荷里活冰室

營業中

休息中

最近食左間質素唔錯的茶餐廳【四寶食堂】。今早去鰂魚涌搞文件後，搵間茶餐廳食份早餐。這𥚃的茶餐廳選擇多，最後揀左間門面有趣的【荷里活冰室】。跟剛剛經過的茶餐廳比較，這𥚃的室內環境寬敞而且佈置鮮明，小編覺得自己選擇正確👍早餐選擇豐富而且價錢合理。小編最近食左間質素唔錯的茶餐廳【四寶食堂】揀了沙嗲牛肉麵，今日同様要沙嗲牛肉麵比較一下！沙嗲湯底單看顏色就知道不太濃郁，而且沒有太多花生粒，口感打了折扣。麵條煮得未夠火喉有點硬爽。最大問題是牛肉，加入太多鬆肉粉，失去肉質彈性及纖維。不僅口感差，還打破了牛肉原來的酸鹼平衡，降低了牛肉的營養價值。非常失望的牛肉，小編食了一片牛肉就放棄。除了食物質素外。服務認真麻麻。這裡唯一好處地方大客少可以慢慢坐。

嘢食一般，所有員工服務態度差差差。未見過茶餐廳員工用粗口對待客人。只係多佔用一張凳。以後絕不會再幫襯。老闆應該正視此一問題。已經有很多食客有此投訴。附近好多茶餐廳都俾佢好。

星期日隨意在鰂魚涌選了一間茶餐廳以為很多在太古坊工作的人都光顧過應該會有信心保證況且也算是連鎖式怎料。。。一開始落錯單2個茶餐落咗1個茶餐＋3杯飲品（員工用好輕挑嘅語氣話落錯單）到落啱單雞脾黎到切開係生肉黎（好快比人收走影唔切相）另一員工講做咩阿？生得濟阿？我忍唔住覆一句原來雞脾可以生食？咁你食咗佢而家唔係食牛喎點解佢好似覺得我地嫌棄雞肉生得濟？最後成條街好多茶餐廳真係唔需要特登比貴啲嘅價錢去食間咁嘅野仲要有分店行前2步食『旺xxx』或『樓xxx』或其他仲好，價錢同食物質素都好過呢間好多！！！！！！！！！！

自從返咗嚟鰂魚涌做嘢，之後百分百茶餐廳就係我嘅飯堂，佢哋嘅食物都好多元化，我最鍾意食佢哋嘅下午茶，可以額外加碗仔翅，炸魚柳薯條好好食，卜卜脆，再配合埋凍檸茶，真係一流

有日叫咗個豉椒魚柳炒河粉，賣相如圖，明顯係個餸同個河粉知傾計。個粉仲只係暖，汁又唔夠味，洋蔥太生。所以多人排隊，都未必次次有好嘢食。以上所載的只是個人意見，對食物味道之描述是根據個人喜好落墨；同時也受當日值班廚師及材料所影響。以上任何資訊及內容均不構成招攬或推薦建議，閣下在決定去此餐廳用膳之前，務必先尋求其它相關的最新資料及其它人仕的獨立建議。🐽

第一次黎到哩間冰室買外賣，一位男士幫忙落單時，態度已經不太友善！之後坐咗喺度等咗20分鐘都未出到外賣，以為係廚房太繁忙，再走去外賣枱睇一睇，原來早已放在哪裏，但係個度冇人話俾你知外賣已經出咗嚟，向櫃檯服務員查詢嘅時候，佢立即問我有冇比到錢！我話當然俾咗錢好耐，總之唔會有下一次幫襯！

Their fish fillet is quite big which is good value for money & not greasy! Appreciate the fact that there is an option to add $15 for oatmeal. 🌾 Bowl which it was served was quite big, good for sharing. Scrambled egg was milky 🍳👍🏼 Milk tea was not served sweet or too creamy which is great as you can add sugar if you want. Overall just spent $103 for 2 people.

咁啱要去大酒店。睇吓附近有啲咩食，見到呢間荷里活冰室價錢相宜裝修光猛就入去試吓！佢哋都有好多唔同嘅款式，有晚餐有小菜都有炒粉麵，我哋叫咗一個乾炒牛河，魚湯龍皇泡飯，口水雞套餐同埋麻辣鴨血。 魚湯龍王泡飯（ $65 ）呢個泡飯好大碗有唔同嘅海鮮包括魚片、花枝片、蝦等等非常之豐富！口水雞套餐（ $69 ）呢個套餐好抵食有唔少舊雞，另外仲有時菜都幾好味，雞都滑味道唔錯！麻辣鴨血（$70 ）呢個鴨血用咗好大隻碟裝住，不過我就嫌佢唔係好夠辣同埋啲鴨血唔係太入味，不過啲汁撈飯一流！乾炒牛河（$59 ）呢個牛河中規中矩牛肉唔鞋都幾夠味，全部都可以轉套餐免費送例湯，另外凍飲加$3，經濟實惠！

此店位置本來是翠河，但因為侍應服務太差，所以很久沒來，改名後第一次幫襯 ，本來想叫羅白牛腩飯，但賣曬，只好改叫這個，超苦的燶邊芙蓉蛋飯，豉油汁極少，近乎冇，幸好白飯正常，飯食曬，蛋就只食中間一半，肯定不會再來了

收工諗緊食邊間，無意見到呢間餐廳裡面好多人好熱鬧就入去試下，環境都算光猛乾淨，落單後，嘢食5分鐘後就到，十分快。碟黑椒蜜糖薯仔牛柳粒幾有鑊氣同真係好入味，比起其他餐廳呢間真係算幾好味，碟花膠西蘭花🥦就正正常常。

朋友話呢頭有間茶餐廳長期要排隊，咁就要試一試佢喇！佢呢到餐牌日日唔同，就算日日黎都唔會悶呀！好多人話佢午市個籠仔飯正，結果一行3人一齊試左佢個籠仔豆豉金菇豆卜蒸排骨飯！ 排骨咸又靱，豆卜乾得緊要，反而最好係金茹，入味但份量小。可能佢有個籠仔，感覺就高級少少，不過味道真係好一般。佢杯檸檬茶都算合格有餘，都夠濃夠茶味，但叫左少冰都好多冰。可能係繁忙時間，我地又食得慢，未食晒就比人叫交枱了。完全唔明點解長期咁多人快排隊，可能只係地理位置比較好。

間餐廳唯一做得啱嘅就係打風開舖 如果唔係 畀著平時班街坊熟客一定會去隔離左右食.靚門面 + 價錢會令人覺得所有嘢都屬於算尚可接受. 樓面團隊茶餐廳嚟講尚算細心有禮 可惜嘢食屬快餐質素 食完冇感想冇滿足感 純粹就係...食飽咗. 又一間比廚房騎劫嘅茶餐廳. 奶茶唔夠熱 牆身亦有積令人質疑衛生. 真係唔係去到冇得揀都唔會嚟 下次都係屋企食杯麵煎兩隻蛋算了.順帶一提, 收銀處有個疑似蒐集捐款嘅錢箱 但係箱面被遮擋 箱身亦冇寫明捐贈機構...

今日成班同事要一齊OT ，趁六點之前仲可以叫下午茶餐，五個同事即刻落單。全部餐都係$44好鬼抵食，仲要配埋飲品。我哋叫咗咖喱牛腩飯，牛腩份量偏小，咖喱汁OK，白飯份量超級多.瑞士汁乾炒牛河，瑞士汁好惹味牛肉好淋，牛河炒得唔錯.日式鰻魚炒飯, 配料鰻魚好少，其餘冇咩配料，炒飯比較失望。鮮魚湯蠔仔肉碎泡飯，呢個泡飯我最期待, 鮮魚湯底唔錯, 蠔仔份量亦都多, 呢個泡飯最好味。芝士焗豬扒飯，豬扒飯份量好多，仲要係炒飯底，不過豬扒唔夠淋，豬扒飯不過不失。

話說呢今次系第二次食呢間野第一次食 都無野事過左一排食就出事叫個早餐 沙嗲牛面 連炒蛋多士食到一半 咬下咬下 成陣甜味爆出黎個炒蛋甜架 系甜到漏個隻勁怪陣味甘我就問個侍應姐姐 請問你地嘅蛋系甜嘅？佢話：唔系喎 我話呢碟系甜 重要系甜到漏佢話：無理由 個個都系甘煮架啦點會你個碟甜呀（態度極差）佢話： 你覺得甜，咪落啲鹽囉。哇我頂呀，一個美麗嘅早晨。我只系想食一份正常嘅早餐。🤦🏿‍♀️🤦🏿‍♀️🤦🏿‍♀️重要甘受你氣。然後，我發現碗沙嗲牛個碗崩到一個點，點解爛到甘都可以比客用？ 間野求其到一個點，員工求其、碗又求其。垃圾呀！

一個人入茶餐廳食個午餐。照燒大切豬扒配稻庭湯烏冬，兩大塊豬扒，煎得好香好鬆脆，仲配埋火腿炒蛋和丹麥奶油多士。蛋炒得好滑，多士都烤得好香脆。稻庭湯烏冬，烏冬正常配埋粟米粒。呢個特餐實在好大份食到好飽。