荳子 (屯門市廣場1期)

營業中

休息中

Beans呢間cafe絕對係for你去chill，香港唔多地方有all day breakfast，而呢間就有提供。呢度既咖啡仲有3D拉花，的確係幾得意。總之打卡影相，chill下咁就絕對一流。不過排隊真係要排好耐……

《屯門人氣高質Cafe》.荳子 (屯門)屯門屯順街1號屯門市廣場一期UG層UG42號舖.📍$68 抹茶黑糖麻薯流心吐司好味道：🌕🌕🌕🌕🌑吐司烘到好脆口配埋雪糕球一齊食真係好夾黑糖麻薯就有點甜建議就咁吐司+抹茶雪糕一齊食已經好好味🤪.📍$128 忌廉白酒菠菜廣島蠔意粉好味道：🌕🌕🌕🌕🌑每條意粉都包裹住忌廉汁食落仲有隱約的蠔味🤤蠔的味道亦好特出食落去感覺有小小似食生蠔咁，好鮮😆.📍$58 焦糖單骨雞翼（8件）好味道：🌕🌕🌕🌑🌑焦糖汁幾惹味但雞翼略微有點乾身😣.📍$34 特濃朱古力（跟餐加）好味道：🌕🌕🌕🌑🌑味道好濃但整體唔算太特出

Just I decide to have lunch time there by myself. Environment is very nice, staff very friendly polite and professional. I go with a la carta menu and I got the Veal baked with buffalo mozzarella tomatoes in pesto sauce. Well presented from the chef serve with different kind of salad with cherry tomatoes. Veal was well cooked and juicy. Pesto sauce was ok. What was not in evidence was buffalo mozzarella. Overall was very good and enjoy to eat. If there is something no good to say, there was not

💖 荳子 (屯門市廣場) (屯門)✨屯門屯順街1號屯門市廣場一期UG層UG42號舖〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️呢一間餐廳我成日都聽我啲朋友同埋客人介紹，但係開咗勁耐我都未食過😵‍💫因為真係太多人排隊‼️當我的起心肝諗住去試吓嘅時候竟然唔使點排😱應該係上天眷顧我✨-黃金蟹肉意大利粉🦀 $86食意大利粉真係好硬身，雖然係有好多蟹肉絲，但係成個汁太膩，食咗幾啖好快就飽晒。同埋食完之後我冇覺得真係好好味下次再光顧嘅感覺🤔-車打芝士薯條🍟 +$28好鹹🥶第一條食嘅係並沒有芝士醬，可能我咁啱食中嗰條係好多鹽啦🥵。而且啲薯條食落去好淋身。就好似整咗喺度好耐咁😰-豪華英式全日早餐🥣 $128其實真係算幾多嘢食，份量都算多。但係每樣食物都係正正常常普普通通冇話特別好食😂-熱檸檬蜜🍋呢杯嘢飲真係好好味，三兩啖就已經好快飲晒。今個成餐最好味就係杯野飲。想繼續睇我分享唔同嘅嘢就𝓯𝓸𝓵𝓵𝓸𝔀 𝓶𝓮 @gladysfoodie如果大家有其他餐廳推介可以𝒟𝒾𝓇𝑒𝒸𝓉 𝓂𝑒𝓈𝓈𝒶𝑔𝑒📩

第一次食呢間bean😵😵😵店員多數年青人服務真普通，坐低唔識比杯水同餐具叫左兩個set，蛋黃蟹肉意大利飯，蛋黃味太重搞到食左一半好濟好膩，不推薦呢個軟殼蟹雜菌意粉就幾好，不過無下次，食物普通，服務態度好差

Beans係屯門市廣場開咗分店一直都好想試，但每次見到長長的人龍都嚇怕了！唔明點解冇得拎飛，只有walk in排，搞到好多人想食都冇得食😓有一天紅日，決定的起心肝去排隊，11:00am到大概等了25分鐘就入得去啦！再遲啲到當然要等耐啲～經常咁多人排，係咪真係咁好食？真心係覺得唔錯，好食有質素嘅！🤍黑蒜鮑魚意粉 $128配搭上非常創新，至少人生第一次食，味蕾有衝擊，原粒黑蒜放入意粉炒，好欣賞用黑蒜做食材，有甘香味，味道新穎😋🤍車厘茄馬蘇里拉芝士薄餅 $98最經典肯定是Margherita，餡料只用上了番茄醬、芝士及羅勒，餅底富麵粉香，不失韌性，番茄醬富鮮味又不過酸，芝士拉絲勁吸引😍🤍芝士薯條 +$28芝士醬好正，芝士控必食，一條接一條食唔停口～🤍72% chocolate Mousse +$28自家製蛋糕，用上72% 朱古力，外面香濃好creamy, 入面是硬身朱古力同nuts, 比較細件，唔係太夠食😋🤍凍特濃朱古力 $42上面灑滿朱古力粉，朱古力香濃，幼滑帶回甘，有乳脂的奶香，甜而不膩，也不會甜得涸喉，好飲😊🤍藍柑檸檬梳打 $40見到佢就隻天藍色已經覺得好特別，藍色既正正係同隻藍柑橘，

難得經過見唔算多人排隊即刻試吓呢間💛人氣𝓒𝓪𝓯𝓮 𝓑𝓮𝓪𝓷𝓼💛（不過都排咗差唔多半個鐘🫣）要食呢間𝓒𝓪𝓯𝓮 真係要預留返啲時間排隊啦🫠安格斯牛肉漢堡（8oz）🍔 $168（配焦糖洋蔥 車打芝士 太陽蛋 薯條）上枱賣相好吸引 隻太陽蛋好似就跌落嚟咁🤣安格斯牛肉漢堡有肉汁夠juicy 但肉味唔算特出漠堡包用牛油烤過好香 薯條都好香脆豪華英式全日早餐 🧇🥓🍳 🍄 $128（窩夫 煙三文魚 煙肉 豬肉腸 蕃茄 茄汁豆 什菌黑松露炒蛋） 窩夫係bagels 形狀 帶少少蜂蜜味 甜甜地好軟熟而黑松露炒蛋 炒得好香滑 其他就不過不失 整體份量好豐富 一個人其實未必食得哂😁ℍ𝕒𝕫𝕖𝕝𝕟𝕦𝕥 𝕃𝕒𝕥𝕥𝕖 ☕️ $40香醇濃郁嘅棒子味道 味道較甜咖啡味唔濃 夠香滑 💛 荳子 ʙᴇᴀɴs @beans_cafe_hk 📍 屯門屯順街1號屯門市廣場一期UG層UG42號舖📍 大埔超級城D區地下670A-671A號舖📍 將軍澳PopCorn商場1樓F95號舖📍 新城市中央廣場(Home Square)5樓503號舖📍 馬鞍山廣場 3/F Shop 337📍 將軍澳重華路8號東港城1樓105號舖📍 九龍灣偉業街33

原本約了朋友去長洲，因為打風的關係，所以改了去朋友屋企打麻雀，開枱前先醫下個肚仔，於是就揀了荳子，排了45分鐘才有位，地方都算寬躺，舒適，我們點了1) 小食拼盤 - 蜜糖雞翼比較甜。水牛城雞翼，少少辣，醬汁濃郁，唔錯👍🏻。薯條，唔熱，冇乜味，要靠醬汁，一般2) 豪華英式早餐 - 窩夫唔錯👍🏻，黑松露炒蛋，聞到好香黑松露味，但食就唔覺3) Pizza巴馬火腿 - Pizza 鬆軟，邊皮較脆👍🏻，芝士味不算太濃，一搬4) 羽衣甘藍沙律 - 不過不失5) 熱玫瑰伯爵茶 - 有驚喜，聞到好香玫瑰花味，飲落就有淡淡的，不算太濃，所以仍有伯爵茶的味道，唔錯👍🏻6) 凍美式咖啡 - 咖啡味都算濃，不知點解，我覺得似雀巢咖啡，但我朋友話不似😅，佢話ok 7) 我想和你無所事事 - 即係鳳梨梳打椰果，朋友話ok 😅

平日每次經過都有人龍，感覺應該幾好食。今日特登早一點去等位食晚飯。排咗大概30分鐘便可以入座。餐廳內比較嘈，座位不太舒適我店內都見有卡位，應該會比較舒服。Beans小食拼盤：單骨雞翼好味凱撒沙律配煙三文魚：蔬菜都新鮮，不錯千島醬蟹棒蟹子帆立貝薄餅：成個薄餅得4粒細細粒嘅帆立貝蟹棒係少量的蟹棒「碎」重點係～餸同個薄餅底係完全分離（唔明點解可以做到）因為想切開片薄餅食，一落刀就發現薄餅底同d餸係完全分開的芝士焗牛仔柳：唔掂味道完全唔夾…配上硬到爆炸嘅薯條，根本無哂進食意欲飲品：鮮奶拿鐵、榛子莫加、泡沫鮮奶綠茶，不過不失，不過真係太細杯總的來說，貴之餘食物無驚喜。唔會再去排隊等…

話說之前喺屯門行街，好幾次經過呢間Cafe都見門口大排長龍，無論係幾點都依然有人等緊位！ 出於好奇，所以就同男友搵咗日閒日過去食個Brunch、試下味道~雖然係閒日，不過咁啱撞正Lunch Time，所以去到都依然要等位~ Cafe係商場鋪，位於屯門市廣場，環境寬敞，裝修有格調，坐得舒服！ 🧡椰香小牛肉意大利飯（$98）意大利飯軟硬適中，食落好creamy，調味剛好，帶有淡淡嘅椰香味，個人好鐘意！ 🧡The Backyard Breakfast（$138）All Day Breakfast有幾款，我最鐘意呢款個配搭，有鹹有甜，除咗有基本嘅腸仔煙肉，仲有生果同蛋糕，擺盤超靚，超豐富，食完好開心同滿足~ 🧡羽衣甘藍藜麥沙律（跟餐+$28）沙律跟餐價錢唔算貴，份量都多，新鮮又開胃！ 🧡美式咖啡（跟餐$Free）美式咖啡加奶，容易入口又醒神！

我哋又嚟Beans吃靚早餐啦！今次8:15才到好彩都有位唔洗排隊入場平時見到排長龍都會調頭走嘅！心諗返工已經累c啦！無理由為咗吃都要咁辛苦企咁耐等嘅！否則人生都唔知為乜啦！香港咁多美食餐廳飯店，呢間食唔到咪幫襯另一間囉！最緊要吃得開心又舒服吃完有滿滿嘅感覺！所以點解我又返嚟吃Beans早晨嘅其中一個原因今次老公選擇吃牛扒早餐牛扒雖然薄但老公話好味道入口連條牛根都吃埋我仍然對班尼蛋情有獨鍾所以再encore 咁嘅環境加埋咁嘅價錢仲包埋杯飲品☕️🍵完勝👏👏👏

朋友去排隊攞位！朝早十點開始排，大約二十分鐘就可以入座，用餐時間一個半小時，食早餐傾一陣計一定夠時間！入座後就揀食乜，我揀咗炸魚，朋友揀咗牛扒！我自己幾鍾意個炸魚，唔會好乾身，配菜入面啲菇幾入味唔錯整體來說都幾好，如果份餐熱多小小就更好！至於朋友份牛扒，佢話都可以嘅！味道唔太特別喎！我點了杯特濃朱古力，但唔太覺得好濃叫做可以啦！整體而言，未試過的話，可以去試吓！記得要有心理準備～無論咩時段都要排隊架下次我會去試埋午餐同晚餐

前牌屯門新開左一段時間都非常多人排隊，系平日見到冇乜人排隊嘅時候就選擇左入去食平時就識開大埔分店今次可以試吓屯門有咩唔同，感覺上比大埔還要好，個外表都整得有心思嘅意粉，味道唔錯，唔會太過淡味朱古力慕絲蛋糕食落去都有濃郁嘅朱古力味，不過就有啲甜綠茶紅豆，好香濃嘅綠茶味🍵💕熱朱古力🍫幾好飲，面頭有啲忌廉

成日行過都見到人排隊，母親節终於有機會試到啦，原來真係唔錯，難怪咁多人排隊啦好中意枱面的花紋，唔同顏色感覺令人開心，無咁悶洋蔥圈：好脆，唔油，炸到好靚，可以勁食牛脷：夠淋夠入味，無乜筋，下面係薯蓉，仲有西蘭花同蘆筍伴碟，均衡飲食👍Pizza: 熱辣辣，一定要襯熱食，好味，4個人share 剛剛好蠔意粉：配搭好特別，食落好清新，意粉有咬口軟殼蟹意大利飯：好味喎😋芝士薯條：好脆，配埋芝士甜品都好食嘅，唔知咩事，催左好多次先上，唔通太多人叫，做唔切

我同朋友去食諗住試吓，之前整個荃灣分店好好味呀冇諗過屯門依家差成咁樣，所有嘢都係甜到不可以形容、我哋叫咗杯3D咖啡點知等咗好耐原來係個咖啡機壞咗喺度維修但係冇同我哋講！手撕漢堡包冇諗過係甜嘅！啲人排晒隊唔係因為真係咁多人而係因為裏面啲人手腳好慢！個個好似夢！總之唔會再嚟！好失望冇諗過啲薯條又硬！咖啡都係超級甜！所有嘢都係用同糖冇其他調味料！總之試過一次🙈🙈🙈🙈🙈我哋話可唔可以少甜佢話冇得改！