茶語

營業中

休息中

今日我同朋友黎左大埔試下依間專食台灣嘢嘅茶語😛1.鹽焗雞絲米線米線湯底唔算好濃，不過雞絲夠鹽味搭夠，加埋個香辣醬就叫做不過不失啦2.酥炸豬扒米線豬扒外皮好易林，不過食落唔會好肥膩，都可以一試架3.黑糖仙草奶凍我就嗌咗正常甜度，一開頭飲落覺得有少少過甜,但啲冰融左就啱啱好👍🏻 奶茶口感幾濃厚！有驚喜4.珍珠奶綠都係唔會中伏嘅選擇～可以媲美到出面台式飲品店嘅珍珠奶綠！5.香香鹽酥雞鹽酥雞應該係最驚喜嘅一樣 本身買外賣返屋企食 都驚佢個外皮會淋，但出乎意料地食落仲係好脆口同埋唔會好鹹，推介！

叫得做「chat point」 o既台式小店，應該會係個食個飯、吹個水o既好地方了吧！從商場走廊都見到佢牆身畫上o既graffiti，帶出到珍珠奶茶o既主題，punky 之中又不失可愛~迷你肥牛飯(下午茶餐，$43 無加一) 雖然話係迷你，但係餸都有唔少，鋪到滿一滿。d 肥牛一睇就知用滷水醃過好耐，染成深沉o既顏色，果真入味！跟飯附上一兜幾惹味，類似蒜蓉豉油o既醬汁，撈飯一流~ 呢d 飯麵餐可配一款4 選1 o既佐餐小食，我揀o左滷水蛋，自然同個飯特別夾。朋友則叫o左碗迷你炸雞翼米粉($43)，有2 隻雞翼，睇落都幾大隻飽滿。我用d 肥牛同佢換隻雞翼o黎試下，層皮食落幾酥脆，有少少似鹽酥雞o既製法。佢o既跟餐小食揀o左雲耳，食落爽口，同埋加入多多蒜碎，令人口水直流……再叫多客蛋餅share 食，呢d 台式蛋餅($34) 有3 款口味，一於叫個雙拼(加$5) 試多d 款。我地叫芝士拼肉鬆，以小煎pan 咁上，賣相唔錯。o係個蛋度加上o左麵粉，口感煙韌亦富飽肚感。將d 材料卷成一卷讓人一啖放入口，好好食，芝士半溶奶滑，連埋肉鬆又夠晒台灣風味，無得彈！頭先兩個茶餐已包包括珍珠奶茶、巨峰提子汁

又嚟咗大埔搵食，昌運地下一排有唔少小食店，今次就試咗呢間台式野。鋪面望落唔係好大，但座位幾多，裝修都係年青嘅風格。但因為方便嘅關係都係叫咗外賣。餐牌選擇幾多，有唔同嘅餐揀，一般諗得出嘅台式小食同飯，麵都有，一個餐五十零蚊包嘢飲，價錢同一般台式小店差唔多。今次就食咗個台式蛋餅（$40）加左芝士肉鬆。裝滿左滿滿嘅一盒，蛋餅皮軟身但唔太厚。不過配料幾多，芝士咬出黎係拉絲嘅，亦都啖啖有肉鬆。但係蛋味就唔係好濃。另外仲叫咗個蜜糖花枝丸（$37）蜜糖係另上嘅。花枝丸彈牙，外皮有少少脆，熱辣辣上，聞落好香，同埋一粒都幾大下。沾少少蜜糖食幾好味！小食來講算係做得比較好。今次個胃有限，見佢小食都OK，如果有機會會試吓其他。

去唔到旅行，又想食到台灣菜，就唯有喺附近搵間台式餐廳食下本地嘅台灣菜呢家餐廳之前都有食過，食物嘅份量同味道都唔錯，不過外賣就第一次，睇下係咪同堂食一樣咁好味晚餐嚟講唔算貴，仲包一杯台式飲品除咗主菜仲有其他台式小食同飲品可以揀鹽焗雞絲米線店舖非常細心，米線同湯係分隔開，唔會浸到啲麵變曬糊狀，保留到爽滑口感雞絲冇太多調味，食落唔太鹹佢另外配咗個辣辣地嘅醬汁，配搭口味清淡嘅雞絲米線非常一流酥炸豬扒肉燥飯豬扒大大件，份量十足，雖然係外賣，但仲食到豬扒嘅酥脆肉臊味香濃，配搭白飯令人非常開胃珍珠奶茶/凍檸檬紅茶平時飲杯珍珠奶茶，最平都十幾廿蚊，而家跟餐就有得飲，感覺好抵雖然係跟餐嘅免費飲品，但質素唔錯

因為肺炎呢年幾都很少出街食飯， 通常都買外賣居多， 呢日收工去屋企附近間台式餐廳買外賣。 餐廳開咗幾年，之前都有堂食幫襯過， 餐廳價錢都幾抵大概五至六十蚊有飯有嘢飲。酥炸豬扒肉燥飯豬扒炸得幾脆 ，唔會太乾有肉汁， 肉燥味道做得香濃最啱送飯， 仲有隻鹵水蛋同菜 ，份量都唔少，夠飽。五香牛展米粉牛展做得夠淋身夠入味 ，五香味濃， 湯係分開上 唔會拎到返屋企然後啲米粉冧曬， 佢哋用呢隻米粉幾爽口。餐飲 珍珠奶茶和巨峰提子汁奶味同茶味適中，同出面街買20零30蚊杯差不多。提子汁嘅味道正常，唔會過甜。

太耐冇去旅行，好掛住台灣嘅嘢食。台灣嘅肉燥飯、鹽酥雞同埋蛋餅，都係我嘅至愛，再加埋杯珍珠奶茶，簡直一流。呢間係我平時去開食嘅台灣店，佢哋嘅肉燥飯瘦肉偏多，啱我最唔鍾意食肥肉嘅人。門面細細，但係佢都有三個出入口，去到商場下面一啲都唔難搵，舖頭入面都唔係好多位，大概坐到十幾張枱。 Menu大概分為主食同小食，煮食就係雞翼豬扒配肉操飯或米線，小食類就係食蛋餅或者炸燒賣。叫咗一個雞翼肉燥飯同豬扒肉燥飯，飯係用珍珠米，配有半隻滷水蛋同肉燥，上枱時熱辣辣，雞翼同豬扒炸到外脆內軟，豬扒好淋好易入口同咬開，雞翼好大隻。另外整咗個青瓜配木耳，青瓜同木耳都好爽口，配埋秘製醬汁好開胃。最後加多杯珍珠奶茶，珍珠份量好多，好彈牙，奶茶少甜。

今次又來到大埔覓食，大埔中心開咗幾間台式餐廳，個人都幾鍾意食台式食物，例如滷肉飯、鹽酥雞等等，所以我哋今次叫咗兩個飯加兩個小食外賣返屋企慢慢嘆。間餐廳喺昌運商場隔離，喺正門口，好容易見。主食類大概有20款，我哋五點幾到，所以都係叫返午餐食，佢哋有白飯、滷肉飯、同埋米線，我呢啲米飯控梗係要食返飯啦。要咗個酥炸雞翼同豬扒滷肉飯，佢哋啲雞翼同豬扒都好大隻，外邊炸得好脆，份量來講真係唔少，佢哋啲雞翼同豬扒都醃咗先炸所以好入味。另外在叫咗份小食，因為我哋叫午餐，另外再追加小食大概都係$20左右一款，所以我哋叫咗粉炸燒賣，燒賣外脆內軟，簡直食唔停口。飲品叫咗珍珠奶茶同檸檬茶，呢兩樣嘢飲都唔使再額外加錢。

大埔有兩間幾好食嘅台灣小店茶語同茶點 分別係昌運同海寶花園餐牌好多選擇 🤓午餐時間黎 大概$60左右已經有飯麵 配一杯飲品今次我地食肉鬆芝士蛋餅🍴鹽酥雞 🍴同🍴黑糖珍珠奶茶🧋🧋🙌🏻🙌🏻🍴肉鬆芝士蛋餅🍴有少許醬油膏 蛋餅皮走軟身路線 配鹹鹹甜甜肉鬆 🍖好好食🤣鹽酥雞 🧄🍗好新鮮熱辣辣 即點即炸 外皮好脆 而且唔會過厚 雞肉滑嫩🥰黑糖珍珠奶茶🧋🧋相對普通d 而且好甜茶語Chat Point大埔安慈路4號昌運中心地下77號舖

今日又入大埔搵嘢食~呢間茶語個名夠哂盞鬼，原來係食台灣嘢，唔怪得門面行日式感嘅小清新風。睇咗一輪餐單後，我嗌咗酥炸豬扒肉燥飯配香芋珍珠，而朋友嗌鹽焗雞絲飯配蜂蜜蘆薈，另外我哋仲嗌咗小食蜜糖花枝丸。嘢飲先送上嚟，紫色嘅一杯香芋珍珠好靚。飲落口，超級順滑，係好香濃嘅芋頭味，珍珠大小煙韌度都剛剛好。炸豬扒肉燥飯大大個碗送上嚟，原來份量都幾多下。啲豬扒炸到酥脆金黃，切好哂一塊勁厚實，加埋肉燥醬，入口惹味無窮。而朋友都話自己碗雞絲好滑。花枝丸一碟有5個，夾一個點一點隔離嘅蜜糖，好甜好滋味~花枝丸勁大粒勁彈牙，實在令人想念起台灣~嗚嗚~無得去都有得食嘛~

茶語鹽焗雞絲飯 + 酥炸豬扒肉燥飯雖然講話係鹽焗，surprised geh係原來都唔係太鹹，同埋雞肉嘅肉質都係soft geh, 所以唔會好un 有足夠水份。而且係有酸酸辣辣嘅sauce可以點嚟食，所以雞肉就好食。但係白飯就幾多，所以如果唔係叫少飯，可能真係要加埋肉燥，咁樣先唔會太dry. （女士都應該一定要少飯）豬扒比雞絲更好食😋 貴$9係明解嘅。酥炸得好，實在在於佢有粉但粉唔厚，而且豬扒夾雜一定嘅脂肪比例，可以做到入口鬆軟😍蜜糖花枝丸呢個係幾有趣嘅組合😂 $32五粒抵唔抵就見仁見智，但係有趣在於佢真係好似BBQ咁嘅質地，再加上有現成嘅蜜糖比你點嚟食，夠哂fun. 花枝丸外脆，但係裏面都夠軟夠冧👍🏻 有溫度的炸物蜂蜜蘆薈味道啱啱好，即使唔需要少甜，都啱香港青年人口味😂 裏面啲蘆薈超級多，係可以當珍珠咁食😍 名副其實嘅蜂蜜蘆薈飲😍👍🏻香芋珍珠朋友叫嘅，所以無偷飲到😂 can’t comment

平時嘅工作成日都要去大埔黑盒，但都係第一次來試呢間喺附近嘅台灣嘢！今日來到11:00am，店面唔算好多人，但食食下就開始多人啦。枱面附有口水汁，其實都偏辣古早味肉燥飯（$50）好大碗飯好大碗肉燥，可以肯定一個女孩子一定會食得好飽。肉燥肥瘦均勻，而且肉塊有大有細有口感，味道對比係台灣嘅肉燥，偏咸少少但一樣濃厚。配上滷蛋，酸菜同白菜，中和返少少濃厚口感。好啱大啖大啖咗食。蜜糖花枝丸（$32）一共五粒，熱辣辣啱啱整起，炸皮薄，而且花枝丸本身彈牙有咬口，大大粒好惹味。餐廳另外附上一碟蜜糖，自行選擇沾取分量～珍珠奶綠（跟餐送）嗯杯嘢最有驚喜。講真好多時跟餐送嘅野飲都唔算出色，但呢杯真係好媲美天x茗茶，奶白茶正，綠茶味更重。本身唔鍾意飲太甜所以叫咗微甜呢杯甜度剛剛好。珍珠彈牙有甜味，中和得好好。

最近好掛住台灣野食，經過呢間好似都不錯，選擇又多，所以叫左外賣自取食下。叫左個酥炸豬排肉燥飯同埋酥炸雞翼肉燥飯。豬排炸得香脆，而且唔會好厚粉，雞翼本身應該有調味，單食都已經好夠味！ 肉燥都比得幾多，起碼佔左一半，入面仲有少少酸菜，有滷蛋。另外，叫飯佢仲附上個醬汁，幾有蒜味，淋落飯同沾住食都好好食。野飲方面叫左乳酸綠茶同埋珍珠奶綠。珍珠幾彈牙，奶綠都好飲，唔會太甜。小食就叫左蜜糖花枝丸，蜜蜂分上，花枝丸好彈牙，不過不失的。而且外賣佢個包裝都做得好好，唔會東歪西倒咁，唔怕拎到番屋企會倒瀉。性價比黎講都幾高，下次都會黎食！ 見餐廳仲有甜品，都好似幾吸引，就留番下次啦！

放工嚟買個午餐返去同媽咪食～好多台灣特色飯可以揀！樣樣都好吸引，真係選擇困難症發作😹如果係外賣，每個飯盒同每一杯嘢飲都要加一蚊for外賣🥡~A4 特級肥牛飯牛肉份量真心幾多下!!🤣而且又入味，飯嘅份量都好多，我一個女仔食唔晒hahaA2 酥炸豬扒飯呢個都好好食啊！🤤豬扒都好大塊，啖啖肉，滷蛋都一樣好入味最抵讚係呢個珍珠奶茶🥳跟餐叫嘅話唔使加錢！奶茶味好香，啲珍珠都好煙韌仲要好甜！如果可以再多啲珍珠就好喇最後嚟張全家福🥳

今日同老婆食完中午之後，突然間好掛住台式小食。平時經過都見到呢一間台式小食幾受歡迎😊今日就嚟試一試啦。下午茶都幾抵食，我哋再加多兩個小食帶返屋企，香香鹽酥雞同椒鹽花枝丸😌 非常之滿意兩個小食，返到屋企仲好香脆，尤其花枝丸，非常之彈牙 店內職員口有禮貌幫我哋落單。仲會記得我哋額外要求例如少甜少冰。呢樣非常重要，好多餐廳都會忽略呢個小小嘅細節。佢個炸豬扒飯非常之大份，豬扒非常鬆軟，而且外皮香脆👍🏻 佢個肉燥飯非常有台灣風味，雖然而家唔可以俾佢台灣，但係都比我一個台灣嘅感覺。整體抵食，飲品選擇檔。 可以再次encore🤞🏻

晏晝食得唔夠飽一於去食返個輕盈嘅下午茶先，入到去見到好多人啦，於是我哋決定外賣返屋企食❤️入到去已經見聞到好香嘅椒鹽味🙆🏻‍♀️超級掛住台灣嘅嘢食😛老闆娘仲好有禮貌咁幫我落單👍🏼 我哋要咗酥炸花枝丸，返到屋企仲趣卜卜，熱辣辣，佢仲另外附上左蜜糖可以林上去。老公知我心意，想飲杯清爽嘅飲品 ，於是佢叫咗蜂蜜綠茶🍵 超級多嘅蜜糖味呀，超級滋潤，完全唔慳。 老公就飲珍珠奶茶🧋，好耐冇飲過啦！ 珍珠夠煙銀份量夠多❤️ 香香鹽酥雞亦都好滋味，味道啱啱好，炸粉夠薄，啖啖肉好Juicy ! 下午茶真係好抵$50就有杯台式飲品加個飯！