荳子 (新城市中央廣場)

營業中

休息中

Beans The Greenhouse👍🏻👍🏻👍🏻又去咗宜家傢俬買嘢 咁啱經過好攰就入咗去坐下環境非常之舒服歡堂 仲有室外可以坐 咁事不宜遲叫咗佢兩個下午茶 嘩個Pizza係甜 我本身麻麻哋食甜野整體唔錯 我朋友做少咗個蘋果唔知什麼 因為太攰啦都冇乜留意個餐牌 整體上一間咖啡店來講我覺得坐落去好舒服可以再嚟！地址：沙田鄉事會路138號新城市中央廣場5樓503號鋪 #BeansTheGreenhouse#beanscoffee

嗰日行完IKEA就一落嚟見到不多人排隊Lucky~~~~店內設計同埋員工服務態度都非常好我覺得佢算係一個比較特別嘅咖啡廳我自己唔太鍾意食甜品 人哋啲甜品都好靚菜式都非常特別 飲品設計都好特別例如佢去龍蝦湯會用一個茶壺嘅形式裝俾你好花心機 不停討好人客 一種好舒閒既感覺我覺得價錢同食物成正比啊！

🥵🥵🥵已經唔係炎炎夏日，但間餐廳好熱。尤其我坐窗口位， 啲人排隊等位就係企喺我張枱隔離，而且係沒有玻璃窗隔住 。由於跟商場打通，所以係好熱 🥵🥵🥵黑松露軟殼蟹意大利粉 $84👌🏻週日有 lunch menu，11：00-18：00，比較平。 雖然個圖睇起嚟軟殼蟹好似好大塊，但其實好細， 因為碟係超大。 隻軟殼蟹細，唔夠香脆，而且冇乜肉地。意粉仲要好硬。 醬汁睇落好似好正，當佢放上枱係完全零黑松露味。要讚既係佢有好多菇，鮮香。＋$25黑松露薯條👌🏻由於太鍾意食黑松露仲額外加錢加個黑松露薯條，正正常常啦。＋$25 自家製蛋糕👍🏻蛋糕好好食，係好有誠意，口感好多層次， 細細個係一人份量 ，加25蚊真係超抵嘅。

今日去想食好耐嘅Beans😍 一直睇相都好鍾意，終於試到❗️去左沙田Beans，餐廳空間感十足，環境舒服，裝修簡約啱晒打卡🤍-🦀$78 黑松露軟殼蟹意粉 黑松露醬汁濃郁，意粉彈牙，軟殼蟹脆卜卜，配搭賣相都好🤤🍵$42 卷·山政小山園 (跟餐+$25）抹茶味好濃，cream好滑🥺🧀$42 YUZU(跟餐+$25）賣相好可愛，柚子味清新，幾開心係真係食得出伯爵茶嘅味道🤍🍰

今次同朋友再次回訪beans😝平日6點去到 所以唔洗排隊就入得啦😆安格斯牛肉漢堡🍔$148真係好中意食呢個burger 😭每次必點！牛肉可以揀成熟度 我就揀開7成 但都唔會見到紅 係岩岩好熟既程度 個漢堡真係好大 2個人share 就差唔多 焦糖洋蔥都好出色 好甜 如果唔中意食洋蔥我覺得都可以試下😛漢堡牛味都好重 未至於好juicy 但都唔會乾 麵包都好好食 好香牛油味又烘得好脆⭐️😆黃金蟹肉意粉$108個蟹殼打卡好正🤣呢個都唔錯幾creamy 咸蛋黃味都重 但蟹肉就冇乜存在感😂雲呢拿梳乎厘$52我覺得幾抵食 都算幾大個 係即叫即整架 要30分鐘 所以要預早落單 食落空氣感十足 蛋香味都好濃 不過個人認為有啲甜 食食下會咬到一粒粒既砂糖

排隊都係值得的！🧡凍榛子朱古力，超有驚喜，極濃厚，唔會好甜，淨係飲呢杯已經值回票價💋豪華全日早餐，班尼迪蛋做得岩岩好，炒雜菌好香，好滿意👍磯燒鮑魚硯肉黑蒜清酒炒意粉，酒味不算太濃，鮑魚ok 入味，而且唔會太韌，整體中規中矩～檸檬芝士蛋糕，賣相好QQ😍 檸檬味幾突出，好清新，飯後甜品唔會太膩～另外，身為朱古力精，當然試埋朱古力蛋糕，外層用黑朱古力，唔會好甜，內層有舊榛子朱古力磚，增加口感，底層蛋糕較濕潤，三重享受，唔錯唔錯❤️

最近幾次到訪沙田分店都大排長龍，開業多年就算多左分店依然人氣不減反增🙈今日3點3嚟到目測前面都排左十個，最後4點左右先坐低🙉因為晚餐排左期鋸扒呢個時間只好食少啲留番quota🍽-🍝黃金蟹肉意大利粉 $108蟹肉份量有啲少，更多嘅係蟹柳，整體都唔錯不過如果多醬啲會更好。特別鍾意佢意粉個口感，彈牙唔會淋bat bat。-🍟黑松露薯條 跟餐+$25黑松露醬冇得輸，薯條唔係重點🤣-🍫70%黑朱古力流心蛋糕 $62上次嚟食過一次覺得有驚喜，其實就係心太軟🤎睇落細細份食落都好飽，兩個人share啱啱好。上次跟雲呢拿雪糕perfect match，今次轉左tiramisu味好好食不過就無咁夾，但係單食雪糕都好滿足😋-總結：有質素西餐cafe，外表內涵兼備，長期encore之選😋💕

即使係分店眾多，但基本上每一次都唔會失望🤓#小胖遊沙田🐠—————————————————🔹龍蝦汁大蝦意粉 $92被其賣相吸引而嗌，有兩隻大蝦🍤蝦就偏細、肉質都算爽口，意粉亦掛汁🦞不過略嫌龍蝦汁味可以更加濃，唔錯但係未必係Menu上最推薦🧐.🔹The Backyard Breakfast $138非常之豐富嘅全日早餐，除咗常見嘅Egg Benedict、菇、腸仔、煙肉、茄汁豆等，仲有Parma ham配蜜瓜同Beans獨有圓形waffle😆絕對係滿足晒你所有早餐🥣嘅願望當中小編最鍾意嘅就係窩夫，質感非常之鬆軟☺️.🔹黑松露軟殼蟹意粉 $102 黑松露味超濃，而且好creamy，醬汁同意粉比例啱啱好，意粉🍝亦唔會太淋，🦀軟殼蟹炸得非常香脆亦唔會有油膩感🤣雖然睇落份量好少，但其實隻碟係有深度，大家唔使擔心唔夠食😉.🔹黑松露薯條🍟（跟餐+$25）薯條香脆而且份量唔少，黑松露醬好有墨松露味又唔會好流🥰以跟餐加小食來講好抵！.💡 以上跟餐奉送飲品（小編選嘅係Americano ☕️）💡經常好多人排隊🥲大家可以六點去相對唔駛等咁耐，或者去馬鞍山分店都比較容易有位—————————————————🧜🏻‍

今次特登黎沙田食依間人氣店一如以往都係要等位等左一段時間就入到去入面環境係舒服既最後叫左肉醬薯條、黑松露軟殼蟹意粉同埋個綠茶LATTE 肉醬薯條既薯條味道份量正常不過配埋個肉醬真係好好食肉醬同薯條好夾 而且佢好夠熱所以好快已經清左個小食 至於個黑松露軟殼蟹意粉隻軟殼蟹炸得好脆意粉軟硬度都適中係黑松露同芝士唔夠多所以個意粉有少少乾 最後個綠茶LATTE都幾好飲奶味好重 但又唔會蓋過綠茶味 總括黎講 其實野食質素幾好而且幾抵食 不過值唔值得排長龍食就見人見智

📍Beans Cafe📍💡沙田💛💛💛💛💛💛💛💛食飽飯又好似未夠喉，就睇吓有咩甜品好食，行過門口見到人地張枱既梳乎厘好似幾好味喎，就入坐試下，即刻叫🐥Vanlila Green Tea Souffles ($52)望落好似特別大嚿，蛋味好香，鬆軟軟綿綿，不過同普通梳乎厘一樣食緊空氣🤣🐥Mixedrles ($58)一開始以為係一格格嘅窩夫，點知你到先知係圓形嘅，呢個窩夫真係推薦，窩夫有微微嘅蜂蜜香味，加埋雪糕忌廉吉士，好夾

之前同朋友食過九龍灣徳福分店一直念念不忘所以就再來去食一次！可惜新界未有分店，如果有一停會再更常去幫襯叫左軟殻蟹黑松露意粉及榛子lattle食物整體都好高質，意粉同醬汁份量剛剛好！軟殻蟹又煮得好食！穌穌脆脆的很棒入面仲有唔同既菇類配答非常好一碟意粉有幾種唔同層次既享受份量剛剛好！榛子咖啡既榛子味道都重🌰加上員工幾有禮貌，係個愉快既午餐(*´∀｀*)不過午餐時間會有好多上班族排隊，如果想食真係要早少少排隊！

可能之前係咁戒口,宜家就食番夠本之前荃灣都食過Beans,覺得一般,都未試過pizza但呢間Beans The Greenhouse幾正,都幾多人排隊,等左半個鐘到就入座,地方無荃灣分店咁細,座位之間仲有茶几仔放袋,唔錯 黃金蟹肉意大利粉 *濃濃蛋黃醬配上滿滿既蟹肉*有蛋黃沙口感*意粉口軟硬度岩岩好*一D都唔漏*兩條麵包棒脆條口感味道幾得意*不過蟹蓋伴碟會諗起會唔會重用...笑 千島醬蟹棒蟹子帆立貝薄餅*餅底唔厚,都幾脆,一定要趁熱食*勁多芝士好濃味*每份都有大條蟹棒配粒粒帆立貝....正 車打芝士薯條*見到人地叫又想食*但好失望,雖然勁多芝士醬,但唔脆口,好似焗淋晒咁 維也納朱古力*朱古力都係飲熱既好,可以深入品嚐到朱古力既濃味*唔會太甜,不過面既cream太多 榛子莫加*都幾夠味 Encore指數(5😋必en)：😋😋😋😋😋

主打All day breakfast、cafe輕食和甜品餐廳環境光猛，亦有室外空間座位環境舒適Homemade cake賣相吸引款式多賽螃蟹Risotto 即係炒滑蛋白配忌廉蟹柳蟹肉意大利飯忌廉汁滲曬入意飯粒中,口感軟綿,蟹肉蟹柳切成細絲味道濃香 滑蛋白幾嫩芫荽黨特飲  芫荽味不重仲有茶香,唔會太濃味反而幾香添 幾特別風味既飲品甜品抹茶卷蛋 鬆軟既蛋糕包住濃抹茶忌廉同紅豆 口感軟綿濕潤又唔太甜沙田鄉事會路138號新城市中央廣場5樓503號舖消費$200

had this sweet dish with caramelized banana, donut and maple syrup. Also ordered the lobster with chips on the side lobster soup. They don’t disappoint. Everything is nice except there’s always such a long queue. (I hate waiting). The lobster tasted fresh, chips crispy and lobster bisque thick and creamy. I wanted more, its a small cup. The caramelized banana definitely satisfied my sweet tooth. Happy with both their sweet and savory options. Will go again if less busy.

成日行過荳子餐廳都見佢大排長龍，今日經過撞啱佢就黎開門，未致於太多人，所以就去試下。餐廳裝修以木同埋綠色為主，感覺簡約自然。我同朋友揀左以下嘅食物：黃金蟹肉意粉有隻蟹蓋做裝飾，好吸睛！意粉軟硬度適中，但蟹肉好碎，食落冇乜蟹味，反而又少少腥。醬汁太少又稠身，所以有啲意粉食落好乾。兩條餅乾條好似係椰絲味，唔係我杯茶。香燒八爪魚意大利飯八爪魚除左上面大大嘅一條，喺意大利飯嘅中間都有好多粒，餸嘅份量算好充足，但略嫌有啲淡，同埋個別八爪魚粒比較硬身。意大利飯則煮得恰到好處，醬汁唔係常見嘅忌廉汁，而係有少少東南亞風味嘅蕃茄汁，食落好開胃又唔會好漏。配菜嘅蕃茄仔亦都食得出多汁又新鮮。車打芝士薯條個車打芝士汁夠熱又好食，同薯條好夾，就算食到尾段，芝士汁仍然係流質，可以點到薯條。我最怕就係果啲芝士汁好快乾晒，一pat黐住喺度，搞到要乾哽薯條。人均$160黎講，質素可以接受，但又覺得未致於要排長龍去食囉 😆