛食嘅糊類甜品，但呢碗勁漿口嘅合桃糊不但完全無香味，仲食落無合桃味，係咪溝得太淡呢？芝麻糊同樣出事，仲有少少燶味，就係無芝麻味，佢…hurt 到我了!杏仁糊呀杏仁糊，我唯一肯定嘅係佢無加杏仁香精，因為真。係。無。杏。仁。味!難過!

中式糖水鋪，店內裝潢一般，但就食岀傳統口味至愛芝麻糊，唔會好稀好水，口感綿綿的，好香芝麻味，滑。加湯丸4元一粒，湯丸芝麻餡料足，好食。芒果紫米露芒果一舊舊，量算多，紫米軟淋，唔會太甜，好味。價錢相對唔算貴，量就一般，唔算多，但味道確不錯。唔錯的宵夜選擇。

我好喜歡華園，因為確係抵食，好多食市得了米芝蓮之後就加價，但係佢地餐牌仍然有$16碗紅豆沙，$21木瓜雪耳。但有一點不明白就係湯丸要$5粒？所以我從來不額外加湯丸。這𥚃的糖水足料，有誠意的。身為街坊我十分支持。

念念不忘D好味蓮子，又想試其他款式的糖水，所以今次叫了一碗兩溝：假日限定的腰果露和白白滑滑的杏仁茶。當然，另外追加了我最愛的蓮子。其實，我一向並不是特別愛吃蓮子的。但不知道為什麼上次吃完便愛上了。期待的糖水一上，我的心一沉，果然始終是街坊舖，兩溝的糖水真的是直接兩溝，來得坦蕩蕩的，不會像連鎖店美美的把雙拼兩款糖水放成八卦一樣。雖說食物味道更重於賣相，但如果分開兩邊放，縱然兩種味道在同一碗上，我都可以試到每款糖水的原味啊～ 那是用心和誠意呢。好吧，我別要求這麽多了！蓮子好多，依然好吃！兩款糖水同樣好滑！出乎意料，味道不是太甜。好吃，抵吃，但也非驚天動地的味道，是傳統糖水的實在味道。店舖人流不斷，全日任何時段都很多客人呢！

同朋友食完晚飯之後，決定搵下甜品作個完美句號，點知行多幾間鋪後，就發現呢間中式甜品鋪，上網睇，嘩，好多好評，仲係米芝蓮，所以就入去試試入到去，見芝麻糊係金牌喎，唔係唔試嘛，再叫多碗最愛紅豆沙芝麻糊賣相好靚，朋友“筆”起，唔會好浠咁，但到我一試，得個甜字，完全冇芝麻既香，仲要食得出好米糊咁到紅豆沙，眼見多豆同蓮子，食落有啲水準，唔太甜，起沙既而且好足料題外話 : 到比錢時，一直冇比單我地，我同阿姐講一碗紅豆，一碗芝麻糊，佢話$20，我話兩碗喎，佢就話$40，咁咪照比囉，到後來朋友問返我幾錢，我先知阿姐收多我錢...落單，上菜到埋單都係同一個阿姐，我真係唔知講咩好

以前食開都唔錯，但愈食的態度愈差，間唔中仲有蟲爬黎爬去！有次叫個外賣，等左一陣，都未比到我，再問既時候又話未得，但個阿姐又無野做緊，出左名就好似大哂咁！出名係要保持態度，好似巴屎閉咁

嗰日喺新蒲崗打完麻雀係附近搵甜品嘢食。之後見到間甜品店門口貼住米之蓮推介咪入去試吓囉。楊枝甘露好有芒果味。木瓜燉雪耳材料充足，甜度適中。桑寄生蛋茶，好多蓮子，隻蛋非常入味。

這兒是連續2年獲米芝蓮嘉許的港式糖水店，今晚秋風剛起，正好前來滋潤一下。時值晚上１０時，不知是否此店主要做街坊生意，外賣的隊居然比堂食的隊長。餐牌內充滿各式各樣的中式糖水，當然也有冰品布甸類別，但後者明顯不是今晚的主角。我選了桑寄生蓮子蛋茶蓮子，一個非常適合女生食用的糖水，因為桑寄生是能祛濕、降血壓、安胎、除風濕、寧神安眠，更能調理月經、治療經痛及補血，再加上蓮子、紅棗、及雞蛋這些食材提升正氣、滋陰、補血之效。這款糖水味甘微甜，蓮子入口即化，大大減低對甜品的「罪惡感」＞。＜不得不提的還有這裡的燉鮮奶，不僅滑溜，更是排毒美顏的妙品。

熱桑寄生蓮子茶$19傳統好味糖水，蓮子爽脆非常好吃。第一次去吃，見到不斷有客人幫襯。位置在過馬路口，新蒲崗商場正對面，易找到。食物有很多選擇，好多人吃燉奶。價錢相宜，值得支持!

今日要去新蒲崗見客，下午三點幾已經到咗，早咗少少，唔知去邊度好，想咗一陣，就諗起華園甜品，兜咗兩個圈，去到門口，好彩已經營業 ; 坐低冷氣好涼快，依個鐘數客人比較少，可以比我想來想去，最後決定食補腎合桃糊。未送到上枱啲合桃味已經飄來，又香又滑，味道濃郁。

Lunch time 食飽落街逛下，見到糖水鋪心癢癢又口痕。呢度d 糖水中西式都有，價錢大部份都係十零廿蚊，真係好親民！於是外賣左我最喜愛既合桃糊（$19)補補先😍番到去打開已經聞到好香，味道唔錯唔會太甜又香合桃味。質感都算滑，不過唯一比較失望係個質感，真係好稀。我灘凍左晏d再食變左糖水咁添😭如果佢做番糊狀d，我一定比佢好評👍🏻不過呢個價錢我覺得都ok,唔睇都唔知原來係米芝蓮推介，下次一定再試下其他款式先。

食中式甜品除左去九龍城合成糖水之外，華園甜品都係我其中一個鍾意嘅選擇。 華苑甜品嘅價錢相對便宜，雖然選擇冇合成甜品咁多但係始終都有一款啱心水嘅！ 今次我選擇嘅係合桃燉鮮奶！中式甜品一定係熱食最好食啦！ 熱鮮奶當中加入核桃糊，香滑美味😋 真係超讚呀！！ 👍🏻👍🏻👍🏻值得一提嘅係，入面嘅姐姐都好好招呼，好有街坊人情味！！

離開新蒲崗讀書館，看到此店，有點點想吃甜點，反正與晚飯時間還有一段，於是走進去。從外邊看來，是舊式的的甜品店，簡單的裝修，沒有刻意的粉飾，到底是做附近街坊的生意，應該是此區多年的老店，而且還是米芝蓮小食店，似乎有點來頭。餐牌同樣的實而不華，沒有任何修飾及花樣。從未曾在此區吃過甜品，也不是居住此區，不認識此店，稱得上米芝蓮小食店，要想知實力，應該選擇較為巧手的甜品。我選了蛋白燉鮮奶。奶白色的燉鮮奶，表面較乾，應該是放在溫爐中一段時間。湯匙盛起一口，當靠近口角時，鮮奶的濃香味己送入鼻腔，鮮奶的香，在口中更覺濃厚，甜味剛好，沒有過甜的感覺，非常吸引，可能是放於溫爐中較長時間，變得略欠滑淨的感覺，仍在可接受程度。品嚐之時留意枱上的小剪報，給食客的一點點訊息，是老一輩店舖的風格。一個較舊的社區，有著米芝蓮的店子，價錢又非常相宜，真的值得一嚐再嚐。

甜品無分時段 下午三點三點食甜品好出奇咩工廠區搵食難 但住住隱藏着驚喜跟著地頭蟲的腳步黎到這間甜品店試左個芒果雪糕布丁 $25 評分：8分布甸上面加左雪糕同新鮮水果睇落十分豐富雪糕不會太甜而且有香濃奶味而最令我驚喜的是芒果有布丁對我來說布丁的味道跟本就是童年回憶如果小時候喜歡芒果布丁的你建議你可以去一試

上次食完念念不忘,好想食多次,所以今日又去食野。今次我食蛋白燉奶,蛋白燉奶唔算甜, 甜度適中 。好嫩滑嘅燉奶,好味。雖然華園最出名嘅係芝麻糊,但係佢嘅燉奶都好正。傳統中式甜品,要整得好味,唔易架!